ARYNews.tv | Urdu – Har Lamha Bakhabar

Tag: حسن نعمان

  • عمان میں کن ممالک کے باشندوں کو گرفتار کیا گیا؟

    عمان میں کن ممالک کے باشندوں کو گرفتار کیا گیا؟

    مسقط: عمان میں سیکیوٹی حکام نے لیبر اور رہائشی قوانین کی خلاف ورزی کرنے پر غیرملکیوں کے ایک گروپ کو گرفتار کرلیا ہے۔

    میڈیا رپورٹس کے مطابق شمالی البطینہ گورنری کی ولایت سویق میں غیر ملکیوں کے ایک گروپ کو حراست میں لیا گیا جو غیرملکیوں کے لیے بنائے گئے لیبر اور رہاشی قوانین کی خلاف ورزی کے مرتکب پائے گئے تھے۔

    رائل عمان پولیس کی طرف سے آن لائن جاری کردہ بیان میں بتایا گیا کہ شمالی البطینہ گورنریٹ پولیس کمانڈ نے ولایت سویق میں ایشیائی اور افریقی قومیتوں کے حامل کچھ افراد کو گرفتار کیا ہے۔

    آر پی او کا مزید کہنا تھا کہ اس گروپ کو غیرملکیوں کےلیے بنائے گئے مزدوری اور رہائش کے قوانین کی خلاف ورزی کرنے پر پکڑا گیا۔

    اپنے بیان میں رائل عمان پولیس نے مزید بتایا کہ پکڑے گئے ان غیرملکی افراد کے خلاف قانونی طریقہ کار کو فالو کرتے ہوئے کارروائی کی جارہی ہے۔

  • مدیحہ رضوی کے سابق شوہر طلاق کے فیصلے سے ناخوش

    مدیحہ رضوی کے سابق شوہر طلاق کے فیصلے سے ناخوش

    معروف پاکستانی اداکارہ مدیحہ رضوی کے سابق شوہر حسن نعمان نے طلاق کی تصدیق کرتے ہوئے اپنا ردعمل دے دیا، انہوں نے کہا کہ یہ مشترکہ فیصلہ نہیں تھا۔

    سماجی رابطے کی ویب سائٹ انسٹاگرام پر اپنی اسٹوری میں حسن نے لکھا کہ وہ اہلیہ سے طلاق نہیں چاہتے تھے، ان کی طلاق باہمی رضامندی سے نہیں ہوئی اور انہوں نے اپنی بیٹیوں کی وجہ سے پوری کوشش کی کہ ایسا نہ ہو۔

    انہوں نے بتایا کہ وہ اپنی بیٹیوں کے لیے بہت فکرمند ہیں اور چاہتے ہیں کہ زندگی کو بھرپور طرح سے گزاریں۔ وہ نہیں چاہتے تھے کہ بیٹیاں والدین کے بغیر زندگی گزاریں۔

    حسن نے مزید لکھا کہ مدیحہ نے اپنا شرعی حق استعمال کرتے ہوئے طلاق لی اور بحیثیت مسلمان میں ان کے اس فیصلے کی مذمت کرتا ہوں۔

    خیال رہے کہ مدیحہ اور حسن سنہ 2013 میں رشتہ ازدواج میں منسلک ہوئے تھے، ان کی 2 بیٹیاں بھی ہیں۔