Tag: حسن علی

پاکستان کرکٹ ٹیم کے فاسٹ بولر حسن علی نے کہا ہے کہ آسٹریلیا کے خلاف ٹیسٹ سیریز میں آسٹریلوی کرکٹر عثمان خواجہ سے محتاط رہیں گے۔

ایک انٹرویو میں قومی کرکٹ ٹیم کے فاسٹ بولر حسن علی نے کہا ہے کہ آسٹریلیا کے خلاف ٹیسٹ سیریز میں عثمان خواجہ سے محتاط رہیں گے، وہ اردو جانتے ہیں، گراونڈ میں ان کے سامنے کوئی اسٹریٹجی ڈسکس نہیں کریں گے۔

حسن علی نے دعویٰ کیا کہ عثمان خواجہ نے کراچی میں میچ کے دوران ہماری ٹیم کی گیم اسٹریٹجیز آسٹریلوی ٹیم کے ساتھ شیئر کیں کیونکہ وہ اردو سمجھتے ہیں۔

فاسٹ بولر نے کہا کہ آن فیلڈ پلاننگ خفیہ رکھنے کے لیے عثمان خواجہ سے دور رہ کر باتیں کریں گے، جنوبی ایشیائی ٹیموں کے لیے دورہ آسٹریلیا ہمیشہ سے ٹف رہتا ہے۔

انہوں نے کہا کہ اضافی باونس کی وجہ سے جنوبی ایشیائی ٹیموں کو یہاں 20 وکٹیں حاصل کرنے میں دشواری کا سامنا کرنا پڑتا ہے۔

فاسٹ بولر حسن علی کا مزید کہنا تھا کہ آسٹریلیا کے موجودہ اسکواڈ میں سب سے بہترین باولر پیٹ کمنز ہیں، آسٹریلوی کپتان تینوں فارمیٹ کے خطرناک باولر ہیں لیکن شاہین شاہ آفریدی بھی نئی اور پرانی گیند کرنے کا فن جانتے ہیں۔

قومی فاسٹ بولر حسن علی کا ورلڈکپ میں اپنی کارکردگی کے حوالے سے کہنا ہے کہ وہ شوپیش ایونٹ میں اپنی پرفارمنس سے مطمئن ہیں۔

پی سی بی کی سوشل میڈیا ٹیم کو انٹرویو دیتے ہوئے آئی سی سی ورلڈکپ میں پاکستانی کی نمائندگی کرنے والے فاسٹ بولر حسن علی کا کہنا تھا کہ ورلڈکپ سے قبل میں وائٹ بال کی ٹیم میں کہیں بھی موجود نہیں تھا لیکن اچانک ہی نسیم شاہ کی انجری کے باعث مجھے منتخب کیا گیا۔

حسن علی نے کہا کہ اس طرح میں ورلڈکپ کے لیے منتخب ہوا اور ورلڈکپ کے چھ میچ کھیلتے ہوئے میں نے 9 وکٹیں حاصل کی ہیں۔

انھوں نے کہا کہ میری وکٹیں زیادہ ہونی چاہیئں تھیں مگر نہیں ہیں، کہیں نہ کہیں پر اس طرح کی بولنگ نہیں ہوئی جس طرح کی کرنی چاہیے تھی اور وکٹ زیادہ ہوسکتے تھے مگر میں اپنی پرفارمنس سے مطمئن ہوں۔

پیسر نے کہا کہ میں اپنا 100 فیصد دے رہا ہوں یہ میگا ایونٹ ہے اور اس پر سب کی نظریں ہوتی ہیں ہر کسی کی یہی کوشش ہوتی ہے کہ وہ اچھا پرفارم کرے۔

انھوں نے ایک بار پھر زود دیتے ہوئے کہا کہ میں میگا ایونٹ میں اب تک اپنی پرفارمنس سے مطمئن ہوں۔ جہاں تک بات وینیوز کی ہے تو ہر وینیو کی کنڈیشن مختلف ہوتی ہے۔

View this post on Instagram

A post shared by Pakistan Cricket (@therealpcb)

حسن علی نے کہا کہ ہم لوگ پہلے یہاں پر نہیں کھیلے ہیں اس لیے ہمیں یہاں کی کنڈیشنز کا نہیں پتا لیکن بطور پروفیشنل آپ کو چیزیں اپنانی پڑتی ہیں اور ہم نے بہت حد تک اپنائی ہیں۔

انھوں نے کہا کہ یہاں پر آپ کو کہیں اسپن اور کہیں فلیٹ ٹریک ملتی ہیں جو بیٹنگ کے لیے کافی سازگار ہوتی ہے۔ ہم لوگ آئی پی ایل بھی نہیں کھیلتے اور جو معلومات ہم نے اکٹھی کی تھیں وہ یہی تھیں کہ بھارت کی کنڈیشنز میں رنز زیادہ بنیں گے۔

آئی سی سی کرکٹ ورلڈ کپ میں جنوبی افریقا کے خلاف اہم میچ سے قبل پاکستان ٹیم کی اہم فاسٹ بولر بیمار ہوگئے۔

پاکستان کرکٹ ٹیم ورلڈ کپ میں جمعہ کو جنوبی افریقا سے میچ کھیلے گی اور ورلڈ کپ میں بقا کیلئے اس میچ میں جیت اہم ہے، پاکستان ٹیم کو پچھلے تین میچز میں شکست ہوئی تھی۔

تاہم اب ذرائع کا بتانا ہے کہ فاسٹ بولر حسن علی بخار میں مبتلا، ہوگئے جس کے باعث جنوبی افریقہ کیخلاف میچ میں ان شرکت مشکوک ہے۔

ذرائع کا بتانا ہے کہ قومی کرکٹ ٹیم کے فاسٹ بولر حسن علی ٹھیک نہ ہوئے تو ان کی جگہ وسیم جونیئر کل کا میچ کھیلیں گے۔

رپورٹ کے مطابق کل کے میچ سے قبل آپشنل پریکٹس سیکشن مین فاسٹ بولرز شاہین آفریدی، حارث روف اور حسن علی نے حصہ نہیں لیا،جبکہ وکٹ کیپر محمد رضوان، اوپنر عبداللہ شفیق ، اسپنر اسامہ میر اور آل راؤنڈر محمد نواز نے بھی آرام کو ترجیح دی۔

آئی سی سی کرکٹ ورلڈکپ میں پاکستان ٹیم کی خراب پرفارمنس اور منظور نظر پلیئرز کو ٹیم کا حصہ بنانے پر سابق کرکٹرز کی تنقید جاری ہے۔

پاکستان کرکٹ ٹیم کے سابق آل راؤنڈر عبدالرزاق نے اسپورٹس پروگرام میں تجزیہ کرتے ہوئے قومی کپتان کی جانب سے ٹیم میں موجود چند پلیئرز کے لیے دہرا معیار اپنانے کے حوالے سے سوالات اٹھائے ہیں۔

سابق کرکٹر نے آسٹریلیا کے خلاف میچ میں اسامہ میر کے کیچ چھوڑنے کا حوالہ دیتے پچھلے ٹی ٹوئنٹی ورلڈکپ کا ایک قصہ چھیڑ دیا اور کہا کہ ایک میچ تھا دبئی میں، اس کرکٹر کا میں نام نہیں لوں گا انھوں نے کیچ چھوڑا ہم سیمی فائنل میچ ہار گئے۔

عبدالرزاق نے زور دیتے ہوئے کہا کہ میں نے اس پلیئر کا نام نہیں لینا۔ تاہم کیچ ڈراپ کرنے کے بعد قومی کپتان کی اسٹیٹمنٹ آئی کہ کوئی اس کیچ کا ذکر نہیں کرے گا۔

Razzaq bhai itna sach

lekin sanp to Imad, Malik, Saifi thay Babar to wholesome player hai pic.twitter.com/dmoDiGlmAw

— Sohaib (@Sohaib_Iqbal_) October 24, 2023

انھوں نے کہا کہ سیمی فائنل ہارنے کے بعد یہاں تک کہ میٹنگ میں بھی کہا گیا کہ کوئی اس کیچ کا ذکر نہیں کرے گا۔

عبدالرزاق نے موجودہ آئی سی سی ورلڈکپ میں آسٹریلیا اور پاکستان کے میچ کا حوالہ دیتے ہوئے کہا کہ یہاں پر بھی ہمارے ایک پلیئر سے اہم کیچ چھوٹا ہے۔

پاکستان کرکٹ ٹیم کے کپتان نے مائیک پر آکر اس کیچ کی نشاندہی کی اور کہہ دیا کہ جی ہم کیچ کی وجہ سے میچ ہارے ہیں۔ یہ تو حوصلہ شکنی کرنے والی بات ہوگئی۔

قومی کرکٹ ٹیم کے فاسٹ بولر حسن علی کی اہلیہ سامعہ خان اپنے دیس بھارت پہنچ گئیں، پاکستانی کرکٹر سے شادی کے بعد وہ پہلی بار اپنے وطن واپس آئی ہیں۔

سامعہ نے خود اپنی و طن آمد کا اعلان کرتے ہوئے سوشل میڈیا پلیٹ فارم پر تصاویر اور ویڈیوز شیئر کی ہیں۔ حسن کی اہلیہ نے دوستوں کے ہمراہ اپنی تصاویر کو انسٹاگرام کی زینت بنایا جس میں وہ کافی خوش نظر آرہی ہیں۔

حسن علی کی اہلیہ سامعہ خان تقریباً4 برس بعد اپنے وطن واپس آئی ہیں، حیدر آباد دکن کے راجیو گاندھی انٹرنیشنل اسٹیڈیم میں ہونے والے پاکستان اور سری لنکا کے سنسنی خیز میچ کے دوران بھی وہ اسٹیڈیم میں موجود تھی

تصاویر میں ان کے ساتھ ننھی سی شہزادی ‘حیلینا‘ بھی موجود ہیں، ایک پوسٹ میں انھوں نے سری لنکا کے خلاف حسن علی کی جانب سے 4 وکٹیں لینے پر شکر بھی ادا کیا۔

واضح رہے کہ بھارتی شہریت کی حامل سامعہ شادی سے قبل دبئی میں مقیم تھیں انھوں نے 2019 میں حسن علی سے شادی کی تھی جس کے بعد سے اب تک وہ بھارت واپس نہیں گئی تھیں۔

View this post on Instagram

A post shared by Samiya Hassan Ali (@samyahkhan1604)

نسیم شاہ کی انجری کے بعد ورڈکپ کے لیے حسن علی کی ٹیم میں شمولیت کے سبب سامعہ چار برس بعد اپنے اہلِ خانہ سے ملنے وطن واپس آئی ہیں۔

ورلڈ کپ اسکواڈ میں شمولیت کے بعد حسن علی کی خوشی کا کوئی ٹھکانہ نہیں، اپنے جوش و خروش کو ظاہر کرنے کے لیے انھوں نے سوشل میڈیا پر ویڈیو بھی شیئر کی ہے۔

پاکستانی پیسر نے سوشل میڈیا پلیٹ فارم ’ایکس‘ پر ایک ویڈیو شیئر کی ہے جس میں وہ مختلف طریقوں سے ایکسرسائز کرتے نظر آرہے ہیں۔ انھوں نے اپنی پوسٹ کے عنوان میں لکھا ہے ’ناکامی سے نہ ڈریں۔‘

انھوں نے ساتھ ہی ہیش ٹیگ کا استعمال کرتے ہوئے ’منڈے موٹیویشن‘ بھی لکھا ہے۔ نسیم شاہ کے انجرڈ ہونے کے بعد بھارت میں منعقد ہونے والے آئی سی سی ورلڈکپ کے لیے حسن علی کو شامل کیا گیا ہے۔

https://twitter.com/RealHa55an/status/1706275868610531797?ref_src=twsrc%5Etfw%7Ctwcamp%5Etweetembed%7Ctwterm%5E1706275868610531797%7Ctwgr%5Ef243a1fae5eb78b0e2afb6c3b5fededf075ec145%7Ctwcon%5Es1_c10&ref_url=https%3A%2F%2Fpublish.twitter.com%2F%3Fquery%3Dhttps3A2F2Ftwitter.com2FRealHa55an2Fstatus2F1706275868610531797widget%3DTweet

اس سے قبل پاکستانی اسکواڈ میں شامل کیے جانے پر اپنے ردعمل کا اظہار کرتے ہوئے انھوں نے سوشل میڈیا پر اپنی ایک تصویر پوسٹ کی تھی جس میں وہ جذبے سے سرشار دکھائی دے رہے ہیں اور ساتھ میں انھوں نے لکھا کہ ’جنریٹر واپس آگیا۔‘

فاسٹ بولر نے کیپشن میں لکھا تھا کہ اسکواڈ میں شامل ہونے پر اللہ کا شکر ادا کرتا ہوں، اپنے ملک کیلیے ورلڈ کپ کھیلنے کے قابل ہونا ایک ناقابلِ بیان احساس ہے۔

واضح رہے کہ بابراعظم ٹیم کے کپتان جبکہ شاداب خان نائب کپتان برقرار ہیں۔ 15 رکنی اسکواڈ میں حسن علی کی انٹری کو سرپرائز کے طور پر دیکھا جارہا ہے۔

کولمبو ٹیسٹ کا دوسرا روز بارش کی نظر ہوگیا تھا جس میں صرف 10 اوورز ہی پھینکے جا سکے تھے، تاہم یہ بارش حسن علی کے لیے تفریح کا سامان بن گئی.

پاکستانی فاسٹ بولر گرائونڈ میں تیرنے کی کوشش کرتے نظر آئے، بارش کے دوران یہ مضحکہ خیز لمحات کیمرے کی آنکھ نے محفوظ کرلیے جب حسن علی بھرپور طریقے سے برسات کا لطف اٹھاتے پائے گئے۔

بارش کے سبب گراؤنڈ کورز سے ڈھکا ہوا تھا، جس پر سلائینگ کرنے کے لیے پاکستانی پیسر کا دل مچلنے لگا اور انھوں نے کیا بھی کچھ ایسا ہی۔

حسن پہلے تو بارش میں نہاتے رہے جب اس سے بھی دل نہ بھرا تو دوڑتے ہوئے کور پر سلائیڈن بھی کی جس میں انھوں نے کافی مہارت کا مظاہر کیا، جس کی ویڈیو وائرل ہورہی ہے۔

واضح رہے کہ دورہ سری لنکا میں حسن علی کو دونوں ٹیسٹ میں پلیئنگ 11 میں جگہ نہیں ملی سکی ہے، تاہم گرائونڈ میں اترنے کا شوق انھوں نے بارش میں پورا کرلیا ہے، حسن علی نے سری لنکا بورڈ پریذیڈنٹ الیون کے خلاف پریکٹس میچ کھیلا تھا جس میں تین وکٹیں حاصل کی تھیں۔