ARYNews.tv | Urdu – Har Lamha Bakhabar

Tag: حسن رحیم

  • گلوکار حسن رحیم کی شالیمہ کی ویڈیوز و تصاویر سوشل میڈیا پر وائرل

    گلوکار حسن رحیم کی شالیمہ کی ویڈیوز و تصاویر سوشل میڈیا پر وائرل

    (17 اگست 2025): پاکستان کے معروف گلوکار حسن رحیم کی نکاح کے بعد شالیمے کی ویڈیوز سوشل میڈیا پر وائرل ہوگئیں۔

    حسن رحیم کا شمار پاکستان کے معروف گلوکاروں میں ہوتا ہے، انہوں نے خوبصورت موسیقی، منفرد گانوں اور شائستہ شخصیت کے ذریعے لاکھوں لوگوں کے دل جیت لیے ہیں۔

    یہ پڑھیں: گلوکار حسن رحیم رشتہ ازدواج میں منسلک

    انہیں مداح لائیو پرفارم کرتے دیکھنا پسند کرتے ہیں اور چند سالوں میں بڑے ہٹ گانے دیے ہیں، نوجوان گلوکار گزشتہ دنوں شادی کے بندھن میں بندھے ہیں جس کی ویڈیوز اور تصاویر سوشل میڈیا کی زینت بنیں۔

    سوشل میڈیا پیجز کے مطابق گلوکار نے اپنے آبائی علاقے میں، اپنی کزن نور سے شادی کرلی ہے، ان کی شادی کی تقریب میں ان کے قریبی عزیز و اقارب نے شرکت کی،  ان کی نکاح کی ویڈیوز اور تصاویر سوشل میڈیا پر خوب وائرل ہوئی تھی۔

    تاہم اب ان کی بارات اور ولیمے کے امتزاج پر مبنی ایک تقریب یعنی شالیمہ کی ویڈیوز سوشل میڈیا پر بہت زیادہ وائرل ہو رہی ہیں، وائرل ویڈیوز میں حسن رحیم کو سیاہ پینٹ اور کوٹ میں گلگتی ٹوپی پہنے ہوئے دیکھا جا سکتا ہے، جب کہ ان کی دلہن نے لال رنگ کا لباس پہنا ہوا ہے۔

     

    View this post on Instagram

     

    A post shared by joona (@hasansgalleryy)

    تقریب کی کچھ ویڈیوز میں حسن رحیم کو گلگت بلتستان کے روایتی رقص پر ڈانس کرتے بھی دیکھا جا سکتا ہے، گلوکار کی شالیمہ کی ویڈیوز اور تصویریں باضابطہ طور پر ان کی جانب سے شیئر نہیں کی گئیں، لیکن ان کے فین پیجز اور دوستوں کی جانب سے یہ ویڈیوز اور تصویریں شیئر کی گئی ہیں۔

     

    View this post on Instagram

     

    A post shared by SaherScooop (@saher.scooop)

  • معروف پاپ سنگر حسن رحیم نے لاکھوں خواتین مداحوں کے دل توڑ دیے

    معروف پاپ سنگر حسن رحیم نے لاکھوں خواتین مداحوں کے دل توڑ دیے

    پاکستان کے نامور پاپ سنگر حسن رحیم شادی کے بندھن میں بندھ گئے جس کی تصویر سوشل میڈیا پر شیئر کی ہے۔

    نئی نسل کے شہرت یافتہ پاپ سنگر حسن رحیم نے اپنی شادی کی تصدیق کردی ساتھ ہی انہوں نے انسٹاگرام پر اپنی دلہن کے ہمراہ تصویر شیئر کی ہے تاہم انہوں نے اپنی دلہن کے چہرے کا آدھا حصہ دکھایا ہے۔

    حسن رحیم اپنے اس خاص دن پر بے حد خوش نظر آرہے ہیں تاہم انہوں نے تصویر شیئر کرتے ہوئے شادی سے منسلک کوئی بھی پوسٹ، تصاویر یا ویڈیو کو ری شیئر کرنے سے منع کر دیا ہے۔

    حسن رحیم نے کیپشن میں لکھا کہ "زندگی کا سب سے بڑا دن، بالکل سادہ اور پرسکون انداز میں۔”

    گلوکار نے کیپشن میں مزید لکھا کہ ‘ہماری شادی کی کوئی بھی تصاویر یا ویڈیوز آن لائن شیئر کرنا ہماری پرائیویسی کی خلاف ورزی ہے۔ ہم اپنی تقریبات کی کسی بھی تصویر یا ویڈیو کی اشاعت یا پوسٹنگ کی اجازت نہیں دیتے۔’

    گلوکار کی جانب سے شادی کا اعلان ہوتے ہی شوبز انڈسٹری سے وابستہ ساتھی گلوکار و فنکار سمیت مداحوں کی بڑی تعداد انہیں مبارک باد دیتی دکھائی دے رہی ہے۔

    لیکن دوسری جانب حسن رحیم کی شادی کا سن کے خواتین مداحوں کے جیسے دل ہی ٹوٹ گئے، شادی کی تصویر خواتین مداحوں نے دل ٹوٹنے کا اعتراف بھی کیا ہے۔

    ایک خاتون نے کمنٹ میں لکھا کہ ‘اس طرح کا مذاق نہ کریں، ایک اور خاتون کا کہنا تھا کہ آپ نے کیوں شادی کرلی؟’ ایک اور خاتون نے کہا کہ میں خوش ہوں لیکن میرا دل ٹوٹ گیا’۔

     

    View this post on Instagram

     

    A post shared by Hasan Raheem (@hasan_raheem)