Tag: حرا مانی

پاکستانی شوبز انڈسٹری کی معروف اداکارہ نتاشا علی نے حرا مانی کو غیرمہذب قرار دیتے ہوئے کہا ہے کہ ان کے کام مداحوں کو پسند نہیں آرہے۔

نجی ٹی وی کے پروگرام میں بطور مہمان شریک ہونے والی نتاشا علی مختلف اداکاراؤں کو نمبرز دیے اور کئی دلچسپ موضوعات پر اپنے خیالات کا اظہار کیا، اداکارہ حرامانی کو نتاشا نے ان کی اداکاری کیلئے صرف 5 مارکس دیے اور بتایا کہ ان کے مارکس اب کم ہوگئے ہیں۔

اداکارہ نتاشا علی نے بتایا کہ میرے نزدیک پہلے حرا مانی کے مارکس زیادہ تھے لیکن اب کم ہوگئے ہیں انھیں اداکاری کیلئے میں 5 مارکس دوں گی۔

حرا مانی ایک بار پھر تنقید کی زد میں آ گئیں

اس کی وجہ بیان کرتے ہوئے نتاشا کا مزید کہنا تھا کہ پہلے میں حرا مانی کو بہت پسند کرتی تھی، وہ پہلے زیادہ شائستہ تھیں، تاہم اب وہ غیر مہذب ہوگئی ہیں، وہ کچھ ایسے کام کررہی ہیں جو مداحوں اور عوام کو پسند نہیں آرہے۔

اس شو میں میزبان نے نتاشا کو ایک سیگمنٹ میں مختلف اداکاؤں کے نام دے کر انھیں نمبرز دینے کا کہا تھا۔ جس پر اداکارہ نے ہانیہ عامر کو سب سے بہتر اداکارہ قرار دیتے ہوئے 10 میں سے 10 نمبرز دیے اور کہا کہ ہانیہ کا دور چل رہا ہے۔

اداکاری کے حوالے سے انھوں نے ماہرہ خان کو 9 ، عائزہ خان کو 8، اقرا عزیز کو 7، مہوش حیات کو 7،حریم فاروق کو 6 عائشہ عمر کو 6 اور ثروت گیلانی کو 5 نمبر سے نوازا۔

https://urdu.arynews.tv/hira-mani-wepts-thought-never-see-my-children/

معروف پاکستانی اداکارہ حرا مانی نے ابوظہبی ایئرپورٹ سے ایک ویڈیو شیئرکی ہے جس میں وی کافی جذباتی دکھائی دے رہی ہیں۔

فوٹوز اینڈ ویڈیوز شیئرنگ ایپ انسٹا گرام پر شیئر کی گئی ویڈیو شیئر میں حرا نے پاک بھارت موجودہ جنگ کا حوالہ دیتے ہوئے کہا کہ پرسوں میں ابوظہبی ایئرپورٹ پر پھنس گئی تھی، اس وقت مجھے لگ رہا تھا میں کبھی اپنے بچوں سے نہیں مل پاؤں گی۔

اداکارہ حرا مانی نے روتے ہوئے ابوظہبی میں پھنسنے کی وجہ بتاتے ہوئے مزید کہا کہ جنگ کی وجہ سے پاکستان کی فضائی حدود بند ہو گئی تھی ہم جنگ نہیں چاہتے ہیں۔

حرا کا کہنا تھا کہ کہ میں ان پاکستانیوں سے اپنے جذبات شیئر کرنا چاہتی تھی جن کے بچے، شوہر، بیٹے اس جنگ کی نذر ہوئے ہیں، میری دل سے دعا ہے کہ اللّٰہ پاک سب کو صبر عطا کرے، پاکستان زندہ باد۔

خیال رہے کہ 4 دنوں کی لگاتار جنگ کے بعد گزشتہ دنوں 10 مئی کو امریکی صدر ڈونلڈ ٹرمپ کی مداخلت پر پاکستان اور بھارت کے درمیان جنگ بندی ہوئی تھی۔

https://urdu.arynews.tv/hira-mani-sarwat-gulani-kangana-ranaut/

شوخ و چنچل اداکارہ حرا مانی ایک بار پھر سے تنقید کی زد میں آگئی، بھائی کی ڈھولکی پر ان کا لباس اور ڈانس صارفین کو ایک آنکھ نہ بھایا۔

پاکستان شوبز انڈسٹری کی معروف اداکارہ آئے دن کسی نہ کسی وجہ سے خبروں کی زینت بنتی رہتی ہیں، چھوٹے بھائی کی شادی میں مصروف حرا مختلف ایونٹس سے لطف اندوز ہو رہی ہیں، ان تقریبات میں سے ایک ویڈیو سوشل میڈیا پر آج کل وائرل ہورہی ہے۔

ویڈیو میں حرا مانی اپنے بھائی کی ڈھولکی کے موقع پر شوہر اور خاندان کے دیگر افراد کے ہمراہ ڈانس کرتی نظر آرہی ہیں مگر ان کا لباس اور رقص اکثر لوگوں کو نامناسب لگا۔

سوشل میڈیا صارفین نے اداکارہ کے بولڈ لباس اور ان کے اس طرح کے ڈانس کو شدید تنقید کا نشانہ بناتے ہوئے انھیں مختلف طرح کے مشوروں سے نوازا ہے۔

 

View this post on Instagram

 

A post shared by ʜᴜᴍᴀɪʟ ᴍᴇʜᴀʀ (@hiras.universe)

کئی صارفین نے اپنی دل کی بھڑاس نکالتے ہوئے کہا کہ یہ اداکارہ واقعی بالی ووڈ ڈانس کلچر سے متاثر ہیں اور ان کی نقل کرنے کا موقع کبھی نہیں گنواتی ہیں، ان کا رقص اس بات کی نشاندہی کررہا ہے۔

ایک شخص نے اپنے خیالات کا اظہار کرتے ہوئے لکھا کہ ان اداکاروں کو پروفیشنل ڈانسر کے ساتھ اپنا موازنہ پسند نہیں، لیکن ان کی طرح اپنے نجی پروگراموں میں ڈانس کرنا پسند کرتے ہیں۔

سوشل میڈیا پر ایک صارف کا کہنا تھا کہ ’مجھے شادی میں ڈانس پسند نہیں، وہ سستے اور بے ہودہ لگتے ہیں‘، دلچسپ بات یہ ہے کہ حرا مانی اسی لباس میں اپنے شوہر کے ہمراہ بھی ڈانس کرتی دکھائی دیں۔

حرا مانی کا خوف ناک برائیڈل فوٹوٹو شوٹ دیکھ کر مداح ڈر گئے، سوشل میڈیا صارفین نے تبصروں کے انبار لگا دیے۔

شوبز انڈسٹری کی معروف اداکارہ حرا مانی اپنی حرکتوں اور بیانات کی وجہ سے اکثر و بیشتر ذرائع ابلاغ کی زینت بنتی ہیں اب ان کے خوفناک فوٹو شوٹ نے مداحوں کو تشویش میں مبتلا کردیا ہے بلکہ کئی صارف تو اسے خوفناک قرار دے رہے ہیں۔

پاکستانی کلاتھنگ برانڈ کیلئے کروایا گیا حرا مانی کا فوٹو شوٹ شائقین کو بالکل بھی پسند نہیں آیا، اداکارہ نے برانڈ فشورہ بائے عفیفہ پرویز بلوچ کے سبز لباس میں فوٹوشوٹ کروایا اور تصاویر انسٹاگرام پر جاری کیں۔

تصاویر میں ایسا لگ رہا ہے کہ حرا مانی ممکنہ طور پر کسی اونچی چیز پر کھڑی ہوئی ہیں جس کے سبب وہ دکھنے میں بے انتہا لمبی اور نہایت عجیب نظر آرہی ہیں۔

اس تصویر کا سوشل میڈیا پر جاری ہونا تھا کہ صارفین کی توجہ اس طرف مبذول ہوگئی، تصویر میں حرا مانی انسانی قد کی حامل عورت کے بجائے کچھ الگ ہی طرح کی دکھائی دے رہی ہیں۔

View this post on Instagram

A post shared by Hira Mani (@hiramaniofficial)

کمنٹ سیکشن میں اکثر صارفین نے بتایا کہ وہ تصویر دیکھ کر ڈر گئے۔ ایک انسٹاگرام صارف نے لکھا کہ ارے یہ کیسا فوٹو شوٹ ہے، دیکھ کر میں ڈر گئی۔

ایک اور صارف نے لکھا کہ معاف کرنا لیکن یہاں آپ گنجی چڑیل سے مل رہی ہیں، ایک انسٹاگرام صارف نے لکھا کہ پہلی تصویر میں جِن لگ رہی ہیں، کوئی رات میں دیکھ لے تو دل کا دورہ ہی پڑ جائے۔

خیال رہے کہ حرا مانی فوٹو اینڈ ویڈیو شیئرنگ ایپ انسٹاگرام پر اکثر و بیشر برانڈز کی تشہیری مہم کیلئے فوٹوشوٹ کی تصاویر اور رِیلز جاری کرتی رہتی ہیں جس پر مداح دلچسپ کمنٹس کرتے نظر آتے ہیں۔