Tag: حزب اللہ

حزب اللہ نے اسرائیل پر 30 راکٹ داغ دیے، تاہم اسرائیل کی حفاظت کرنے والے آئرن ڈوم نے اس پر کوئی ردعمل نہیں دکھایا۔

عرب میڈیا کے مطابق حزب اللّٰہ نے اسرائیل پر بڑا حملہ کرتے ہوئے درجنوں راکٹ فائر، تاہم حزب اللّٰہ کے راکٹوں کو روکنے کے لیے اسرائیلی دفاعی نظام نے کوئی میزائل فائر نہیں کیا۔

اسرائیلی فوج (آئی ڈی ایف) نے تصدیق کرتے ہوئے کہا ہے کہ رات کے وقت لبنان سے شمالی اسرائیل کی طرف تیس راکٹ فائر ہوئے، جن سے کوئی جانی نقصان نہیں ہوا۔

آئی ڈی ایف کے مطابق راکٹوں میں سے کئی کھلے علاقوں میں گر کر پھٹے، اسرائیلی فوج نے کہا کہ وہ اس حملے کے جواب میں اس علاقے پر حملہ کرے گی جہاں سے راکٹ فائر کیے گئے۔

ایران کا حملہ بڑا ہوگا، اسرائیلی وزیر دفاع

الجزیرہ کے مطابق حزب اللہ سے وابستہ ٹی وی المیادین پر حزب اللہ نے حملے کی ذمہ داری قبول کرتے ہوئے کہا کہ انھوں نے کاتیوشا راکٹوں سے 146 ویں ڈویژن کے نئے اسرائیلی ہیڈکوارٹر کو نشانہ بنایا۔

یاد رہے کہ حزب اللّٰہ کے سربراہ حسن نصر اللّٰہ نے حماس سربراہ اسماعیل ہنیہ اور اپنے کمانڈر فواد شُکر کی شہادت کا بدلہ لینے کا اعلان کرتے ہوئے کہا تھا کہ اسرائیل پر حملہ جلد ہونے جا رہا ہے، اور حملے کے وقت سے متعلق بے یقینی اسرائیل کی سزا کا حصہ ہے۔

لبنان کی حزب اللہ نے جوابی کارروائی کرتے ہوئے شمالی اسرائیل پر میزائل حملے کیے ہیں۔

غیر ملکی میڈیا کے مطابق رات ساڑھے بارہ بجے حزب اللہ نے شمالی اسرائیل کی جانب 25 منٹ تک راکٹ داغے، درجنوں راکٹ شمالی اسرائیل کے قصبے بیت الہلیل پر داغے گئے، حملوں میں کسی بھی جانی نقصان کی کوئی اطلاع نہیں ملی ہے۔

الجزیرہ کے مطابق اسرائیلی میزائل سسٹم آئرن ڈوم نے راکٹوں کو انٹرسپیٹ کیا، حزب اللہ نے ہفتے کے روز اسرائیلی ٹھکانوں پر 8 حملوں کا دعویٰ کیا، تاہم تازہ ترین راکٹ باری پر کوئی تبصرہ نہیں کیا گیا ہے۔

واضح رہے کہ اسرائیلی فوج نے جنوبی لبنان پر متعدد حملوں کا دعویٰ کیا تھا، جس میں ایک ڈرون حملے میں دیر سریان گاؤں میں حزب اللہ کا ایک جنگجو مارا گیا تھا، اس حملے میں متعدد گھروں کو نقصان پہنچا۔

دوسری طرف حماس کے سربراہ اسماعیل ہنیہ کی شہادت کے بعد مشرق وسطیٰ میں صورت حال کشیدہ ہے، امریکا اور برطانیہ نے اپنے شہریوں کو لبنان سے انخلا کی ہدایت کر دی ہے، بیروت میں امریکی سفارت خانے نے کہا کہ شہری کسی بھی دستیاب پرواز سے لبنان سے نکلنے کی فوری کوشش کریں۔

برطانوی وزیر خارجہ ڈیوڈ لیمی نے بیان میں کہا کہ خطے میں تناؤ بہت زیادہ ہے، صورت حال تیزی سے بگڑ سکتی ہے، ہم اپنی قونصلر موجودگی کو مضبوط بنانے کے لیے چوبیس گھنٹے کام کر رہے ہیں، برطانوی شہریوں کے لیے پیغام ہے کہ ابھی چلے جائیں۔

واشنگٹن: امریکا نے اسرائیل کو حزب اللہ کے ساتھ جنگ ​​چھڑنے کی صورت میں مکمل حمایت کی یقین دہانی کرائی ہے۔

سی این این نے رپورٹ کیا ہے کہ بائیڈن انتظامیہ کے ایک سینئر اہلکار نے بتایا کہ اگر حزب اللہ کے ساتھ مکمل جنگ چھڑ جاتی ہے تو واشنگٹن کی یقین دہانی کے مطابق امریکا تل ابیب کی مکمل حمایت کرے گا۔

بتایا جا رہا ہے کہ اسرائیل کے ساتھ یہ وعدہ امریکی قومی سلامتی کے مشیر جیک سلیوان اور امریکی وزیر خارجہ انٹونی بلنکن نے واشنگٹن ڈی سی میں اسرائیل کے قومی سلامتی کے مشیر زاچی ہانیگبی اور اسرائیل کے اسٹریٹجک امور کے وزیر رون ڈرمر سے ملاقات میں کیا تھا۔

ذرائع نے کہا ہے کہ مکمل جنگ کی صورت میں امریکا اسرائیل کو فوجی مدد کی پیشکش کرے گا لیکن زمینی فوج تعینات نہیں کرے گا۔ واضح رہے کہ جنوبی لبنان اور شمالی اسرائیل میں کئی مہینوں سے سرحد پار سے حملے جاری ہیں، اب ان میں شدت آ گئی ہے اور اسرائیل اور حزب اللہ کے درمیان کشیدگی بڑھ رہی ہے۔

لبنانی مسلح گروپ نے خبردار کیا ہے کہ اگر جنگ چھڑ جاتی ہے تو پھر کسی اصول، کسی پابندی کی پاس داری نہیں کی جائے گی، اور کوئی بھی محفوظ نہیں ہوگا۔