لاہور : حقیقی آزادی لانگ مارچ کے لئے سابق وزیراعظم عمران خان کا کنٹینرروات پہنچا دیا گیا ہے، مارچ کے دونوں آج روات میں اکٹھے ہوں گے۔
تفصیلات کے مطابق حقیقی آزادی لانگ مارچ بھرپور جوش و خروش سے جاری ہے، سابق وزیراعظم عمران خان کا کنٹینر روات پہنچا دیا گیا ہے۔
تحریک انصاف کے حقیقی آزادی مارچ کے دونوں حصے شاہ محمود اور اسد عمر کی قیادت میں دو مختلف روٹس پر آج روات میں اکٹھے ہوں گے۔
عمران خان سوا چار بجے ویڈیو لنک پر شرکاء سے خطاب کریں گے اور اپنے خطاب میں راولپنڈی جانے کی تاریخ کا اعلان کریں گے۔
عمران خان کے خطاب کے لیے بڑی سکرین نصب اور انتظامات کو حتمی شکل دی جا رہی ہے
11نومبر کو اسد عمر کی قیادت میں ٹوبہ ٹیک سنگھ سے لانگ مارچ کے ایک روٹ کا آغاز کیا گیا ، اسد عمر کی قیادت میں 8 دن میں لانگ مارچ کل چکوال پہنچا۔
تحریک انصاف کا کہنا ہے کہ چکوال کے بعد لانگ مارچ کارواں کی شکل میں نہیں جائے گا، کارکنوں کو روات از خود پہنچنے کی ہدایت کی گئی ہے۔
