ARYNews.tv | Urdu – Har Lamha Bakhabar

Tag: حج

  • نیوزی لینڈ کی مسلمان پولیس افسر حج پر خادم الحرمین الشریفین کی مہمان

    نیوزی لینڈ کی مسلمان پولیس افسر حج پر خادم الحرمین الشریفین کی مہمان

    ریاض :نیوزی لینڈ کی خاتون پولیس ڈائریکٹر نائلہ حسن بھی خادم الحرمین الشریفین کی طرف سے خصوصی حج پروگرام میں فرئضہ حج ادا کرنے والوں میں شامل ہیں۔

    تفصیلات کے مطابق آکلینڈ شہر میں نیوزی لینڈ کی سب سے زیادہ آبادی رہائش پذیر ہے۔ اس شہر کی آبادی پچاس لاکھ سے زاید ہے۔ رواں سال جب نیوزی لینڈ کی مساجد میں دہشت گردی کا وحشت ناک واقعہ پیش آیا تو اس کے بعد شہداءکی تعزیتی تقریب میں لوگ اس وقت حیران رہ گئے تھے جب نائلہ نے اپنے مسلمان ہونے کا انکشاف کیا تھا۔

    ایک فوٹیج میں اس نے بتایا کہ میرے والد پاکستان کے شہر لاھور سے تعلق رکھتے تھے جب کہ ماں انگریز تھیں۔

    انہوں نے کہا کہ نیوزی لینڈ کی مساجد میں دہشت گردی کا شکار ہونے والوں کی تعزیت میں خطاب میرے دل کی آواز تھی،اس مجرمانہ واقعے سے میرا دل بھی پسیج گیا تھا،نیوزی لینڈ میں مسلمان کمیونٹی کے لیے یہ ایک انتہائی المناک واقعہ تھا۔

    نائلہ حسن کا کہنا تھا کہ مسلمان خانہ کعبہ کی زیارت کو اپنا خواب سمجھتا ہے، مکہ مدینہ کے سفر کو اپنے ایمان کا حصہ قرار دیتا ہے۔ آج مجھے بھی اپنا خواب پورا کرنے کا موقع ملا ہے۔

    انہوں نے سعودی فرمانروا کی طرف سے خصوصی حج پروگرام کے کوٹے میں نیوزی لینڈ کے دہشت گردی کے متاثرین کو شامل کرنے پر شاہ سلمان بن عبدالعزیز کا خصوصی شکریہ ادا کیا۔

  • سعودی عرب نے دنیا بھرکے مسلمانوں کےلیے حج کے دروازے کھول دئیے، گورنر مکہ

    سعودی عرب نے دنیا بھرکے مسلمانوں کےلیے حج کے دروازے کھول دئیے، گورنر مکہ

    ریاض:سعودی عرب کے گورنر مکہ معظمہ شہزادہ خالد الفیصل نے کہا ہے کہ ان کے ملک نے بلا امتیاز دنیا بھر کے مسلمانوں کے لیے فرئضہ حج کی ادائی کے دروازے کھول دیے ہیں۔

    تفصیلات کے مطابق ایک پریس کانفرنس سے خطاب میں گورنر مکہ نے کہا کہ ساڑھے تین لاکھ خدام حجاج کرام کی خدمت پرمامورکیے گئے ہیں اور اب تک 16 لاکھ سے زاید عازمین حج سعودی عرب پہنچ چکے ہیں۔

    قطرکے عازمین حج سے متعلق ایک سوال کے جواب میں گورنر مکہ نے کہا کہ مخالف ممالک کی طرف سے دھوکہ دہی اور سازشوں کی پرواہ کیے بغیر ان کے عازمین حج کو بلا امتیاز حج کی مکمل اجازت فراہم کی ہے۔

    انہوں نے انکشاف کیا کہ بغیر اجازت اور غیرقانونی طریقے سے حجاج میں شامل ہونے والے تین لاکھ 29 ہزار افراد کو واپس بھیج دیا گیا اور ان کے 15 سہولت کاروں کو حراست میں لیا گیا۔

    ایک سوال کے جواب میں شہزادہ خالد الفیصل نے کہا کہ کسی ملک کے باشندوں کے ساتھ امتیازی یا جانب دارانہ سلوک نہیں کیاجاتا۔ ہم نے دنیا بھر کے مسلمانوں کے لیے بلا امتیاز حج کے دروازے کھول دیے ہیں۔

  • شہباز شریف کے بھتیجوں کو بیرون ملک جانے سے روک دیا گیا

    شہباز شریف کے بھتیجوں کو بیرون ملک جانے سے روک دیا گیا

    لاہور: ایف آئی اے نے اپوزیشن لیڈر شہباز شریف کے بھتیجوں کو بیرون ملک جانے سے روک دیا جن کے نام ای سی ایل میں شامل ہیں۔

    تفصیلات کے مطابق پی ایم ایل ن کے صدر شہباز شریف کے بھتیجوں کو گزشتہ روز بیرون ملک جانے سے روکا گیا، یوسف عباس شریف اور عبد العزیز شریف کو واچ لسٹ میں نام ہونے کی وجہ سے روکا گیا تھا۔

    نیب یوسف عباس اور عبد العزیز شریف کے خلاف چوہدری شوگر ملز کیس میں تحقیقات کر رہی ہے۔

    موصولہ اطلاعات کے مطابق شہباز شریف کے بھتیجے حج کی ادائیگی کے لیے مدینہ جا رہے تھے، انھیں ایگزٹ کنٹرول لسٹ میں شامل ہونے پر روکا گیا۔

    شہباز شریف کے بھتیجے پی آئی اے کی پرواز پی کے 747 سے سعودی عرب جا رہے تھے، امیگریشن کے لیے ایف آئی اے کاؤنٹر پر پہنچنے تو اہل کاروں نے امیگریشن سے انکار کر دیا۔

    یہ بھی پڑھیں:  رمضان شوگرملز کیس: حمزہ شہباز کے ریمانڈ میں 9 اگست تک توسیع

    نیب انویسٹی گیشن سیل کو یوسف عباس شریف مطلوب تھے، ذرایع کے مطابق ایف آئی اے امیگریشن نے یوسف عباس سے متعلق نیب حکام کو بھی آگاہ کر دیا۔

    واضح رہے کہ احتساب عدالت نے رمضان شوگر ملز کیس میں حمزہ شہباز کے جوڈیشل ریمانڈ میں 9 اگست تک توسیع کر دی ہے۔

    گزشتہ روز لاہور کی احتساب عدالت میں کیس کی سماعت میں سینیٹ انتخابات کی وجہ سے شہباز شریف عدالت میں پیش نہیں ہوئے تھے، تاہم عدالت نے شہباز شریف کی حاضری معافی کی درخواست منظور کر لی تھی۔

  • سعودی عرب میں حج سے قبل 35 ٹن مضر صحت غذائی مواد کی ضبطی

    سعودی عرب میں حج سے قبل 35 ٹن مضر صحت غذائی مواد کی ضبطی

    ریاض :سعودی فوڈ اینڈ ڈرگ اتھارٹی نے گذشتہ ہفتے کے دوران 35 ٹن اور 3519 لیٹر غذائی مواد ضبط کر کے تلف کر دیا۔

    تفصیلات کے مطابق یہ پیش رفت زمینی، فضائی اور بحری راستوں سے آنے والے حجن مشنوں اور عازمین حج کے پاس موجود غذائی اشیائ، دواؤں اور طبی ساز و سامان کی تلاشی اور معائنے کے ضمن میں سامنے آئی۔م

    ذکورہ سعودی اتھارٹی نے 7015 کے قریب فوڈ، میڈیسن اور میڈیکل آئٹمز کو کلیئر کیا جب کہ 575 آئٹمز کو مختلف وجوہات کی بنا پر کلیئر کرنے سے انکار کر دیا۔

    عرب خبر رساں ادارے کا کہنا تھا کہ اسی سلسلے میں 16 سے 23 ذوالقعدہ کے دوران فود اینڈ ڈرگ اتھارٹی کے معائنہ کاروں نے مدینہ منورہ میں غذائی مواد سے متعلق 237 مقامات کا دورہ کیا، اس دوران 10 تنصیبات کو بند کر دیا گیا اور 149 کلو گرام غذائی مواد تلف کر دیا گیا۔

    مقامی خبر رساں ادارے کا کہنا تھا کہ مکہ مکرمہ ریجن میں غذائی مواد سے متعلق 951 مقامات کا دورہ کیا گیا،اس دوران 10 تنصیبات کو بند کر دیا گیا اور 28471 کلو گرام اور 3374 لیٹر غذائی مواد کو تلف کیا گیا۔

    سعودی فوڈ اینڈ ڈرگ اتھارٹی کے معائنہ کار مکہ مکرمہ کے پانچ مرکزی داخلی راستوں پر بھی موجود ہیں تا کہ غذائی مواد کی منتقلی میں استعمال ہونے والے وسائل کا معائنہ کیا جا سکے،اس دوران معائنے کی 6875 کارروائیوں کے نتیجے میں 6525.5 کلو گرام اور 145 لیٹر ناقابل استعمال غذائی مواد ضبط اور تلف کیا گیا۔

  • معمر انڈونیشی شہری اہلخانہ کے ہمراہ حج کیلئے سعودیہ روانہ

    معمر انڈونیشی شہری اہلخانہ کے ہمراہ حج کیلئے سعودیہ روانہ

    ریاض :انڈونیشیا میں سعودی عرب کے سفیر عصام الثقفی نے عمر رسیدہ عازم حج کو فریضہ حج کی ادائیگی کے لیے رخصت کردیا۔

    تفصیلات کے مطابق انڈونیشن شہری130سالہ اوھی عیدروس سمری جکارتا کے ہوائی اڈے سوکارنو ہاٹا سے حج کے لیے روانہ ہو رہے تھے، اوھی سمری ان خوش نصیبوں میں شامل ہیں جنہیں خادم الحرمین الشریفین شاہ سلمان بن عبدالعزیز کی خصوصی دعوت پر حج کے لیے حجاز مقدس روانہ بلایا گیا ہے۔

    غیر ملکی خبر رساں ادارے کا کہنا تھا کہ اوھی سمری اپنے چھ اہل خانہ کے ہمراہ دورے پر سعودی عرب روانہ ہوئے جہاں ان کا جدہ میں شاہ عبدالعزیز بین الاقوامی ہوائی اڈے پر استقبال کیا گیا۔

    عرب خبر رساں ادارے کا کہنا تھا کہ عمر رسیدہ انڈونیشن شہری وہاں سے وہ مکہ معظمہ کے لیے روانہ ہوں گے جہاں وہ مناسک حج ادا کریں گے۔

    یاد رہے کہ جکارتہ میں سعودی عرب کے سفیر عاصم القرشی نے انڈونیشی بزرگ سے سفارتخانے میں ملاقات کرکے انڈونیشین بزرگ اور اس کے اہل خانہ کو رواں برس شاہی مہمان کے طور پر حج ادائی کی دعوت دی تھی۔

    معمر انڈونیشین شہری اور اس کے اہل خانہ کی اس سال حج کی خواہش پر مبنی ویڈیو کلپ وائرل ہوتے ہی خادم الحرمین الشریفین کے جکارتہ میں سفارتخانے نے اگلے ہی روز بزرگ شہری کو سفارتخانے مدعو کیا تھا تاکہ مزید تفصیلات سے آگاہ ہوسکیں۔

    واضح رہے کہ انڈونیشیا میں اکثر شہری بیس سالوں سے فریضہ حج کی ادائیگی کے لئے ترس رہے ہیں۔

  • دنیا بھر سے 11 لاکھ عازمینِ حج سعودی عرب پہنچ گئے

    دنیا بھر سے 11 لاکھ عازمینِ حج سعودی عرب پہنچ گئے

    مکہ مکرمہ:دنیا بھر سے کم وبیش 11لاکھ عازمین فریضہ حج کی ادائی کے لیے سعودی عرب پہنچ گئے ، ان میں زیادہ تعداد انڈونیشیا سے تعلق رکھنے والے حجاج کی ہے۔ ان کے بعد بالترتیب پاکستان، بنگلہ دیش اور بھارت سے تعلق رکھنے والے حجاج کرام ہیں۔

    عرب ٹی وی کیے مطابق ان میں لاکھوں حاجی مکہ مکرمہ میں موجود ہیں۔ وہ عمرے کی ادائی، طواف بیت اللہ اور دوسری عبادات میں مصروف ہیں۔ ایک بڑی تعداد مدینہ منورہ میں روضہ رسول صلی اللہ علیہ وسلم کی زیارت کا شرف حاصل کر رہی ہے اور مسجد نبوی صلی اللہ علیہ وسلم میں عبادت وریاضت میں مصروف ہے۔

    سعودی حکومت کے مقرر کردہ حج کوٹا کے مطابق انڈونیشیا سے ڈھائی لاکھ اور پاکستان سے دو لاکھ عازمین حج کے لیے آئیں گے۔ پاکستان سے اب تک سعودی عرب میں ایک لاکھ 35 ہزارعازمینِ حج پہنچ گئے ہیں۔مکہ مکرمہ میں پاکستان حج مشن کے فراہم کردہ اعداد وشمار کے مطابق ان میں چھیانوے ہزارعازمین سرکاری حج اسکیم اور چھتیس ہزارنجی حج اسکیم کے تحت مکہ مکرمہ اور مدینہ منورہ میں پہنچے ہیں۔

    بتایا جارہا ہے کہ پچاس ہزار عازمین مدینہ منورہ کی زیارت کے بعد مکہ مکرمہ پہنچ چکے ہیں۔ان میں زیادہ ترعازمین پہلے سیدھے مدینہ منورہ پہنچے تھے۔ وہاں انھوں نے آٹھ یا نو روز تک قیام کیا ہے۔ سرکاری حج اسکیم کے تحت آنے والے آٹھ ہزار سے زیادہ عازمین حج ابھی مدینہ منورہ میں موجود ہیں اور اٹھاسی ہزار مکہ مکرمہ میں پہنچ چکے ہیں۔

    سرکاری حج سکیم کے تحت پاکستان ائیرلائنز، سعودی ائیرلائنز اور نجی فضائی کمپنی ائیر بلو کے ذریعے عازمین حج کو سعودی عرب منتقل کیا جارہا ہے جبکہ نجی حج کمپنیوں کے تحت عازمین کو پاکستان سے مختلف فضائی کمپنیوں کی پروازوں کے ذریعے سعودی عرب لایا جا رہا ہے۔

    وزارت مذہبی امور کی مانیٹرنگ ٹیموں کے ذریعے نجی حج کمپنیوں کی کارکردگی کی مسلسل جانچ بھی کی جا رہی ہے۔پاکستان حج مشن نے کسی بھی ہنگامی صورت حال سے نمٹنے کے لیے ایک ہیلپ لائن قائم کی ہے۔

  • سعودی عرب: عازمین حج کے لیے نت نئی سہولیات، کئی زبانیں بولنے والا عملہ تعینات

    سعودی عرب: عازمین حج کے لیے نت نئی سہولیات، کئی زبانیں بولنے والا عملہ تعینات

    ریاض: سعودی حکام عازمین حج کے لیے نت نئی سہولیات فراہم کرنے لگے، ایئرپورٹ پر کئی زبانیں بولنے والے ترجمان تعینات کردیے گئے۔

    تفصیلات کے مطابق سعودی حکومت کی جانب سے ان اقدامات کا مقصد عازمین حج کو ہر قسم کی پریشانی سے بچانا ہے، دنیا بھر سے مختلف زبانیں بولنے والے لاکھوں مسلمان حج کی ادائیگی کے لیے سعودی عرب آتے ہیں۔

    غیر ملکی خبر رساں ادارے کے مطابق سعودی عرب کے ہوائی اڈوں پر کئی ایسے ترجمان تعینات کیے گئے ہیں جو مختلف زبانوں پر عبور رکھتے ہیں، جو عازمین کو رہنمائی فراہم کررہے ہیں۔

    بعض اوقات عازمین حج کو اپنا مدعا بیان کرنا بہت مشکل ہوجاتا ہے، کیوں کہ بہت سے افراد انگریزی اور عربی زبان سے ناواقف ہوتے ہیں، ترجمان کی تعیناتی سے یہ مسئلہ حل ہوچکا ہے۔

    ہوائی اڈوں پر ایسے رضاکار اور مختلف زبانوں کے ماہر طلباء کی خدمات حاصل کی گئی ہیں جو دوسرے ممالک سے آنے والے عازمین حج کو ان کی زبان میں رہ نمائی فراہم کر رہے ہیں۔

    سعودی عرب کے ہوائی اڈوں پر جن رضاکاروں کو تعینات کیا گیا ہے کہ وہ انگریزی، ہسپانوی، انڈونیشی، جاپانی، فارسی، اردو سمیت ترکی زبان بھی جانتے ہیں، اور باشندوں کو انہیں کی زبان میں گائیڈ کررہے ہیں۔

    حجاج کرام کے استقبال کے لیے ننھے منھے بچے بھی آگے آگے

    خیال رہے کہ سعودی عرب میں عازمین حج کی خدمت اور ان کے استقبال کے لیے کام کرنے والے زمازمہ کنسولی ڈیڈٹ مرکز کی طرف سے عازمین حج کے استقبال کی ایک نئی مہم شروع کی گئی ہے۔

    زمزمی صغیر کے عنوان سے جاری اس مہم میں مکہ اور مدینہ منورہ کوملانے والی مرکزی شاہراہ پر بچے پھول اور زمزم کی بوتلیں لیے عازمین حج کا استقبال کرتے ہیں، بچے یہ پھول اور زمزم اللہ کے مہمانوں میں تقسیم کرکے ان سے داد تحسین وصول کرتے ہیں۔

  • 1لاکھ2ہزار پاکستانی عازمین حج سعودی عرب پہنچ چکے ہیں

    1لاکھ2ہزار پاکستانی عازمین حج سعودی عرب پہنچ چکے ہیں

    مکہ مکرمہ: ایک لاکھ دو ہزار پاکستانی عازمین حج سعودی عرب پہنچ چکے ہیں، جس میں 74ہزار سرکاری جبکہ 28ہزار عازمین نجی حج اسکیم کے ذریعےحجاز مقدس پہنچے۔

    تفصیلات کے مطابق ایک لاکھ دوہزار پاکستانی حج کی ادائیگی کے لیے سعودی عرب پہنچ چکے ہیں، جبکہ سرکاری حج اسکیم کے28ہزار عازمین نے مدینہ منورہ کی زیارت کی اور پھر مکہ پہنچے۔

    حج میڈیکل مشن کے تحت405ڈاکٹر، نرسیں اور پیرامیڈیکل اسٹاف کام کررہا ہے، اب تک9سرکاری اور 2نجی حج اسکیم کے عازمین کی اموات واقع ہوئی ہیں۔

    ڈی جی حج ساجد یوسفانی کا کہنا ہے کہ تمام کی تدفین جنت البقیع، مکہ کے شرائع قبرستان میں کردی گئی، عازمین حج کی خدمت پاکستان کی شاندار روایت ہے۔

    انہوں نے کہا کہ پاکستانی حجاج سرزمین کے وقار اور تقدس کا ہمہ وقت خیال رکھیں، حجاج اپنے دیگر حاجی بھائیوں کیلئے ایثار اور اخوت سے پیش آئیں۔

    مکہ پہنچنے والے عازمین حج کیلئے 10لاکھ سِم کارڈز اور مفت انٹرنیٹ کا تحفہ

    ڈی جی حج کا کہنا تھا کہ بزرگوں، معذور اور خواتین سمیت ہر مسلمان کو خود پر ترجیح دیں، حج مشن نے عازمین کی سہولت اور آسانی کیلئے منظم نیٹ ورک قائم کیا ہے۔

    ساجد یوسفانی کا مزید کہنا تھا کہ عازمین حج رہنمائی یا پریشانی میں پاکستانی جیکٹ پہنے معاون حج سے رابطہ کریں، مفت ہیلپ لائن 8001166622 پر بھی رابطہ کیا جاسکتا ہے۔

  • 90 ہزار پاکستانی عازمینِ حج سعودی عرب پہنچ چکے

    90 ہزار پاکستانی عازمینِ حج سعودی عرب پہنچ چکے

    اسلام آباد: وزارتِ مذہبی امور کا کہنا ہے کہ 90 ہزار پاکستانی عازمینِ حج سعودی عرب پہنچ چکے ہیں، 64 ہزار سرکاری جب کہ 26 ہزار عازمین نجی حج اسکیم کے تحت حجاز مقدس پہنچے۔

    تفصیلات کے مطابق سعودی عرب پہنچنے والے عازمینِ حج کی رہنمائی کے لیے وزارتِ مذہبی امور کی جانب سے خدام اور طبی مشن بھرپور طریقے سے اپنا فریضہ انجام دینے میں مصروف ہیں۔

    اب تک 90 ہزار پاکستانی عازمین حج سعودی عرب پہنچ چکے ہیں، جن میں سے سرکاری عازمین کی تعداد چونسٹھ ہزار جب کہ نجی حج اسکیم کے عازمین کی تعداد چھبیس ہزار ہے۔

    [bs-quote quote=”اب تک 6 سرکاری اور 2 نجی حج اسکیم کےعازمین کی اموات واقع ہو چکی ہیں۔” style=”style-8″ align=”left”][/bs-quote]

    وزارتِ مذہبی امور سے 154 افسران اور عملہ سعودیہ میں فرائض انجام دے رہا ہے، حج میڈیکل مشن کے تحت 389 ڈاکٹر، نرسیں اور پیرا میڈیکل اسٹاف کام کر رہا ہے۔

    عازمین کی خدمت کے لیے 350 پاکستانی معاونین جب کہ ساڑھے 700 لوکل خدام بھی تعینات کیے جا چکے ہیں، اب تک 182 گم ہونے والے عازمین کو ان کی رہایش گاہوں تک پہنچایا گیا ہے۔

    وزارت کے مطابق حرم گائڈز کی جانب سے 20 ہزار سے زاید عازمین کو رہنمائی فراہم کی گئی، 3600 سے زاید بیگز تلاش کر کے عازمین حج تک پہنچائے گئے، جب کہ کال سینٹر پر رہنمائی کے لیے 194 اور شکایات کے لیے 150 کالز موصول ہوئیں۔

    حج میڈیکل مشن نے 11 ہزار سے زاید مریضوں کو طبی سہولیات فراہم کیں، 64 مریضوں کو سعودی عرب کے مختلف اسپتالوں میں منتقل کیا گیا، جب کہ اب تک 6 سرکاری اور 2 نجی حج اسکیم کےعازمین کی اموات واقع ہو چکی ہیں۔

  • عازمین حج فرضی اور جعلی حج کمپنیوں کے جھانسے میں نہ آئیں، سعودی عرب

    عازمین حج فرضی اور جعلی حج کمپنیوں کے جھانسے میں نہ آئیں، سعودی عرب

    ریاض : سعودی وزارت حج نے جاری بیان میں کہا ہے کہ حج کی رجسٹریشن کے لیے صرف حکومت سعودی عرب کی فراہم کردہ سرکارہ آن لائن سروس استعمال کریں۔

    تفصیلات کے مطابق سعودی عرب کی وزارت حج وعمرہ نےاندرون ملک مقیم غیرملکی مسلمان شہریوں اور مقامی عازمین حج پر زور دیا ہے کہ وہ حج کی رجسٹریشن کرتے ہوئے احتیاط سے کام لیں، جعلی حج کمپنیوں کے جھانسے میں نہ آئیں بلکہ حج کی رجسٹریشن کے لیے فراہم کردہ سرکارہ آن لائن سروس استعمال کریں اور مجاز حج ٹور آپریٹرز کے ذریعے حج کے لیے رجسٹریشن کرائیں۔

    غیر ملکی خبر رساں ادارے سعودی وزارت حج کی طرف سے مقامی عازمین حج کی رجسٹریشن کے لیے آن لائن رجسٹریشن سروس فراہم کی گئی ہے، اس کے علاوہ شہری قابل بھروسہ اور مجاز حج فرموں کے ذریعے بھی اپنی رجسٹریشن کراس کر اسکتے ہیں۔

    وزارتِ حج نے ایک بیان میں کہا کہ بہت سے دھوکہ باز عناصر جعلی حج کمپنیوں کے ذریعے شہریوں سے حج کی آڑ میں رقوم اینٹھ کر انہیں نقصان پہنچا سکتے ہیں،ایسے افراد جو جنہوں نے فرضی اور جعلی حج کمپنیوں کے ذریعے رجسٹریشن کرائی ہو وہ سرکاری سطح پر حج کے لیے اہل انہیں ہوں گے۔

    سعودی عرب کے نائب وزیر حج وعمرہ ڈاکٹر عبدالفتاح بن سلیمان مشاط نے کہا کہ عازمین حج کی رجسٹریشن کی نگرانی کمیٹیاں غیرمجاز حج کی مہمات، سوشل میڈیا پران کی سرگرمیوں اور جعلی حج ٹور آپریٹرکے نام پر لوگوں کو دھوکہ دینے والوں پر گہری نظر رکھے ہوئے ہیں۔

    غیر ملکی میڈیا کا کہنا تھا کہ اس حوالے سے سعودی شہریوں اور غیرملکی باشندوں کو کسی فرضی اور جعلی نیٹ ورک کی فوری متعلقہ حکام کو اطلاع دینا چاہیے۔

    انہوں نے کہا کہ حج درخواستوں کی آن لائن رجسٹریشن کے لیے صرف ایک رابط لنک بنایا گیا ہے، تمام مجاز کمپنیاں اپنے ہاں آنے والے عازمین حج کی اسی لنک پر رجسٹریشن کرا رہی ہیں۔

    انہوں نے کہا کہ مقامی سطحپر عازمین حج کی رجسٹریشن حج کے عمل کو شفاف بنانے کی کوششوں کا حصہ ہے تاکہ حج کے موقع پر غیرمتعلقہ لوگوں کو حجاج میں شامل ہونے سے روکا جاسکے۔