Tag: حبا چوہدری

جہلم : الیکشن ٹریبونل نے سابق وزیر فواد چوہدری کی اہلیہ حبا چوہدری کے پی پی 26 سے کاغذات نامزدگی مسترد کردیے۔

تفصیلات کے مطابق سابق وزیر فواد چوہدری کی اہلیہ حبا چوہدری کے کاغذات نامزدگی منظوری کیخلاف اعتراضات درست قرار دے دیے گئے۔

الیکشن ٹریبونل نےحباچوہدری کےپی پی 26سےکاغذات مستردکردیے ، ایف آئی اے نے غیر ملکی دوروں اوراسٹیٹ بینک نےاکاؤنٹس کاریکارڈ پیش کر دیا۔

حبا چوہدری کے 3 غیر ملکی دورے اور 9 بینک اکاؤنٹس نکل آئے ، حباچوہدری نے کاغذات میں بینک اکاؤنٹس اور غیر ملکی دورے چھپائے تھے۔

حبا چوہدری کے کاغذات مسترد ہونے پر فواد چوہدری کو طلب کرتے ہوئے 9 جنوری کیلئے نوٹس جاری کردیا ہے۔

فواد چوہدری کے این اے 60 اور 61 سے منظور کاغذات کا حکم نامہ واپس لے لیا گیا ہے ، فواد چوہدری نے کاغذات میں اہلیہ کے بینک اکاؤنٹس اورغیر ملکی دورے چھپائے۔

راولپنڈی : سابق وزیر فواد چوہدری کی اہلیہ حبا چوہدری نے اعلان کیا ہے کہ فواد چوہدری جیل سے الیکشن لڑیں گے اور ان کی انتخابی مہم میں چلاؤں گی۔

تفصیلات کے مطابق سابق وزیر فواد چوہدری کی اہلیہ حبا چوہدری نے اڈیالہ جیل کے باہر میڈیا سے گفتگو کرتے ہوئے کہا کہ آج الیکشن کمیشن کیس میں 19 دسمبرکی تاریخ دے دی گئی ہے، کوئی رشتے دار فوادچوہدری کے ٹکٹ پر الیکشن نہیں لڑے گا، وہ جہلم سے الیکشن لڑیں گے۔

حبا چوہدری نے اعلان کیا کہ فواد چوہدری جیل سے ہی الیکشن لڑیں گے اور ان کی انتخابی مہم کل سے خود چلاؤں گی۔

یاد رہے بانی پی ٹی آئی اور سابق وزیر فواد چوہدری کے خلاف توہین الیکشن کمیشن کیس کی سماعت کے لیے الیکشن کمیشن کی ٹیم اڈیالہ جیل پہنچی تھی جہاں کیس کی سماعت کی گئی تاہم دونوں ملزمان پر کیس میں فرد جرم عائد نہ ہوسکی۔

اسلام آباد : سابق وزیر فواد چوہدری نے اہلیہ حبا چوہدری نے اپنے شوہر پر رشوت لینے کا الزام مسترد کرتے ہوئے وزیراعظم اورچیف جسٹس اپیل کی کہ فواد کے خلاف درج تمام ایف آئی آرز فراہم کی جائے۔

تفصیلات کے مطابق سابق وزیر فواد چوہدری کی اہلیہ حبا چوہدری نے میڈیا سے گفتگو کرتے ہوئے کہا فواد پررشوت لینےکا الزام مسترد کرتی ہوں، میرے شوہر نےکوئی رشوت نہیں لی

حبا چوہدری کا کہنا تھا کہ ہم بات یہ ہےاس کا کیس مدعی تیسری پیشی پربھی وہ پیش نہیں ہوا، وزیراعظم اورچیف جسٹس اپیل کرتی ہوں فواد کے خلاف درج تمام ایف آئی آرز فراہم کی جائے۔

یاد رہے آج فواد چوہدری کوایک روزہ جسمانی ریمانڈ کے بعد جوڈیشل مجسٹریٹ یاسر محمود کی عدالت مین پیش کیا گیا تھا، وکلاء سے مشاورت کے بعد فواد چوہدری روسٹرم پر آئے۔

فواد چوہدری نے موقف اپنایا تھا کہ تیسری پیشی ہے اورمدعی مقدمہ سامنے نہیں آیا، وہ غائب ہے، اگر اسے ڈرایا گیا ہے تو میرے ساتھ پولیس گارڈز ہوں گے، ان سے میرا کوئی تعلق نہیں، گرفتارکرنا ہے تو کرلیں۔

فواد چوہدری کاکہنا تھا کیس عدالت کے سامنے ہے، جس پر عدالت نے پی‌ ٹی آئی رہنما فواد چوہدری کے مزید جسمانی ریمانڈ کی استدعا مسترد کرتے ہوئے جوڈیشل ریمانڈ پرجیل بھیج دیا تھا۔