کراچی: شہر قائد کے علاقے حسن اسکوائر سرشاہ سلیمان روڈ پر شہری سے گاڑی چھیننے کی فوٹیج سامنے آگئی۔
تفصیلات کے مطابق کراچی کے علاقے حسن اسکوائر سرشاہ سلیمان روڈ پر موٹر سائیکل سوار 2 ملزمان شہری سے رقم چھیننے کی کوشش کرتے رہے، کافی دیر مزاحمت کے بعد ملزمان شہری کو گاڑی سے اتارنے میں کامیاب ہوا۔
فوٹیج میں دیکھا جاسکتا ہے کہ ایک ملزم گاڑی اور دوسرا موٹر سائیکل پر سوار ہو کر فرار ہوگئے، دوسری جانب پی آئی بی پولیس کا کہنا ہے کہ کسی شہری نے واردات سے آگاہ نہیں کیا۔
کراچی : شہرقائد کےعلاقے حسن اسکوائرمیں نامعلوم ملزمان کی فائرنگ سےکوسٹر ڈرائیور جان کی بازی ہارگیا۔
تفصیلات کےمطابق کراچی کےعلاقےحسن اسکوائرپرپکنک کےلیےجانے والی کوسٹر میں ڈکیتی کےدوران مزاحمت پر فائرنگ کردی گئی جس سے کوسٹرڈرائیورہلاک ہوگیا۔
پولیس حکام کےمطابق مقتول ڈرائیور کی شناخت عبدالرحمان کےنام سے ہوئی ہے جبکہ عینی شاہدین کا کہناہےکہ ملزمان نےڈرائیورسےموبائل فون چھیننے کی کوشش کی۔
پولیس کا کہنا ہے کہ ملزما ن کی گرفتاری کےلیے کوششیں جاری ہیں اورجلدانہیں گرفتار کرلیاجائے گاجبکہ مقتول کی لاش پوسٹ مارٹم کےلیےاسپتال منتقل کردی گئی ہے۔
دوسری جانب اورنگی ٹاؤن کےمکینوں نےلوٹ مارکرنےوالےڈاکو کوپکڑکرتشدد کا نشانہ بنایا۔ملزم ساجد شہریوں کےتشدد کےباعث ہلاک ہوگیا۔پولیس کا کہناہےکہ ملزم کےقبضے سے اسلحہ برآمد ہواہے۔
ادھرمنگھوپیر ونگی گوٹھ میں چھوٹے بھائی نےبڑے بھائی کوچھریوں کے وارکرکےقتل کردیا۔
یاد رہےکہ گزشتہ روز محمود آباد میں ایک گاڑی سے ایک لڑکے اور خاتون کی لاش برآمد ہوئی تھی،لاشوں کا پوسٹ مارٹم کرنے کے لیےجناح اسپتال منتقل کردیا گیاتھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
کراچی: قومی احستاب بیورو کا رینجرز کے ہمراہ سوک سینٹر میں موجود کراچی ڈیولیپمنٹ بلڈنگ کنٹرول اتھارٹی کے دفتر پر چھاپہ، چائنہ کٹنگ کا اہم ریکارڈ ضبط کرلیا گیا ہے۔
تفصیلات کے مطابق آج سہہ پہر تین بجے نیب کی جانب سے کے ڈی اے کے دفتر پر چھاپہ مارا گیا، اس موقع پر رینجرز کی بھاری نفری نے سوک سینٹر کو چاروں اطراف سے گھیرا ہوا تھا۔
کاروائی میں چائناکٹنگ اور گلستان جوہر اسکیم 36 سے متعلقہ تمام ریکارڈ ضبط کر کے تحویل میں لے لیا گیا، دورانِ کاروائی دفتر میں موجود افسران سے پوچھ گچھ کی گئی تاہم کوئی گرفتاری عمل میں نہیں آئی۔
واضح رہے گزشتہ ماہ کی 27 تاریخ کو کے ڈی اے کے دفتر میں چھاپہ مار کر تین افسران کو چائنا کٹنگ اور ناجائز تعمیرات کے الزام میں گرفتار کر کے انسداد دہشت گردی کی عدالت میں پیش کیا گیا تھا، تینوں ملزمان نوے روزہ جسمانی ریمانڈ پر رینجرز کی تحویل میں ہیں۔