یوں تو ہمت اور بہادری کے کئی مظاہرے آئے دن دیکھنے میں آتے ہیں تاہم کبھی کبھار بہادری کے ہمراہ حاضر دماغی بھی انتہائی اہم ہوتی ہے۔
حال ہی میں انٹرنیٹ پر جاری ہونے والی اس ویڈیو میں حاضر دماغی کی بہترین مثال دیکھی جاسکتی ہے جس میں ایک شخص نے اپنی جان جوکھم میں ڈال کر بچے کی جان بچالی۔
ویڈیو میں دیکھا جاسکتا ہے کہ کار کے دروازے میں بچے کا سر پھنس جاتا ہے تاہم اسی دوران شیشہ خراب ہو جاتا ہے۔
ویڈیو میں دیکھا جاسکتا ہے کہ بچے کا سر پھنس جانے کی وجہ سے کیسے بچہ زندگی اور موت کی کشمکش میں چلا گیا تاہم نوجوان نے کیا فوری اقدام اٹھایا۔
نوجوان شخص پہلے سر نکالنے کی کوشش کرتا ہے لیکن اسی دوران بچے کی حالت بھی غیر ہونے لگتی ہے جس کے بعد نوجوان اپنی جان کی پرواہ کیے بغیر کار کے شیشے کو توڑ دیتا ہے۔
نوجوان کی حاضر دماغی اور اس طرز عمل کو سوشل میڈیا پر خوب پذیرائی مل رہی ہے، تاہم یہ معلوم نہیں ہوسکا کہ یہ ویڈیو کہاں کی ہے۔
