Tag: حج

اسلام آباد: قومی ایئر لائن (پی آئی اے) کے قبل از حج آپریشن کا آغاز 5 جولائی سے ہوگا، 78 ہزار عازمین حج کو 300 پروازوں سے حجازِ مقدس پہنچایا جائے گا۔

تفصیلات کے مطابق پی آئی اے حج سے قبل اپنے فلائٹ آپریشن کا آغاز دو دن بعد کر رہا ہے، تین سو پروازوں پر مشتمل آپریشن کے ذریعے اٹھتر ہزار عازمین حج کو لے جایا جائے گا۔

اس سلسلے میں 5 جولائی کو 4 پروازیں کراچی، اسلام آباد، پشاور اور لاہور سے روانہ ہوں گی۔

ان چاروں پروازوں سے ایک ہزار 300 عازمین حجاز مقدس روانہ ہوں گے، پی آئی اے کی 300 حج، شیڈول پروازیں جدہ، مدینہ کے لیے ہوں گی۔

تازہ ترین خبریں پڑھیں:  وزیراعظم کا وژن روڈ ٹو مکہ منصوبہ تاریخی حیثیت اختیار کرگیا

ترجمان کا کہنا ہے کہ پی آئی اے کا قبل از حج آپریشن 5 اگست کو مکمل ہو جائے گا، بعد از حج آپریشن کا آغاز 17 اگست سے ہوگا، جب کہ اختتام 14 ستمبر کو ہوگا۔

خیال رہے کہ وزیر اعظم عمران خان روڈ ٹو مکہ پراجیکٹ کا افتتاح بھی پانچ جولائی کو اسلام آباد ایئر پورٹ پر کریں گے۔

روڈ ٹو مکہ منصوبے کے تحت تاریخ میں پہلی مرتبہ عازمین حج کی امیگریشن اسلام آباد ایئر پورٹ ہی پر ہوگی۔

اسلام آباد ایئر پورٹ پر عازمین کی امیگریشن کے لیے کاؤنٹر پر سسٹم بھی نصب کر دیے گئے ہیں، 21 ہزار سے زاید عازمین کی امیگریشن خصوصی کاؤنٹر پر کی جائےگی۔

اسلام آباد: روڈ ٹو مکہ پراجیکٹ کے لیے 40 رکنی سعودی وفد اسلام آباد پہنچ گیا، ایئر پورٹ پر وفاقی وزیر اور سیکریٹری مذہبی امور نے وفد کا استقبال کیا۔

تفصیلات کے مطابق چالیس رکنی سعودی وفد روڈ ٹو مکہ منصوبے کے سلسلے میں اسلام آباد ایئر پورٹ پہنچ گیا ہے، وفاقی وزیر نور الحق قادری اور سیکریٹری مذہبی امور کی جانب سے سعودی وفد کو گل دستہ پیش کیا گیا۔

روڈ ٹو مکہ پراجیکٹ کے لیے اسلام آباد ایئر پورٹ پر خصوصی کاؤنٹرز کی تنصیب مکمل کر لی گئی ہے، سعودی وفد کل سے اسلام آباد ایئر پورٹ پر ذمہ داریاں سنبھالے گا۔

خیال رہے کہ حج 2019 کے لیے فضائی آپریشن 4 جولائی سے شروع ہوگا، ادھر سرکاری حج اسکیم کی تیاریاں بھی آخری مراحل میں ہیں، ای ویزے کا اجرا بھی شروع کر دیا گیا ہے۔

یہ بھی پڑھیں:  سرکاری حج اسکیم کی تیاریاں آخری مراحل میں، ای ویزے کا اجرا شروع

روڈ ٹو مکہ پراجیکٹ میں صرف عازمین حج جائیں گے، سعودی عرب ملازمت یا وزٹ ویزے والوں کو یہ سہولت میسر نہیں ہوگی۔

واضح رہے کہ وزیر اعظم عمران خان روڈ ٹو مکہ پراجیکٹ کا افتتاح 4 جولائی کو اسلام آباد ایئر پورٹ پر کریں گے، یہ منصوبہ پرنس سلمان نے شروع کیا تھا، عازمین حج اپنی امیگریشن اسلام آباد ایئر پورٹ پر کر کے جدہ اور مدینہ ایئر پورٹ پر امیگریشن کے طویل انتظار سے بچ سکیں گے۔

اسلام آباد: وفاقی وزیر مذہبی امور ڈاکٹر پیر نورالحق قادری نے سعودی عرب کا دورہ کیا، دورے کے دوران انھوں نے حج انتظامات کا تفصیلی جائزہ لیا۔

تفصیلات کے مطابق وزیر مذہبی امور نے سعودی عرب کا دورہ کر کے حج انتظامات سے متعلق سعودی وزیر حج اور متعلقہ حکام سے ملاقاتیں کیں۔

وزیر مذہبی امور نور الحق قادری نے حج کوٹہ میں اضافے پر سعودی حکام کا شکریہ ادا کیا، اس دوران سعودی عرب میں حج انتظامات کا تفصیلی جائزہ بھی لیا گیا۔

نور الحق قادری نے سعودی حکام سے ائیر پورٹ میں حاجیوں کو سہولیات فراہم کرنے سے متعلق بات چیت کی، اور منیٰ، مزدلفہ، عرفات میں پاکستانی حجاج کے لیے انتظامات کا بھی جائزہ لیا۔

وزیر مذہبی امور نے حاجیوں کی رہایش اور عمارتوں کے حوالے سے بھی انتظامات کا جائزہ لیا اور متعلقہ حکام کو موقع پر حاجیوں کے مسائل حل کرنے کی ہدایت کی۔

یہ بھی پڑھیں:  وزیرمذہبی امور کی سعودی وزیرحج سے ملاقات

یاد رہے کہ گزشتہ روز سعودی وزیرحج ڈاکٹر صالح بن طاہر نے پیر نور الحق سے ملاقات میں کہا تھا کہ حجاج کرام کے آرام اور سہولت کا خیال رکھنا ان کے فرائض میں شامل ہے، پاکستان کے دیگر شہروں کا روڈ ٹو مکہ میں شمولیت کا جائزہ لیا جائے گا۔

خیال رہے کہ گزشتہ ماہ پاکستان کو روڈ ٹو مکہ منصوبہ میں شامل کرنے سے متعلق اہم پیش رفت سامنے آئی، منصوبے کے تحت رواں سال 90 فی صد پاکستانی عازمین حج کی امیگریشن پاکستان میں ہوگی۔

اسلام آباد: مذہبی امور کے ترجمان کا کہنا ہے کہ سرکاری حج اسکیم میں آج شام 6 بجے تک 2 لاکھ 16 ہزار 542 درخواستیں موصول ہوئیں۔

تفصیلات کے مطابق حج درخواستوں کی وصولی آج شام 6 بجے تک جاری رہی، ترجمان مذہبی امور نے بتایا دو لاکھ سولہ ہزار سے زائد حج درخواستیں موصول ہو گئی ہیں۔

ترجمان مذہبی امور نے بینکوں کو ہدایت کی ہے کہ وہ عازمین حج کے چیک اور ڈرافٹ پیر تک کلیئر کر دیں۔

ترجمان کا کہنا تھا کہ بینکوں کی درخواست پر حج قرعہ اندازی ایک دن لیٹ کر دی گئی ہے، بینکوں کو آن لائن انٹری جلد مکمل کرنے کی ہدایات جاری کر دی ہیں۔

ترجمان نے کہا کہ سرکاری حج اسکیم کی قرعہ اندازی منگل 12 مارچ کو ہوگی، وفاقی وزیر مذہبی امور پیر نور الحق قادری قرعہ اندازی کریں گے۔

یہ بھی پڑھیں: سرکاری حج اسکیم : درخواستیں چھ مارچ تک وصول کی جائیں گی، ترجمان مذہبی امور

خیال رہے کہ عوام کی سہولت کے لیے درخواست گزاروں کے کوائف وزارت کی ویب سائٹ پر اپ لوڈ کر دیے گئے ہیں، تمام درخواست گزاروں کو ان کے کوائف ایس ایم ایس بھی کیے جا رہے ہیں، ترجمان مذہبی امور نے ہدایت کی ہے کہ درخواست گزار کسی بھی غلطی کی صورت میں متعلقہ بینک سے فوری تصحیح کرائیں۔