اٹک : سربراہ جماعت الدعوة حافظ محمد سعید نے کہا ہے کہ عالمی طاقتیں پاکستان کے ٹکڑے کرنا چاہتی ہیں۔ امریکی صدر کے پاکستان پر ڈرون حملوں کے بیان کے بعد پاکستانی حکومت کو فیصلہ کن کردار ادا کرنا ہو گا۔
یہ بات انہوں نے اٹک شہر میں یوم تکبیر کے موقع پر نظریہ پاکستان کانفرنس سے خطاب کرتے ہوئے کہی۔ حافظ سعید کا کہنا تھا کہ سیاستدان قومی یکجہتی پیدا نہیں کرسکے۔
عوام کو حوصلہ دے کر مایوسی سے نکالنا ہو گا۔ ان کا کہنا تھا کہ کشمیر پاکستان کا حصہ ہے اور جلد بھارت کے تسلط سے آزا د ہوگا۔ ایٹمی پاکستان عالم اسلام کے تحفظ کی ضمانت ہے۔
پاکستان کے خلاف ہونے والی سازشوں پر سیاستدان حقائق سے واقف نہیں یا احساس سےعاری ہیں۔ پاکستانی حکمرانوں کی آنکھوں پر مفادات کی پٹی بندھی ہوئی ہے۔
ان کا کہنا تھا کہ امریکہ نائن الیون کی ذمہ داری سعودی عرب پر ڈال کراسے دہشت گرد ملک قرار دے گا۔ پاکستا ن اور سعودی عرب عالم اسلام کو اکٹھا کرنے میں کردار ادا کررہے ہیں۔
ان کا کہنا تھا کہ ملا اختر منصور کو ایران میں کیوں نہ مارا گیا پاکستان میں کیو ں مارا گیا۔ بلوچستان میں ڈرون حملہ ملکی خود مختاری کے خلاف سازش ہے۔ اس جرات کے بعد امریکی سفیر کو پاکستان سے نکال دینا چاہئے۔
