Tag: حج

اسلام آباد: وزارتِ مذہبی امور نے عوامی سہولت کو مدِ نظر رکھتے ہوئے حج درخواستوں کی وصولی میں تین دن کی توسیع کر دی۔

تفصیلات کے مطابق وزارتِ مذہبی امور کی جانب سے ملکی صورتِ حال کے پیش نظر حج درخواستوں کی وصولی میں توسیع کر دی گئی ہے۔

حج درخواستوں کے سلسلے میں برف باری، سیلابی صورتِ حال کے باعث درخواست گزاروں کو مشکلات کا سامنا تھا۔

ترجمان مذہبی امور کا کہنا ہے کہ حج درخواستوں کی وصولی میں 3 دن کی توسیع کہ گئی ہے، سرکاری اسکیم کے لیے حج درخواستیں 9 مارچ تک وصول کی جائیں گی۔

مذہبی امور کے ترجمان کے مطابق سرکاری حج اسکیم کی قرعہ اندازی 11 مارچ کو ہوگی۔

یہ بھی پڑھیں:  سرکاری حج اسکیم : درخواستیں چھ مارچ تک وصول کی جائیں گی، ترجمان مذہبی امور

واضح رہے کہ اس سے قبل حج درخواستوں کی وصولی کے لیے چھ مارچ کی تاریخ مقرر کی گئی تھی، سرکاری حج اسکیم میں اب تک سوا لاکھ سے زیادہ درخواستیں وصول کی جا چکی ہیں۔

ترجمان وزارت مذہبی امور کا کہنا تھا کہ خراب موسم کے باوجود حج درخواستوں کی وصولی کا سلسلہ جاری ہے۔

عوام کی سہولت کے لیے درخواست گزاروں کے کوائف وزارت کی ویب سائٹ پر اپ لوڈ کردیے گئے ہیں، تمام درخواست گزاروں کو ان کے کوائف ایس ایم ایس بھی کیے جا رہے ہیں، ترجمان مذہبی امور نے ہدایت کی ہے کہ درخواست گزار کسی بھی غلطی کی صورت میں متعلقہ بینک سے فوری تصحیح کرائیں۔

اسلام آباد: وفاقی وزیر برائے مذہبی امور نور الحق قادری نے عوام کو خبردار کیا ہے کہ وہ سستے حج کی بات سے دھوکا نہ کھائیں اور قانونی ٹور آپریٹرز کے ذریعے درخواستیں دیں۔

تفصیلات کے مطابق وفاقی وزیر نے میڈیا سے گفتگو کرتے ہوئے کہا کہ قانونی ٹور آپریٹرز کے ذریعے درخواستیں دی جائیں، عوام فراڈ سے بچیں۔

[bs-quote quote=”پاکستان روڈ ٹو مکہ منصوبے میں شامل ہو گیا، آغاز لاہور اور کراچی سے ہوگا۔” style=”style-7″ align=”left” color=”#dd3333″ author_name=”وزیر مذہبی امور”][/bs-quote]

نور الحق قادری نے کہا کہ حج پالیسی کا اعلان ہو چکا ہے، پالیسی کی حمایت اور تنقیدی بیانات بھی سامنے آئے۔

ان کا کہنا تھا کہ نان کوٹہ ہولڈر ایک پرائیویٹ ٹور آپریٹر سستے حج کی بات کرتا ہے، یہ ایسا ہے جیسے کسی کو ڈرائیونگ نہ آئے اور کہے گاڑی چلانی ہے۔

نور الحق قادری نے کہا کہ جن کے پاس کوئی کوٹہ ہی نہیں، تو وہ حج کیسے کرا سکتے ہیں، عوام ایسے لوگوں کی باتوں میں نہ آئیں، البتہ کوٹہ ہولڈرز اگر سستا حج کراتے ہیں تو ہم حوصلہ افزائی کریں گے۔

وفاقی وزیر مذہبی امور نے کہا کہ رواں سال حج پیکج میں اضافہ ہوا ہے، اس کی وجوہ ہم بتائیں گے، سعودی حکام سے انتظامات پر ملاقات اور بات چیت ہوئی تھی، ہم نے بہتر سے بہتر حج کرانے اور انتظامات پر زور دیا ہے، سعودی حکومت نے بھی بہترین انتظامات کی یقین دہانی کرائی۔

یہ بھی پڑھیں:  لاہور ہائی کورٹ میں حج پالیسی 2019 کو چیلنج کردیا گیا

نور الحق قادری کا کہنا تھا کہ روڈ ٹو مکہ منصوبے پر سعودی حکومت کے ساتھ معاہدہ ہو گیا ہے، سعودی حکومت نے اس سال پاکستان کو روڈ ٹو مکہ منصوبے میں شامل کیا۔

انھوں نے مزید کہا کہ لاہور اور کراچی سے روڈ ٹو مکہ منصوبے کا آغاز ہوگا، سعودی حکومت ہمارے لیے ای ویزا کی فراہمی کا بندوست بھی کر رہی ہے۔۔

اسلام آباد: وزیرِ اعظم عمران خان نے قومی اسمبلی کے اراکین سے ملاقات میں حج اخراجات میں اضافے کو حکومتی مجبوری قرار دے دیا۔

تفصیلات کے مطابق وزیرِ اعظم عمران خان سے راولپنڈی ڈویژن کے ایم این ایز نے ملاقات کی، ذرایع کا کہنا ہے کہ ملاقات میں وزیرِ اعظم نے حج اخراجات میں اضافے کو حکومتی مجبوری قرار دیا۔

[bs-quote quote=”جانتا ہوں حج کے لیے لوگ سارا سال پیسے جمع کرتے ہیں۔” style=”style-7″ align=”left” color=”#dd3333″ author_job=”وزیرِ اعظم”][/bs-quote]

ذرایع نے بتایا کہ ملاقات میں حج سبسڈی، ترقیاتی فنڈز کی فراہمی پر بھی بات چیت ہوئی۔

وزیرِ اعظم عمران خان نے کہا کہ سعودی عرب میں بھی حج اخراجات میں 35 فی صد اضافہ ہوا، جانتا ہوں حج کے لیے لوگ سارا سال پیسے جمع کرتے ہیں، لیکن حکومت کو ہر روز قرضوں پر 6 ارب روپے سود ادا کرنا پڑتا ہے۔

ذرایع کے مطابق وزیرِ اعظم نے ایم این ایز اور ایم پی ایز کو فنڈز کی یقین دہانی کرائی، تاہم انھوں نے کہا کہ مقامی حکومتوں کے فعال ہونے پر ترقیاتی فنڈز نہیں ملیں گے۔

یہ بھی پڑھیں:  قومی حج پالیسی 2019 منظور، سبسڈی نہ دینے کا فیصلہ

وفاقی وزیرِ ریلوے شیخ رشید نے ملاقات میں وزیرِ اعظم کو نالہ لئی ایکسپریس وے اور اسپتالوں کے مسائل سے آگاہ کیا، وزیرِ اعظم نے راولپنڈی میں مدر اینڈ چائلڈ اسپتال کے قیام کی منظوری دی۔

خیال رہے کہ حکومت کی جانب سے رواں سال حج پر سبسڈی نہ دینے کے فیصلے کے بعد حاجیوں کے لیے حج اخراجات میں اضافہ ہوا ہے۔