Tag: حرم شریف

سعودی عرب: بوڑھے اور معذور حجاج کے لیے اسکوٹرز کی شکل میں مفت شٹل سروس فراہم

مکہ: مسجد حرام کی انتظامیہ نے بوڑھے، مریض اور معذور حجاج کرام کی سہولت کے لیے اسکوٹرز کی شکل میں مفت شٹل سروس فراہم کردی ہے۔

تفصیلات کے مطابق مسجد حرام میں ٹرانسپورٹ سروس کے ڈائریکٹر صالح محمد علی ہوساوی نے میڈیا کو بتایا کہ حرم شریف کی پہلی منزل کے میزانائن فلور کو ان برقی سواریوں کے ذریعے طواف اور سعی کرنے والوں کے لیے مختص کردیا گیا ہے۔

میزانائن فلور پر ان اسکوٹرز کی تعداد سات سو بتائی گئی ہے جب کہ فری وہیکل سروس کے تحت تمام سواریوں کی مجموعی تعداد 8700 ہے، جو مسجد حرام کے تمام اطراف کے مخصوص پوائنٹس پر موجود ہوں گی۔

شٹل سروس تک لوگوں کی آسان رسائی کے لیے مختلف مقامات پر کاؤنٹر بھی بنائے گئے ہیں جہاں سے زائرین کو شٹل سروس کے استعمال کے سلسلے میں معلومات مل سکتی ہیں۔

انتظامیہ کے مطابق اسکوٹرز اسٹینڈز کے ساتھ QR کوڈ فراہم کیے گئے ہیں جنھیں اسکین کرکے روٹ اور متعلقہ نقشہ معلوم کیا جاسکتا ہے۔

حرم شریف کے توسیعی حصے میں کام کے دوران کرین الٹ گئی

خیال رہے کہ یہ سروس پہلی بار متعارف کرائی گئی ہے جس کے تحت بوڑھے اور مریض زائرین کو الشبیکہ کے علاقے سے شاہ فہد توسیع کے علاقے اور میزانائن فلور تک پہنچانے کی سروس فراہم کی جا رہی ہے۔

ڈائریکٹر صالح محمد علی ہوساوی کے مطابق تین ہزار سے زائد سعودی نوجوانوں کو مختلف شفٹوں میں بھرتی کیا گیا ہے جو سواریوں کی وجہ سے پیدا ہونے والی رکاوٹوں سے بروقت نمٹیں گے۔

خیال رہے کہ حرم شریف میں توسیعی کام بدستور جاری ہے، مسجد کے ایک حصے کو مزید توسیع دی جارہی ہے، جہاں آج کام کے دوران ایک کرین بھی گر گئی تھی جس میں کوئی جانی نقصان نہیں ہوا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

مئی 21, 2018
خانہ کعبہ کے قریب خود سوزی کرنے والا گرفتار

مکہ مکرمہ: پولیس نے خانہ کعبہ کے قریب سے ایک شخص کو گرفتار کرلیا جو مطاف کی حدود میں خود سوزی کی کوشش کررہا تھا۔

عرب میڈیا کے مطابق مسجد الحرام میں ڈیوٹی پر مامور پولیس اہلکاروں نے پیر کے روز ایک شخص کو خانہ کعبہ کے قریب سے گرفتار کیا جو خود پر پیٹرول چھڑک کر آگ لگانے کی کوشش کررہا تھا۔

مسجد حرام کی خصوصی سیکیورٹی فورسز کے سربراہ نے عرب میڈیا سے گفتگو کرتے ہوئے ملزم کی گرفتاری کی تصدیق کی اور کہا کہ 40 سالہ شخص کو صحنِ مطاف سے اس وقت حراست میں لیا گیا جب اُس نے خود کو آگ لگانے کی کوشش کی۔

انہوں نے کہا کہ ملزم کی مشکوک حرکات و سکنات دیکھنے کے بعد اہلکار اُس پر کڑی نظر رکھے ہوئے تھے اس لیے انہوں نے بروقت کارروائی کرتے ہوئے خود سوزی کرنے والے شخص کو گرفتار کر لیا۔

پولیس چیف کے مطابق گرفتار شخص بظاہر نفسیاتی مریض معلوم ہوتا ہے تاہم اُسے مزید تفتیش اور قانونی کارروائی کے لیے متعلقہ حکام کے حوالے کردیا گیا ہے۔

اس ضمن میں سماجی رابطے کی ویب سائٹ پر ایک ویڈیو شیئر کی گئی ہے جس میں دیکھا جاسکتا ہے کہ خانہ کعبہ کے قریب تعینات پولیس اہلکار ایک شخص کو گردن سے پکڑ کر لے جارہے ہیں تاہم اس ویڈیو کی تصدیق نہیں ہوسکی۔

ویڈیو دیکھیں

فروری 7, 2017
خانہ کعبہ کے مطاف پر لگانے کیلئے چھتری حرم شریف میں پہنچا دی گئی

مکہ: دنیاکی تاریخ میں سب سے بڑی چھتری خانہ کعبہ کے مطاف پر لگانے کیلئے حرم شریف میں پہنچا دی گئی۔

ایک زمانہ تھا کہ جب مکہ مکرمہ میں حرم شریف ایک چھوٹی سی مسجد تھی لیکن آج یہ اتنی وسیع ہو چکی ہے کہ لاکھوں زائرین ایک ہی وقت میں نماز قائم کر سکتے ہیں، موجودہ وقت میں اس مسجد کا بہت بڑا حصہ ائیر کنڈیشنڈ ہے، مسجد کا صحن اس طرح بنایا گیا ہے کہ کتنی ہی دھوپ ہو بالکل ٹھنڈا رہتا ہے۔

لیکن دھوپ میں اور خاص کر دوپہر میں خانہ کعبہ کا طواف کرنا مشکل ضرور ہوتا ہے کہ گرمیوں میں دھوپ نہایت شدید ہوتی ہے۔

2008 کے دوران سعودی حکومت نے مسجد حرام کے صحن کو ڈھانپنے کیلئے بہت ہی بڑی بڑی چھتریاں لگانے کا منصوبہ بنایا تھا، اس قسم کی چھتریاں مسجد نبوی میں نصب ہیں لیکن وہ اس سے چھوٹی ہیں، تاہم دنیا کی تاریخ میں سب سے بڑی چھتری خانہ کعبہ کے مطاف پر لگانے کیلئے حرم شریف میں پہنچا دی گئی۔

600 ٹن وزنی یہ چھتری طواف کرنے والوں کو شدید گرمی سے محفوظ کرے گی اور ساتھ ساتھ حرم شریف کے ائیرکنڈیشنڈ کولنگ کو محفوظ کرے گی۔

جس کمپنی نے اسے ڈیزائن کیا ہے، سعودی حکومت نے انہیں پابند کیا ہے کہ اس کا ڈیزائن صرف اور صرف خانہ کعبہ کیلئے ہی کریں گے، اس پروجیکٹ پر اربوں ریال خرچ آئے گا۔

مئی 10, 2016