پاکستان شوبز انڈسٹری کی معروف اداکارہ حریم فاروق بھی بھارتی اداکارہ ملائیکا اروڑا کے نقش قدم پر چل پڑیں۔
واڈروب اسٹائلسٹ محمد علی شہزاد کی جانب سے فوٹو اینڈ ویڈیو شیئرنگ پلیٹ فارم انسٹاگرام پر شیئر کی گئی ویڈیو سوشل میڈیا پر وائرل ہوگئی جسے حریم فاروق نے بھی ری شیئر کیا۔
مختصر وائرل ویڈیو میں دیکھا جاسکتا ہے کہ حریم فاروق ملائیکا اروڑا کے انداز میں چل رہی ہیں۔
اداکارہ نے تصاویر شیئر کرتے ہوئے کیپشن میں لکھا کہ ’ آپ کی کمزوری خطرناک ہوسکتی ہے لیکن آپ کی سچائی میں طاقت ہے، اس میں آزادی ہے جو چکمتی ہے‘ نڈر بنو‘۔
انہوں نے چند گھنٹوں قبل یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اداکارہ کی تصاویر کی تعریف کررہے ہیں۔
حریم فاروق سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
واضح رہے کہ حریم فاروق اے آر وائی ڈیجیٹل کے ڈرامہ سیریل ’سرراہ‘ میں مرکزی کردار نبھایا تھا، ڈرامے کی دیگرکاسٹ میں صبا قمر، صبور علی، سنیتا مارشل ودیگر بھی شامل ہیں۔
اداکارہ حریم فاروق نے شوبز انڈسٹری کے ابتدائی مراحل میں پیش آنے والی مشکلات کو اپنے چاہنے والوں سے شیئر کیا۔
اداکارہ کا ایک انٹرویو میں کہنا تھا کہ انہوں نے جب شوبز میں جانے کا فیصلہ کیا تو والدین کی جانب سے زور دیا گیا کہ میں بیرون ملک چلی جاؤں۔
انہوں نے کہا کہ میرا اس انڈسٹری میں کوئی جان پہچان والا نہیں تھا، میں نے سیٹ پر چھپ کر شاور بھی لیا اور کپڑوں پر استری بھی وہیں کرتی تھی، میرے پاس پیسے نہیں ہوتے تھے، میں جس فلیٹ میں رہتی تھی وہ بہت چھوٹا تھا اور وہاں نہ بجلی تھی نہ پانی تھا۔
انہوں نے کہا کہ میں نے اپنے والد کی پڑھنے کیلئے ملک سے باہر بھیجنے کی آفر کومسترد کردیا اور کہا میں خود کچھ بننے کے لئے کوشش کروں گی، جس کے بعد میں کراچی منتقل ہوگئی۔
اداکارہ نے کہا کہ میں روتی تھی اور سوچا کرتی تھی کہ کیا میرے لیے یہ خواب اتنا ضروری ہے، بعض اوقات میں سوچتی تھی کہ میں یہ سب کچھ کیوں کررہی ہوں مجھے تو اللہ تعالیٰ نے اتنا کچھ دیا ہے، انہوں نے کہا کہ میں کبھی کبھار ٹوٹ جاتی تھی لیکن اپنے والدین کو کچھ نہیں بتاتی تھی۔
اداکارہ کا کہنا تھا کہ میں ایک چیز جانتی تھی کہ میرا جذبہ اور لگن سچی ہے، میرے دل میں سچائی ہے اور میں محنت کرنے کیلئے تیار ہوں، تمام تر مشکلات کے باوجود مجھے خدا پر یقین تھا کہ اگر آج میری زندگی میں اندھیرا ہے تو کل اُجالا بھی ہوگا۔
کراچی: پاکستانی اداکارہ اور ماڈل حریم فاروق نے کہا ہے کہ 2013 میں ہونے والے کار حادثے نے ان کی زندگی بدل دی۔
اے آر وائی نیوز کے پروگرام ہر لمحہ پرجوش میں میزبان وسیم بادامی نے معروف پاکستانی اداکارہ حریم فاروق سے کار حادثے سے متعلق سوال کیا جس پر انہوں نے کہا کہ 2013 کے آخر میں ان کا خطرناک ایکسیڈنٹ ہوا تھا جس نے ان کی زندگی تبدیل کر دی، اس حادثے کے بعد سے انہوں نے سیٹ بیلٹ پہننا کبھی نہیں چھوڑی۔
حریم فاروق نے بتایا کہ حادثے میں میرے سیدھے بازو کی ہڈی ٹوٹ گئی تھی۔ اداکارہ کا کہنا تھا کہ میرے پہلے پروجیکٹ کے وقت یہ حادثہ پیش آیا اور اس کے بعد میں ڈپریشن میں تھی۔
نامور اداکارہ نے بتایا ان کی فیملی اور دوستوں نے انہیں حادثے کے بعد ڈپریشن سے نکلنے میں مدد کی۔انہوں نے مزید کہا کہ اس حادثے نے انہیں خدا سے بہت قریب کر دیا۔
کراچی: پاکستانی اداکارہ اور ماڈل حریم فاروق نے بغیر میک اپ کے اپنی خوبصورت چمکتی دمکتی جلد کا راز بتا دیا۔
ایسا کون ہوگا جو یہ نہیں چاہتا کہ اس کی جلد ہمیشہ خوبصورت نظر آئے اور اسے اچھا دکھنے کے لیے کسی میک اپ کی ضرورت نہ پڑے؟ لیکن ایسا کرنے کے لیے اپنی جلد کا خاص خیال کیسے رکھا جائے اداکارہ حریم فاروق نے بتا دیا۔
نامور اداکارہ حریم فاروق نے سوشل میڈیا کی ویب سائٹ انسٹاگرام پر اپنی تصویر شیئر کرتے ہوئے لکھا کہ مجھ سے پوچھا گیا کہ آپ کی خوبصورت چکمتی جلد کا کیا راز ہے؟ اداکارہ نے جواب دیا ڈھیر سارا پانی، صحت مند غذا، ورزش اور چہرے پرمسکراہٹ۔
انہوں نے انسٹاگرام پر شیئر کی جانے والی تصویر سے متعلق کہا کہ اس تصویر میں اچھا نظر آنے کے پیچھے اچھی لائٹنگ، عمدہ ماحول اور آپ کا ایک بہترین دوست ہے۔
اداکارہ نے مداحوں سے ان ٹوٹکوں کو نہ صرف آزمانے کا مشورہ دیا بلکہ حاصل ہونے والے نتائج سے متعلق بھی آگاہ کرنے کا کہا۔
واضح رہے کہ 2018 میں اے آر وائی فلمز کے بینر تلے بنائی جانے والی فلم ’پرچی‘ میں حریم فاروق نے مرکزی کردار ادا کیا تھا، مداحوں کی جانب سے ان کی اداکاری کو بہت سراہا گیا تھا۔
کراچی: ملک بھر میں آج 6 ستمبر کو یوم دفاع پاکستان کشمیریوں کے ساتھ یکجہتی کے طور پر منایا جارہا ہے اس موقع پر شوبز ستاروں نے بھی پاک فوج کے شہداء کو خراج عقیدت پیش کیا۔
تفصیلات کے مطابق 6 ستمبر کے دن پاک فوج نے دشمن کے دانت کھٹے کرتے ہوئے انہیں بھاگنے پر مجبور کردیا تھا، 6 ستمبر کے دن شہید ہونے والے پاک فوج کے جوانوں نے جام شہادت نوش کیا، شوبز ستارے بھی شہدا کو خراج عقیدت پیش کررہے ہیں۔
صبور علی
پاکستان ڈرامہ انڈسٹری کی معروف اداکارہ اور سجل علی کی بہن صبور علی نے لکھا کہ’ قوم پاکستانی فورسز کے شہید جوانوں اور غازی کو سلام پیش کرتی ہے۔
Our nation salutes the services of Pakistan armed forces and their Ghazis and Martyrs.#DefenceAndMartyrsDay
فلم و ڈرامہ انڈسٹری کی اداکارہ حریم فاروق نے کہا ٹویٹر پر نغمے کے بول لکھے ’اے راہ حق کے شہیدوں، وفا کی تصویروں، تمہیں وطن کی ہوائیں، سلام کہتی ہیں، انہوں نے یوم دفاع کی مناسبت سے ہیش ٹیگ کا استعمال بھی کیا۔
اداکار حمزہ علی عباسی نے 1965 کی جنگ کا تجزیہ پیش کرتے ہوئے کہا کہ مجھے لگتا ہے کہ پاکستان جیت گیا ہے، پاکستان نے مقبوضہ کشمیر میں محدود آپریشن کا آغاز کردیا ہے جبکہ بھارت بھی پاکستان کے حملے کا جواب دے رہا ہے۔
Here is a unbiased analysis of 1965 war & why i think Pak won: Pak launched limited scale operation in IOK, Ind responded by full scale invasion of Pak..Pakistan, invaded by a country 5 times its size, defended itself completely & thoroughly. Pakistan ZINDABAD 🇵🇰#DefenceDay
معروف اداکار اور اے آر وائی زندگی کے مارننگ شو کے میزبان فیصل قریشی نے یوم دفاع و یوم شہدا پر کشمیریوں سے اظہار یکجہتی کرتے ہوئے مختلف اداکاروں پر فلمائے گئے کشمیریوں کی آزادی کے حوالے سے نغمے کی ویڈیو شیئر کی۔
کراچی: فیشن انڈسٹری میں پاکستان تیزی سے ترقی کررہا ہے، نت نئے ڈیزائن کی ملبوسات متعارف کرائی جاتی ہیں لیکن اس بار 40 سال قبل زیب تن کیا جانے والا ڈریسنگ اسٹائل توجہ کا مرکز بن گیا۔
تفصیلات کے مطابق معروف اداکارہ حریم فاروق کو حال ہی میں ہونے والے فیشن شو کے ریڈ کارپٹ پر نئے ڈیزائن کے بجائے ماضی کے مقبول ڈیزائن اور رنگوں کے کپڑوں کے ساتھ دیکھا گیا۔
دلچسپ بات یہ ہے کہ حریم فاروق نے پیلے رنگ کی شرٹ اور سفید رنگ کی پینٹ پہنی ہوئی تھی، 1980 کے مقبول ڈیزائن میں سے ایک تھی جس ایک شولڈر ہوتا ہی نہیں ہے۔
ون شولڈر شرٹ اور سفید پینٹ کے ڈیزائن کے ساتھ اداکارہ پرکشش اور منفرد دکھائی دے رہی تھیں، اس سے یہ بات ثابت ہوئی کہ اب بھی پاکستان میں ماضی کے ملبوسات بھی مقبول ہیں۔
واضح رہے کہ گزشتہ سال اے آر وائی فلمز کے بینر تلے بنائی جانے والی فلم ’پرچی‘ میں حریم فاروق نے مرکزی کردار ادا کیا تھا، مداحوں کی جانب سے اداکارہ کی اداکاری کو بہت سراہا گیا تھا۔
اس سے قبل وہ پی ایس ایل کی افتتاحی تقریب میں بھی پرفارم کرچکی ہیں اور اے آر وائی ڈیجیٹل کے متعدد ڈراموں میں اداکاری کے جوہر دکھا کر اپنی صلاحیتوں کا لوہا منوا چکی ہیں۔
یاد رہے کہ پاکستانی خوبرو اداکارہ حریم فاروق نے کینیڈین وزیراعظم جسٹن ٹروڈو سے ملاقات کی اور کہا کہ وہ میرے کیریئر کا بہترین لمحہ تھا ،جب مجھے دلکش اور کرشماتی شخصیت جسٹن ٹروڈو سے ملاقات کا موقع ملا۔
اے آر وائی فلمز کے زیر اہتمام پیش کی جانے والی ایک اور فلم ’پرچی‘ کی پہلی شاندار جھلک جاری کردی گئی جس میں حریم فاروق غنڈہ گردی کرتی ہوئی کافی خوبصورت اور منفرد نظر آرہی ہیں۔
اے آر وائی فلمز، آئی آر کے فلمز اور عارف لاکھانی فلمز کی مشترکہ پیشکش اور اظفر جعفری کی ہدایت کاری میں بننے والی فلم پرچی کے مرکزی کرداروں میں حریم فاروق اور علی رحمٰن خان شامل ہیں۔
حریم فاروق اس سے پہلے اے آر وائی فلمز کے زیر اہتمام بننے والی ایک اور فلم دوبارہ پھر سے میں بھی شاندار اداکاری کا مظاہرہ کر چکی ہیں۔
پرچی کے حال ہی میں جاری کیے جانے والے ٹیزر میں حریم فاروق کافی منفرد نظر آرہی ہیں جس میں وہ غنڈہ گردی، مار دھاڑ کرتی اور بھتے وصول کرتی دکھائی دے رہی ہیں اور یہ کہنا غلط نہ ہوگا کہ بلاشبہ اس کردار میں وہ بہترین دکھائی دے رہی ہیں۔
ٹیزر کا آغاز ان کے غصیلے تاثرات سے ہوتا ہے جس میں وہ ایک سہمے ہوئے شخص سے سوال کرتی نظر آتی ہیں، ’کس نے مخبری کی‘؟
فلم بظاہر بھتہ خوری کے موضوع پر مبنی نظر آتی ہے جس میں فلم کے مختلف کرداروں کو ایک پرچی میں گولی وصول ہوتی ہے اور پرچی پر مطلوبہ رقم اور اسے ادا کرنے کی مدت لکھی ہوتی ہے۔
ٹیزر میں سسپنس کا عنصر بھی برقرار رکھا گیا جس نے فلم بینوں کے تجسس میں مزید اضافہ کردیا ہے۔
فلم کے دیگر کرداروں میں احمد علی اکبر، شفقت خان، عثمان مختار اور شفقت چیمہ بھی شامل ہیں۔
ٹیزر میں حریم فاروق کو غنڈہ گردی کے ساتھ ساتھ رقص کرتے ہوئے بھی دکھایا گیا ہے۔
مذکورہ ٹیزر کو دیکھتے ہوئے یہ بات نہایت واضح معلوم ہوتی ہے کہ اے آر وائی فلمز کی کاوش پرچی پاکستانی فلم انڈسٹری کے لیے ایک اور سنگ میل ثابت ہوگی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور: اے آر وائی فلمز کے زیر اہتمام بننے والی فلم ’لاہور سے آگے‘ پاکستان بھر کے سینما گھروں کی زینت بن چکی ہے اور شائقین کی جانب سے اسے خاصی پذیرائی حاصل ہو رہی ہے۔
لاہور میں فلم ’لاہور سے آگے‘ کا شاندار پریمیئر منعقد ہوا جس میں بڑی تعداد میں فلمی ستاروں نے شرکت کر کے تقریب کو چار چاند لگا دیے۔ اس موقع پر فنکاروں نے نہایت ہی دیدہ زیب لباس زیب تن کیے۔
آئیے دیکھتے ہیں پریمیئر میں مختلف فنکاروں نے کیا زیب تن کیا۔
فلم ’لاہور سے آگے‘ کی مرکزی کردار صبا قمر نے فلم کی تشہیری مہم کے تمام عرصہ میں بہترین اور جدید ملبوسات زیب تن کیے اور اس تقریب میں بھی وہی سب سے عمدہ نظر آئیں۔ البتہ ان کا میک اپ ان کی ساڑھی کے لحاظ سے مزید بہتر کیا جاسکتا تھا۔
اے آر وائی فلمز کی ایک اور کاوش ’دوبارہ پھر سے‘ کی کاسٹ میں شامل عدیل حسین اور طوبیٰ صدیقی نے بھی تقریب میں نہایت عمدہ لباس میں شرکت کی اور سب کی توجہ کا مرکز بنے رہے۔
حریم فاروق اپنی فلم ’دوبارہ پھر سے‘ کی تشہیری مہم میں مصروف ہیں اور فلم ’جانان‘ سے لے کر ہر موقع پر وہ نہایت بہترین انداز میں نظر آئیں۔ اس تقریب میں بھی ان کا سیاہ اور سفید لباس مشرقی اور مغربی امتزاج کا نمونہ تھا تاہم ان کے میرون رنگ کے جوتے لباس کے ساتھ ہم آہنگ نہیں ہوسکے۔
