اسلام آباد: ایف آئی اے نے حساس ادارے کا افسر بن کر شہریوں کو لوٹنے والے گروہ کو گرفتار کرلیا۔
وفاقی تحقیقاتی ادارے (ایف آئی اے) کے سائبر کرائم ونگ نے راولپنڈی میں کارروائی کرتے ہوئے حساس ادارے کا افسرا بن کر شہریوں کو لوٹنے والے گروہ کو گرفتار کرلیا، گرفتار ملزمان میں جمشید محمد خان اور شائیگن جمشید شامل ہیں۔
ایف آئی اے کا کہنا ہے کہ ملزمان نے افسران بن کر کسٹم کلیئرنس کےنام پر شہری سے ایک کروڑ 5 لاکھ روپے ہتھیائے ہیں۔
ایف آئی اے نے بتایا کہ ملزمان کو اسلام آباد کے علاقے گلبرگ سے گرفتار کیا گیا، گرفتار ملزمان کے موبائل سے سی اے اے، وزارت داخلہ، ایف بی آر سے متعلق جعلی دستاویزات برآمد ہوئی ہے۔
ایف آئی اے نے مزید بتایا کہ ملزمان رقم وصول کرنے کے بعد شہری کو جان سے مارنے کی دھمکیاں بھی دیتے تھے، ملزمان کےموبائل میں رقم وصول ہونے کے بعد دھمکیاں دینےکے پیغامات بھی موجود ہے۔
ایف آئی اے نے بتایا کہ دوران تفتیش جعلی دستاویزات کی تیاری میں خاتون کے ملوث ہونےکا بھی انکشاف ہوا، ملزمان سے 6 موبائل فون، 2 لیپ ٹاپ، ہارڈ ڈرائیو، ڈی وی آر، انٹرنیٹ ڈیوائسز برآمد کی گئی ہے۔
ایف آئی اے کا کہنا ہے کہ ملزمان کے خلاف پیکا ایکٹ کے تحت مقدمہ درج کر لیا گیا جبکہ مزید تفتیش جاری ہے۔
