Tag: حج پروازوں

اسلام آباد : عازمین حج کی حجاز مقدس روانگی کےلئے حج پروازوں کے آغاز کی تاریخ سامنے آگئی، حج آپریشن 30 روز تک جاری رہے گا۔

تفصیلات کے مطابق عازمین حج کی سعودی عرب روانگی کے مرحلے کے لئے حج پروازوں کی تاریخ سامنے آگئی ، ذرائع وزارت مذہبی امور نے کہا کہ پہلی حج پرواز یکم مئی کوروانہ ہوگی۔

حج آپریشن 30 روز تک جاری رہے گا اور آخری پرواز 30 مئی کو روانہ ہوگی، حج آپریشن میں پی آئی اے اور سعودی ایئرلائن سمیت 5 ایئر لائنز حصہ لیں گی۔

حج پروازوں کا شیڈول 10اپریل تک جاری کیے جانے کی توقع ہے ، رواں سال ایک لاکھ 79 ہزار 210 پاکستانی عازمین فریضہ حج ادا کریں گے ، جس میں سرکاری اسکیم کے تحت تقریباً 89 ہزار پاکستانی عازمین حجاج مقدس جائیں گے۔

خیال رہے سعودی عرب میں حج 2025 کی تیاریاں پورے زور و شور سے جاری ہیں، وزارت حج وعمرہ کا اس حوالے سے کہنا تھا کہ حج 2025 کے لیے ضروری تیاریاں مکمل کرلی گئی ہیں تا کہ عازمین کو دروان قیام مکہ مکرمہ ہر ممکن سہولت فراہم ہو سکے۔

زارت حج و عمرہ نے عازمین حج کی رہنمائی اور ان کی سہولت کیلیے ٹول فری نمبرز جاری کیے ہیں جن کے ذریعے اہلکاروں سے رابطہ کرسکتے ہیں۔

اسلام آباد : اگلے سال حج پروازوں کے حوالے سے بڑا معاہدہ طے پاگیا، جس کے تحت قومی ایئرلائن 35 ہزار سرکاری حجاج کو سفری سہولت مہیا کرے گی۔

تفصیلات کے مطابق حج پروازوں سے متعلق وزارت مذہبی امور اور پی آئی اے کے درمیان معاہدہ طے پاگیا، پی آئی اے کے CEO ایئر وائس مارشل عامر حیات اور ایڈیشنل سیکرٹری مذہبی امور ڈاکٹر سید عطاء الرحمن نے معاہدے پر دستخط گئے۔

ترجمان مذہبی امور نے بتایا کہ معاہدے پر دستخط گزشتہ روز وزارت مذہبی امور میں کیے گئے، قومی ایئرلائن 35 ہزار سرکاری حجاج کو سفری سہولت مہیا کرے گی۔

اس موقع پر پی آئی اے کے سی ای او ایئر وائس مارشل عامر حیات نے حجاج کو بہترین سہولیات کی فراہمی کے عزم کا اعادہ کرتے ہوئے کہا سعودی ایئرلائن اور دیگر مقامی ایئرلائنز کے ساتھ معاہدات بھی جلد مکمل کیے جائیں گے۔

یاد رہے 2 روز قبل وفاقی وزیر مذہبی امور چوہدری سالک حسین نے حج پالیسی 2025کا باضابطہ اعلان کیا تھا۔

چوہدری سالک حسین نے بتایا تھا کہ سرکاری اور نجی اسکیم کےتحت حج کوٹہ 50،50 فیصد ہے، 12 سال سےکم عمر بچوں کو حج کی اجازت نہیں دی جارہی۔

مزید پڑھیں : حج پالیسی 2025 کا باضابطہ اعلان

وفاقی وزیر مذہبی امور کا کہنا تھا کہ گزشتہ سال حج انتظامات بہت بہترین تھے، حج اتنظامات کے سلسلے میں تیاریاں پوری کررہےہیں،وفات کی صورت میں حاجی کے لواحقین کو 20لاکھ روپے امداد اور زخمی ہونیوالے حجاج کو بھی معاوضہ ادا کیا جائے گا۔

انھوں نے بتایا تھا کہ عازمین حج کیلئے حج رقم کی قسطوں کا نظام متعارف کرارہے ہیں، پہلی بار حج پر جانے والوں کو ترجیح دی جارہی ہے تاہم بیماراورمتعدی امراض میں مبتلاافراد رواں سال حج پر نہیں جاسکیں گے۔

چوہدری سالک کا کہنا تھا کہ ہماری بھرپور کوشش ہوگی کہ کوٹہ واپس نہ کیاجائے ، اسپانسرڈاسکیم کا رہ جانیوالا کوٹہ عام عازمین کو منتقل کیاجائےگا اور اوورسیز پاکستانیوں کیلئے حج کوٹہ 5ہزار مقرر کیاجارہاہے۔