Tag: حسان نیازی

راولپنڈی : چیئرمین پی ٹی آئی کے بھانجے حسان نیازی کا کیس فوجی عدالت منتقل کردیا گیا، حسان نیازی کاملٹری کورٹ میں ٹرائل ہوگا۔

تفصیلات کے مطابق چیئرمین پی ٹی آئی کے بھانجے حسان نیازی کا کیس فوجی عدالت منتقل کردیا گیا، پولیس کا کہنا ہے حسان نیازی کو کل کوئٹہ سے راولپنڈی منتقل کیا گیا، حسان نیازی کا ملٹری کورٹ میں ٹرائل ہوگا۔

یاد رہے لاہور ہائیکورٹ میں چیئرمین پی ٹی آئی کے بھانجے حسان نیازی کی بازیابی کیلئے درخواست کی سماعت ہوئی تھی، عدالت نے آئی جی، سی سی پی او، ایس ایچ او تھانہ سرور روڈ سے اٹھارہ اگست کو جواب طلب کرلیا تھا۔

عدالت نے حکم دیا کہ حسان نیازی آئی جی، سی سی پی او یا ایس ایچ او کی تحویل میں ہیں تو پیش کیا جائے۔

حسان نیازی کے والد حفیظ اللہ نیازی نے بیٹے کی بازیابی کیلئے لاہور ہائیکورٹ میں حبس بیجا کی درخواست دائر کی، جس میں درخواست گزار نے حسان نیازی کو بازیاب کرکے پیش کرنے کی استدعا کی تھی۔

واضح رہے 14 اگست کو پاکستان تحریک انصاف( پی ٹی آئی) کے رہنما حسان خان نیازی کو ایبٹ آباد سے گرفتار کیا گیا ہے، ان پر 9 مئی کو جناح ہاؤس حملے میں ملوث ہونے کا الزام ہے۔

لاہور : پولیس کی جانب سے پی ٹی آئی رہنما حسان نیازی کی کراچی منتقلی کا ایک شیڈول سامنےآگیا ، دوپہر ایک بجے تک حسان نیازی کو کراچی منتقل کردیا جائے گا۔

تفصیلات کے مطابق پی ٹی آئی رہنما حسان نیازی کی گرفتاری اور کراچی پولیس کے راہداری ریمانڈ کے معاملے پر حسان نیازی کوممکنہ طور پر آج کراچی منتقل کیا جاسکتا ہے۔

پولیس کی جانب سے حسان نیازی کی منتقلی کاایک شیڈول سامنےآگیا ،پولیس ذرائع نے بتایا کہ کراچی پولیس پی آئی اے کی پرواز کے ذریعے ملزم کو منتقل کرے گی، لاہورسے پی آئی اےکی فلائٹ11 بجے کراچی کے لیے روانہ ہوگی اور دوپہر ایک بجے تک حسان نیازی کو منتقل کردیاجائے گا۔

ذرائع کا کہنا تھا کہ حسان نیازی کےخلاف جمشیدکوارٹرتھانےمیں مقدمہ درج ہے، پولیس حسان نیازی کوممکنہ طورپرکل اےٹی سی میں پیش کرےگی۔

کراچی پولیس نےسیکیورٹی انتظامات مکمل کرلیےہیں، ائیرپورٹ سے تھانے منتقلی کے دوران سخت سیکیورٹی اقدامات ہوں گے اور شفٹنگ کے دوران پولیس کی اضافی نفری تعینات کی جارہی ہے۔

یاد رہے پی ٹی آئی کے رہنما اور چیئرمین پی ٹی آئی عمران خان کے بھانجے حسان نیازی کیخلاف کراچی میں بغاوت کا مقدمہ درج کیا گیا تھا۔

بغاوت کا مقدمہ تھانہ جمشیدکوارٹرز میں درج کیا گیا، مقدمےمیں حسان نیازی کےدیگرساتھی بھی نامزد ہیں۔

مقدمے کے متن میں کہا گیا تھا کہ حسان نیازی کی سوشل میڈیاپرشیئرویڈیومیں عوام کوبغاوت پراکسایاگیا، ملکی دفاعی اداروں کومخاطب کرکے دھمکایا۔

متن کے مطابق دفاعی اداروں کےسربراہان کےخلاف دھمکی آمیززبان استعمال کی گئی، حسان نیازی کےبیان سےعوام میں غم وغصہ پایاجاتاہے، ان کی گرفتاری کیلئے ایسٹ زون پولیس لاہور اور اسلام آباد جائے گی۔

اسلام آباد : سیشن عدالت نے چیئرمین پی ٹی آئی عمران خان کے بھانجے حسان نیازی کو دوروزہ جسمانی ریمانڈ پر پولیس کے حوالے کردیا۔

تفصیلات کے مطابق اسلام آباد کی سیشن عدالت میں حسان خان نیازی کی بازیابی سے متعلق درخواست پر سماعت ہوئی۔

ایڈیشنل سیشن جج امید علی بلوچ نے سماعت کی، تھانہ رمنا کے تفتیشی آفیسر اے ایس آئی ساجد عدالت میں پیش ہوئے۔

جج نے استفسار کیا کہ آپ نے حسان خان نیازی کو اسلام آباد ہائیکورٹ کے باہر سے گرفتار کیا، جس پر تفتیشی افسر نے بتایا کہ ہم نے حسان نیازی کو جوڈیشل کمپلیکس کے باہر سے گرفتار کیا۔

جج نے استفسار کیا کہ آپ کیوں اس طرح لوگوں کو اٹھا لیتے ہیں ، جس پر تفتیشی افسر کاکہنا تھا کہ حسان خان نیازی کے خلاف مقدمہ درج تھا اس لیے گرفتار کیا ہے۔

جج نے پولیس افسر کو ہدایت کی کہ گیارہ بجے حسان خان نیازی کے وکیل پیش ہو گئے آپ نے ملزم کو لازمی عدالت میں پیش کرنا ہے۔

تفتیشی افسر نے کہا کہ حسان خان نیازی کو علاقہ مجسٹریٹ کی عدالت میں پیش کرنا چاہ رہے ہیں اسکے بعد ادھر لے آئیں گے، جس پر جج نے ریمارکس دیے کہ آپ حسان نیازی کے متعلق جوڈیشل مجسٹریٹ کا حکم نامہ لائیں گے یہاں جو درخواست ہے اس متعلق اپنا فیصلہ بھی دوں گا۔

حسان نیازی کے وکیل نے استدعا کی کہ حسان نیازی وکیل ہیں عدالت میں ہتھکڑی کو کھولا جائے تو تفتیشی افسر نے کہا کہ گاڑی جو بھاگی ہے وہ ریکور کرنا ہے اور جو ساتھی تھا اس کو بھی پکڑنا ہے، ابھی تک حسان نیازی نے ساتھی کا نام بھی نہیں بتایا۔

حسان نیازی کے وکیل نے کہا کہ ایف آئی آر غلط یا ٹائم گرفتاری غلط ہے، عدالت نے دیکھنا ہے اور فیصلہ کرنا ہے۔

تفتیشی افسر کی جانب سے حسان نیازی کے 7 روزہ جسمانی ریمانڈ کی استدعا کی گئی، حسان نیازی کے وکیل علی بخاری نے جسمانی ریمانڈ کی مخالفت کرتے ہوئے کہا کہ میرا موکل اپنے کولیگز کے ہمراہ جوڈیشل کمپلیکس میں دہشتگردی عدالت میں پیش ہوا۔ دہشتگردی عدالت کے جج راجہ جواد صاحب نے ضمانت منظور کی۔

وکیل کا مزید کہنا تھا کہ کون سا بیرئر ہے جوڈیشل کمپلیکس میں آپ نے بھی دیکھا ہوا ہے، ویڈیوز موجود ہیں سی سی ٹی وی ویڈیوز منگوا لیں گے وکلا کے درمیان سے حسان کو گرفتار کیا گیا۔

حسان نیازی کے وکیل نے سوال کیا تفتیشی نے کیا تفتیش کرنی ہے، کہ گاڑی کا کلر کون سا ہے،کہاں سے آرہے تھے، دستاویزات سے ثابت ہے کہ غیر قانونی حراست میں رکھا گیا، پولیس کو شو کاز نوٹس جاری کیا جائے۔

وکیل کا مزید کہنا تھا کہ حسان نیازی کو مختلف تھانوں میں گھماتے رہے، تھانے سے ایک پین بھی لیکر نکلا جائے تو اس کا اندراج ہو تا ہے، پولیس کے تمام اقدامات غیر قانونی ہیں جن کو تحفظ نہیں دیا جاسکتا۔ میرے موکل کو ایف آئی آر سے قبل گرفتار کیا گیا مختلف تھانوں میں گھمایا گیا پھر ایف آئی آر درج کی گئی، غیر قانونی عمل پر مقدمہ خارج کیا جائے،ایس ایچ او کے خلاف کارروائی کی جائے۔

عمران خان کے بھانجے کے وکیل نے کہا کہ پولیس کے بقول ایف آئی آر گیارہ بجے ہوئی ، ایف آئی آر بعد میں دی گئی بندہ پہلے اٹھایا گیا، اسلام آباد ہائیکورٹ کی مداخلت پر ایف آئی آر دی گئی ورنہ انھوں نے ہمیں دہشت گرد بنا دینا تھا۔

وکیل نے بتایا کہ وکلاء کو بلا کر حسان نیازی سے ملنے بھی نہیں دیا گیا، عمران ریاض اور جمیل فاروقی کی مجسٹریٹ نے کھڑے کھڑے ہتھکڑیاں کھلوائیں تھیں، جو بیریئر توڑا گیا پولیس کی جانب سے وہ تحویل میں لیا گیا۔

وکیل کا کہنا تھا کہ جوڈیشل کمپلیکس کی روڈ پر بیریئر کہاں موجود ہے، جوڈیشل کمپلیکس کے داخلی راستے پر کیمرے بھی لگے ہوئے ہیں، پولیس کیسے ثابت کرے گی کہ ناکہ توڑا گیا، ناکہ توڑنے کیلئے ناکے کا ہونا بھی ضروری ہے، بے بنیاد ایف آئی آر پر ریمانڈ نہیں دیا جانا چاہیے۔

وکیل نے مزید بتایا کہ سینیئر وکلاء کے سامنے حسان نیازی کو اغوا کیا گیا، پولیس نے گاڑی تلاش کرنا ہے تو سی سی ٹی وی اور سیف سٹی کیمروں سے تلاش کرے، آئی جی اسلام آباد نے جج ظفر اقبال کی عدالت میں سیاسی تقریر کی، ایف آئی آر کو ڈسچارج کیا جائے یا ضمانت دی جائے۔

پراسکیوٹر نے کہا کہ حسان نیازی پر اقدام قتل کی ایف آئی آر ہے، سادہ نوعیت کا کیس نہیں سیاسی تناظر میں بھی عدالت دیکھے، عدالت دیکھے پولیس کے ساتھ کیا ہو رہا ہے، پولیس کو ڈنڈوں سے مارا جارہا ہے پتھرائو کیا جارہا ہے، گاڑی کی ریکوری کرنی ہے، پولیس کی تفتیش کو متاثر نہیں کیا جاسکتا پہلا ریمانڈ مانگا جارہا ہے، حسان نیازی نامزد ہیں ان کو ضمانت نہیں دی جاسکتی۔

دلائل کے بعد عدالت نے عمران خان کے بھانجے حسان نیازی کا دوروزہ جسمانی ریمانڈ منظور کر لیا۔

اسلام آباد : چیئرمین پی ٹی آئی عمران خان کے فوکل پرسن حسان نیازی کی بازیابی کیلئے درخواست دائر کردی گئی۔

چیئرمین پی ٹی آئی عمران خان کے فوکل پرسن حسان نیازی کی گرفتاری کے بعد پی ٹی آئی نے اسلام آباد ہائی کورٹ میں بازیابی کیلئے درخواست دائر کردی۔

درخواست ایڈووکیٹ فیصل چوہدری اور سلمان نیازی نے دائر کی ہے، پی ٹی آئی کے وکلا چیف جسٹس ہائیکورٹ کے سامنے پیش ہوئے۔

وکیل فیصل چوہدری نے موقف اپنایا کہ حسان نیازی کو نامعلوم افراد نے اٹھا لیا ہے، جس پر چیف جسٹس ہائیکورٹ نے کہا آپ درخواست دائر کریں آج ہی سنیں گے ۔

یاد رہے عمران خان کے فوکل پرسن حسان نیازی کو اسلام آباد پولیس نے گرفتار کیا تھا، پولیس ترجمان کا کہنا تھا کہ حسان نیازی کو ناکے پر مزاحمت اور بدتمیزی کرنے پر گرفتار کیا گیا۔

دوسری جانب وکیل نعیم حیدر نے بتایا تھا کہ حسان خان نیازی عدالت سے میرے ساتھ نکلے، ان کو ضمانت مل چکی تھی اس کے باوجود ایس پی نوشیروان انہیں گاڑی میں بٹھاکر ساتھ لے گئے۔

اسلام آباد : پی ٹی آئی رہنما اور وکیل حسان نیازی کو جوڈیشل کمپلیکس کے باہر سے گرفتار  کرنے پر اسلام آباد پولیس کا مؤقف سامنے آگیا۔

اسلام آباد پولیس نے حسان نیازی کی گرفتاری پر کہا کہ حسان نیازی کو پولیس ناکے پر مزاحمت اور بدتمیزی پرگرفتارکیا گیا ان کیخلاف پولیس سے مزاحمت پر مقدمہ درج کیا جارہا ہے۔

ضمانت کے باوجود پی ٹی آئی رہنما اور وکیل حسان نیازی کو گرفتار کرلیا گیا

پولیس کا مزید کہنا ہے کہ حسان نیازی کیخلاف تھانہ رمنا میں مقدمہ درج کیا جارہا ہے جبکہ انہیں گرفتار کر کے نامعلوم جگہ پر منتقل کر دیا گیا ہے۔

دوسری جانب پی ٹی آئی نے اسلام آباد ہائیکورٹ میں بازیابی کی درخواست دائر کر دی ہے، درخواست وکیل فیصل چوہدری اور سلمان نیازی نے دائر کی، چیف جسٹس نے ہائیکورٹ کے وکلا سے مکالمہ میں کہا کہ آپ درخواست دائر کریں آج ہی اس کیس کو سنیں گے۔

واضح رہے کہ حسان نیازی عمران خان کے بھانجے اور وکیل رہنما ہیں۔