Tag: حامد خان

اسلام آباد : سپریم کورٹ بار کے سابق صدر حامد خان نے آئینی ترامیم کیخلاف 19ستمبر کو تحریک کے آغاز کا اعلان کرتے ہوئے کہا لہ آئینی عدالت بنانی ہے تو پہلے وکلاکی لاشوں پرسے گزرنا پڑے گا۔

تفصیلات کے مطابق سپریم کورٹ بار کے سابق صدر حامد خان نے سپریم کورٹ کے باہر گفتگو کرتے ہوئے کہا کہ آئینی پیکج لانے کا ماحول ہے نا وقت ہے، آئینی ترامیم لاکر آئین کا جنازہ نکالا جا رہا ہے۔

سپریم کورٹ بار کے سابق صدر کا کہنا تھا کہ وکلاآئینی ترامیم پیش ہونے سے پہلے ہی مسترد کرتے ہیں، سپریم کورٹ کے ہوتے کوئی اور آئینی عدالت نہیں بن سکتی،حامد خان

انھوں نے کہا کہ 19ستمبر کو لاہور ہائیکورٹ سے تحریک کا آغاز کریں گے، وکلا کسی صورت حکومت کو نئی عدالت کی اجازت نہیں دیں گے۔

سپریم کورٹ بار کے سابق صدر کا مزید کہنا تھا کہ سپریم کورٹ ہی آئینی عدالت ہے ، کوئی متوازی عدالت نہیں بنائی جا سکتی ، مجوزہ آئینی ترامیم میں چیف جسٹس کی تقرری کاطریقہ کار بدلنےکو نہیں مانتے، جسٹس منصور علی شاہ کے چیف جسٹس بننے کا نوٹیفکیشن جاری ہوناچاہیے۔

انھوں نے تمام وکلا سے نکلنے کی اپیل کرتے ہوئے کہا کہ مجوزہ آئینی ترامیم کیخلاف آواز بلند کریں، آئینی عدالت بنانی ہے تو پہلے وکلاکی لاشوں پرسے گزرنا پڑے گا، آئینی پیکج کو ردی کی ٹوکری میں پھینک دیں گے ، ملک میں سب سے زیادہ طاقت کالے کوٹ کی ہے۔

اسلام آباد : تحریک انصاف کے سینئر رہنما سینیٹر حامد خان نے بتایا کہ بانی پی ٹی آئی کو استعفوں پر کس نے مجبور کیا تھا؟

تحریک انصاف کے سینئر رہنما سینیٹر حامد خان نے اے آر وائی نیوز کو خصوصی انٹرویو میں کہا ہمارےنزدیک سب سےبڑی زیادتی عدم اعتماد کے وقت اسمبلیوں سےاستعفے دینا تھا، شاہ محموداورپرویزالہٰی نےبتایافواداورشیخ رشید نے بانی پی ٹی آئی کو استعفوں پر مجبورکیا۔

سابق وزیر کے حوالے ان کا کہنا تھا کہ فوادچوہدری ہےتوپلانٹڈ بندہ اور آج سے نہیں ہمیشہ سےپلانٹڈ ہے، اب بھی فوادجوکچھ کررہاہے وہ چاہتا ہے پھر پارٹی کو اندر سےنقصان پہنچائے۔

رہنما پی ٹی آئی نے کہا کہ فواد چوہدری تواستحکام پارٹی میں شامل ہوئے، وہاں منہ پر ہاتھ رکھ کربیٹھےتھے، عمران اسماعیل، فواد اورعامرکیانی استحکام پارٹی بنانے والوں میں شامل تھے.

ان کا مزید کہنا تھا کہ بانی پی ٹی آئی کلیئرہیں جس نےایک بار پارٹی چھوڑ دی اسے واپس نہیں لانا، سب کا نہیں کہہ سکتا جنہوں نے پریس کانفرنس کی،پارٹی بنائی اورجوائن کیا وہ نہیں آسکتے۔

پی ٹی آئی رہنما حامد خان نے کہا کہ 9 مئی کے بعد جو پارٹی چھوڑ کر بھاگ گئے تھے انھیں دوبارہ پلانٹ کرنے کی کوشش کی جارہی ہے۔

اے آر وائی کے پروگرام الیونتھ آور میں گفتگو کرتے ہوئے پی ٹی آئی رہنما حامد خان نے کہا کہ 9 مئی کے بعد یہ لوگ بھاگ کر پارٹی سے الگ ہوئے تھے، ان لوگوں نے نئی پارٹی بنائی اور سربراہ جہانگیر ترین اور علیم خان کو بنایا، یہ لوگ سمجھ رہے تھے پاکستان تحریک انصاف ختم ہوجائے گی۔

انھوں نے کہا کہ آج یہ لوگ واپسی کی باتیں کررہے ہیں جبکہ پارٹی پر مشکل آئی تو یہ بھاگ گئے تھے، کیا محبت واپس آنے میں سوا سال لگ گیا، جنھوں نے انھیں پارٹی سے الگ کیا تھا اب وہ دوبارہ پلانٹ کرنا چاہتے ہیں۔

حامد خان نے کہا کہ اب ان لوگوں کو پارٹی کا حصہ بنانے کیلئے تگ ودو کی جارہی ہے، ان لوگوں کو دوبارہ لانچ کرنے کی کوشش کی جارہی ہے، پہلے تشدد ہوا تھا تو اب کیوں تشدد نہیں ہورہا، اس کا مطلب انھیں لانچ کیا جارہا ہے۔

رہنما پی ٹی آئی نے کہا ک پارٹی کو توڑنے کی کوشش کرنے والے ناکام ہوگئے تو اب پالیسی تبدیل کردی گئی، وکلا پر تشدد نہیں کیا گیا کیونکہ ہماری تحریک کی وجہ سے انھیں خوف تھا۔

انھوں نے کہا کہ مجھ پر کسی قسم کا دباؤ نہیں آیا اس لیے کیونکہ کبھی ان کیساتھ رابطہ تک نہیں کیا، الیکشن چوری ہوئے تو ہم نے احتجاج بھی کیا اورعدالتوں کا بھی رخ کیا ہم نے آئینی و قانونی، سیاسی راستہ اختیار کیا، یہ لوگ تو پارٹی چھوڑ کر بھاگ گئے تھے۔

حامد خان نے کہا کہ بانی پی ٹی آئی نے پالیسی واضح کی جو لوگ مشکل میں چھوڑ گئے واپس نہیں آئیں گے، یہ تو وہ لوگ ہیں جنھوں نے دوسری پارٹی بنا دی، دباؤ برداشت کرنے کا حوصلہ نہیں اور اس حد تک چلے گئے کہ دوسری پارٹی بنا دی۔

انھوں نے کہا کہ فواد چوہدری ثابت کردیں کہ میں آسٹریلیا میں تھا، اس سے بڑا جھوٹ نہیں ہوسکتا، 2016 کے بعد سے آسٹریلیا میں گیا ہی نہیں ہوں۔ میری نظرمیں ایسے لوگوں کی واپسی نہیں ہونی چاہیے جنھوں نے الگ پارٹی بنائی۔

لاہور : پی ٹی آئی بانی رکن اورمعروف قانون دان حامد خان کا کہنا ہے کہ چیئرمین پی ٹی آئی سے کہا تھا قمرباجوہ کو چھوڑدیں وہ اب ریٹائرہوگئے ہیں، بات کو نہ بڑھائیں۔

تفصیلات کے مطابق پی ٹی آئی بانی رکن اور معروف قانون دان حامد خان نے اے آر وائی نیوز کو خصوصی انٹرویو دیتے ہوئے کہا کہ 9مئی واقعات کو چیئرمین پی ٹی آئی سے نہیں جوڑسکتےوہ تو زیرحراست تھے۔

معروف قانون دان نے بتایا کہ اب جوسلطانی گواہ بننے کو تیار ہیں یہ وہ لوگ ہیں جواسی لیےپالے جاتے ہیں، یہ لوگ پہلے کہتے تھے یہ نہیں ہوا، اب کہتے ہیں یہ ہوا ہے تو ان کی کیا کریڈیبلٹی ہے۔

حامد خان کا چیئرمین پی ٹی آئی سے گفتگو کے بارے میں بتاتے ہوئے کہنا کہ چیئرمین پی ٹی آئی سے کہا تھا عدلیہ، الیکشن کمیشن سے نہ بگاڑیں لیکن اسوقت پی ٹی آئی چیئرمین کو جو مشورے دینے والے تھے وہ بات بڑھاتے تھے ، میرے سامنے تو چیئرمین اتفاق کرتے تھے لیکن بعد میں آنیوالے معاملہ الجھا دیتے تھے۔

ان کا مزید بتانا تھا کہ چیئرمین پی ٹی آئی سے کہا تھا قمرباجوہ کو چھوڑدیں وہ اب ریٹائرہوگئے ہیں ، غیرضروری لوگوں کے نام لے کر بات کو نہ بڑھائیں۔

انتخابات کے حوالے سے پی ٹی آئی بانی رکن نے کہا کہ پی ٹی آئی بڑی جماعت ہے اس کے بغیر انتخابات کی کوئی ساکھ نہیں ہوگی۔

نواز شریف کا حوالہ دیتے ہوئےحامد خان نے کہا کہ نواز شریف جب زیرعتاب تھے تو اس وقت ان کی جماعت کو الیکشن میں پوری آزادی تھی، میاں صاحب کی طرح پی ٹی آئی سربراہ کو چیئرمین نہ بھی مانیں پھربھی وہی اتھارٹی ہیں۔

ان کا مزید کہنا تھا کہ 2008 کی وکلا تحریک کی طرح وکلا میں کچھ بظاہر ہمارے ساتھ ہیں مگر اندر سے نہیں، ہمیں ایسے لوگوں کا پتہ ہے، کچھ وکلا چہرہ چھپانے کیلئے 90 دن میں الیکشن کا کہتے ہیں۔