Tag: حافظ نعیم الرحمان

  • جماعت اسلامی کی عید بعد وزیراعلیٰ ہاؤس پر دھرنا دینے کی دھمکی

    جماعت اسلامی کی عید بعد وزیراعلیٰ ہاؤس پر دھرنا دینے کی دھمکی

    امیر جماعتِ اسلامی کراچی حافظ نعیم الرحمان نے وزیراعلیٰ سندھ سے استعفے کا مطالبہ کردیا اور  کہا اسٹریٹ کرائم پر قابو نہ پایا تو عید کے بعد وزیراعلیٰ ہاؤس پر دھرنا دیں گے۔

    امیر جماعتِ اسلامی کراچی حافظ نعیم الرحمان نے کہا کہ جو لوگ بھی ان دہشتگردوں کو مینڈیٹ دے رہے ہیں دنیا آخرت میں برباد ہونگے، پوری قوم کی رائے کیخلاف ان لوگوں کو مسلط کیا گیا لیکن عوام کا کام ہے اب خاموش نہ بیٹھیں۔

    انہوں نے کہا کہ سندھ حکومت اور اعلیٰ حکام سے پوچھتا ہوں عوام کا تحفظ کہاں ہے، شہریوں کے جان و مال کا تحفظ کرنا حکومت اور قانون نافذ کرنے والوں کا کام ہے، یہاں پر کتنی پٹرولنگ ہوتی ہے تھانوں کو کچھ پتا ہی نہیں ہوتا۔

    حافظ نعیم کا کہنا تھا کہ جو یہ تباہی کررہے ہیں وہ بھگتیں گے مگر عوام کا کیا قصور ہے، کراچی کے شہریوں کا قصور کیا ہے عوام کے بچے محفوظ نہیں ہیں، والدین بچوں سے کہتے ہیں کوئی موبائل مانگے تو دے دینا، ہمارا کیا قصور ہے کہ ڈاکوؤں کو ہم پر مسلط کردیا جائے۔

    حافظ نعیم الرحمان نے کہا کہ اسٹریٹ کرائم پر قابو نہ پایا تو عید کے بعد وزیراعلیٰ ہاؤس پر طویل دھرنا دیں گے، اب عوام کو نکلنا پڑے گا جلد لائحہ عمل کا اعلان کرینگے، یہاں تھانے بکتے ہیں، وزیراعلیٰ کو یہ نہیں معلوم ڈاکوؤں کے پاس توپیں کہاں سے آئیں۔

     ان کا کہنا تھا کہ تھانے میں کوئی اچھا ایس ایچ او ہو بھی تو وہ مجبور ہوتا ہے، ہم نہیں چاہتے کہ جگہ جگہ رکاوٹیں کھڑی ہوں، نوجوانوں کو اسلحہ لائسنس دیں تاکہ وہ خود اپنا تحفظ کریں، گلیوں میں رکاوٹیں لگائیں تو کوئی ہٹانے نہ آئے۔

    انہوں نے مزید کہا کہ ہمارے ٹیکسز سے ادارے اور انکی نوکریاں چلتی ہیں، پیپلز پارٹی حکومت کا 16واں سال ہے پولیس میں کیاکیاہے، پولیس کی اکثریت مقامی لوگوں پر مسلط ہوتی ہے، وزیرداخلہ بتائیں اس شہر کے کتنے لوگوں کی پولیس میں نمائندگی ہے۔

  • کراچی میں شب یکجہتی غزہ، فلسطینی رہنما خالد قدومی کا ویڈیو لنک خطاب

    کراچی میں شب یکجہتی غزہ، فلسطینی رہنما خالد قدومی کا ویڈیو لنک خطاب

    فلسطینیوں سے اظہارِیکجہتی کے لیے شاہراہ قائدین پر شب یکجہتی غزہ کا انعقاد کیا گیا، فلسطینی رہنما خالد قدومی نے ویڈیو لنک کے ذریعے خطاب کیا۔

    تفصیلات کے مطابق کراچی میں شاہراہ قائدین پر شب یکجہتی غزہ سے رکن سندھ اسمبلی محمد فاروق فرحان اور حافظ نعیم الرحمان نے خطاب کیا جبکہ فلسطین کے رہنما خالد قدومی ویڈیو لنک کے ذریعے اپنے خیالات کا اظہار کیا۔

    خالد قدومی کا کہنا تھا کہ کراچی کے عوام کا شکر گزار ہوں جنھوں نے مسئلہ فلسطین کو زندہ رکھا ہے اور ہمارے ساتھ اظہار یکجہتی کررہے ہیں۔ امریکا اسرائیل کی پشت بانی کرنے والا ہے اور فلسطین پر ظلم کروارہا ہے۔ امریکا انسانیت کے نام پر بدنما داغ ہے جو دہشت گردی کروارہا ہے۔

    انھوں نے کہا کہ غزہ میں دہشت گردی کرنے والوں میں امریکا، اسرائیل اور برطانیہ شامل ہیں۔ غزہ کے عوام صرف مٹی کی جگہ کے لیے جنگ نہیں کررہے بلکہ مسجد اقصیٰ کی بقا کے لیے جنگ کررہے ہیں۔

    خالد قدومی نے کہا کہ اسرائیل صرف فلسطیینوں کا دشمن نہیں بلکہ تمام اسانیت کا دشمن ہے۔ بحیثیت مسلمان ہمارا فرض بنتا ہے کہ قبلہ اول کی حفاظت کے لیے اہل غزہ و فلسطین کا ساتھ دیں۔

    حماس کے مجاہدین نے 7 اکتوبر سے آج تک اسرائیل کو پسپا کردیا ہے۔ اسرائیل حماس کے مجاہدین سے مقابلہ نہیں کرسکتا اس لیے وہ عام فلسطیینوں پربمباری کررہا ہے۔

    انھوں نے کہا کہ حماس کے مجاہدین نے ایمان کی طاقت سے مالا مال ہوکر اسرائیل کا مقابلہ کیا ہے اور آئندہ بھی مقابلہ کرنے کے لیے تیار ہیں۔ حماس کے مجاہدین نے اسرائیل کی ٹیکنالوجی کو شکست دے دی ہے اور اس کے غرور کو خاک میں ملادیا ہے۔

    خالد قدومی نے کہا کہ اسرائیل نے کفی اورالشفاء اسپتال میں بمباری کر کے عورتوں اور بچوں کو شہید کیا۔ فلسطین میں اسرائیل جنگ بندی کرنے کے لیے تیار نہیں ہے۔ اسرائیلوں نے مسجد اقصیٰ کے ساتح گستاخی کی اور فلسطینی عورتوں کے ساتھ بدسلوکی کی لیکن کسی بھی مسلم حکمرانوں نے مذمت نہیں کی۔

    انھوں نے کہا کہ امیرجماعت اسلامی کراچی حافظ نعیم الرحمن سے درخواست کرتا ہوں کہ مہاجرین کو پاکستان میں داخل کرنے کا راستہ کھولا جائے، مہاجرین کو پاکستان میں پناہ دی جائے اور ان کا علاج کیا جائے۔

    دریں اثنا فاروق فرحان نے کہا کہ کراچی کے عوام کے دل اہل غزہ کے ساتھ دھڑکتے ہیں۔ غزہ کی پٹی کا 75 فیصد انفرااسٹرکچرتباہ کردیا گیا ہے۔ حماس کے مجاہدین نے اسرائیل کی ٹیکنالوحی تباہ کردی۔ اہل غزہ نے ظلم کے باوجود قربانیوں کی دانستان رقم کردیں۔

    حافظ نعیم الرحمان نے کہا کہ غزہ میں 35 ہزار لوگ شہید ہوچکے ہیں۔ ہم غزہ میں ظلم کے خلاف آواز اٹھاتے رہیں گے۔ ہم مظلوم فلسطینیوں کے ساتھ کھڑے رہیں گے۔

    حافظ نعیم الرحمان نے کہا کہ امریکا کی دہشت گردی کی تاریخ ہے۔ امریکا نے ویتنام میں لاکھوں لوگوں کو قتل کیا۔ اسرائیل کو حماس نے شکست دے دی ہے۔

  • سروے سے ثابت ہوگیا شہرقائد کے لوگ ایم کیو ایم کو نہیں چاہتے، حافظ نعیم

    سروے سے ثابت ہوگیا شہرقائد کے لوگ ایم کیو ایم کو نہیں چاہتے، حافظ نعیم

    جماعت اسلامی کراچی کے امیر حافظ نعیم الرحمان نے کہا ہے کہ سروے سے ثابت ہوگیا ہے شہرِقائد کے لوگ ایم کیو ایم کو نہیں چاہتے۔

    خواتین ورکرز کنونشن سے خطاب کرتے ہوئے حافظ نعیم الرحمان کا کہنا تھا کہ ایم کیو ایم نے کراچی کے مینڈیٹ کا سودا کیا۔ کسی کو زبردستی بند کرکے کسی کو مسلط کرنا میرٹ نہیں۔

    جماعت اسلامی کراچی کے امیر کا کہنا تھا کہ اس شہر کو پاکستان تحریک انصاف اور ن لیگ نے اون نہیں کیا۔

    حافظ نعیم الرحمان نے کہا کہ کراچی ترقی کرتا ہے تو پاکستان ترقی کرتا ہے۔ کراچی ملک کی معیشت بہتر بنانے میں اہم کردار ادا کرسکتا ہے۔ یہاں کی سڑکیں اور صنعتیں ٹھیک کرنا ہوں گی،

    انھوں نے کہا کہ شہر کو برباد کرنے والے اسے صحیح نہیں کریں گے۔ بانی پی ٹی آئی نے بھی کراچی سے کاغذات جمع نہیں کرائے۔

    حافظ نعیم کا کہنا تھا کہ مشکل وقت میں ہم ان کے ساتھ ہیں، انھیں بھی شہر کو اون کرنا چاہیے تھا۔

  • فلسطین کیلئے جو جنوبی افریقہ نے کیا کاش کوئی مسلم ملک کرتا، حافظ نعیم

    فلسطین کیلئے جو جنوبی افریقہ نے کیا کاش کوئی مسلم ملک کرتا، حافظ نعیم

    حافظ نعیم الرحمان نے کہا ہے کہ فلسطین کا دو ریاستی نہیں ایک ہی ریاستی حل ہے، جو جنوبی افریقہ نے کیا کاش کوئی مسلم ملک کرتا۔

    جماعت اسلامی کے زیراہتمام شارع فیصل پرغزہ ملین مارچ سے خطاب کرتے ہوئے کراچی کے امیر حافظ نعیم کا کہنا تھا کہ ہم جنوبی افریقہ کے ساتھ کھڑے ہیں۔ حماس کے مجاہدوں نے اسرائیل کو شکست سے دوچار کیا ہے۔

    غزہ مارچ سے خطاب میں انھوں نے کہا کہ قائداعظم نے بتا دیا تھا کہ اسرائیل کا ناجائز وجود تسلیم نہیں کریں گے۔ فلسطین کے ساتھ غداری نہیں کرنے دیں گے۔

    امیرجماعت اسلامی کراچی نے کہا کہ پاکستان میں بلاول اور نواز شریف فلسطینیوں کی حمایت نہیں کررہے جبکہ بلاول اور نواز شریف امریکا کی مخالفت نہیں کررہے۔

    حافط نعیم الرحمان نے کہا کہ دنیا کو فلسطینی بچے شہید ہونے نظرنہیں آتے۔ پاکستان کے لوگوں فلسطینیوں کے جذبے کو دیکھو۔ فلسطین کے بچے بھی کہتے ہیں کبھی اسرائیل کو تسلیم نہیں کریں گے۔

    انھوں نے کہا کہ 7 اکتوبر کے بعد باضمیر لوگ ایک طرف ہیں۔ لوگ مہم چلائیں گے مگر ہماری ہرمیٹنگ میں فلسطین کا ذکر ہوگا۔

    امیرجماعت اسلامی پاکستان سراج الحق کا اپنے آڈیو پیغام میں کہنا تھا کہ لوگ تڑپ رہے ہیں مگر 58 اسلامی ممالک خاموش ہیں۔ اسلامی ممالک امریکا کے ڈر اور دباؤ کی وجہ سے خاموش ہیں۔

    سراج الحق کا مزید کہنا تھا کہ ہم نے ملین مارچ کیے، ایک ارب 40 کروڑ روپے کی رقم ان کے حوالے کی۔

    انھوں نے کہا کہ ہم نے ایک ایک ملک جا کر دستک دی، مگر ہمارے حکمران خاموش ہیں۔ ایک امت ہونے کے ناتے ہمیں فلسطینیوں کا ساتھ دینا چاہیے تھا۔

  • ویڈیو: قبضہ میئر کو کسی صورت قبول نہیں کریں گے، حافظ نعیم اور مرتضیٰ وہاب آمنے سامنے

    ویڈیو: قبضہ میئر کو کسی صورت قبول نہیں کریں گے، حافظ نعیم اور مرتضیٰ وہاب آمنے سامنے

    کراچی: امیر جماعت اسلامی کراچی حافظ نعیم الرحمان نے کہا ہے کہ وہ قبضہ میئر کو کسی صورت قبول نہیں کریں گے۔

    تفصیلات کے مطابق اے آر وائی نیوز کے پروگرام اعتراض ہے میں حافظ نعیم اور مرتضیٰ وہاب آمنے سامنے آئے، حافظ نعیم نے کہا مرتضیٰ وہاب سے کوئی ذاتی عناد نہیں ہے، اعتراض نظام پر ہے۔

    حافظ نعیم الرحمان اپنی بات پر ڈٹ کر بولے کہ قبضہ میئر کو کسی صورت قبول نہیں کریں گے، انھوں نے کہا کونسل میں بجٹ لائیں اس پر بات کر لیتے ہیں۔

    انھوں نے کہا ایڈمنسٹریٹر کراچی پی پی کے تھے کیوں کہ 15 سال سے ان کی حکومت ہے، ایڈمنسٹریٹر کراچی نے بجٹ پرانی تاریخوں میں پاس کرا لیا، ایک ہی مطالبہ ہے کہ ہر یو سی کو کم از کم 3 کروڑ کے فنڈز تو دیں، میئر کراچی بجٹ لے کر آئیں اور اکثریت سے پاس کرا لیں۔

    مرتضیٰ وہاب نے کہا نعیم الرحمان سے سوال بنتا ہے کہ وہ کیوں اختلاف کی سیاست کر رہے ہیں؟ ہم خاموش نہیں ہیں کام کر رہے ہیں، بجٹ سے متعلق تمام تفصیلات کے ایم سی کی ویب سائٹ پر موجود ہے۔

    ’گورنر ہاؤس کو یونیورسٹی کا درجہ دے دیا گیا‘

    میئر کراچی نے کہا ن لیگ یا جماعت اسلامی سے پارلیمانی سیاست پر لیکچر کی ضرورت نہیں ہے، میں چاہتا ہوں تمام جماعتیں سنجیدہ ہو کر بیٹھیں اور کراچی کے مسائل پر گفتگو کریں۔

    انھوں نے کہا ذمہ داری سے کہتا ہوں بجٹ 13 جون کو پاس ہو گیا تھا، کے ایم سی بجٹ سے پیپلز پارٹی کا کوئی تعلق نہیں تھا، کونسل آئینی و قانونی باڈی ہے، جماعت اسلامی کو بجٹ پر اعتراض ہے تو قرارداد پیش کرے، حافظ نعیم الرحمان بات کے لیے تیار ہیں تو کل ان کے پاس آ جاتا ہوں۔


  • حافظ نعیم الرحمان کا 23 جون کو اسلام آباد میں الیکشن کمیشن کے باہر  بڑے احتجاج کا اعلان

    حافظ نعیم الرحمان کا 23 جون کو اسلام آباد میں الیکشن کمیشن کے باہر بڑے احتجاج کا اعلان

    کراچی : امیر جماعت اسلامی کراچی حافظ نعیم الرحمان نے تئیس جون کو اسلام آباد میں الیکشن کمیشن کے باہر بڑے احتجاج کا اعلان کردیا۔

    تفصیلات کے مطابق امیر جماعت اسلامی کراچی حافظ نعیم الرحمان نے پریس کانفرنس کرتے ہوئے کہا کہ ہمارے نمبرز 192 تھے اور پیپلزپارٹی کے 173 نمبرز تھے، انھوں نے 31 لوگوں کو جبراً لاپتہ کردیا، پیسوں سے خریدا۔

    حافظ نعیم الرحمان کا کہنا تھا کہ 15جنوری سے جو ہورہاہے اس سے لگ رہا ہے پی پی اور الیکشن کمیشن میں کوئی فرق نہیں، جماعت اسلامی نے 13جون کو الیکشن کمیشن کو لکھا کہ لوگ لاپتہ ہیں ، میئر غیر قانونی ہے اس کو قانون کے مطابق تبدیل کیا جائے گا، یہ نہیں ہوسکتا کہ میئر کی سیٹ پر قبضہ کرکے بیٹھ جائیں۔

    امیر جماعت اسلامی کراچی نے کہا کہ سندھ ہائیکورٹ میں ہماری براہ راست آنیوالوں کیخلاف پٹیشن موجود ہے ، 22جون کو سندھ ہائیکورٹ میں کیس ہے،ہم اپنی پوری تیاری کررہےہیں، یہ طریقہ غلط ہےکہ الیکشن کےاعلان کے بعد اپنی مرضی کی قانون سازی کرلیں، 31لوگ ایسا نہیں کہ وہ جان بوجھ کر نہیں آئے۔

    ان کا کہنا تھا کہ ایسانہیں ہوسکتا قبضہ کرکے بیٹھ جاؤ اور کہو کراچی والوں تمہاری قسمت میں یہی ہے، الیکشن کمیشن نے پیپلزپارٹی کے ساتھ مل کر فراڈ کیا، چھ یوسیز کا کیس چیف الیکشن کمشنر نے خود سنا تھا، فائنل سماعت نہیں کہ اور پیپلزپارٹی کی مرضی کا فیصلہ سنایا۔

    حافظ نعیم الرحمان نے مزید کہا کہ پیپلزپارٹی اورجماعت اسلامی نےاپنی اپنی جگہ اتحادکیا، اتحاد کرنے کے بعد پیپلزپارٹی کے 173 اور ہمارے 193 ووٹ بنتے ہیں، پیپلز پارٹی والے بار بار بول رہے تھے پی ٹی آئی کے اپنے لوگ ووٹ نہیں دیں گے، جماعت اسلامی کے پورے 130 لوگ ووٹ دینے آئے تھے اور پیپلزپارٹی والوں نے کہنا شروع کر دیا تھا، پی ٹی آئی کے لوگ نہیں آئیں گے۔

    امیر جماعت اسلامی کراچی کا کہنا تھا کہ غیب کا علم اللہ کو ہے لیکن پی پی وزرا پی ٹی آئی کی پیش گوئیاں کر رہے تھے، الیکشن کمیشن کو اس صورتحال کا نوٹس لینا چاہیے تھا، الیکشن کمیشن پیپلز پارٹی کی اے ٹیم بنا ہوا تھا، عدالت بھی جائیں گے ، مطالبہ کرتا ہوں اس معاملے پر جے آئی ٹی بنائی جائے اور جے آئی ٹی میں تمام حساس اداروں کوشامل کریں۔

    انھوں نے اعلان کیا 23 جون کو اسلام آبادمیں الیکشن کمیشن کے باہر بہت بڑا احتجاج ہوگا ، جعلی مینڈیٹ کیخلاف کراچی میں بھی آگاہہی مہم شروع کردی ہے۔

  • آج پیپلز پارٹی کو سرپرائز ملے گا: حافظ نعیم

    آج پیپلز پارٹی کو سرپرائز ملے گا: حافظ نعیم

    کراچی: امیر جماعت اسلامی کراچی حافظ نعیم الرحمان نے کہا ہے کہ آج پیپلز پارٹی کو سرپرائز ملے گا۔

    تفصیلات کے مطابق حافظ نعیم الرحمان نے دعویٰ کیا ہے کہ اگر تمام ممبر آئیں گے تو ہمیں سو فی صد ووٹ ملیں گے، انشا اللہ جماعت اسلامی کا میئر بنے گا، میئر کراچی کے انتخاب میں پیپلز پارٹی کو سرپرائز ملے گا۔

    پریس کانفرنس کرتے ہوئے حافظ نعیم الرحمان نے کہا پی ٹی آئی کے چیئرمینوں کے گھروں پر چھاپے مارے جا رہے ہیں، پیپلز پارٹی نے لوگوں کو غائب کیا ہے، دنیا کو معلوم ہے کہ لوگوں کو الگ کر کے رکھا ہوا ہے لیکن الیکشن کمیشن کو معلوم نہیں۔

    حافظ نعیم نے کہا ہمیں سیٹیں زیادہ ملیں انھوں نے الیکشن کمیشن کو استعمال کیا، آج ہم 9 ٹاؤنز جیت چکے ہیں انھوں نے 4 ٹاؤنز پر قبضہ کر لیا، اشتہارات دینے کے لیے پیسہ بہت اور کام کرنے کے لیے پیسہ نہیں، کراچی کے لوگ پیپلز پارٹی کو پسند نہیں کرتے۔

    انھوں نے کہا سندھ ہائیکورٹ نے گرفتار لوگوں کو سامنے لانے کے لیے آرڈرجاری کیے، اگر تمام ممبر آئیں گے تو ہمیں 100 فی صد ووٹ ملیں گے، پیپلز پارٹی سے کہتا ہوں جمہوریت، آئین اور قانون کو تسلیم کریں، لوگوں کو موقع دیں وہ اپنا ووٹ کاسٹ کر سکیں، کیوں زبردستی کی سیٹ حاصل کرنا چاہتے ہیں۔

    حافظ نعیم نے الزام لگایا کہ الیکشن کمیشن پیپلز پارٹی کی اے ٹیم کا کردار ادا کر رہا ہے، لیکن آپ عوام کے جذبوں کو شکست نہیں دے سکتے۔

  • حافظ نعیم الرحمان کے میئر کے عہدے کیلئے کاغذات نامزدگی جمع، کل ‘تحفظ کراچی مارچ’ کا اعلان

    حافظ نعیم الرحمان کے میئر کے عہدے کیلئے کاغذات نامزدگی جمع، کل ‘تحفظ کراچی مارچ’ کا اعلان

    کراچی : امیر جماعت اسلامی کراچی حافظ نعیم الرحمان نے کل کراچی میں شارع قائدین پر ‘تحفظ کراچی مارچ’ کا اعلان کردیا۔

    تفصیلات کے مطابق امیر جماعت اسلامی کراچی حافظ نعیم الرحمان نے میئر کے عہدے کیلئے کاغذات نامزدگی جمع کرادیے ، اس موقع پرمنتخب یوسی چیئرمین کی بڑی تعدادموجودتھی

    اس موقع پر حافظ نعیم الرحمان نے میڈیا سے گفتگو کرتے ہوئے کہا کہ میئرکراچی کےلیےکاغذات نامزدگی جمع کرائے ہیں، میئرانتخاب کا جو طریقہ رکھا گیا ہے اسے ہائی کورٹ میں چیلنج کیاہے۔

    امیر جماعت اسلامی کراچی کا کہنا تھا کہ پی ٹی آئی کے 5 چیئرمین گرفتارہیں، الیکشن کمیشن کی ہدایت کےمطابق رہا نہیں کیا گیا اور آج رات کی تاریکی میں مزید2چیئرمینزکولاپتہ کردیا ہے، جس نے ووٹ ڈالنا ہے اس کو ہی اٹھالیا جائے تو پھر یہ الیکشن کیسے؟

    انھوں نے کہا کہ پیپلزپارٹی والے جمہوریت کے چیمپئن بنتے ہیں، کل ملک بھرمیں یوم احتجاج منایا جائے گا، کل کراچی میں شارع قائدین پر تحفظ کراچی مارچ کیا جائے گا۔

  • میئر کراچی جماعت اسلامی کا ہوگا، حافظ نعیم الرحمان کا دعویٰ

    میئر کراچی جماعت اسلامی کا ہوگا، حافظ نعیم الرحمان کا دعویٰ

    کراچی: امیر جماعت اسلامی کراچی حافظ نعیم الرحمان نے دعویٰ کیا ہے کہ میئر کراچی ہماری پارٹی کا ہوگا۔

    اے آر وائی نیوز کے پروگرام ’الیونتھ آور‘ میں گفتگو کرتے ہوئے امیر جماعت اسلامی کراچی حافظ نعیم الرحمان نے کہا کہ 9 مئی کے واقعات کے بعد پی ٹی آئی رہنما ہم سے رابطے میں ہیں اور امید ہے پی ٹی آئی والے اپنے چیئرمین کی ہدایت کے خلاف نہیں جائیں گے۔

    انہوں نے کہا کہ اگر یہ پارٹی ہدایت کے برعکس ووٹ دیں گے تو ان کا ووٹ شمار نہیں ہوگا اور پارٹی ہدایت کے باوجود نہیں آتے تو پارٹی ان کے خلاف کارروائی کرے گی۔

    حافظ نعیم الرحمان نے کہا کہ ہم ڈپٹی میئر کراچی کا عہدہ پی ٹی آٗئی کو دینے کے لیے تیار ہیں۔

    انہوں نے کہا کہ جماعت اسلامی دوسری جماعتوں سے بھی بات چیت کررہی ہے، ہم نے ن لیگ، جے یو آئی، ٹی ایل پی سے بھی رابطہ کیا ہے۔

    ایک سوال کے جواب میں انہوں نے کہا کہ مرتضیٰ وہاب کے نام پر پیپلزپارٹی میں ابھی بھی جھگڑے چل رہے ہیں۔

    حافظ نعیم الرحمان نے کہا کہ سندھ حکومت کا ترمیم کردہ اینی پرسن والا قانون کل ہائیکورٹ میں چیلنج کرنے جارہے ہیں، الیکشن تو مرتضیٰ وہاب نے لڑا نہیں باہر سے آرہے ہیں کہیں ان کے لالے نہ پڑجائیں۔

  • بلاول بتائیں میئر جیالا کیسے ہوگا؟ حافظ نعیم الرحمان

    بلاول بتائیں میئر جیالا کیسے ہوگا؟ حافظ نعیم الرحمان

    کراچی : امیر جماعت اسلامی کراچی حافظ نعیم الرحمان کا کہنا ہے کہ بلاول کہہ رہے ہیں میئرجیالا ہوگا، بتائیں کیسے ہوگا؟

    تفصیلات کے مطابق امیر جماعت اسلامی کراچی حافظ نعیم الرحمان نے سندھ ہائیکورٹ میں میڈیا سے گفتگو کرتے ہوئے کہا کہ سندھ ہائی کورٹ میں فوری سماعت کی درخواست دائرکی ہے، بلدیاتی انتخابات کو یرغمال بنایا جارہا ہے۔

    امیرجماعت اسلامی کراچی کا کہناتھا کہ سندھ حکومت ان انتخابات پرقبضہ کرنے کیلئے اوچھے ہتھکنڈے استعمال کررہی ہے، ڈھائی سال کی جدوجہد کے بعد بلدیاتی الیکشن ہوئےہیں۔

    حافظ نعیم الرحمان نے کہا کہ پیپلز پارٹی نے غیر جمہوری طریقے سے آر اوز کے ذریعے نتائج تبدیل کیے، آر اوز کے ذریعے نتائج تبدیل کرکے پیپلز پارٹی کے امیدواروں کو کامیاب کیا گیا۔

    ان کا کہنا تھا کہ تحریک انصاف کی بھی نشستوں پر اسی طرح قبضہ کیا گیا، پیپلزپارٹی نے الیکشن کمیشن کیساتھ مل کرباقی ضمنی الیکشن کو بھی منیج کیا۔

    امیر جماعت اسلامی کراچی نے کہا کہ مسئلہ پارٹی کا نہیں شہر کے بچوں کا ہے، شہر کو سنگین بلدیاتی مسائل کا سامنا ہے، 18برس میں کے فور کا منصوبہ نہیں بن سکا ہے، اعلان کرتے ہیں بجٹ میں پیسے نہیں رکھے جاتے، بلاؤل بتائیں کے فور منصوبہ کیوں نہیں بنا۔

    حافظ نعیم الرحمان کا کہنا تھا کہ غریب شہریوں سے پوچھیں وہ کس صورتحال کا سامنا کررہے ہیں، این جی اوز کے پیچھے چھپ کر صحت اور تعلیم کا بجٹ کھا رہے ہیں۔

    انھوں نے بتایا کہ جماعت اسلامی کے پاس 193 کا نمبر پورا ہے، پیپلزپارٹی کے پاس سب ملا کر بھی 166سیٹیں ہیں، بلاول کہہ رہے ہیں میئرجیالا ہوگا، بتائیں کیسے ہوگا؟

    امیر جماعت اسلامی کراچی نے مزید کہا کہ پی پی کا میئر دھاندلی اور گرفتاریوں اور خریدنے سے ہی ہوگا، الیکشن ہو رہا یا کوئی مذاق، کوئی پوچھنے والاہے یا نہیں۔