سکھر: صوبہ سندھ میں روہڑی ریلوے اسٹیشن کے قریب شالیمار ایکسپریس کی ایک بوگی پٹری سے اتر گئی، حکام کا کہنا ہے کہ امدادی کارروائیاں شروع کردی گئی ہیں۔
تفصیلات کے مطابق روہڑی ریلوے اسٹیشن کے قریب شالیمار ایکسپریس کی ایک بوگی پٹری سے اتر گئی۔
ریلوے انتظامیہ کا کہنا ہے کہ روہڑی اسٹیشن پر پہنچنے سے قبل آؤٹر سگنل کے قریب بوگی نمبر 5 پٹری سے اتر گئی۔
ریلوے حکام کے مطابق بوگی اترنے کی وجہ سے اپ ٹریک بلاک ہوگیا، امدادی کارروائیاں شروع کردی گئی ہیں، مین ٹریک کو جلد بحال کردیا جائے گا۔
بنگالورو: بھارت میں پیٹرول ڈلوانے کے دروان آگ بھڑک اٹھی جس کے نتیجے میں 18 سالہ اسکوٹر سوار لڑکی ہلاک ہوگئی۔
بھارتی میڈیا کے مطابق یہ واقعہ بھارتی کی ریاست کرناٹک کے تماکورو کے ضلع میں پیش آیا ہے، جہاں ایک پیٹرول پمپ پر 18 سالہ لڑکی اس وقت ہلاک ہوگئی جب وہ اپنی اسکوٹی میں پیٹرول بھروارہی تھی جس کی سی سی ٹی وی فوٹیج سامنے آگئی۔
سی سی ٹی وی فوٹیج میں دیکھا جاسکتا ہے کہ بھاویہ نامی نوجوان لڑکی موٹر سائیکل پر بیٹھی ہوئی تھی اور اس کی والدہ پاس کھڑی تھی، اس دوران لڑکی اپنے فون کو استعمال کررہی تھی کہ آگ بھڑک اٹھی۔
Fire breaks in petrol pump in Tumakuru district when the employee was filling a can.
Bhavya (18) die due to burn injuries and Rathnamma (46) sustain serious injuries.@IndianExpress pic.twitter.com/L2nHiGrLR8— Kiran Parashar (@KiranParashar21) May 20, 2023
بھارتی میڈیا کے مطابق ابتدائی طور پر یہ کہا جارہا ہے کہ آگ موبائل فون کی وجہ سے لگی ہے، اس حادثے میں بھاویہ ہلاک ہوگئی جبکہ اس کی ماں شدید زخمی ہے۔
کراچی: سرسید کے علاقے انڈہ موڑ پر نالے پر قائم ہوٹل کی چھت ٹوٹنے سے شہری گٹر میں گرگئے۔
تفصیلات کے مطابق کراچی کے علاقے نارتھ کراچی میں واقع سرسید کے علاقے انڈہ موڑ پر موجود ہوٹل نالے کے اوپر بنی تھی، گٹر کی چھت ٹوٹ جانے سے ہوٹل پر موجود شہری کرسی سمیت نالے میں گر گئے۔
پولیس کا اس حوالے سے کہنا ہے کہ نالے میں گر جانے سے متعدد نوجوان معمولی زخمی ہوئے ہیں جبکہ سوشل میڈیا پر موجود ویڈیو میں دیکھا جاسکتا ہے کہ شہری اپنی مدد آپ نالے میں گرنے والے شہریوں کو نکال رہے ہیں۔
اہلکار کا کہنا ہے کہ اس واقعے کے بعد ڈیوٹی افسر کی جانب سے جائے وقوعہ کا دورہ کیا گیا، ابتدائی تفتیش کے مطابق گیس پریشر کی وجہ سے واقعہ پیش آیا ہے۔
کہتے ہیں زندگی کا کوئی بھروسہ نہیں اور موت کبھی بھی آسکتی ہے، اگر آپ کہیں ہوتے ہوئے اپنی پوری احتیاط کر رہے ہیں تب بھی کسی اور کی غلطی سے آپ کو ناقابل تلافی نقصان ہوسکتا ہے یا موت آپ تک پہنچ سکتی ہے۔
ایسا ہی ایک واقعہ 2 خواتین کے ساتھ پیش آیا جو سڑک کنارے ایک دکان کے سامنے موجود تھیں۔
سی سی ٹی وی کیمرے کی فوٹیج میں دیکھا جاسکتا ہے کہ ایک خاتون دکان سے سامان لے کر نکلی ہیں اور قریب ہی موجود گاڑی کی طرف جارہی ہیں۔
گاڑی میں سے خاتون ڈرائیور کھڑکی سے اپنا ہاتھ باہر نکال کر سامان لینا چاہ رہی ہیں۔
اسی وقت اچانک ایک ٹائر نہایت تیزی سے لڑھکتا ہوا ان کی طرف آتا ہے، گاڑی سے باہر موجود خاتون لاشعوری طور پر ایک قدم پیچھے ہٹتی ہیں اور ٹائر تیزی سے ان کے اور گاڑی کے درمیان سے نکلتا ہے۔
لیکن نکلتے ہوئے وہ گاڑی میں موجود خاتون کے ہاتھ سے بری طرح ٹکراتا ہے جس سے یقیناً خاتون کو بہت چوٹ آئی۔
— Never tell me the odds ! (@nevertellmeodd) March 11, 2023
آگے جا کر ٹائر کسی چیز سے ٹکراتا ہے اور دکان کا زنگ آلود شٹر بھی نیچے گرتا دکھائی دیتا ہے تاہم دونوں خواتین اس سے دور ہیں۔
سوشل میڈیا صارفین نے اس ویڈیو پر نہایت حیرت کا اظہار کیا، انہوں نے گاڑی سے باہر موجود خاتون کو خوش قسمت قرار دیا جو کسی ناگہانی حادثے کا شکار ہونے سے بچ گئیں، اور اندر موجود خاتون سے ہمدردی کا اظہار کیا۔
انتہائی تیز رفتار کار ڈرائیور سے بے قابو ہوکر ٹول پلازہ کے آہنی جنگلے سے ٹکرا گئی، ٹریفک حادثے کا منظرڈراؤنی فلموں کی طرح خوفناک تھا۔
تفصیلات کے مطابق چلی میں ایک خوفناک ٹریفک حادثے کی ویڈیو سامنے آئی ہے جس میں ایک انتہائی تیز رفتار کار کو ایک ٹول پلازہ کے حفاظتی جنگلے سے ٹکرا کر ہوا میں بکھرتے دیکھا جاسکتا ہے۔ یہ خوفناک حادثہ دارالحکومت سینتیاگو سے963 کلو میٹر دور پورنکی کے مقام پر پیش آیا۔
اس خوفناک حادثے کے بعد کار میں آگ بھڑک اٹھی اور اس کے مختلف حصے اڑ کر دور جاگرے، مقامی ٹریفک حکام کے مطابق حادثے کا شکار ہونے والی کار 220 کلومیٹر فی گھنٹہ کی رفتار سے چل رہی تھی جو ڈرائیور سے بے قابو ہو کرٹول پلازہ کی حفاظتی جنگلے سے ٹکرا کر ہوا میں ٹکڑے ٹکرے ہوگئی۔
غیرملکی خبر رساں ادارے کی رپورٹ کے مطابق جنونی ڈرائیونگ کرنے والے نوجوان کی عمر 21 سال تھی جو موقع پر ہی دم توڑ گیا۔ ویڈیو میں دیکھا جا سکتا ہے کہ کار دیوار سے ٹکراتے ہی کئی ٹکڑوں میں ہوا میں بکھر گئی اور اس کے ساتھ ہی آگ کے شعلے بلند ہوئے۔
دنیا بھر میں اکثر ٹریفک حادثات تیز رفتار گاڑیوں کی وجہ سے ہوتے ہیں اور تیز رفتاری کے خطرات جاننے کے باوجود ڈرائیورز تیز گاڑی چلانا پسند کرتے ہیں۔
ماہرین کے مطابق ایک تیز رفتار اور ایک کم رفتار گاڑی کو کوئی حادثہ ہو تو دونوں کے الگ اثرات مرتب ہوں گے، اس بات کا ثبوت ایک ویڈیو سے بھی ملتا ہے جو سوشل میڈیا پر وائرل ہورہی ہے۔
ایک بھارتی شخص نے سماجی رابطے کی ویب سائٹ ٹویٹر پر ایک ویڈیو شیئر کی ہے جس میں دکھایا گیا ہے کہ مختلف رفتار پر کوئی گاڑی اگر کسی چیز جیسے کسی پلر سے ٹکراتی ہے تو اس پر کیا اثرات ہوتے ہیں۔
ویڈیو کی شروعات میں گاڑی کو 30 میل فی گھنٹہ کی رفتار سے آتے ہوئے دکھایا گیا ہے اور اس کے پلر سے ٹکرانے پر گاڑی کے اگلے حصے کو نقصان پہنچتا ہے۔
اس کے بعد گاڑی کی رفتار اور تصادم کے بعد پہنچنے والے نقصان میں اضافہ ہوتا جاتا ہے۔
Speed Kills. See the Impact. pic.twitter.com/rAE0NiyWKQ
— Awanish Sharan (@AwanishSharan) February 23, 2023
دراصل ویڈیو کا مقصد آگاہی پھیلانا ہے کہ کم رفتار پر گاڑی چلائی جائے تو کسی حادثے کی صورت میں اندر موجود افراد کی جانیں بچ سکتی ہیں، لیکن گاڑی کی رفتار جتنی زیادہ ہوگی اندر بیٹھے افراد کو بھی اتنا ہی خطرہ ہے۔
تیز رفتار گاڑی کو ہونے والا معمولی سا حادثہ بھی کئی افراد کے لیے جان لیوا ثابت ہوسکتا ہے کیونکہ اس صورت میں گاڑی تصادم میں بالکل تباہ ہوجاتی ہے۔
ویڈیو پر سوشل میڈیا صارفین نے مختلف تبصرے کیے، ایک شخص نے کہا کہ گاڑی کی صحیح رفتار وہی ہے جس میں آپ گاڑی کو کنٹرول کر سکیں۔
گجرات: بھارتی ریاست گجرات کے شہر سورت میں ایک تیز رفتار گاڑی ڈھابے کی دیوار توڑتے ہوئے وہاں بیٹھے لوگوں پر چڑھ دوڑی، اس واقعے کی دل دہلا دینے والی ویڈیو سامنے آئی ہے۔
تفصیلات کے مطابق سورت میں سڑک کے کنارے بنے ڈھابہ ہوٹل میں ایک تیز رفتار ٹیمپو گھس گئی، اور وہاں بیٹھے لوگوں کو کچل دیا، حادثے میں 3 افراد شدید زخمی ہو گئے۔
ڈھابے پر باپانو بگیچو (باپ کا باغ) کا بورڈ لگا ہوا تھا، جو سرولی کے علاقے میں واقع ہے، سی سی ٹی وی کیمرے میں ڈھابے میں اچانک گھسنے والی گاڑی کا دل دہلا دینے والا منظر محفوظ ہو گیا۔
تیز رفتار گاڑی نے ڈھابے کی دیوار توڑ دی تھی، اور رکھا فرنیچر بھی تہس نہس ہو گیا تھا، وہاں چند لوگ کرسیوں پر بیٹھے ہوئے تھے، ان پر بھی گاڑی چڑھ دوڑی۔
اطلاعات کے مطابق ڈرائیور نے پک اپ گاڑی کا کنٹرول کھو دیا تھا، واقعے کے وقت ڈھابے کے اندر 8 سے 10 گاہک موجود تھے۔ حادثے کے بعد ڈرائیور موقع سے فرار ہو گیا۔
સરોલીમાં વિચિત્ર અકસ્માત સર્જાયો છે. સરોલીમાં આવેલ બાપા ના બગીચા નામના ઢાભામાં બુલેરો પિકઅપ વાન ઘુસી જતા 3 લોકો કચડાયા@CP_SuratCity @TrPoliceSurat #ACCIDENT #suratcity #Surat pic.twitter.com/dumHqOW9OW
— journalist Sharif Shaikh (@PatrkarShaikh) December 19, 2022
نئی دہلی: بھارت میں پل گرنے کے حادثے میں 135 افراد کی ہلاکت کے بعد، ایک ایسا خوش نصیب خاندان بھی سامنے آیا ہے جو پل گرنے سے صرف 10 منٹ پہلے پل سے اتر گیا تھا۔
بھارتی میڈیا کے مطابق ریاست گجرات میں 140 سالہ پرانا پل گرنے کے واقعے میں 9 سالہ بچے کے رونے نے پورے خاندان کی جان بچالی۔
30 اکتوبر کو بھارتی شہر موربی میں دریائے مچھو پر بنا 140 سال پرانا پل گر گیا تھا جس کے نتیجے میں 135 افراد جاں بحق اور متعدد زخمی ہوئے۔
پل گرنے کے واقعے میں بچ جانے والا ایک خوش قسمت خاندان بھی سامنے آیا ہے جو بچے کے رونے کی وجہ سے حادثے کا شکار ہونے سے بچ گیا۔
بھارتی میڈیا رپورٹس کے مطابق گجرات کے رہائشی ساگر مہتا نامی رہائشی نے بتایا کہ وہ اہلیہ، 2 بچوں اور رشتے داروں کے ہمراہ سیر و تفریح کے لیے موربی پل گئے تھے۔
ان کا کہنا تھا کہ پل کے ہلنے پر 9 سالہ بیٹا خوفزدہ ہو گیا تھا اور اس نے رونا شروع کردیا جس پر پورا خاندان پل سے اتر آیا۔
ان کا کہنا تھا کہ پل سے اترنے کے 10 منٹ بعد ہی حادثہ پیش آیا جس سے ہمارے رونگٹے کھڑے ہوگئے۔
خیال رہے کہ 1880 میں دریا پر بنایا گیا پل سیر و تفریح کا مرکز تھا اور گزشتہ ہفتے ہی اسے مرمت کے بعد 26 اکتوبر کو عوام کے لیے کھولا گیا تھا۔
میڈیا رپورٹس کے مطابق پل پر 100 افراد کی گنجائش تھی تاہم جس وقت حادثہ پیش آیا اس وقت پل پر 400 افراد موجود تھے۔
پولیس نے مرمت کرنے والی کمپنی کے مینیجر سمیت 9 افراد کو گرفتار کرلیا ہے۔
بھارت میں بارش کے بعد خراب سڑکوں سے متعلق ایک ٹی وی رپورٹ کے دوران ہی سڑک پر حادثہ پیش آگیا اور ایک رکشہ الٹ گیا جو کیمرے میں ریکارڈ ہوگیا۔
مذکورہ ویڈیو جو اب وائرل ہوچکی ہے، بھارتی ریاست اتر پردیش کی ہے، ویڈیو دراصل ایک ٹی وی رپورٹ ہے جس میں ایک صحافی، ایک راہ گیر سے سڑکوں کی حالت کے بارے میں دریافت کر رہا ہے۔
راہ گیر اپنے پیچھے سڑک کے بارے میں بتا رہا ہے کہ اس کی خستہ حالی کی وجہ سے آئے روز یہاں حادثات ہوتے رہتے ہیں، حکام سے کئی بار اس کی مرمت کے لیے کہا جاچکا ہے لیکن تاحال اس سڑک کی حالت جوں کی توں ہے۔
رپورٹ کے دوران ہی پیچھے سے گزرتا ایک رکشہ اچانک دھماکے سے الٹ جاتا ہے جس پر راہ گیر پیچھے پلٹتے ہوئے کہتا ہے، یہ دیکھیئے۔
In UP’s Ballia, a reporter was talking to a commuter over poor quality of roads ridden with potholes. The commuter was explaining how accidents and E-rickshaws overturning is very frequent phenomenon. What happened at the end is something you should watch for yourself. pic.twitter.com/PapyCIdb0v
— Piyush Rai (@Benarasiyaa) September 14, 2022
ایک اور ویڈیو میں دیکھا جاسکتا ہے کہ آس پاس موجود لوگ فوری طور پر رکشے کی طرف بھاگتے ہیں اور اسے سیدھا کر کے اندر موجود لوگوں کو نکالنے کی کوشش کرتے ہیں۔
The onlookers immediately came to the rescue and took the injured to safety. pic.twitter.com/J8sg1TsNck
— Piyush Rai (@Benarasiyaa) September 14, 2022
لاہور: انٹر نیشنل ایئر پورٹ پر ایئر ٹریفک کنٹرولر کی بروقت کارروائی سے غیر ملکی طیارہ حادثے سے بال بال بچ گیا، ایئر ٹریفک کنٹرولر کی ہدایت پر طیارے کوگو راؤنڈ کرنے کے بعد بحفاظت اتار لیا گیا۔
تفصیلات کے مطابق صوبہ پنجاب کے دارالحکومت لاہور کے انٹرنیشنل ایئر پورٹ پر ٹریفک کنٹرول کی بروقت کارروائی سے طیارہ حادثے سے بال بال بچ گیا۔
ذرائع کے مطابق ایئر ٹریفک کنٹرولر کی بروقت نشان دہی اور کپتان کو رہنمائی فراہم کرنے ایک بڑا حادثہ ٹل گیا، بحرین سے لاہور پہنچنے والی گلف ایئر کی پرواز جی ایف 764 زیر تعمیر رن وے 18 Left پر اترنے کے لیے اپروچ پر تھا، تاہم رن وے 18 مرمتی کام کی وجہ سے بند تھا۔
اپروچ اور ٹاور پر تعینات ایئر ٹریفک کنٹرولر نے کپتان کو لینڈنگ کرنے سے فوری طور پر روکا، تاہم اس وقت طیارہ زمین سے 200 فٹ سے بھی کم بلندی پر تھا، اچانک ایئر ٹریفک کنٹرولر نے دیکھتے ہوئے فوری طور پر کپتان سے رابطہ کیا اور کپتان کو رہنمائی فراہم کی، گو راؤنڈ کی ہدایت پر کپتان طیارے کو واپس بلندی پر لے گیا۔
ایئر ٹریفک کنٹرولر کی ہدایت پر کپتان نے طیارے کو گو راؤنڈ کرنے کے بعد رن وے نمبر 18 Right پر بحفاظت اتار لیا۔
ذرائع کے مطابق یہ واقعہ 18 مارچ کو پیش آیا تھا، ایئر پورٹ منیجر نے واقعے کی تصدیق کرتے ہوئے اے آر وائی نیوز کو بتایا کہ واقعہ گزشتہ دنوں پیش آیا، ایئر ٹریفک کنٹرولر نے بروقت کارروائی کرتے ہوئے طیارے کو حادثے سے بچایا۔