Tag: حزب اللہ

یروشلم : اسرائیلی وزیراعظم نیتن یاہو نے حزب اللہ کو دھمکی دی کہ اگر جنگ شروع کی تو بیروت کو بھی غزہ کی طرح تباہ کر دیں گے۔

تفصیلات کے مطابق اسرائیلی وزیراعظم نیتن یاہو نے بیروت کو غزہ بنانے کی دھمکی دے دی، نتین یاہو نے کہا کہ لبنان کو بھی غزہ کی طرح تباہ کر دیں گے، بیروت اور جنوبی لبنان اسرائیل سے زیادہ دور نہیں۔

اسرائیلی وزیراعظم نے خبردار کیا کہ حزب اللہ نے جنگ شروع کی تو سنگین نتائج ہوں گے۔

نتین یاہو کی دھمکی کے بعد اسرائیلی فضائیہ نے جنوبی لبنان کے قصبے پر حملہ کر دیا، جس کے نتیجے میں متعدد افراد شہید ہو گئے۔

دوسری جانب حزب اللہ نے چوبیس گزشتہ گھنٹے میں اسرائیل کے تیرہ فوجی اہداف کو نشانہ بنایا، جس میں دو اسرائیلی فوجی مارے گئے۔

لبنان کا کہنا ہے اسرائیلی فوج نے جنوبی سرحدی علاقے میں وائٹ فاسفورس کا حملہ کیا ہے۔

خیال رہے غزہ میں اسرائیلی فوج کے انسانیت سوز حملوں کا سلسلہ جاری ہے، رات بھر غزہ بمباری سے گونجتارہا،اسرائیلی حملوں میں گزشتہ چوبیس گھنٹوں میں مزید تین سو سے زائد فلسطینی شہید کر دیے گئے۔

دومہینے میں اسرائیل سترہ ہزارسے زائدفلسطینی شہید کرچکا ہے، جن میں بڑی تعداد عورتوں اور بچوں کی ہے۔

یمن : ترجمان حزب اللہ حسن نصر اللہ نے اسرائیل کو جمعہ تک جنگ بندی کا اَلٹی میٹم دیتے ہوئے کہا کہ سیز فائر نہ ہوا تو جنگ میں براہِ راست شامل ہو جائیں گے۔

تفصیلات کے مطابق اسرائیل کی غزہ پر جارحیت کے نتیجے میں مشرق وسطی پر بڑی جنگ کے سائے منڈلانے لگے، حزب اللہ نے اسرائیل کو جنگ بندی کے لئے جمعہ تک کا الٹی میٹم دے دیا۔

ترجمان حزب اللہ حسن نصر اللہ کا کہنا ہے کہ سیز فائر نہ ہوا تو جنگ میں براہِ راست شامل ہو جائیں گے۔

یاد رہے یمنی فورس بھی اسرائیل پر ڈرون اور میزائلوں سے حملے کر رہی ہے، یمن نے اسرائیل کے خلاف جنگ کا اعلان کرتے ہوئے فلسطینی عوام کی بھرپور حمایت کے عزم کا اظہار کیا تھا۔

حوثی فوج کے ترجمان جنرل یحییٰ ساری نے جاری ایک بیان میں کہا تھا کہ فلسطین میں ہمارے مظلوم بھائیوں کی حمایت میں تیسرا آپریشن ہے، جب تک اسرائیلی جارحیت بند نہیں ہوتی، میزائلوں اور ڈرونز سے مزید حملے جاری رکھیں۔

واضح رہے کہ اسرائیل اور لبنان سرحد پر 8 اکتوبر سے وقتاً فوقتاً اسرائیلی فوج اور حزب اللہ کے درمیان جھڑپیں ہو رہی ہیں۔

حملوں میں حزب اللہ کے 46 اراکین سمیت اسلامی جہاد تحریک کے 6، حماس کے 3، حزب اللہ کی حمایت یافتہ سنّی مزاحمتی بریگیڈ کے 2 اراکین اور ایک اخباری رپورٹر سمیت 4 شہری شہید ہو چکے ہیں۔

لبنان کی طرف سے کئے گئے حملوں کے نتیجے میں 3 اسرائیلی فوجی اور ایک اسرائیلی شہری ہلاک ہو گیا ہے۔

اسرائیلی فوج اور لبنانی حزب اللہ کے درمیان جاری کشیدگی شدت اختیار کرگئی ہے، فوجی ٹھکانوں پر حملے کے جواب میں حزب اللہ نے بھی تیاری کرلی۔

غیر ملکی خبر رساں دارے کی رپورٹ کے مطابق لبنان کی حزب اللہ نے کل بروز پیر اسرائیل کی حدود میں واقع فوجی چوکی العباد پر حملے کا اعلان کردیا۔

حزب اللہ کے ٹیلی گرام پیج پر اس موضوع سے متعلق ویڈیو مناظر اور تحریری بیان جاری کیا گیا ہے۔

ویڈیو مناظر کے مطابق العباد فوجی چوکی پر اسرائیل کے کیبل والے اور وائرلیس نیٹ ورک میں خفیہ خبریں سُننے والے اور سگنل خراب کرنے والے سامان، ریڈارز اور کیمرہ سسٹم پر مشتمل مرکز کو نشانہ بنایا گیا ہے۔

واضح رہے کہ اسرائیل اور لبنان سرحد پر 8 اکتوبر سے وقتاً فوقتاً اسرائیلی فوج اور حزب اللہ کے درمیان جھڑپیں ہو رہی ہیں۔

حملوں میں حزب اللہ کے 46 اراکین سمیت اسلامی جہاد تحریک کے 6، حماس کے 3، حزب اللہ کی حمایت یافتہ سنّی مزاحمتی بریگیڈ کے 2 اراکین اور ایک اخباری رپورٹر سمیت 4 شہری شہید ہو چکے ہیں۔

لبنان کی طرف سے کئے گئے حملوں کے نتیجے میں 3 اسرائیلی فوجی اور ایک اسرائیلی شہری ہلاک ہو گیا ہے۔

گزشتہ روز صیہونی فورسز کے جنوبی لبنان میں حزب اللہ کے فوجی ٹھکانوں پر تازہ حملے میں 41 سے زائد افراد جاں بحق ہوگئے تھے۔

حملے کے بعد ترجمان اسرائیلی فوج کا کہنا تھا کہ یہ کارروائی اسرائیل پر راکٹ داغے جانے کے جواب میں کی گئی ہے، گزشتہ رات لبنان سے اسرائیل پر 2 راکٹ داغے گئے تھے۔

ترجمان اسرائیلی فوج نے مزید کہا کہ لبنان سے کیے گئے حملے کو ہمارے ڈیفنس سسٹم نے ناکام بنایا، لبنان کی جانب سے اسرائیلی فوجی چوکیوں کو نشانہ بنایا گیا تھا۔