Tag: حج

شاہین ایئر کی حج پرواز216 حاجیوں کولےکرکراچی پہنچ گئی

کراچی : سول ایوی ایشن اتھارٹی کی جانب سے دیے جانے والے خصوصی اجازت نامے کے بعد شاہین ایئر کی حج پرواز 216 حاجیوں کو لے کرکراچی پہنچ گئی۔

تفصیلات کے مطابق شاہین ایئرلائن کی حج پرواز این ایل 704 مدینے میں پھنسے 216 حاجیوں کو لے کر رات گئے کراچی انٹرنیشنل ایئرپورٹ پہنچی۔

کراچی ایئرپورٹ پر حجاج کرام کے عزیز واقارب نے حاجیوں کا استقبال پھولوں کے ہاروں سے کیا۔

اس موقع پر حاجیوں کا کہنا تھا کہ دو روز انہوں نے بہت مشکل میں گزارے، ان کے پاس کھانے کے لیے کچھ تھا اور نہ ہی رہنے کے لیے جگہ تاہم بعد میں انہیں ہوٹل مہیا کیے گئے۔

سول ایوی ایشن اتھارٹی نے شاہین ایئرکے لائسنس کی توسیع کردی

یاد رہے کہ گزشتہ روز ترجمان سول ایوی ایشن اتھارٹی کا کہنا تھا کہ شاہین ایئرلائن کے لائسنس میں توسیع حج آپریشن کے لیے کی گئی تھی، شاہین ایئر کو حاجیوں کی واپسی کے لیے پروازآپریٹ کرنے کی اجازت دی گئی۔

ترجمان کا مزید کہنا تھا کہ مدینہ کے حج ٹرمینل پر325 سے زائد پاکستانی حجاج محصورہیں، شاہین ایئر کوانسانی بنیادوں پر اجازت دے گئی۔

سول ایوی ایشن اتھارٹی کی جانب سے شاہین ایئرلائن کے ریگولرپبلک ٹرانسپورٹ لائسنس میں 30 ستمبر تک توسیع کی گئی۔

ستمبر 2, 2018
سول ایوی ایشن اتھارٹی نے شاہین ایئرکے لائسنس کی توسیع کردی

کراچی : سول ایوی ایشن اتھارٹی نے شاہین ایئرکے لائسنس کی توسیع کردی، لائسنس کی توسیع حج آپریشن کے لیے کی گئی۔

تفصیلات کے مطابق اے آروائی نیوز کی خبرکا اثر، شاہین ایئرکو حجاج کو واپس لانے کی اجازت مل گئی۔

ترجمان کے مطابق شاہین ایئرلائن کے لائسنس میں توسیع حج آپریشن کے لیے کی گئی، شاہین ایئر کو حاجیوں کی واپسی کے لیے پروازآپریٹ کرنے کی اجازت دی گئی ہے۔

سول ایوی ایشن اتھارٹی کے ترجمان کا کہنا ہے کہ مدینہ کے حج ٹرمینل پر325 سے زائد پاکستانی حجاج 24گھنٹے سے محصورہیں، شاہین ایئر کوانسانی بنیادوں پر اجازت دے گئی ہے۔

شاہین ایئر کا حج آپریشن بند، ہزاروں حاجیوں کی واپسی خطرے میں

یاد رہے کہ گزشتہ روزسول ایوی ایشن نے شاہین ایئر لائن کے ریگولر پبلک ٹرانسپورٹ لائسنس میں توسیع کرنے سے انکار کردیا تھا جس کے باعث شاہین ایئر لائن کا حجاج کرام کو واپس لانے کا آپریشن منسوخ کردیا گیا تھا۔

طیارے کو سعودی عرب کے وقت کے مطابق دوپہر ایک بجے روانہ ہونا تھا، مذکورہ حجاج کرام صبح سے ہی مدینہ ایئرپورٹ پر موجود تھے، حاجیوں کو ایئرلائن انتظامیہ کی جانب سے پرواز کی روانگی کے حوالے سے کوئی معلومات اور سہولیات فراہم نہیں کی گئیں۔

مدینہ کے حج ٹرمینل پر موجود حجاج کرام نے وزیر اعظم عمران خان سے مطالبہ کیا تھا کہ صورت حال کا نوٹس لے کر واپسی کے انتظامات کیے جائیں۔

ستمبر 1, 2018
حج کی قدیم نایاب تصاویر جو آپ کا جذبہ ایمان تازہ کردیں گی

اسلام کا اہم ترین فریضہ عبادت حج کا آغاز ہوچکا ہے اور دنیا بھر سے بے شمار فرزندان اسلام اس اہم فریضے کی ادائیگی کے لیے سرزمین مقدس پر موجود ہیں۔

آج سعودی عرب میں دنیا بھر سے آنے والے حجاج کرام کی میزبانی کے لیے شاندار سہولیات فراہم کی جاتی ہیں تاہم اب سے چند دہائیوں قبل منظر نامہ کچھ مختلف تھا۔

وہ دور آج کے دور جیسا ترقی یافتہ بھی نہیں تھا، اور مختلف ممالک سے حج ادا کرنے کے لیے مکہ المکرمہ پہنچنا ایک کٹھن مرحلہ تھا۔

مزید پڑھیں: خانہ کعبہ کی مختلف ادوار کی تصاویر

آج ہم آپ کو سنہ 1953 میں کھینچی گئی حج کے موقع کی ایسی ہی کچھ نایاب تصاویر دکھانے جارہے ہیں جنہیں دیکھ کر آپ کو اندازہ ہوگا کہ تمام تر مشکلات کے باوجود فرزندان اسلام دین اسلام کی محبت و عقیدت سے سرشار ہو کر اس فریضے کی تکمیل کے لیے پہنچتے تھے۔

اس وقت جہاز کا سفر اتنا عام نہیں تھا اور دنیا کے دور دراز خطوں سے آنے والے بحری سفر کر کے حج ادا کرنے پہنچتے تھے۔

صاحب حیثیت افراد ہوائی جہاز کا سفر بھی کرتے تھے مگر وہ زیادہ تر قریبی ممالک کے رہنے والے ہوتے تھے۔

حجاج کرام کے ایک سے دوسری جگہ سفر کا منظر۔

اس وقت موجود کئی عمارتوں کو حرم کی وسعت تعمیر کے لیے اب ڈھا دیا گیا ہے۔

غیر مسلموں کے داخلے پر پابندی کا بورڈ۔

مکہ کی ایک مصروف سڑک، تصویر میں عثمانی طرز تعمیر کا حامل ایک مینار بھی موجود ہے۔

مسجد الحرام میں داخلے کا ایک منظر۔

مسجد کے دروازے کے باہر محو عبادت نمازی۔

خانہ کعبہ اور مطاف کا ایک منظر، اس وقت یہاں پکے فرش نہیں بچھائے گئے تھے۔

اس وقت عازمین حج کو خانہ کعبہ کے اندر داخلے کی اجازت بھی تھی۔

خانہ کعبہ کا طواف اس وقت ایک آسان عمل تھا کیونکہ اس وقت آج کی طرح لوگوں کا ہجوم نہیں ہوتا تھا۔

مسجد الحرام کے قریب قائم بازار اور مختلف اشیا فروخت کرنے والے تاجر۔

اس وقت گھوڑا گاڑیاں آمد و رفت کا نہایت آسان ذریعہ ہوا کرتی تھیں۔

حجاج کرام قربانی کے لیے اپنی مرضی کے جانور کا انتخاب کرتے تھے۔

فریضہ حج کی ادائیگی کے دوران کچھ حجاج اپنے جانوروں کو اپنے ساتھ ہی رکھتے تھے۔

جانوروں کی قربانی کے بعد انہیں گدھے پر لاد کر لے جایا جاتا تھا۔

حجاج ہاتھ سے بنے چولہوں پر اپنا کھانا خود تیار کیا کرتے تھے۔

میدان عرفات میں حاجیوں کے نصب شدہ خیمے۔

شیطان کو کنکریاں مارنا یعنی جمرات کے لیے مٹی کا ایک ستون استعمال ہوتا تھا۔

اگست 20, 2018
حج مناسک کا آغاز: عازمین حج منیٰ پہنچ گئے

ریاض : سعودی عرب جانے والے لاکھوں عازمین حج مکۃ المکرمہ سے منیٰ پہنچ گئے، جہاں آج (8 ذوالحج) کا دن اور رات گزاریں گے، منیٰ میں دنیا کی سب سے بڑی خیمہ بستی قائم ہے۔

تفصیلات کے مطابق حج مناسک کی ادائیگی کے لیے دنیا بھر سے لاکھوں کی تعداد میں سعودی عرب جانے والے فرزندان اسلام منیٰ پہنچ گئے جہاں عازمین حج آج (8 ذوالحج) کا دن اور رات منیٰ میں ہی گزاریں گیں جہاں دنیا کی سب سے بڑی خیمہ بستی قائم کی گئی ہے۔

حجاج کرام 9 ذوالحج کی صبح منیٰ سے میدان عرفات کی جانب سے روانہ ہوں گےجہاں حج کا اہم فریضہ وقوف عرفہ کی ادائیگی کریں گے اور مسجد نمرہ میں خطبہ حج بھی سنیں گے جو مسجد نبوی کے امام شیخ حسن بن عبدالعزیز آل شیخ دیں گے جس کے بعد نماز ظہر و عصر ایک ساتھ ادا کی جائے گی۔

عازمین حج سورج غروب ہونے کے بعد میدان عرفات سے مزدلفہ کی جانب روانہ ہوں گے جہاں وہ نماز مغربین (مغرب و عشا) ایک ساتھ قصر ادا کریں اور رات کو مزدلفہ میں قیام کے دوران رمی جمرات کے لیے کنکریاں جمع کریں گے اور نماز فجر بھی مزدلفہ میں ہی ادا کریں گے۔

حجاج کرام 10 ذوالحج کو طلوع آفتاب کے بعد دوبارہ منیٰ کی جانب روانہ ہوں گے جہاں وہ سب سے بڑے شیطان کو کنکریاں ماریں گے اور رمی جمرات کے بعد حجاج کرام قربانی کریں۔

حج مناسک کی ادائیگی کے لیے سعودی جانے والے عازمین کرام قربانی کے بعد مکۃالمکرمہ جاکر مسجد الحرام میں طواف زیارت کریں گے اور صفا و مروہ کے درمیان سعی کی سعادت حاصل کریں گے جس کے بعد واپس منیٰ آجائیں گے۔

واضح رہے کہ رواں برس فریضہ حج کی ادائیگی کے لیے دنیا بھر سے 20 لاکھ مسلمان سعودی عرب پہنچے ہیں، عازمین کرام میں 1 لاکھ 84 ہزار افراد پاکستانی ہیں۔

خیال رہے کہ سعودی حکام نے حجاج کرام کی سہولت اور کے لیے ایک ہیلپ لائن 8004304444 متعارف کروائی گئی ہے جس پر کال کرکے شکایت یا معلومات درج کروائی جاسکتی ہے۔

سعودیہ جانے والے سافٹ ویئرز ماہرین میں دو پاکستانی شہری بھی شامل ہیں جنہوں نے دو ایشیائی طالب علموں کے ساتھ مل کر ایک ایسی ایپلی کیشن بنائی ہے جو دوران حج انسانوں کے سمندر میں لاپتہ ہونے والے عازمین حج کا پتہ لگائے گی۔

پاکستانی ماہرین سافٹ ویئرز کے مطابق مذکورہ ایپلیکیشن بلوتوتھ رسٹ بینڈ کے ذریعے کام کرے گی جو عازمین حج اپنے ہاتھوں میں گھڑیوں کی طرح پہنیں گے۔

غیر ملکی خبر رساں ادارے کا کہنا تھا کہ سعودی خواتین کے ایک گروپ نے ایسا آلہ تیار کیا ہے جس کی مدد نے عجم عازمین حج عربی زبان کو باآسانی سمجھ سکیں گے۔

سعودی، یمنی اور ایریٹیریا کی 5 خواتین پر مشتمل ایک گروپ نے باہمی طور پر میڈیکل کی سہولت فراہم کرنے کے لیے ایپلی کیشن تیار کی ہے جو جیو ٹریکنگ سسٹم کے ذریعے متاثرہ شخص کو فوری تلاش کرے گا۔

اگست 19, 2018
حج آپریشن، 68 ہزار عازمین پی آئی اے کے ذریعے سعودی عرب پہنچ گئے

کراچی: قومی ایئرلائن (پی آئی اے ) نے حج آپریشن کے تحت 225 پروازوں کے ذریعے 68 ہزار سے زائد عازمین کو سعودی عرب پہنچا دیا۔

ترجمان کی جانب سے جاری کردہ اعلامیے کے مطابق پی آئی اے نے قبل ازحج آپریشن95فیصد مکمل کرلیا، قومی ایئر لائن نے کراچی سے فریضہ مقدسہ کی ادائیگی کے لیے جانے والے 21 ہزار 400 عازمین کو 71 پروازوں کے ذریعے سعودی عرب پہنچایا۔

اعلامیے کے مطابق اسلام آباد سے50پروازوں میں5148عازمین جبکہ لاہور سے 43پروازوں کے ذریعے 13960 عازمین کو سعودی عرب پہنچایاگیا، اسی طرح ملتان سے 19 پروازوں کے ذریعے 4 ہزار 571 فیصل آباد اور سیالکوٹ سے 1ہزار 178 عازمین کو سعودی عرب پہنچایا گیا۔

قومی ایئر لائن نے پشاور سے 24پروازوں سے8418عازمین کو حجاج مقدس پہنچایا جبکہ بلوچستان سے تعلق رکھنے والے افراد کو کراچی اور دیگر شہروں سے سعودی عرب پہنچایا گیا۔

پی آئی اے کے ترجمان کے مطابق پاکستانی حجاج کرام کی واپسی کا عمل 27 اگست سے شروع ہوگا جو 25 ستمبر تک جاری رہے گا جس کے لیے انتظامات مکمل کرلیے گئے، پہلی پرواز سے آنے عازمین کا استقبال قومی ایئر لائن کے حکام کریں گے۔

دوسری جانب نجی ایئرلائنوں کے ذریعے 8 ہزار سے زائد عازمین سعودی عرب پہنچے۔

واضح رہے کہ رواں سال پاکستان سے کل ایک لاکھ اناسی ہزار دو سو دس (179,210)عازمین فریضہ حج ادا کریں گے، جن میں سے ایک لاکھ بیس ہزار سرکاری اسکیم جبکہ انسٹھ ہزار دو سو دس ( 59,210) افراد نجی اسکیم کے تحت فریضہ مقدسہ ادا کر رہے ہیں۔

خیال رہے کہ پی آئی اے کی جانب سے رواں سال بھی حج آپریشن کے سلسلے میں خصوصی اقدامات کیے گئے تھے، قومی ایئرلائن نے بوئنگ 777 اور ائیربس 320 طیارے عازمین حج کو سفری سہولیات فراہم کیں۔

عازمین حج کی سعودی عرب روانگی 14 جولائی سے شروع ہوئی جو 15 اگست تک جاری رہی جبکہ فریضہ مقدسہ کی ادائیگی کے بعد حاجیوں کی واپسی کے لیے آپریشن 27 اگست سے شروع ہوگا۔

اگست 16, 2018
عازمین حج شر انگیز باتوں سے گریز کریں، سعودی علما

ریاض: سعودی حکومت نے دنیا بھر سے آنے والے عازمین حج سے اپیل کی ہے کہ وہ شر انگیز اور تنازعات پیدا کرنے والی باتوں سے گریز کریں۔

عرب میڈیا کے مطابق سعودی حکومت کے ماتحت بنائے جانے والے سرکاری علما بورڈ کا اجلاس منعقد ہوا جس کے بعد مشترکہ اعلامیہ جاری کیا گیا۔

سعودی علماء بورڈ کی جانب سے جاری اعلامیے میں دنیا بھر سے آئے لاکھوں عازمین سے اپیل کی گئی ہے کہ فریضہ مقدسہ کے لیے مکہ المکرمۃ آنے والے افراد نفرت انگیز، عدالت برپا کرنے اور تنازعات پیدا کرنے والے سیاسی نعروں سے دور رہیں۔

مزید پڑھیں: سعودی عرب: ذوالحج کا چاند نظر آگیا، عید قرباں 21 اگست کو ہوگی

علما نے عازمین سے یہ بھی اپیل کی کہ تمام عازمین برائی اور گناہ کے کاموں سے پرہیز کریں کیونکہ اللہ رب العزت نے حج کے دوران ہر طرح کی بدکلامی، بدزبانی جھگڑے سے منع فرماتے ہوئے ایک دوسرے کا خیال رکھنے کا حکم دیا۔

مشترکہ اعلامیے میں کہا گیا ہے کہ حاجیوں کے درمیان نفرتیں پھیلانے والے افراد کو بھی برے کاموں سے روکیں اور اگر کوئی تسلسل کے ساتھ یہی برے کام دہرائے تو اس کی اطلاع سیکیورٹی اہلکاروں دیں۔

سعودی علما کا کہنا تھا کہ تمام عازمین سنت نبوی ﷺ کی پیروی کرتے ہوئے حج پر پہنچے تو سب پر لازم ہے کہ وہ ایسے اعمال کریں جو اللہ کے نبی ﷺ نے کیے اور ہر اُس چیز سے رکیں جس سے شریعت نے روکا ہے۔

یہ بھی پڑھیں: پاکستانی نوجوانوں کا کارنامہ،لاپتہ عازمینِ حج کو ڈھونڈنے والی موبائل ایپ تیار کرلی

واضح رہے کہ سعودی عرب پہنچنے والے لاکھوں فرزندان اسلام حج کا رکن اعظم پیر 20 اگست کو ادا کریں گے جس کے اگلے یعنی 21 اگست کو وہ قربانی کریں گے اور پھر سر منڈوائیں گے۔

اگست 14, 2018
حج کےلیےدرخواستوں کی وصولی کا آغازآج سے ہوگا

اسلام آباد : سرکاری اسکیم کے تحت حج درخواستوں کی وصولی کا عمل آج سے شروع ہوگا جو رواں ماہ 24 جنوری تک جاری رہے گا۔

تفصیلات کےمطابق حج پالیسی کےمطابق رواں سال فریضہ حج کی ادائیگی کے خواہشمند افراد سے سرکاری اسکیم کے تحت حج درخواستوں کی وصولی کا عمل آج سے شروع ہوگا۔

درخواست گزاراپنے فارم رواں ماہ کی 24 جنوری تک بینکوں میں جمع کراسکتے ہیں جبکہ 28 جنوری کو قرعہ اندازی ہوگی۔

وزارت مذہبی امور کے ترجمان عمران صدیقی کے مطابق آزاد کشمیر سمیت تیرہ نامزد بینکوں کی برانچیں رواں کی ماہ کی چوبیس تاریخ تک عازمین حج سے درخواستیں وصول کریں گی۔

انہوں نے کہا کہ حج درخواستوں کی قرعہ اندازی 26 جنوری کو ہوگی جبکہ کامیاب درخواست گزاروں کو ایس ایم ایس اور ای میل کے ذریعے آگاہ کردیا جائے گا۔

عمران صدیقی نے کہا کہ قرعہ اندازی کے نتائج ویب سائٹ www.rmora.gov.pk پر بھی دستیاب ہوں گے۔

ترجمان وزارت مذہبی امور کے مطابق رواں سال پاکستان سے کل ایک لاکھ اناسی ہزار دو سو دس (179,210)عازمین فریضہ حج ادا کریں گے۔

انہوں نے مزید کہا کہ 179,210 افراد میں سے ایک لاکھ بیس ہزارعازمین سرکاری اسکیم کے تحت جبکہ انسٹھ ہزار دو سو دس ( 59,210) افراد نجی حج اسکیم کے تحت فریضہ حج ادا کریں گے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

جنوری 15, 2018
حج کا رکن اعظم وقوف عرفہ آج ادا کیا جائے گا

مکہ مکرمہ : حج کا رکن اعظم وقوف عرفہ آج ادا کیا جائے گا دنیا بھر سے آنے والے لاکھوں حجاج کرام مناسک حج کی ادئیگی میں مشغول ہیں۔

تفصیلات کے مطابق آج عازمین حج منیٰ میں نماز فجر کی ادائیگی کے بعد میدان عرفات کے لیے روانہ ہوں گے جہاں حج کا رکن اعظم وقوف عرفہ ادا کیا جائے گا۔

عازمین حج میدان عرفات میں نماز ظہر اور عصر ایک ساتھ ادا کرنے اور مسجد نمر میں خطبہ سننے کے بعد عصر اور مغرب کے درمیان وقوف ہوگا جس میں حجاج اللہ تعالیٰ کے حضور ذکرو تسبیح کے ساتھ دعائیں کریں گے۔

نماز مغرب سے قبل میدان عرفات چھوڑنے کا حکم ہے اس لیے حجاج میدان عرفات سے مزدلفہ روانہ ہوں گے اور وہاں مغرب اور عشاء کی نماز ایک ساتھ ادا کریں گے۔

حجاج کرام مزدلفہ میں رات کھلے آسمان تلے قیام اور نماز فجر کی ادائیگی کے بعد منیٰ میں اپنے اپنے خیموں میں جائیں گے اور قربانی کرنے کے بعد بال منڈوائیں گے۔

لبیک اللھم لبیک کی صدائیں، مناسک حج کا آغاز ہوگیا

پہلے دن شیطان کو کنکریاں مارنے کے بعد حجاج مکہ مکرمہ جاکر مسجدالحرام میں طواف زیارت کرسکتے ہیں۔

دوسرے اور تیسرے دن بھی شیطان کو کنکریاں مارنا حج کا رکن ہے اور تینوں دن منی میں رات کا ایک خاص پہر گزارنا تمام عازمین حج پر واجب ہے۔

حجاج کرام تیسرے دن شیطان کو کنکریاں مارنے کے بعد مستقل طور پر منیٰ سے مکہ مکرمہ روانہ ہوں گے اوراس طرح مناسک حج کی تکمیل ہوجائے گی۔

دوسری جانب سعودی عرب کی نظامت عامہ برائے پاسپورٹس کے ڈٓئریکٹر جنرل میجر جنرل سلیمان الیحییٰ کا کہنا ہے کہ رواں سال 20 سے 30 لاکھ فرزندان اسلام کی فریضہ حج کی ادائیگی کے لیے آمد متوقع ہے۔

واضح رہے کہ سعودی حکومت کی جانب سے عازمین حج کی سیکیورٹی کے لیے پانچ ہزار کیمرے نصب کیے گئے ہیں اور ایک لاکھ اہلکار سیکیورٹی پر تعینات کیے گئے ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

اگست 31, 2017
معمر ترین خاتون فریضہ حج کی ادائیگی کے لیے سعودیہ پہنچ گئیں

جدہ: انڈونیشیاء کی 104 سالہ معمر ترین خاتون ’ماریا مرگینی محمد‘ فریضہ حج ادا کرنے کے لیے سعودی عرب پہنچ گئیں۔

سعودی سرکاری خبر رساں ادارے کے مطابق انڈونیشیاء کی 104 سالہ معمر ترین ہفتے کے روز جدہ کے شاہ عبدالعزیز ائیرپورٹ کے ذریعے فریضہ حج ادا کرنے کے لیے سعودی عرب پہنچی۔

اس موقع پر خاتون کے استقبال کا خصوصی تیاریاں کی گئیں تھیں اور وزارتِ ثقافت کے نمائندے، جدہ میں تعینات انڈونیشیاء کے سفیر جنرل محمد شرف دین کے علاوہ متعلقہ اداروں کے نمائندوں نے خاتون کو خوش آمدید کہا۔

انڈونیشیاء کی معمر خاتون ماریا مرگینی محمد نے حجاز مقدس پہنچ کر عمرہ ادا کیا اور سعودی حکومت کی جانب سے کیے جانے والے انتظامات پر انتظامیہ کا شکریہ بھی ادا کیا۔

یاد رہے دنیا بھر کے مسلمان عازمین ذوالحجۃ فریضہ مقدسہ ادا کرنے کے لیے سعودی عرب پہنچتے ہیں، سعودی حکومت کے مطابق رواں برس 15 لاکھ سے زائد حج کی سعادت حاصل کریں گے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

اگست 27, 2017
حج درخواستوں کی وصولی کا عمل کل سےشروع ہوگا

اسلام آباد:سرکاری اسکیم کےتحت حج درخواستوں کی وصولی کاعمل کل سےشروع ہوگا جو رواں ماہ 26اپریل تک جاری رہےگا۔

تفصیلات کےمطابق حج پالیسی کےمطابق رواں سال فریضہ حج کی ادائیگی کے خواہشمند افراد سے سرکاری اسکیم کے تحت حج درخواستوں کی وصولی کا عمل کل سے شروع ہوگا۔

درخواست گزاراپنےفارم رواں ماہ کی چھبیس تاریخ تک بینکوں میں جمع کراسکتے ہیں جبکہ اس ماہ کی اٹھائیس تاریخ کو قرعہ اندازی ہوگی۔

سرکاری اسکیم کے تحت حج درخواستیں حبیب بینک لمیٹڈ،یونائٹیڈ بینک لمیٹڈ، نیشنل بینک آف پاکستان، مسلم کمرشل بینک، الائیڈ بینک لمیٹڈ، زرعی ترقیاتی بینک لمیٹڈ، بینک آف پنجاب، بینک الفلاح ،میزان بینک اور حبیب میٹرو بینک کی شاخوں میں جمع کرائی جاسکتی ہے۔

واضح رہےکہ کامیاب درخواست گزاروں کو خطوط اورایس ایم ایس کےذریعے آگاہ کیاجائے گا۔ان امیدواروں کےلیے قرعہ اندازی کے نتائج ان ویب سائٹوں پربھی دستیاب ہوں گے۔

وفاقی کابینہ نےحج پالیسی 2017کی منظوری دے دی

یاد رہےکہ گزشتہ ہفتےوفاقی دارالحکومت اسلام آباد میں وزیراعظم نوازشریف کی زیرصدارت وفاقی کابینہ کااجلاس ہوا تھا جس میں حج پالیسی 2017 کی منظوری دے دی گئی تھی۔

وزیراعظم میاں محمدنوازشریف نےوزارت مذہبی امور کو ہدایت کی تھی کہ وہ حجاج کرام کی سہولت کےلیےبہترین اقدامات کرے۔

دو لاکھ سے زائد پاکستانی فریضہ حج ادا کریں گے، سردار یوسف

واضح رہےکہ وفاقی وزیر مذہبی امورسردارمحمد یوسف کا کہنا تھا کہ حج پالیسی 2017 کےتحت ایک لاکھ 89 ہزار حجاج سرکاری کوٹے پر اور 71 ہزار 6 سو چوراسی افراد پرائیوٹ کوٹے پر حج کے لیے جائیں گے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

اپریل 16, 2017