Tag: حسن نصراللہ

بیروت: لبنان کی مزاحمتی تنظیم حزب اللہ کا شہد حسن نصراللہ کے ممکنہ جانشین اور ایگزیکٹو کونسل کے چیئرمین ہاشم صفی الدین سے رابطہ منقطع ہوگیا۔

الجزیرہ کی رپورٹ کے مطابق لبنانی سکیورٹی ذرائع نے بتایا کہ حزب اللہ کا جمعے سے چیئرمین ایگزیکٹو کونسل ہاشم صفی الدین سے رابطہ نہیں ہو پا رہا۔

سکیورٹی ذرائع نے بتایا کہ ہاشم صفی الدین اُس وقت زیرِ زمین ہیڈکوارٹر میں تھے جب اسرائیل کی جانب سے مریجہ میں فضائی حملہ کیا گیا۔

دوسری جانب خبر رساں ایجنسی روئٹرز نے اپنی رپورٹ میں کہا کہ اسرائیل نے جمعرات کو رات گئے بیروت کے جنوبی مضافات میں ایک بڑا حملہ کیا جس میں Axios نے تین اسرائیلی اہلکاروں کا حوالہ دیتے ہوئے کہا کہ ہاشم صفی الدین کو زیرِ زمین بنکر میں نشانہ بنایا گیا۔

سکیورٹی اور دو دیگر ذرائع نے بتایا کہ جمعے سے بیروت کے مضافاتی علاقے پر جاری اسرائیلی حملوں نے امدادی کارکنوں کو حملے کی جگہ کا جائزہ لینے سے روکے رکھا ہے۔

حزب اللہ نے حملے کے بعد سے اب تک ہاشم صفی الدین کی شہادت پر کوئی تبصرہ نہیں کیا۔

اسرائیلی لیفٹیننٹ کرنل نداو شوشانی نے گزشتہ روز بتایا تھا کہ فوج جمعرات کی رات ہونے والے فضائی حملوں کا جائزہ لے رہی ہے جس میں ان کے بقول حزب اللہ کے انٹیلی جنس ہیڈ کوارٹر کو نشانہ بنایا گیا تھا۔

ماسکو: بیروت میں اسرائیلی حملوں میں لبنان کی مزاحمتی تنظیم حزب اللہ کے سربراہ حسن نصراللہ کی شہادت پر روس کی جانب سے اہم بیان جاری کر دیا گیا۔

غیر ملکی خبر رساں ایجنسی کی رپورٹ کے مطابق روسی وزارت خارجہ نے اپنے بیان میں حسن نصراللہ کی شہادت کی شدید مذمت کی اور اسے ایک ’سیاسی قتل‘ قرار دیا۔

روس نے کہا کہ یہ زبردستی کی کارروائی لبنان اور پورے مشرق وسطیٰ کیلیے زیادہ ڈرامائی نتائج سے بھرپور ہے، اسرائیل اس خطرے کو تسلیم کرنے میں ناکام نہیں ہو سکتا لیکن اس کے باوجود لبنانی شہریوں کو قتل کرنے کا قدم اٹھایا جس سے لامحالہ تشدد کی ایک لہر جنم لے گی۔

وزارت خارجہ نے اپنے بیان میں اسرائیل سے لبنان میں دشمنی پر مبنی کارروائیاں فوری بند کرنے کا مطالبہ کیا۔

اس سے قبل فلسطینی مزاحمتی تنظیم حماس نے حسن نصراللہ کی شہادت پر اپنے ردعمل میں کہا کہ ان کی شہادت سے ہماری مزاحمت کو مزید تقویت ملے گی۔

حماس نے اسرائیلی فضائی حملے میں حسن نصراللہ کی شہادت پر سوگ کا اظہار کرتے ہوئے کہا کہ ان کی موت اسرائیل کے خلاف ہمارے جنگ کو مزید ہوا دے گی۔

’قاض فوج کے جرائم اور قتل و غارت صرف فلسطین اور لبنان میں مزاحمت کے عزم میں اضافہ کرے گی کہ وہ اپنی پوری طاقت، بہادری اور فخر کے ساتھ شہدا کے نقش قدم پر چلتے ہوئے آگے بڑھیں اور فتح تک مزاحمت کی راہ پر گامزن رہیں۔‘

حماس نے مزید کہا کہ ہم اپنی مکمل یکجہتی اور لبنان میں حزب اللہ اور اسلامی مزاحمت کرنے والے بھائیوں کے ساتھ کھڑے ہونے کا اعادہ کرتے ہیں جو مسجد اقصیٰ کے دفاع کیلیے جنگ میں ہماری مزاحمت کے ساتھ حصہ لے رہے ہیں۔

دوسری جانب فلسطینی گروپ اسلامی جہاد نے ایک اپنے ایک بیان میں کہا کہ جلد یا بدیر لبنان، فلسطین اور خطے میں مزاحمتی قوتیں دشمن کو اس کے جرائم کی قیمت چکانے پر مجبور کر دیں گی اور اسے اپنے جرائم کی وجہ سے شکست کا مزہ چکھنا پڑے گا۔

بیروت: حزب اللہ کے سربراہ حسن نصراللہ نے امریکا کو خطے سے نکالنے تک جدوجہد جاری رکھنے کا اعلان کر دیا۔

لبنانی ٹی وی پر براہ راست نشر ہونے والی تقریر میں حسن نصراللہ نے کہا کہ ایران کی جانب سے جوابی بلیسٹک میزائل حملے سے سب پر واضح ہوگیا ہے کہ وسطی ایشیا میں امریکا کے تمام اڈے ہمارے میزائلوں کی رینج میں ہیں، اب وقت آگیا ہے کہ جنرل قاسم سلیمانی کے قتل کا بدلہ لینے کے لیے ایران کے اتحادی مل کر جدوجہد کریں اور امریکا کو خطے سے نکالنے تک مجتمع ہو کر کام کریں۔

انہوں نے کہا کہ ایرانی جوابی حملہ اسرائیل کے لیے بھی ایک کھلم کھلا پیغام ہے تاکہ صہیونی بستی (نیتن یاہو) کو اپنی غلط جگہ کا پتہ چل جائے۔

حسن نصراللہ نے کہا کہ عین الاسد فوجی اڈے پر حملہ امریکیوں کے منہ پر طمانچہ ہے اور یہ جنرل سلیمانی کو قتل کرنے کا انتقام نہیں ہے بلکہ یہ تو خطے سے امریکا کو نکالنے کا پہلا قدم ہے اور امریکی فورسز کے مکمل انخلا تک یہ جاری رہے گا، ان امریکیوں کہ چہرے دیکھو! کیا یہ کہیں سے بھی فاتح نظر آتے ہیں؟

حزب اللہ کے سربراہ نے خطے میں ایرانی اتحادیوں پر زور دیا کہ اب وقت آگیا ہے کہ مشترکہ جدوجہد کا آغاز کر کے امریکا کو وسطی ایشیا سے نکالا جائے۔