Tag: حج 2025

اسلام آباد (13 اگست 2025): رواں برس حج کے دوران پاکستانی حجاج کی شکایات سے وزیر مذہبی امور نے قومی اسمبلی میں جواب جمع کرا دیا۔

اے آر وائی نیوز کے مطابق رواں برس حج کے دوران پاکستانی حجاج کرام کو سب سے زیادہ کیا مشکلات پیش آئیں اور کتنے حجاج نے شکایات کیں۔ اس حوالے سے وفاقی وزیر برائے مذہبی امور نے قومی اسمبلی میں تحریری جواب جمع کرا دیا ہے۔

وزارت مذہبی امور کی جانب سے جمع کرائے گئے تحریری جواب کے مطابق رواں برس پاکستانی حجاج کی جانب سے 3267 شکایات موصول ہوئیں۔

سب سے زیادہ 1322 حجاج کرام نے کمروں کی الاٹمنٹ اور صفائی وغیرہ سے متعلق شکایات کیں جب کہ 748 حجاج کی شکایات ٹرانسپورٹ مشکلات سے متعلق تھیں، جس میں بسوں کی تعداد، دیر سے آمد اور مزید اسٹاپ بنانے کے مطالبات پر مبنی تھیں۔

وزارت مذہبی امور کے تحریری جواب میں بتایا گیا ہے کہ 689 حجاج نے کھانے کے معیار، مینیو، معالج، شوگر لیول سے متعلق شکایات کیں۔ 508 حجاج کرام ایسے بھی تھے جنہوں نے موبائل فون نیٹ ورک، ایپس اور وائی فائی سے متعلق شکایات کیں۔

تحریری جواب میں بتایا گیا ہے کہ یہ شکایات آن لائن اور براہ راست جمع کرائی گئیں جن کو دور کرنے کے لیے موثر نظام اپنایا گیا اور شکایتی دفتر حجاج کرام کی شکایات دور کرنے کے لیے 24 گھنٹے کام کرتے رہے۔

https://urdu.arynews.tv/hajj-2026-2nd-phase-of-receiving-applications-begins/

اسلام آباد : رواں سال حج پر جانے والے پاکستانی عازمین کے لئے اہم خبر آگئی ، شیڈول پاک حج موبائل ایپ پر جاری کردیا گیا ہے۔

تفصیلات کے مطابق ترجمان وزارت مذہبی امور کی جانب سے بیان میں کہا ہے کہ محدود نشستوں پر سرکاری حج کیلئے84ہزار620درخواستیں موصول ہوگئی ہے ، تعداد مکمل ہونے پر درخواستوں کی وصولی روکنے کا اعلان کیا جائے گا.

ترجمان کا کہنا تھا کہ مناسک حج کی لازمی تربیت کا شیڈول پاک حج موبائل ایپ پر جاری کردیا ہے ، کل سے حج تربیتی نشستوں کا آغاز کیا جائے گا۔

ترجمان نے بتایا کہ عازمین حج کو کم ازکم 2سیشنز میں تربیت حاصل کرنالازمی ہے سمندر پار پاکستانی حج پرواز سے قبل حاجی کیمپ سے تربیت حاصل کریں گے۔

ترجمان کے مطابق عازمین حج اپنی نزدیکی تحصیل میں حج تربیت میں شامل ہوں، رہنمائی کیلئےحج ہیلپ لائنزیامتعلقہ حاجی کیمپ سے رابطہ کریں۔

یاد رہے سرکاری حج اسکیم کے تحت اب تک 81 ہزار 500 عازمین حج سے مجموعی طور پر 48ارب 90 کروڑ روپے وصول کیے گئے ہیں۔

عازمین حج سے درخواستوں کے ہمراہ پہلی قسط کے طور پر 2لاکھ روپے فی کس وصول کیے گئے۔

ذرائع وزارت مذہبی امور کے مطابق عازمین حج نے پہلی قسط کے طور پر 16ارب 30کروڑ روپےجمع کرائے ہیں جب کہ دوسری قسط کے طور پر عازمین حج سے 4 لاکھ روپے فی کس وصول کیے گئے۔

اسلام آباد : پاکستان اور سعودی عرب کے درمیان حج 2025 کیلئے معاہدہ طے پاگیا، جس میں عازمین حج کو بہتر سے بہتر سہولیات فراہم کرنے پر اتفاق کیا گیا ہے۔

تفصیلات کے مطابق پاکستان اور سعودی عرب کے درمیان حج 2025 کیلئے معائدہ طے پاگیا، وفاقی وزیر مذہبی امور چوہدری سالک حسین اور سعودی وزیر حج اور عمرہ ڈاکٹر توفیق بن فوزان الربیعہ نے معاہدے پر دستخط کیے۔

وزارت مذہبی امور کے ترجمان نے بتایا کہ معاہدے کے تحت 1لاکھ 79 ہزار 210 پاکستانی رواں سال فریضہ حج ادا کریں گے، پاکستانی عازمین حج کو بہتر سے بہتر سہولیات فراہم کرنے پر اتفاق کیا گیا ہے۔

ترجمان کا کہنا تھا کہ پاکستانی حجاج کو منیٰ میں خصوصی جگہ دی جائے گی اور اس کے نرخ بھی کم ہوں گے، سعودی وزیر حج نے پاکستانی عازمین کو بہتر سہولتیں فراہم کرنے کے لئے ہر ممکن تعاون کا یقین دلایا۔

ترجمان نے بتایا کہ سفر حج کو مزید قابل رسائی، آسان اور آرام دہ بنانے کے لیے 20 سے 25 دن کا مختصر حج پروگرام متعارف کرایا ہے، عازمین کو مدینہ منورہ میں چار سے آٹھ دن کی مدت کے لیے اپنی رہائش کا انتخاب کرنے کی سہولت ہو گی ہر عازم کو خصوصی طور پر ڈیزائن کیا گیا۔

وزارت مذہبی امور نے مزید کہا کہ ایک بیگ ملے گا، جس میں پاکستانی پرچم، شناخت کے لیے کیو آر کوڈ، اور متعلقہ معلومات ہوں گی، خصوصی موبائل ایپ سے عازمین حج کے لیے تمام معلومات ان کے موبائل فونز پر دستیاب ہوں گی۔

عازمین اپنے حج گروپ کی معلومات، تربیتی شیڈول، فلائٹ کی معلومات، سعودی عرب میں اپنی رہائش، ادائیگی اور دوران حج مقامات کے لائیو نقشے و لوکیشنز سے خود کو آگاہ رکھ سکیں گے۔

وفاقی وزیر چوہدری سالک حسین سعودی وزارت حج کے زیر اہتمام جدہ میں جاری چار روزہ بین الاقوامی حج کانفرنس میں بھی شرکت کریں گے، حج ایکسپو میں حجاج کو سہولیات کی فراہمی کے ذمہ دار اداروں اور کمپنیوں سے مزید معاہدے بھی کئے جائیں گے۔