بھارت کی ریاست اتر پردیش کے مظفر نگر ضلع کی ایک ویڈیو تیزی سے سوشل میڈیا پر وائرل ہورہی ہے، جس میں دیکھا جاسکتا ہے کہ کچھ شر پسند عناصر مسلم لڑکی کو بے حجاب کرنے میں مصروف ہیں۔اس دوران لڑکی سے بدسلوکی اور مارپیٹ بھی کی جارہی ہے۔
غیر ملکی ذرائع ابلاغ کے مطابق بھارت میں اقلیتوں کے ساتھ ہونے والی نا انصافیاں کوئی نہیں بات نہیں ہیں، تازہ ترین واقعے کی سوشل میڈیا پر گردش کررہی ہے، جس میں دیکھا جاسکتا ہے کہ ایک مسلم خاتون کے سر سے شر پسند عناصر حجاب اتار رہے ہیں۔
مذکورہ معاملے کی اطلاع پولیس کو دی گئی، فوری کارروائی کے دوران لڑکی کو شرپسندوں سے چھڑواکر تھانے منتقل کردیا گیا، سنگین دفعات کے تحت شرپسندوں کے خلاف مقدمہ درج کرتے ہوئے اس معاملے میں 6 ملزمان کو گرفتار کرلیا گیا ہے۔
متاثرہ لڑکی نے پولیس کو بتایا کہ موقع پر موجود سبھی افراد نے اس کے ساتھ گالی گلوچ اور بدسلوکی کرتے ہوئے مار پیٹ کی۔ اس دوران کسی نوجوان نے واقعے کی ویڈیو بناکر سوشل میڈیا پر اپلوڈ کردی۔
بھارت: لڑکی سے 6 دن تک اجتماعی زیادتی کا ہولناک واقعہ
پولیس نے متاثرہ لڑکی کی شکایت پر مقدمہ درج کر کاروائی کرتے ہوئے چھ ملزمان کو حراست میں لے لیا ہے، پولیس کا کہنا ہے کہ وائرل ہونے والی ویڈیو کے ذریعے مزید ملزمان کی شناخت کررہے ہیں، جنہیں سخت مطابق سزا دی جائے گی۔
