ARYNews.tv | Urdu – Har Lamha Bakhabar

Tag: حج

  • سعودی عرب: کن ویزوں پر آنے والے حج نہیں کرسکیں گے؟

    سعودی عرب: کن ویزوں پر آنے والے حج نہیں کرسکیں گے؟

    سعودی وزارت حج و عمرہ کی جانب سے ان ویزوں کی فہرست جاری کردی گئی ہے، جن پر مملکت میں آنے والے افراد حج نہیں کرسکیں گے۔

    سعودی خبر رساں ادارے عاجل کی رپورٹ کے مطابق ایکس (ٹوئٹر) اکاؤنٹ پر وزارت حج و عمرہ نے وضاحت کرتے ہوئے کہا ہے کہ حج ویزا نہ رکھنا قانون کی خلاف ورزی ہے اور اس صورت میں سزا کا سامنا کرنا پڑ سکتا ہے۔

    وزارت حج کے بیان کے مطابق وزٹ، ٹورسٹ، ورک اور ٹرانزٹ ویزے پر آنے والے حج نہیں کرسکتے، ویزے کے بغیر حج نہیں ہوتا اور حج کے لیے ضروری ہے کہ مملکت آمد سے قبل ویزے کا حصول ممکن بنایا جائے۔

    واضح رہے کہ سعودی وزارت حج و عمرہ کی جانب سے رواں برس حج سیزن 2024 کے لیے داخلی عازمین (شہریوں اور غیر ملکیوں) کیلیے پرمٹ کا اجرا شروع کردیا گیا ہے۔

    سعودی وزارت حج کی جانب سے تصدیق کی گئی ہے کہ ابشر پلیٹ فارم اور وزارت کی ویب سائٹ کے ذریعے پرمٹ جاری کئے جارہے ہیں۔

    کیا رواں سال بھی حج کے بعد کچھ رقم حاجیوں کو واپس ملے گی؟

    سعودی وزارت حج وعمرہ کے مطابق داخلی عازمین کے لیے مخصوص الیکڑانک پلیٹ فارم یا نسک کے ذریعے درخواستیں وصول کرنے کا سلسلہ جاری ہے۔ داخلی عازمین حج کے لیے وزارت کی جانب سے چار پیکیجز متعارف کرائے ہیں۔

  • سعودی عرب، عازمین حج کیلئے اہم خبر

    سعودی عرب، عازمین حج کیلئے اہم خبر

    سعودی وزارت حج و عمرہ رواں برس حج سیزن 2024 کے لیے داخلی عازمین (شہریوں اور غیر ملکیوں) کیلیے پرمٹ کا اجرا آج سے شروع کرے گی۔

    خبر رساں ادارے سبق نیوز کے مطابق سعودی وزارت حج کی جانب سے تصدیق کی گئی ہے کہ ابشر پلیٹ فارم اور وزارت کی ویب سائٹ کے ذریعے پرمٹ جاری کئے جائیں گے۔

    سعودی وزارت حج وعمرہ کے مطابق داخلی عازمین کے لیے مخصوص الیکڑانک پلیٹ فارم یا نسک کے ذریعے درخواستیں وصول کرنے کا سلسلہ جاری ہے۔

    داخلی عازمین حج کے لیے وزارت کی جانب سے چار پیکیجز متعارف کرائے ہیں۔

    واضح رہے کہ سعودی وزارت حج و عمرہ کی جانب سے داخلی عازمین حج کے لیے 11 فروری سے رجسٹریشن کا آغاز کیا تھا۔

    حج فلائٹ آپریشن کب شروع ہو رہا ہے؟ تاریخ کا اعلان ہو گیا

    سعودی شہری اور مملکت میں مقیم غیر ملکی جو حج کرنے کی اہلیت رکھتے ہیں وہ وزارت کی ویب سائٹ یا نسک ایپ کے ذریعے رجسٹریشن کراسکتے ہیں۔

  • سعودی وزارت حج و عمرہ نے نئی ہدایات جاری کردیں

    سعودی وزارت حج و عمرہ نے نئی ہدایات جاری کردیں

    سعودی وزارت حج وعمرہ نے نئی ہدایات جاری کرتے ہوئے کہا ہے کہ رواں سال حج کے لیے اندورن مملکت اور بیرونی عازمین ویکسینیشن کا کورس مکمل کرائیں۔

    عرب میڈیا کے مطابق وزارت وعمرہ نے کہا ہے کہ ’داخلی عازمین حج کے لیے ضروری ہے کہ وہ صحتی ایپ پر ویکسینیشن سرٹیفیکٹ کو مکمل طور پر اپ ڈیٹ رکھیں۔‘

    جس میں کووڈ 19 ایڈوانس کی ایک ڈوز جبکہ انفلونزا ویکسین اور گزشتہ 5 برس کے دوران لگائی گئی گردن توڑ بخار کی ویکسین کا اپ ڈیڈڈ سرٹیفیکٹ ہونا ضروری ہے جو صحتی ایپ پر ویکسینیشن کرانے کے بعد جاری کیا جاتا ہے۔

    بیرون مملکت سے آنے والے عازمین حج کو بھی وزارت حج کی جانب سے ہدایات جاری کی گئیں کہ وہ ویکسینیشن سرٹیفکیٹ کا خیال رکھیں اور اسے حج درخواست کے ساتھ جمع کرائیں۔

    سعودی وزارت صحت کی جانب سے معلوماتی لنک بھی جاری کئے گئے ہیں، جس میں تمام تفصیلات اور امور صحت کے حوالے سے دیگر ہدایات وضاحت سے بیان کی گئی ہیں۔

    اس سے قبل سعودی وزارت حج و عمرہ نے عمرہ ویزے کی مدت سے متعلق وضاحت دیتے ہوئے کہا تھا کہ عمرہ ویزا اب 3 ماہ کے لیے جاری کیا جارہا ہے۔

    تفصیلات کے مطابق سعودی وزارت حج و عمرہ نے اپنے ایکس (ٹوئٹر) اکاؤنٹ پر صارفین کے سوال پر عمرہ ویزے کی مدت سے متعلق وضاحت جاری کردی۔

    جس میں کہا ہے کہ عمرہ ویزا اب 3 ماہ کے لیے جاری کیا جارہا ہے اور اور اس کی تین ماہ کی میعاد ویزے کے اجرا سے شروع ہوجائے گی۔

    پی آئی اے کا حج آپریشن کب سے شروع ہوگا؟ تاریخ سامنے آگئی

    صارفین نے سوال کیا تھا کہ عمرہ ویزے کی میعاد کب سے شروع ہوتی ہے؟ جس کے جواب میں وزارت حج و عمرہ نے کہا کہ عمرہ ویزے کی میعاد اس کے اجرا کی تاریخ سے تین ماہ ہے بشرطیکہ اس کی میعاد ہجری سال کی 15 ذی قعدہ کے بعد ختم نہ ہو۔

  • حج کی کوریج کرنے والی سعودی خاتون فوٹو گرافر نے تمام احوال بتادیا

    حج کی کوریج کرنے والی سعودی خاتون فوٹو گرافر نے تمام احوال بتادیا

    حج کی کوریج کرنے والی سعودی عرب کی خاتون فوٹو گرافر نبیلہ ابو الجدایل نے کہا ہے کہ بچپن سے فوٹو گرافی کا شوق تھا اور اپنے شوق کے باعث فوٹو گرافی کی فیلڈ میں قدم رکھا۔

    غیر ملکی ذرائع ابلاغ کے مطابق سعودی خاتون فوٹو گرافر نبیلہ ابو الجدایل نے روایت پسند معاشرے میں ایک نئی سوچ پیدا کرنے کے ساتھ فوٹو گرافی میں مردوں کی اجارہ داری کوبھی چیلنج کیا۔

    ایک انٹرویو میں انہوں نے کہا کہ میری والدہ نے فوٹو گرافی کے شوق اور میری خواہشات کا احترام کیا جس کے بعد فوٹو گرافی کے لیے پہلا کیمرہ خریدا۔

    نبیلہ ابو الجدایل کا کہنا تھا کہ فوٹو گرافی سے ان کی محبت لمحات کو دستاویزی شکل دینے کی اہمیت کے احساس کے باعث ہے، چاہے وہ پینٹنگز کے ذریعے ہوں یا تصاویر کے ذریعے۔

    انہوں نے کہا کہ میرا ماننا ہے کہ لمحات وقت گزرنے کے ساتھ دھندلا جاتے ہیں مگر کیمرہ انہیں دستاویزی شکل دے کر ہمیشہ کے لئے یادگار بنا دیتا ہے۔

    سعودی خاتون فوٹوگرافر کا کہنا تھا کہ میں نے اپنے مذہب اور ملک کے لیے فوٹو گرافی کی فیلڈ کو چنا ہے، پہلی خواہش یہ ہے کہ ہم سعودیوں اور مسلمانوں کی حیثیت سے اپنی کہانیوں کو دستاویزی شکل میں ڈھال دیں۔

    انہوں نے کہا کہ مجھے یہ اعزاز بھی حاصل ہے کہ ایک فوٹو گرافر کے طور پر مسلسل تین سال تک حج سیزن میں فوٹو گرافی کے فرائض سر انجام دیئے۔ برطانوی چینل کیلیے حج کی کوریج بھی کی۔ اس دوران حج کے حوالے سے ایک دستاویزی فلم بھی بنائی۔

    فلسطینیوں کیلئے 2023 خوفناک سال، ساڑھے 22 ہزار شہادتیں

    ایک کامیاب تصویر کے متعلق اُن کا کہنا تھا کہ آپ ایک ایک اچھی تصویر کیلیے متعدد بار کوششیں کرتے ہیں، فوٹو گرافی کیلیے بہترین اینگل تلاش کرنے کی کوشش کرتے ہیں اور بہترین نتائج حاصل کرنے میں کامیاب ہوتے ہیں۔

  • سعودی عرب کا عازمین حج کی رہائش کیلئے بہترین اقدام

    سعودی عرب کا عازمین حج کی رہائش کیلئے بہترین اقدام

    حکام کی جانب سے سعودی شہر مکہ میں اب تک 166 عمارتوں کو آئندہ سال حج کے دوران مسلم عازمین حج کے رہائش کے لیے لائسنس فراہم کردئیے گئے ہیں۔

    بین الاقوامی خبر رساں ادارے کی رپورٹ کے مطابق شہر کی ایک حج ہاؤسنگ کمیٹی کی جانب سے لائسنس فراہم کئے گئے ہیں، جو سالانہ حج کی ابتدائی تیاریوں کے تحت آئندہ ماہ تک ایسی مزید عمارتوں کے لائسنس کے لیے درخواستیں وصول کرتی رہے گی۔

    مکہ مکرمہ عازمین کے لیے عمارتوں کی تعداد بالآخر 5000 عمارتوں سے تجاوز کر جائے گی۔

    جن عمارتوں کو لائسنس دیئے گئے ہیں ان میں موجود کمروں کی تعداد 26,710 ہے جس میں 1116,697 عازمین حج کی گنجائش ہے۔

    عمارات کے مالکان پر کمیٹی نے زور دیا ہے کہ جو انہیں حجاج کی رہائش کے لیے نامزد کرنے کے لیے لائسنس حاصل کرنا چاہتے ہیں، ان سے منسلک انجینئرنگ دفاتر سے رابطہ کریں جو متعلقہ شرائط کی تعمیل کی جانچ کریں۔

    دوسری جانب وزارت انفارمیشن ٹیکنالوجی (آئی ٹی) نے ریکارڈ مدت میں موبائل ایپ بنا کر حج آپریشن کو ڈیجیٹلائزڈ کر دیا۔

    نگراں وزیر آئی ٹی عمر سیف اور وزیر مذہبی امور انیق احمد نے ایپ کا اجرا کیا۔ قومی آئی ٹی بورڈ کی موبائل ایپ سے عازمین کیلیے تمام معلومات فنگر ٹپ پر ہوں گی۔

    کیا عام آدمی بھی اب حج پر جا سکے گا؟ سعودی عرب کا بڑا منصوبہ

    عمر سیف نے بتایا کہ ایس آئی ایف سی کی ہدایت پر ڈیجیٹلائزیشن کا عمل تیز کر دیا گیا، عازمین حج کیلیے پاک حج ایپلی کیشن کا اجرا اسی سلسلے کا اہم سنگ میل ہے۔

  • کیا عام آدمی بھی اب حج پر جا سکے گا؟ سعودی عرب کا بڑا منصوبہ

    کیا عام آدمی بھی اب حج پر جا سکے گا؟ سعودی عرب کا بڑا منصوبہ

    سعودی حکومت کی جانب سے حجاج کرام کی سہولت کے لئے قدیم زمینی راستے کو بحال کرنے کا منصوبہ بنایا گیا ہے، جس کے باعث حج کے اخراجات میں بھی واضح کمی واقع ہوجائے گی۔

    غیر ملکی ذرائع ابلاغ کے مطابق جزیرہ نما عرب میں سعودی عرب، بحرین اور عراق صدیوں سے حجاج کرام کے زیر استعمال قدیم حج راستوں کی حفاظت کے لیے ایک منصوبہ تیار کر رہے ہیں۔

    سعودی پریس ایجنسی کا اس حوالے سے کہنا ہے کہ یہ اقدام مملکت کے ثقافتی ورثہ کمیشن، بحرین میں عرب علاقائی مرکز برائے عالمی ثقافتی ورثہ اور عراق میں نوادرات اور ثقافتی ورثہ کے اسٹیٹ بورڈ کی جانب سے تیار کیا گیا ہے۔

    ایک حالیہ ورکشاپ میں یہ منصوبہ پیش کیا گیا تھا اور اس اہم منصوبے میں عراق سے مکہ تک کا مشہور زبیدہ راستہ بھی شامل ہے۔

    ابتدائی اسلامی دور میں یہ مقام حجاج اور تجارت کے لیے ایک اہم اسٹیشن کے طور پر کام کرتی تھی، یہ ورکشاپ حج کے راستے میں ایک اہم اسٹیشن کی حیثیت سے خاص طور پر ”فیض الاثری”کے آثار قدیمہ کی حیثیت سے اہمیت کی وجہ سے حائل کے علاقے میں منعقد کی گئی۔

    ورکشاپ کے شرکاء نے تینوں ممالک کے ثقافتی ورثے کے ماہرین کے درمیان تعاون کوفروغ دینے کے طریقوں پرتبادلہ خیال کیا۔

    ماہرین نے قانونی تحفظ کے طریقہ کار، سائٹ کی حدود کی حد بندی، انتظام اور پائیدار ترقی کے اہداف کو تحفظ کی حکمت عملیوں میں شامل کرنے پر بھی تبادلہ خیال کیا۔ انہوں نے سرحد پار سائٹس کی عالمی اہمیت کو بھی اجاگر کیا۔

    ماہرین کی جانب سے پہلے ہی قدیم شہر فیض کا دورہ کیا جاچکا ہے، جو زبیدہ کے راستے پر واقع آثار قدیمہ کے لیے جانا جاتا ہے، تاکہ اس کے وزیٹر سینٹرز کے مناسب انتظام کو یقینی بنایا جا سکے۔

    مسجد الحرام اور مسجد نبوی میں عربی خطاطی کے بہترین شاہکار

    یاد رہے کہ یہ کوششیں سعودی ویژن 2030 کے فریم ورک کے اندر ایک اسٹریٹجک مقصد کے طور پر بین الاقوامی ثقافتی تبادلے کے وزارت ثقافت کے مشن سے مطابقت رکھتی ہیں۔

  • سعودی عرب نے غیر ملکی عازمین حج کو خوشخبری سنادی

    سعودی عرب نے غیر ملکی عازمین حج کو خوشخبری سنادی

    سعودی عرب نے غیر ملکی عازمین حج کو خوشخبری سناتے ہوئے آئندہ سال کے حج سیزن کے دوران بیرون ملک مقیم مسلمان عازمین کی خدمت کے لیے لائسنس حاصل کرنے میں دلچسپی رکھنے والی کمپنیوں سے درخواستیں وصول کرنے کی آخری تاریخ میں ایک ہفتے کی توسیع کردی ہے۔

    بین الاقوامی خبر رساں ادارے کی رپورٹ کے مطابق سعودی وزارت حج و عمرہ کا اس حوالے سے کہنا تھا کہ انہوں نے ان کمپنیوں کو لائسنس کی ضروریات پوری کرنے اور متعلقہ درخواستیں اپنے پورٹل پر اپ لوڈ کرنے کے لیے مزید وقت دینے کے لیے آخری تاریخ میں 12 دسمبر تک توسیع کر دی ہے۔

    گزشتہ جون میں دنیا بھر سے تقریباً 20 لاکھ عازمین نے سعودی مقدس شہر مکہ میں اور اس کے ارد گرد حج ادا کیا، جس سے ان کی تعداد وبائی امراض سے پہلے کی سطح پر واپس آ گئی ہے۔

    آئندہ سالانہ حج سیزن کے دوران لائسنس یافتہ فرموں کی طرف سے فراہم کی جانے والی خدمات میں رہائش اور نقل و حمل شامل ہیں۔

    مملکت کے وزیر حج توفیق الربیعہ کا کہنا تھا کہ ان قوانین کے مطابق حج کے نئے موسم میں مقدس مقامات پر ممالک کے لیے کوئی مخصوص جگہ مختص نہیں کی جائے گی۔

    توفیق الربیعہ نے کہا کہ حج ویزوں کا اجراء یکم مارچ سے شروع ہوجائیگا اور 29 اپریل کواسلامی کیلنڈرکے10ویں مہینے شوال کی 20 تاریخ کوختم ہوگا۔

    سرکاری حج اسکیم سے متعلق اہم خبر آ گئی

    سعودی عرب میں عازمین حج کی آمد 9 مئی کی مناسبت سے 11ویں اسلامی مہینے ذی القعدہ کی پہلی تاریخ سے شروع ہوگی۔ نیا طریقہ کار حج کی تیاریوں کو آسان بنانے کے لیے تیار کیا گیا ہے، جو ایک واجب اسلامی فریضہ ہے۔

  • سرکاری اسکیم کے تحت حج درخواستوں کی وصولی میں ریکارڈ کمی

    سرکاری اسکیم کے تحت حج درخواستوں کی وصولی میں ریکارڈ کمی

    اسلام آباد: سرکاری اسیکم کے تحت حج درخواستوں کی وصولی میں کمی ریکارڈ کی گئی ہے، 6 دن میں ملک بھر سے صرف چھ ہزار حج درخواستیں جمع ہوئی ہیں۔

    ذرائع کے مطابق سرکاری حج اسکیم کے تحت 6 دن میں صرف 6 ہزار حج درخواستیں جمع ہوئی ہیں، 15 نامزد بینکوں میں حج درخواستوں کی وصولی 12 دسمبر تک جاری رہے گی۔

     ذرائع کا کہنا ہے کہ آئندہ برس تقریباً 89 ہزار 605 پاکستانی سرکاری اسکیم کے تحت فریضہ حج ادا کریں گے، مقررہ تعداد سے زائد درخواستیں موصول ہونے کی صورت میں قرعہ اندازی کی جائے گی، خواتین پہلی بار محرم کے بغیر حج ادا کرسکیں گی۔

    واضح رہے کہ 16 دسمبر 2024 تک کارآمد پاکستانی پاسپورٹ پر درخواستیں جمع کروائی جاسکیں گی، پاسپورٹ اپلائی کرنے کے ٹوکن پر بھی حج درخواست پراسیس ہو سکے گی۔

    اسپانسرشپ اسکیم کے تحت 25 ہزار نشستیں پہلے آئیے پہلے پائیے کی بنیاد پر جمع ہونگیں۔ ریگولر حج اسکیم کے تحت موصول ہونے والی درخواستوں پر قرعہ اندازی کی جائے گی۔

  • پاکستان سے حج کرنے والوں کیلئے بڑی خوشخبری

    پاکستان سے حج کرنے والوں کیلئے بڑی خوشخبری

    2024میں پاکستان سے حج کے لئے جانے والوں کے لئے اچھی خبر سامنے آگئی، نگراں وزیر برائے مذہبی امور اور بین المذاہب ہم آہنگی انیق احمد نے کہا ہے کہ 2024 میں حج کرنے والے پاکستانیوں کو رومنگ انٹرنیٹ پیکجز کے ساتھ مفت موبائل سم کارڈ تقسیم کئے جائیں گے۔

    اے آر وائی نیوز کے مطابق خواتین عازمین کو عبایہ بھی دیا جائے گا جس کی پشت پر پاکستانی جھنڈا بنا ہوا ہوگا اور 13 کلو کے سوٹ کیس سب کو دیے جائیں گے۔

    نگراں وزیر برائے مذہبی امور اور بین المذاہب ہم آہنگی انیق احمدنے حج لاگت میں تقریباً 100,000 روپے کی کمی کے تاریخی اقدام پر روشنی ڈالی، جس میں مزید 50,000 روپے کی کمی کی جائے گی اور لوگوں کو واپس کی جائے گی۔

    وزیر نے وزارت تعلیم کے تعاون سے شہر کی مساجد کو اسکول سے باہر بچوں کے لیے اسکولوں میں تبدیل کرنے کے منصوبے کا بھی ذکر کیا، جس میں امام اہم کردار ادا کررہے ہیں۔ مساجد کمیونٹی سینٹرز کے طور پر کام کریں گی، نماز کے بعد کمیونٹی کے مسائل کو حل کریں گی۔ ایک اور منصوبے میں وزارت صحت کے تعاون سے مساجد کے اندر طبی کلینک قائم کرنا شامل ہے۔

    حجاج کو نیوی گیشن سپورٹ اور متعلقہ حکام کے ساتھ بات چیت میں مدد کے لیے ایک نئی موبائل ایپلیکیشن تیار کی گئی ہے۔ ابتدائی طور پر انگریزی اور اردو میں دستیاب ایپ میں بعد میں مختلف علاقائی زبانیں شامل ہوں گی اور ہر حاجی کے لیے ڈیجیٹل تربیتی پروگرام پیش کیے جائیں گے۔

    واضح رہے کہ نیشنل بینک نے حج 2024 کے لیے درخواستوں کی وصولی کا آغاز کردیا ہے۔ درخواستیں تمام برانچوں پر نومبر 27 سے دسمبر 12، 2023 تک وصول کی جائیں گی۔

    لانگ حج پیکج میں ریگولر حج 38 تا 42 دن مدینہ 8 دن قیام کے لیے جنوبی ریجن کراچی، کوئٹہ، سکھر 1،065،000 روپے فی کس، جمع ہو گی۔

    شمالی ریجن کے دیگر شہریوں کے لیے 1،075،000 روپے فی کس جمع ہوں گے۔

    اسپانسر شپ حج اسکیم جنوبی ریجن کراچی، کوئٹہ، سکھر 3،765 ڈالر شمالی ریجن دیگرشہر 3،800 ڈالر فی کس مقرر کی گئی ہے۔ شارٹ حج پیکج برائے 20 تا 25 دن 3 تا 5 دن مدینہ میں قیام ہے۔

    ریگولرجنوبی ریجن کراچی، کوئٹہ، سکھر 1،140،000 روپے فی کس اور شمالی ریجن دیگر شہر 1،150،000 روپے فی کس ہے

    سعودی عرب نے پاکستانی حج ٹور آپریٹرز کا مطالبہ مان لیا

    اسپانسرشپ حج اسکیم جنوبی ریجن کراچی، کوئٹہ، سکھر 4،015 ڈالر فی کس اور شمالی ریجن دیگر شہر 4،050 ڈالر فی کس مقرر کی گئی ہے۔

  • عربی اور فارسی میں سفرنامۂ حج

    عربی اور فارسی میں سفرنامۂ حج

    اردو میں حج کے سفر نامہ کا آغاز تو انیسویں صدی کے وسط میں ہوا لیکن اس سے پہلے سفرنامہ نگاروں کے سامنے فارسی و عربی میں سفر نامۂ حج کی مستحکم روایت موجود تھی۔

    اردو اہلِ قلم اور مصنّفین سے پہلے عربی اور فارسی میں حج کے سفرنامے لکھے جاتے رہے۔ عربی اور فارسی میں لکھے گئے۔ ان سفرناموں نے اردو میں اس سلسلے کے آغاز اور رواج میں اہم کردار ادا کیا۔ اس حوالے سے چند اہم سفر ناموں کا تذکرہ ہم یہاں‌ کررہے ہیں۔

    ’’سفرنامہ حکیم ناصر خسرو‘‘ حکیم ناصر خسرو کا لکھا ہوا ہے جیسا کہ اس کے عنوان سے ظاہر ہے۔ یہ سفرنامۂ حج انھوں نے فارسی زبان میں تحریر کیا تھا۔ حکیم ناصر خسرو نے 1047ء میں یہ سفر شروع کیا اور پانچ سال بعد ایران، آذربائیجان، شام مصر، عرب اور عراق کی سیر کے بعد واپس ہوئے۔ یہ سفرنامۂ حج ان ممالک کے سفر کی روداد سے بھرا ہوا ہے۔ یہ فارسی کا قدیم ترین سفرنامۂ حج ہے جو آج سے تقریباً ہزار سال پہلے لکھا گیا تھا۔

    ’’رحلۃ ابنِ جبیر‘‘ عربی زبان میں‌ ابن جبیر اندلسی کا تحریر کردہ سفرنامۂ حج ہے۔ ابن جبیر نے 1183ء میں یہ سفر شروع کیا اور 1185ء میں واپس ہوئے۔ انھوں نے اس سفر میں حجاز کے علاوہ مصر، عراق، شام کی بھی سیاحت کی۔ اس سفرنامہ میں ان تمام ممالک کے سفر کی روداد کو انھوں نے بڑے دل چسپ انداز میں بیان کیا ہے۔

    عربی زبان کا ایک اور سفرنامۂ حج ’’ سفرنامہ ابن بطوطہ ‘‘ ہے۔ اس سفرنامۂ حج کے مصنف مشہور سیاح ابن بطوطہ ہیں۔ انھوں‌ نے اپنے طویل سفر اور سیاحت کے دوران چار مرتبہ حج کیا۔ اس سفرنامۂ حج میں ابن بطوطہ نے مکہ، مدینہ، خانۂ کعبہ اور مسجدِ نبوی سے متعلق اپنے مشاہدات اور قلبی تعلق کو بیان کیا ہے۔

    عربی زبان کا ایک اور سفرنامۂ حج ’’فیوض الحرمین ‘‘ ہے۔ اس کے مصنف شاہ ولی اللہ محدث دہلوی ہیں۔ شاہ ولی اللہ نے 1730ء میں حج کی سعادت حاصل کی۔

    فارسی زبان کا ایک قدیم سفرنامۂ حج عبد الحق محدث دہلوی کا ’’جذب القلوب الیٰ دیارُ المحبوب‘‘ ہے۔ عبدالحق محدث دہلوی نے 1590ء میں حج کی سعادت حاصل کی اور اس کے تین سال بعد اس سفرنامۂ حج کو مکمل کرکے شائع کیا۔

    اردو کے مشہور و معروف شاعر اور تذکرہ نگار نواب محمد مصطفیٰ خان شیفتہ نے بھی 1839ء میں حجاز کا سفر کیا اور اپنے اس سفرِ حج کی روداد رقم کی۔

    ( صلاح الدین خان کے تحقیقی مضمون سے ماخوذ)