Tag: حسن علی

  • حسن علی ویسٹ انڈیز کے خلاف شکست کے باوجود اپنی پرفارمنس سے مطمئن

    حسن علی ویسٹ انڈیز کے خلاف شکست کے باوجود اپنی پرفارمنس سے مطمئن

    ٹرینیڈاڈ(11 اگست 2025): ویسٹ انڈیز کے خلاف شکست کے باوجود پاکستان کے فاسٹ بولر حسن علی اپنی پرفارمنس سے مطمئن ہیں۔

    قومی کرکٹ ٹیم کے فاسٹ بولر حسن علی نے دوسرے ون ڈے میچ کے بعد میڈیا سے گفتگو کرتے ہوئے کہا کہ ہمارے لیے یہ ایک مشکل دن تھا، ہم نے جس طرح بولنگ کی ہے میں سمجھتا ہوں کہ یہ ہماری غیر معمولی کوشش تھی۔

    پاکستانی فاسٹ بولر نے کہا کہ 6.2 اوورز میں 3.5 رنز دے کر 2 وکٹیں حاصل کی لیکن ہمارے رنز کچھ کم تھے، اگر رنز 200 یا 210 رنز ہوتے تو نتیجہ مختلف ہوتا۔

    دوسرا ون ڈے : ویسٹ انڈیز نے پاکستان کو شکست دے دی

    حسن علی کا کہنا تھا کہ ویسٹ انڈیز بلے بازوں نے اچھی بیٹنگ کرکے میچ جیتا، جس طرح ردر فورڈ اور چیس نے کھیلا، انہوں نے آؤٹ کلاس کیا اور وہ میچ کو ہم سے دور لے گئے۔

    ویسٹ انڈیز کے خلاف تیسرے ون ڈے میں واپسی کے عزم کا اظہار کرتے ہوئے حسن علی نے کہا کہ میں اپنی کارکردگی سے مطمئن ہوں۔

    انہوں نے کہا کہ میں تقریباً دو سال بعد دوبارہ کرکٹ کھیل رہا ہوں، میں ہمیشہ اچھے میدانوں میں باؤلنگ کرنے کی کوشش کرتا ہوں، میں اپنی باؤلنگ سے مطمئن ہوں، اب میں تیسرے میچ کا منتظر ہوں، میں ہمیشہ ٹیم کے لیے کچھ نہ کچھ حصہ ڈالنا چاہتا ہوں۔

    واضح رہے کہ میزبان ٹیم نے بارش سے متاثرہ دوسرے ون ڈے میں پاکستان کو سنسنی خیز مقابلے کے بعد پانچ وکٹوں سے شکست دی تھی۔

  • حسن علی نے ٹی ٹوئنٹی کرکٹ میں اہم سنگ میل عبور کرلیا

    حسن علی نے ٹی ٹوئنٹی کرکٹ میں اہم سنگ میل عبور کرلیا

    قومی کرکٹ ٹیم کے فاسٹ بولر حسن علی نے ٹی ٹوئنٹی کرکٹ میں بہترین کارکردگی کا مظاہرہ کرتے ہوئے 300 وکٹیں مکمل کرلی ہیں۔

    قومی ٹیم کے فاسٹ بولر حسن علی اس وقت انگلینڈ کی کاؤنٹی ٹیم برمنگھم بیئرز کی نمائندگی کر رہے ہیں اور 2025 کے جاری مینر ویٹیلٹی بلاسٹ ٹورنامنٹ میں بہترین کارکردگی دکھانے میں مصروف ہیں۔

    قومی فاسٹ بولر نے یہ سنگ میل صرف 212 میچز میں عبور کرلیا، اور وہ ٹی ٹوئنٹی کرکٹ میں 300 وکٹیں لینے والے دنیا کے 39 ویں اور پاکستان کے 9 ویں بولر بن گئے ہیں۔

    واضح رہے کہ پاکستان کی جانب سے سب سے زیادہ ٹی ٹوئنٹی وکٹیں لینے والے بولرز کی فہرست میں وہاب ریاض 413 وکٹوں کے ساتھ پہلے نمبر پر براجمان ہیں، جبکہ افغانستان کے راشد خان 643 وکٹوں کے ساتھ عالمی سطح پر سب سے آگے ہیں۔

    ٹی ٹوئنٹی میں زیادہ وکٹیں لینے والے پاکستانی بولرز:

    وہاب ریاض – 413
    سہیل تنویر – 389
    محمد عامر – 384
    عماد وسیم – 365
    شاہد آفریدی – 347
    شاداب خان – 345
    حارث رؤف – 321
    شاہین آفریدی – 310
    حسن علی – 301

    حسن علی نے ویٹیلٹی بلاسٹ 2025 میں اب تک 6 میچز میں 12 کھلاڑیوں کو پویلین کی راہ دکھائی ہے، ان کا اوسط 17.33 اور اکانومی ریٹ 9.38 رہا ہے۔

    یوزویندر چہل کو ’کارٹون‘ کہنے پر روہت شرما کی اہلیہ شدید تنقید کی زد میں

    واضح رہے کہ اتوار کو برمنگھم بیئرز لیسٹرشائر کے خلاف زور آزمائی کریں گے، بیئرز اس وقت نارتھ گروپ میں چار فتوحات اور چار ناکامیوں کے ساتھ چھٹے نمبر پر ہیں اور 16پوائنٹس حاصل کرچکے ہیں۔

  • گرین جرسی دوبارہ پہننا کسی خواب سے کم نہیں: حسن علی

    گرین جرسی دوبارہ پہننا کسی خواب سے کم نہیں: حسن علی

    قومی ٹیم کے فاسٹ بولر حسن علی نے کہا ہے کہ گرین جرسی دوبارہ پہننا کسی خواب سے کم نہیں ہے۔

    پاکستان کے فاسٹ بولر حسن علی کی قومی ٹیم میں واپسی پر پاکستان کرکٹ بورڈ کی جانب سے ایک ویڈیو شیئر کی گئی ہے جس میں بولر نے اپنی واپسی کو خواب قرار دیا ہے۔

    حسن علی نے کہا کہ گرین جرسی دوبارہ پہننا کسی خواب سےکم نہیں ہے اور انجری کے بعد کم بیک آسان نہیں تھا، لیکن میرے لیے گرین شرٹ پھر سے پہننا ایک اعزاز ہے۔

    پاکستان کے فاسٹ بولر نے کہا کہ انجری کے بعد ہر کھلاڑی کو ایک پلٹ فارم چاہیے ہوتا ہے جہاں وہ اپنی فٹنس شو کرے وہ موقع کراچی کنگز سے ملا جہاں میں نے اپنی پرفارمنس دی اور پاکستان سپر لیگ (پی ایس ایل) میں پرفارمنس کا صلہ ہی ملا ہے۔

    انہوں نے مزید کہا کہ انسان کی فطرت ہے تنقید برداشت نہیں کرپاتا، میں اپنی اہلیہ کا شکر گزار ہوں انہوں نے ری ہیب کے دوران اور ہر فیز میں ہمیشہ مجھے سپورٹ کیا ہے۔

    اس سے قبل انہوں نے کہا تھا کہ میں ورلڈ کپ میں پاکستان کے لیے کھیلنا اور ملک کے لیے جیتنا چاہتا ہوں، میرے لیے اب ہر میچ ایک موقع ہے اور میں اپنا سو فیصد حصہ دوں گا۔

    واضح رہے کہ 30 سالہ فاسٹ بولر نے پاک بنگال سیریز کے پہلے ٹی 20 میں شاندار بولنگ کرتے ہوئے پانچ وکٹیں حاصل کیں اور ٹی 20 میں یہ کارنامہ انجام دینے والے چوتھے پاکستانی بولر بن گئے۔

    https://urdu.arynews.tv/sarfaraz-ahmed-playfully-takes-credit-for-hasan-alis-strong-comeback/

  • کراچی کنگز کے حسن علی کا پی ایس ایل میں اب تک کا شاندار سفر

    کراچی کنگز کے حسن علی کا پی ایس ایل میں اب تک کا شاندار سفر

    کراچی کنگز کے حسن علی کا پی ایس ایل میں اب تک کا سفر شاندار رہا ہے، وہ ایمرجنگ کیٹیگری کے پلیئر سے لیڈنگ وکٹ ٹیکر بن چکے ہیں۔

    کراچی کنگز کے نائب کپتان اور قومی فاسٹ بولر حسن علی نے 2016 میں پی ایس ایل میں بطور ایمرجنگ کیٹیگری پلیئر شرکت کی تھی، تاہم اب 9 سال گزرنے کے بعد وہ پاکستان سپرلیگ کی تاریخ میں سب سے زیادہ وکٹ لینے والے بولر بن چکے ہیں۔

    حسن علی پی ایس ایل 10 میں بھی اب تک سب سے زیادہ وکٹیں لینے والے بولر ہیں، کراچی کنگز کے نائپ کپتان 6 میچز میں 13 وکٹیں حاصل کررکھی ہیں، دوسرے نمبر 12 وکٹوں کے ساتھ اسلام آباد یونائیٹڈ کے جیسن ہولڈر ہیں۔

    کراچی کنگز کے نائب کپتان نے کہا کہ میں اپنی پرفارمنس سے کافی مطمئن ہوں اور میں بطور وکٹ ٹیکر لیڈ کررہا ہوں، جب آپ اپنی ٹیم کےلیے وکٹ لیتے ہیں تو ہمیشہ ہی اچھا محسوس کرتے ہیں۔

    حسن علی نے کہا کہ میرا بھی یہی ہے کہ میں نمبر ون چل رہا ہوں، میں نے اپنی بولنگ میں کوئی بہت بڑی تبدیلیاں نہیں کیں، میں نے اپنی بنیادوں چیزوں کو دوبارہ سے بہتر کیا ہے۔

    انھوں نے کہا کہ خصوصی طور پر میں نے اپنی فٹنس اور ڈائٹ پر دھیان دیا ہے اور یہی چیزیں ابھی میرے کام آرہی ہیں، میرے اوپر ایک ذمہ داری ہے اور میں اس ذمہ داری سے بہت لطف اندوز ہورہا ہوں۔

    حسن علی نے کہا کہ مجھے فخر ہے کہ پی ایس ایل کی سب سے بڑی فرنچائز میں سے ایک کا میں نائب کپتان ہوں، جب آپ کو ٹیم میں کوئی ذمہ داری یا عہدہ ملتا ہے تو آپ اعتماد بھی ملتا ہے۔

    قومی فاسٹ بولر کا کہنا تھا کہ آپ کہہ سکتے ہیں کہ نائب کپتان کی حیثیت سے زیادہ اعتماد مل رہا ہے جس سے بولنگ میں بھی مدد مل رہی ہے۔

    ہم ہمیشہ چاہتے ہیں کہ کرائوڈ کی موجودگی میں میچ کھیلیں اور قذافی اسٹیڈیم ہمیشہ ہی بھرا رہتا ہے، یہاں لاہور کے خلاف میچ ہوگا اور ہم چاہیں گے کہ جو تماشائی آئیں ہم انھیں اپنی مہارت کے ساتھ تفریح فراہم کریں۔

    https://urdu.arynews.tv/psl-10-hasan-ali-new-hair-style/

  • حسن علی نے کس کے کہنے پر لمبے بال رکھے؟ فاسٹ بولر نے راز سے پردہ اٹھا دیا

    حسن علی نے کس کے کہنے پر لمبے بال رکھے؟ فاسٹ بولر نے راز سے پردہ اٹھا دیا

    پی ایس ایل 10 میں فاسٹ بولر حسن علی نئے ہیئر اسٹائل کے ساتھ نظر آ رہے ہیں یہ تبدیلی کس کی پسند پر کی انہوں نے خود بتا دیا۔

    پاکستان سپر لیگ (پی ایس ایل) کے جاری دسویں ایڈیشن میں شائقین کرکٹ کراچی کنگز کے نائب کپتان حسن علی اپنی فاسٹ بولنگ سے مخالفین کی وکٹیں اڑانے کی وجہ سے تو توجہ کا مرکز بنے ہوئے ہیں مگر اس کے ساتھ ہی شائقین انہیں ایک بالکل بدلے روپے میں بھی دیکھ رہے ہیں۔

    حسن علی جو وکٹ لینے کے بعد اپنے منفرد جنریٹر اسٹائل میں جشن منانے کے حوالے سے بھی مشہور ہیں۔ اس وقت شائقین کو لمبے بالوں کے مختلف ہیئر اسٹائل کے ساتھ دیکھ رہے ہیں۔ یہ ہیئر اسٹائل انہوں نے کس کی پسند پر رکھا۔ فاسٹ بولر نے راز سے پردہ اٹھا دیا۔

    کراچی کنگز کے نائب کپتان سے جب انکے لمبے بال رکھنے کے حوالے سے سوال کیا گیا تو انہوں نے مسکراتے ہوئے جواب دیا کہ بال لمبے کرنے میں کوئی راز نہیں اور نہ ہی کسی کے کہنے کو ہیئر اسٹائل تبدیل کیا۔

    ان کا کہنا تھا کہ لمبے بال خود مجھے پسند ہیں اور اپنی ہی پسند پر رکھیں ہیں۔ ماضی میں انجری کی وجہ سے اپنے لُک پر دھیان نہیں دے پا رہا تھا۔

  • ’کنگ کرلے گا‘ یہ میرے ہی الفاظ ہیں، بابر بہترین کھلاڑی ہیں، حسن علی

    ’کنگ کرلے گا‘ یہ میرے ہی الفاظ ہیں، بابر بہترین کھلاڑی ہیں، حسن علی

    پی ایس ایل میں کراچی کنگز کے فاسٹ بولر حسن علی کا کہنا ہے کہ کنگ کرلے لگا میرے ہی الفاظ ہیں بابر اعظم ایک بہترین کھلاڑی ہیں۔

    فاسٹ بولر حسن علی نے میڈیا سے گفتگو کرتے ہوئے کہا کہ نیشنل ٹی 20 میں اچھا بولر رہا ہوں، میرا کام پرفارمنس دینا ہے اور پاکستان ٹیم میں کم بیک کرنا ہے، عمر کے اس حصے میں ہوں جس میں مجھے کسی بات سے فرق نہیں پڑتا۔

    انہوں نے کہا کہ ماضی میں کون کس پر تنقید کرتا رہا وہ ریکارڈ پر ہے۔

    یہ پڑھیں: حسن علی نے پی ایس ایل میں وہاب ریاض کا ریکارڈ برابر کردیا

    میچ سے متعلق حسن علی نے کہا کہ ہم پہلا میچ اچھا کھیلے اور آج بیٹنگ کام نہ آسکی، وکٹیں گرنے سے پارٹنر شپ قائم نہ ہوسکی، سائفرٹ اور شان نے پارٹنر شپ لگانے کی کوشش کی تھی لیکن ایک کے بعد ایک وکٹ گرنے سے مشکلات کا سامنا کرنا پڑا۔

    حسن علی نے کہا کہ عرفات کو ہم کھلاڑی اور خوشدل شاہ کو بطور آل راؤنڈر شامل کررہے ہیں، محمد نبی کو موقع کی مناسبت سے استعمال کریں گے۔

    PSL 10- پی ایس ایل کی تمام خبریں

  • حسن علی نے پی ایس ایل میں وہاب ریاض کا ریکارڈ برابر کردیا

    حسن علی نے پی ایس ایل میں وہاب ریاض کا ریکارڈ برابر کردیا

    پی ایس ایل 10 میں کراچی کنگز کے فاسٹ بولر حسن علی نے وہاب ریاض کا ریکارڈ برابر کردیا۔

    حسن علی نے لاہور قلندرز کے خلاف 4 اوورز میں 28 رنز دے کر 4 کھلاڑیوں کو پویلین کی راہ دکھائی اور وہاب ریاض کا سب سے زیادہ وکٹیں لینے کا ریکارڈ برابر کردیا۔

    فاسٹ بولر نے محمد نعیم، عبداللہ شفیق، فخر زمان اور انگلش بیٹر سیم بلنگز کی وکٹیں حاصل کیں۔

    PSL 10- پی ایس ایل کی تمام خبریں

    حسن علی نے قلندرز کے خلاف چار وکٹیں لے کر پی ایس ایل کی 83 اننگز میں 113 وکٹیں حاصل کرنے والے بولر بن گئے ہیں۔

    وہاض نے 87 اننگز میں 113 وکٹیں حاصل کی تھیں، شاہین آفریدی 74 اننگز میں 107 وکٹیں لے کر تیسرے نمبر پر موجود ہیں، شاداب خان نے 85 اننگز میں 96 وکٹیں لے رکھی ہیں۔

    آل راؤنڈر فہیم اشرف نے 72 اننگز میں 79 وکٹیں حاصل کی ہیں۔

    PSL 10- پی ایس ایل کی تمام خبریں

    پی ایس ایل کے چھٹے میچ میں لاہور قلندرز نے پہلے بیٹنگ کرتے ہوئے مقررہ اوورز میں 6 وکٹوں کے نقصان پر 201 رنز بنائے اور کراچی کنگز کو 202 رنز کا ہدف دیا۔

    فخر زمان نے 75 اور ڈیرل مچل نے 76 رنز کی برق رفتار اننگز کھیلی۔

    سیم بلنگز 19 رنز بنا کر آؤٹ ہوئے، عبداللہ شفیق 6 رنز بنا کر پویلین لوٹ گئے، محمد نعیم کو 7 رنز پر حسن علی نے آؤٹ کیا۔

    کراچی کنگز کی جانب سے حسن علی نے چار اور عباس آفریدی نے ایک، وکت حاصل کی۔

  • کراچی کنگز نے حسن علی کو نائب کپتان مقرر کر دیا

    کراچی کنگز نے حسن علی کو نائب کپتان مقرر کر دیا

    کراچی کنگز نے فاسٹ بولر حسن علی کو ایچ بی ایل پی ایس ایل 10 کیلئے نائب کپتان مقرر کر دیا۔

    کراچی کنگز کے اونر سلمان اقبال کا اس موقع پر کہنا تھا کہ حسن علی میں وہ جذبہ ہے جو کراچی کنگز کی اصل پہچان ہے۔

    سلمان اقبال نے کہا کہ چاہتے ہیں کپتان ڈیوڈ وارنرکے ساتھ ملکر ٹیم کو اگلے درجے پر لے جائیں، ہم سب کی نظریں ایک ہی ہدف پر ہیں اور وہ ایچ بی ایل پی ایس ایل ٹرافی ہے۔

    واضح رہے کہ کراچی کنگز کے غیر ملکی اسٹارز کی آمد کا سلسلہ جاری ہے۔ آسٹریلیا سے تعلق رکھنے والے کپتان ڈیوڈ وارنر، افغانستان کے محمد نبی، بنگلہ دیش کے لٹن داس، نیوزی لینڈ کے ایڈم ملن اور ٹیم سائفرٹ نے اسکواڈ کو جوائن کر لیا ہے۔

    افغانستان کے تجربہ کار آل راونڈر محمد نبی نے اے آر وائی نیوز سے خصوصی گفتگو کرتے ہوئے کہا ہے کہ امید ہے اس مرتبہ کراچی کنگز اپنے اہداف ضرور حاصل کریگی۔

    انہوں نے کہا کہ ڈیوڈ وارنر کی شمولیت کراچی کنگز کیلئے اہمیت رکھتی ہے۔ کراچی کنگز کیساتھ دوبارہ جڑنے پر خوش ہوں، گزشتہ سیزن میں اچھا پرفارم کرچکا ہوں اور امید ہے اس مرتبہ کراچی کنگز اپنے اہداف ضرور حاصل کریگی۔

    افغان کرکٹر کا مزید کہنا تھا کہ اسکواڈ میں شامل نوجوان کھلاڑی باصلاحیت ہیں اور اچھے نتائج دینے پر یقین رکھتے ہیں، روی بوپارا بطور ہیڈ کوچ اچھا آپشن ثابت ہونگے، ہم سب کا ایک ہی مقصد ہے کراچی کنگز کو چیمپئن بنائیں۔

    واضح رہے کہ پی ایس ایل 10 کا آغاز 11 اپریل سے ہونا ہے، ٹورنامنٹ کے افتتاحی میچ میں دفاعی چیمپئن اسلام آباد یونائیٹڈ کا مقابلہ راولپنڈی کرکٹ اسٹیڈیم میں دو مرتبہ کی فاتح لاہور قلندرز سے ہوگا جبکہ کراچی کے شیر اپنے پہلے میچ میں ہفتے کو ملتان سلطانز سے ٹکرائیں گے۔

    پی ایس ایل 10 کا میلہ سجنے کو تیار، پنجاب پولیس کے سیکیورٹی انتظامات مکمل

    ٹورنامنٹ چار شہروں کراچی، لاہور، ملتان اور راولپنڈی میں کھیلا جائے گا جس کا فائنل 18 مئی کو لاہور کے قذافی اسٹیڈیم میں شیڈول ہے۔ پی ایس ایل 10 کا میلہ 37 دن تک جاری رہے گا جس میں مجموعی طور پر 34 میچز کھیلے جائیں گے۔

  • کوشش ہے ٹائٹل جیتیں، بہت سی نئی چیزیں ہونے جارہی ہیں، حسن علی

    کوشش ہے ٹائٹل جیتیں، بہت سی نئی چیزیں ہونے جارہی ہیں، حسن علی

    کراچی کنگز کے فاسٹ بولر حسن علی نے کہا ہے کہ بہت سی نئی چیزیں ہونے جارہی ہیں، کوشش ہے ٹائٹل جیتیں، گزشتہ سال اچھاپرفارم کرچکا ہوں۔

    تفصیلات کے مطابق پی ایس ایل سیزن 10 کےلیے کراچی کنگز کے تربیتی کیمپ کا آغاز ہوگیا، ہیڈ کوچ روی بوپارا اور فاسٹ بولنگ کوچ شان ٹیٹ نے تیاریاں شروع کرادیں، کراچی کنگز کے شان مسعود نے بھی اسکواڈ جوائن کرلیا ہے۔

    قومی فاسٹ بولر حسن علی نے کہا کہ روی بوپارا کا تجربہ بہت زیادہ ہے جو ہمارے لیے فائدہ مند رہےگا، شان ٹیٹ کے ساتھ میرا تجربہ اچھا رہا ہے۔

    پی ایس ایل 10: کراچی کنگز کے کھلاڑیوں نے اسکواڈ کو جوائن کرنا شروع کر دیا

    انھوں نے کہا کہ تمام فرنچائز کے کھلاڑی بہترین پرفارمنس دےکر ایونٹ کامیاب بنائیں گے، انفرادی طور پر اچھا پرفارم کرکے پاکستان ٹیم میں کم بیک چاہتا ہوں، نیشنل ٹیم پرفارمنس نہ دے سکے تو کرکٹ پر فرق پڑتا ہے۔

    حسن علی نے کہا کہ چیمپئنزٹرافی سے لیکر اب تک پرفارمنس نظرنہیں آئی، زیادہ تر نیوزی لینڈ کے ٹور پر نئے کھلاڑیوں کو موقع دیا گیا۔

    کراچی کنگز کے فاسٹ بولر نے کہا کہ سب کو اچھی کرکٹ کھیلنا ہوگی تاکہ روٹھے شائقین کو اسٹیڈیم واپس لاسکیں، پی ایس ایل میں ایمرجنگ ڈیبیو کیا تھا پاکستان ٹیم تک پہنچا۔

    حسن علی کا مزید کہنا تھا کہ نوجوانوں کیلئے پی ایس ایل کا پلیٹ فارم اہمیت رکھتا ہے، سینئر کھلاڑیوں کی پرفارمنس انھیں پاکستان ٹیم میں واپسی لاسکتی ہے۔

    https://urdu.arynews.tv/psl-10-karachi-kings-team-also-got-dressed-in-ghibli-style-new/

  • پاکستان کرکٹ ٹیم کیوں مشکلات کا شکار، سب سے بڑا مسئلہ کیا ہے؟ حسن علی نے سب بتا دیا

    پاکستان کرکٹ ٹیم کیوں مشکلات کا شکار، سب سے بڑا مسئلہ کیا ہے؟ حسن علی نے سب بتا دیا

    چیمپئنز ٹرافی سے قبل قومی ٹیم کی سہ فریقی سیریز میں ناکامی پر فاسٹ بولر حسن علی نے ٹیم کی مشکلات سے پردہ اٹھایا ہے۔

    پاکستان کرکٹ ٹیم کی حال ہی میں دورہ آسٹریلیا اور جنوبی افریقہ میں شاندار کارکردگی کے بعد اپنی سر زمین پر کھیلی گئی سہ فریقی سیریز میں ناکامی نے سب کو پریشان کر دیا ہے اور یہ کارکردگی ٹیم کا مورال گرا رہی ہے۔

    پاکستان کرکٹ ٹیم کیوں مشکلات کا شکار ہے اور اس کو سب سے بڑا مسئلہ کیا درپیش ہے۔ 2017 چیمپئنز ٹرافی کی فاتح ٹیم کے رکن فاسٹ بولر حسن علی نے اس سے پردہ اٹھا دیا ہے۔

    ایک کرکٹ ویب سائٹ کے پوڈ کاسٹ میں حسن علی نے اظہار خیال کرتے ہوئے کوچنگ میں مسلسل تبدیلیوں کو ٹیم کی کارکردگی میں عدم استحکام کی وجہ قرار دیا ہے۔

    حسن علی نے کہا کہ گزشتہ چار پانچ سالوں میں ہم نے تقریباً 26 سے 27 کوچز تبدیل کیے ہیں۔ جب کوچ بدلتے ہیں تو سوچ بھی بدلتی ہے اور ٹیم کی اپروچ بھی جس کا نتیجہ وہی نکلتا ہے جو آج ظاہر ہو رہا ہے۔

    انتظامیہ کے فیصلے ٹیم پر کس طرح اثر انداز ہوتے ہیں؟ فاسٹ بولر نے اس پر ماضی کی بات کرتے ہوئے حسن علی نے کہا کہ جب مکی آرتھر کوچ تھے، ان کے پاس مکمل اختیار تھا اور وہ سلیکشن، پریس کانفرنسز اور مجموعی ٹیم مینجمنٹ کی ذمہ داری لیتے تھے۔

    حسن علی نے مشورہ دیا کہ ٹیم کی کارکردگی کو بہتر بنانے کے لیے کپتان کو قیادت کا مکمل اختیار دیا جائے اور اس بات کو یقینی بنایا جائے کہ انتظامیہ اور سلیکشن کمیٹی مل کر کام کریں۔

    ان کا کہنا تھا کہ ایک کپتان اکیلا ٹیم نہیں چلا سکتا، اور پاکستان میں تو بالخصوص کپتان سب کچھ نہیں چلا سکتا، ہمارے پاس عمران خان جیسا کوئی کپتان نہیں ہے۔ اس لیے آپ یا تو کپتان کو مکمل اختیار دیں، یا پھر آپ سلیکشن کمیٹی یا انتظامیہ کو ساتھ کام کرنے دیں۔

    https://urdu.arynews.tv/champions-trophy-2025-muhammad-rizwan-press-conference/