Tag: حسن علی

قومی ٹیم کے فاسٹ بولر حسن علی نے کہا کہ شادی کے لیے اہلیہ نے بہت قربانیاں دیں۔

پاکستان کرکٹ ٹیم کے فاسٹ بولر حسن علی نے بھارتی خاتون سامعہ خان سے شادی کی اور ان کی دو بیٹیاں ہیں، انہوں نے گزشتہ روز نجی ٹی وی کے مزاحیہ شو میں شرکت کی اور مختلف امور پر اظہار خیال کیا۔

حسن علی نے کہا کہ قومیت کا کبھی سوال نہیں تھا، وہ سامعہ سے ایک باہمی دوست کے ذریعے ملے تھے اور ان سے محبت ہوگئی۔

فاسٹ بولر نے کہا کہ شادی ہوئی اور دونوں ایک ساتھ زندگی گزار رہے ہیں، خوش ہوں کہ کم عمری میں شادی ہوگئی کیونکہ انہیں انہیں جیون ساتھی مل گیا تھا۔

انہوں نے کہا کہ صحیح وقت پر شادی کی ہے، شادی اسی وقت کرنی چاہیے جب کسی کی ذمہ داری اٹھا سکتے ہیں۔

حسن علی نے مزید کہا کہ ان کی اہلیہ نے شادی کے لیے قربانیاں دیں، وہ بھارتی شہری ہیں لیکن وہ پاکستان شفٹ ہوگئی، ایک تیسرا ملک ان کے لیے مختلف تھا وہ خوشی سے پاکستان میں موجود ہیں۔

انہوں نے مزید کہا کہ ورلڈ کپ کے دوران وہ ایک بار ہندوستان میں اپنے سسرال گئے تھے۔

پاکستانی فاسٹ بولر حسن علی نے کہا ہے کہ اگر بھارت شوپیش ایونٹ کے لیے پاکستان نہیں آتا تو اس کے بغیر بھی چیمپئنز ٹرافی منعقد کی جاسکتی ہے۔

حسن علی نے نجی ٹی وی کے پروگرا میں گفتگو کرتے ہوئے کہا کہ اگر ہم بھارت کھیلنے جا رہے ہیں تو انھیں پاکستان بھی آنا چاہیے، کئی لوگ لاتعداد بار کہہ چکے ہیں کہ کھیلوں کو سیاست سے دور رہنا چاہیے، بہت سے بھارتی کھلاڑیوں نے انٹرویوز میں کہا ہے کہ وہ پاکستان میں کھیلنا چاہتے ہیں۔

پاکستانی کرکٹر نے کہا کہ ایسا نہیں ہے کہ بھارتی پلیئرز پاکستان نہیں آنا چاہتے لیکن ظاہر ہے کہ ان کی اپنی پالیسیاں ہیں اور بورڈ کو ان پر غور کرنا ہوتا ہے۔

فاسٹ بولر حسن علی نے کہا کہ پی سی بی چیئرمین نے پہلے ہی کہا ہے کہ اگر چیمپئنز ٹرافی پاکستان میں ہونے جا رہی ہے تو یہ پاکستان میں ہی ہوگی، اگر بھارت نہیں آنا چاہتا تو ہم ان کے بغیر کھیلیں گے، کرکٹ ہونی چاہیے۔

انھوں نے کہا کہ پاکستان میں ہونے والی چیمپئنز ٹرافی میں اگر بھارت شرکت نہیں کرنا چاہتا تو اس کا مطلب یہ نہیں کہ کرکٹ ختم ہو گئی ہے، بھارت کے علاوہ اور بھی بہت سی ٹیمیں ہیں۔

خیال رہے کہ بھارت نے 2008 کے ایشیا کپ کے بعد سے دو طرفہ سیریز کے لیے پاکستان کا سفر نہیں کیا ہے، دونوں ٹیموں کے درمیان آخری سیریز دسمبر 2012 سے جنوری 2013 تک بھارت میں ہوئی تھی۔

مقبول فرنچائز کراچی کنگز کے فاسٹ بولر حسن علی کا نے کہا ہے کہ ہمارے ڈریسنگ روم کا ماحول بہت زبردست ہے، یہ ایک نئی ٹیم ہے۔

پی ایس ایل میں پشاور زلمی کے خلاف شاندرا بولنگ کرنے والے فاسٹ بولر حسن علی میچ کے بعد پریس کانفرنس میں کہنا تھا کہ کراچی کنگز میں 90 سے 95 فیصد چیزیں تبدیل ہوئی ہیں۔ یہ ایک نئی ٹیم ہے اور ڈریسنگ روم کا ماحول بہت زبردست ہے۔

ساتھ ہی خوشگوار انداز میں ہنستے ہوئے پیسر نے یہ بھی باور کرایا کہ جہاں پر حسن علی ہو وہاں ماحول اچھا ہو ہی جاتا ہے۔

انھوں نے کہا کہ سخت محنت کررہا تھا پچھلے کچھ عرصے سے اس طرح کی بولنگ نہیں ہوئی تھی اگر ہوئی تھی تو وکٹیں نہیں ملی تھیں میں ردھم میں آرہا ہوں اور اچھی بات یہ ہے کہ کراچی کنگز میچ جیتی ہے۔

بابراعظم کے حوالے سے ایک سوال کا جواب دیتے ہوئے انھوں نے کہا کہ بابر ہمارا برینڈ ہے اور ہمارا سپراسٹار ہے اور گراؤںڈ میں اس کے نام کے نعرے بھی لگ رہے تھے، گراؤنڈ میں ہماری ٹیم کو سپورٹ تھوڑی کم ملی۔ اگر آپ اچھا گیم کھیلیں گے تو شائقین آپ کو بھی سپورٹ کریں گے۔

حسن علی نے کہا کہ میں نے کنڈیشن کے حساب سے سلو گیندیں کیں، ہمیں پتا ہے کہ زلمی کے پاس کچھ ایسے پلیئرز ہیں جو بڑے ہٹس مار سکتے ہیں۔

انھوں نے کہا کہ شعیب ملک نے پہلی بال پر وکٹ لے کر ہمیں مومنٹیم دیا اور ٹی ٹوئنٹی میں مومنٹیم مل جائے تو بطور بولنگ یونٹ آپ کو کافی مومنٹم ملتا ہے۔

فاسٹ بولر کا کہنا تھا کہ میں خود کو خوش قسمت سمجھتا ہوں کہ مجھے موقع ملتا ہے پرفارم کرنے کے لیے پلیٹ فارم ملتا ہے کہ اپنے آپ کو منوا سکوں میں اپنی کارکردگی سے مطمئن ہوں۔