ARYNews.tv | Urdu – Har Lamha Bakhabar

Tag: حج پروازیں

  • حج پروازوں سے متعلق اہم خبر

    حج پروازوں سے متعلق اہم خبر

    کراچی: عازمین حج کی حجاز مقدس روانگی کے سلسلے میں اسلام آباد انٹرنیشنل ایئرپورٹ پر روڈ ٹو مکہ منصوبے کے تحت تیاریاں مکمل کر لی گئیں۔

    اسلام آباد ایئرپورٹ منیجر کے مطابق ایئرپورٹ پر سعودی امیگریشن کے لیے 8 کاؤنٹر الاٹ کر دیے گئے ہیں، جہاں سعودی امیگریشن کا عملہ عازمین کی امیگریشن کرے گا۔

    آفتاب گیلانی نے بتایا کہ سعودی امیگریشن کے عملے کے لیے کاؤنٹرز مختص کیے گئے ہیں، جس کے تحت عازمین کی امیگریشن کا عمل مکمل کیا جائے گا۔

    انھوں نے بتایا کہ اسلام آباد ایئرپورٹ سے 9 مئی سے حج پروازوں کا آغاز ہو رہا ہے، جن میں پی آئی اے، سعودی ایئر لائن، ایئر بلو، ایئر سیال، سرین ایئر کی پروازیں شامل ہیں، تمام 71 پروازیں روڈ ٹو مکہ منصوبے کے تحت مدینہ اور جدہ کے لیے آپریٹ کی جائیں گی۔

    ایئرپورٹ منیجر و چیف آپریٹنگ آفیسر آفتاب گیلانی کے مطابق مجموعی طور پر 21 ہزار عازمین حج کی روڈ ٹو مکہ منصوبے کے تحت امیگریشن اسلام آباد ایئرپورٹ پر ہی ہوگی۔

  • سول ایوی ایشن اتھارٹی نے حج پروازوں کا شیڈول جاری کر دیا

    سول ایوی ایشن اتھارٹی نے حج پروازوں کا شیڈول جاری کر دیا

    کراچی:سول ایوی ایشن اتھارٹی نے کراچی سے آپریٹ ہونے والی حج پروازوں کا شیڈول جاری کر دیا، نجی ایئر لائن کی پہلی حج پرواز 5 جولائی کو روانہ ہوگی۔ 

    تفصیلات کے مطابق سی اے اے نے حج پروازوں کا شیڈول جاری کر دیا ہے، یہ شیڈول کراچی سے آپریٹ ہونے والی حج پروازوں کا ہے، پہلی پرواز پانچ جولائی کو روانہ ہوگی۔

    پی اے 1760 سے 180 سے زائد عازمین 5 جولائی کو جائیں گے، جب کہ پی آئی اے کی پہلی حج پرواز پی کے 743 بھی 5 جولائی کی شام 7 بجے روانہ ہوگی، جس کے ذریعے 225 سے زائد عازمین مدینہ روانہ ہوں گے۔

    سعودی ایئر لائن کی پرواز 200 سے زائد عازمین کو لے کر 6 جولائی کو روانہ ہوگی، جب کہ کراچی سے 5 جولائی کو شروع ہونے والا حج آپریشن 6 اگست تک جاری رہے گا۔

    یہ بھی پڑھیں:  سعودی عرب نے حجاج کرام کی سہولت کیلئے اہم شرط ختم کردی

    سی اے اے کا کہنا ہے کہ 95 پروازوں سے 25 ہزار 81 سے زائد عازمین کو جدہ اور مدینہ پہنچایا جائے گا، کراچی ایئر پورٹ پر عازمین کو تمام سہولتیں فراہم کی جائیں گی۔

    ترجمان سول ایوی ایشن اتھارٹی نے کہا کہ عازمین کی امیگریشن کے لیے الگ سے ایف آئی اے کاؤنٹر قایم کیے جائیں گے۔

    خیال رہے کہ سعودی عرب نے عازمین حج کے لیے امیگریشن لینڈنگ کارڈ کی شرایط ختم کر دی ہیں، سعودی ایوی ایشن اتھارٹی نے حجاج کی سہولت کے لیے پاکستان سمیت دنیا بھر کی تمام ایئر لائنز کو اس ضمن میں ہدایت جاری کر دی ہے۔

  • پہلی حج پرواز 325 حجاج کو لے کر اسلام آباد پہنچ گئی

    پہلی حج پرواز 325 حجاج کو لے کر اسلام آباد پہنچ گئی

    اسلام آباد: فریضۂ حج کی ادائیگی کے بعد پی آئی اے نے سعودی عرب سے پاکستان کے لیے حج پروازوں کا آغاز کر دیا، 325 حجاج کرام کو لے کر پہلی حج پرواز پی کے 3002 اسلام آباد بر وقت پہنچ گئی ہے۔

    تفصیلات کے مطابق سعودی عرب سے پہلی حج پرواز 325 حجاج کو لے کر اسلام آباد پہنچ گئی، پرواز کی آمد پر پی آئی اے اعلیٰ حکام نے حجاج کا استقبال کیا۔

    صدر پاکستان انٹرنیشنل ایئر لائن اور چیف ایگزیکٹو آفیسر مشرف رسول نے اسلام آباد ایئر پورٹ پر استقبال کرتے ہوئے حجاج کرام کو مبارک باد دی۔

    پی آئی اے حج ٹیم کے ارکان کو ہدایت کی گئی ہے کہ فریضۂ حج کی ادائیگی کرکے وطن لوٹنے والے حجاج کو ہر ممکن سہولتیں فراہم کی جائیں۔

    قومی ایئر لائن حکام کا کہنا ہے کہ پی آئی اے جدہ اور مدینہ منوّرہ سے 225 خصوصی اور شیڈول پروازیں چلائے گی۔ خیال رہے کہ پی آئی اے 68 ہزار سے زائد حجاج کرام کو اسلام آباد، کراچی اور دیگر شہروں میں پہنچائے گی۔

    دریں اثنا کراچی کے لیے بھی حج پروازوں کا آغاز ہوگیا ہے، پہلی حج پرواز پی کے 3006 کراچی ایئر پورٹ پہنچ گئی جس کے ذریعے 390 حجاج کرام وطن واپس پہنچے۔

    کراچی کے لیے پہلی حج پرواز کی آمد پر پی آئی اے کے چیف کارپوریٹ سیکرٹری محمد شعیب اور پی آئی اے کے اعلیٰ حکام نے حجاج کرام کا استقبال کیا۔

    مزید پڑھیں:  پی آئی اے حج آپریشن : حجاج کرام کی وطن واپسی کا عمل آج سے شروع ہوگا

    ترجمان قومی ایئر لائن نے کہا ہے کہ پی آئی اے کا بعد از حج آپریشن کا اختتام 25 ستمبر کو ہوگا۔