Tag: حقیقی آزادی مارچ

راولپنڈی : حقیقی آزادی مارچ کی سیکیورٹی پر10 ہزار پولیس اہلکارتعینات کردیا گیا جبکہ صورتحال کی فضائی نگرانی بھی جاری ہے۔

تفصیلات کے مطابق تحریک انصاف کے جلسے اور مارچ سے متعلق راولپنڈی پولیس نے سیکیورٹی کے سخت انتظامات کیے ہیں۔

حقیقی آزادی مارچ کی سیکورٹی پر10 ہزار پولیس اہلکار تعینات ہے جبکہ انتظامیہ کی جانب سے صورتحال کی فضائی نگرانی بھی جاری ہے۔

جلسہ گاہ کوچاروں اطراف سےرکاوٹیں لگاکرسیل کردیا گیا ، واک تھروگیٹ کے ذریعے داخلے کی اجازت ہوگی۔

پنڈال میں داخلے سے قبل شرکا کی جامہ تلاشی لی جائے گی جبکہ عمران خان کے لئے بلٹ پروف لفٹ تیار کی گئی ہے اور متبادل کے طور ریمپ بھی لگایا جا رہا ہے۔

سی پی او،ایس ایس پی آپریشنز وسیم ریاض سیکیورٹی انتظامات کی نگرانی کررہے ہیں جبکہ 10ہزار کے قریب افسران و اہلکار سیکیورٹی و ٹریفک فرائض انجام دے رہے ہیں۔

ٹریفک انتظامات کے لئے ٹریفک پولیس کے 750 افسر و اہلکار فرائض انجام دےرہے ہیں جبکہ ایلیٹ کے 270 سے زائد کمانڈوز سیکیورٹی پر مامور ہیں۔

جلسہ گاہ اورگردونواح میں ایلیٹ کمانڈوزاورڈولفن فورس کی خصوصی ٹیموں کا گشت جاری ہے، 200 سے زائد چھتوں پر ماہر نشانہ باز تعینات کئے گئے ہیں جبکہ 100سےزائدمقدمات پرخصوصی پکٹس پرچیکنگ کی جا رہی ہے۔

سی سی ٹی وی کیمروں کےذریعےبھی مانیٹرنگ کی جا رہی ہے، سیکورٹی کے حوالے سے تمام ہدایات اور ایس او پیز کو یقینی بنایا جائے گا۔

فیصل آباد: تحریک انصاف کاحقیقی آزادی مارچ آج روات پہنچے گا، جہاں شاہ محمود اور اسد عمر کی قیادت میں دو مختلف روٹس پرلانگ مارچ آج اکٹھے ہونگے۔

تفصیلات کے مطابق تحریک انصاف کا حقیقی آزادی مارچ شاہ محمود قریشی اور اسد عمر کی قیادت میں اسلام آباد کی جانب رواں دواں ہے۔

تحریک انصاف کا لانگ مارچ دوسرے مرحلے کے دسویں روز میں داخل ہوگیا ہے،  11 نومبر کو اسد عمر کی قیادت میں ٹوبہ ٹیک سنگھ سے لانگ مارچ کے ایک روٹ کا آغاز کیا گیا جو 8 دن کے بعد کل چکوال پہنچا تھا۔

تحریک انصاف ذرائع کے مطابق چکوال کے بعد لانگ مارچ کارواں کی شکل میں نہیں جائے گا، کارکنوں کو روات از خود پہنچنے کی ہدایت کی گئی ہے۔

اس لے علاوہ پولیس نے حقیقی آزادی مارچ کے لئے سیکیورٹی پلان کو حتمی شکل دے دی، سیکیورٹی کے لیے 10 ہزار سے زائد پولیس اہلکاروں کو تعینات کیا جائے گا۔

مارچ کی سیکیورٹی کے لیے 10 ہزار سے زائد پولیس اہلکاروں کو تعینات کیا جائے گا ، پنجاب ہائی وے پٹرولنگ کے 500 اور 122 کمانڈوز کو بھی تعینات کیا جائے گا۔

سیکیورٹی کے لئے 38 ایلیٹ فورس اہلکار،91 خواتین اور ایک ہزار 94 ٹریفک اہلکار و دیگر تعینات ہوں گے جبکہ پنجاب پولیس اور پنجاب ہائی وے پٹرولنگ کے اہلکار اسٹینڈ بائی رہیں گے۔

لاہور: تحریک انصاف کے رہنماؤں شاہ محمود قریشی اور اسد عمر کی قیادت میں حقیقی آزادی مارچ رواں دواں ہے، قافلہ آج جہلم پہنچے گا۔

تفصیلات کے مطابق تحریک انصاف کے لانگ مارچ کے دوسرے مرحلہ ساتویں روز میں داخل ہوگیا ہے۔

شاہ محمود قریشی کی قیادت میں قافلہ آج جہلم پہنچے گا، جہلم کے شاندار چوک پرپنڈال سج گیا ہے ، بینرز اور پارٹی پرچم لگا دیئے گئے ہیں۔

استقبالیہ کیمپس میں جشن کا سماں ہے اور پارٹی ترانے گونج رہے ہیں، عمران خان شام4بجے مارچ کے شرکا سے خطاب کریں گے ، جس کے کئے شاندارچوک پر بڑی اسکرین نصب کردی گئی ہے۔

دوسری جانبحقیقی آزادی لانگ مارچ کے دوسرے مرحلہ میں تحریک انصاف کے جنرل سیکرٹری اسد عمر کی قیادت میں قافلہ آج سرگودھا ڈویژن میں داخل ہوگا۔

کوٹ مومن،مٹیلہ اوربھاگٹانوالہ میں شاندار استقبال کی تیاریاں کرلی گئیں ہیں اور یونیورسٹی روڈ کے 3 مقامات پر استقبالیہ کیمپ لگ گئے ہیں، مرکزی پنڈال خیام چوک میں سجایا گیا ہے، عمران خان مارچ کے شرکا سے ویڈیو لنک خطاب کریں گے۔

حقیقی آزادی لانگ مارچ کے قائدین آج رات سرگودھا میں قیام کریں گے اور کل دن ساڑھے11بجے مارچ اگلی منزل کی جانب روانہ ہوں گے۔

اس حوالے سے ترجمان وزیر اعلیٰ و حکومت پنجاب مسرت جمشید چیمہ نے اپنے ٹوئٹ میں کہا کہ شاہ محمود قریشی کی قیادت میں قافلہ آج جہلم کیلئے روانہ ہو گا، حقیقی آزادی مارچ کا آج شاندار چوک جہلم میں پڑاؤ ہو گا۔

مسرت جمشید کا کہنا تھا کہ فواد چوہدری حقیقی آزادی مارچ کی میزبانی کریں گے، شاہ محمود قریشی 4:15 بجے مارچ کے شرکا سے خطاب کریں گے اور عمران خان 4:30 بجے حقیقی آزادی مارچ کے شرکاسے خطاب کریں گے، کوئی بھی سازش عوام کو عمران خان سے دور نہیں کر سکتی۔

چنیوٹ: حقیقی آزادی مارچ کے چنیوٹ پہنچنے پر ضلع بھر میں تعلیمی ادارے بند نہ کرنے کا فیصلہ کرلیا گیا۔

تفصیلات کے مطابق حقیقی آزادی مارچ آج چنیوٹ داخل ہوگا ، ذرائع محکمہ تعلیم نے کہا ہے کہ ضلع بھر میں تعلیمی ادارے بند نہیں کیے گئے، تعلیمی اداروں میں تعلیمی سرگرمیاں جاری ہیں۔

خیال رہے حقیقی آزادی مارچ اسلام آباد کی جانب رواں دواں ہے، چیئرمین پی ٹی آئی عمران خان خود لاہور میں ہیں لیکن ان کی عدم موجودگی کے باوجود قائد کی کال پر لبیک کہتے ہیں عوام کا سمندر لانگ مارچ میں شریک ہے۔

حقیقی آزادی مارچ کے شرکا کی منزل چنیوٹ ہے، مارچ بھٹو کالونی، تحصیل چوک سے عوامی قافلہ چنیوٹ کے نواب چوک پہنچے گا جہاں عمران خان کا وڈیو لنک خطاب دیکھا جائے گا۔

فیصل آباد: تحریک انصاف کاحقیقی آزادی مارچ آج کھاریاں سے منڈی بہاؤالدین پہنچے گا، جہاں عمران خان ساڑھے چار بجے ویڈیولنک پر شرکاء سے خطاب کریں گے۔

تفصیلات کے مطابق تحریک انصاف کا حقیقی آزادی مارچ شاہ محمود قریشی کی قیادت میں اسلام آباد کی جانب رواں دواں ہے۔

پی ٹی آئی کا حقیقی آزادی مارچ آج چک جھمرہ سے شروع ہو گا، مرکزی جنرل سیکرٹری اسد عمر جناح باغ میں خطاب کے بعد مارچ کی قیادت کرتے ہوئے جڑانوالا پہنچیں گے۔

تحریک انصاف کا حقیقی آزادی مارچ آج کھاریاں سے منڈی بہاؤالدین پہنچے گا۔

گذشتہ روز کھاریاں میں عمران خان کی غیرموجودگی میں بھی آزادی مارچ میں عوام کا سمندر امڈ آیا اور بڑی اسکرین پر کپتان کا خطاب دیکھا گیا۔

جس میں عمران خان نے کہا کہ ملک تیزی سے نیچے جارہا ہے،چیف جسٹس سے کہتا ہوں ،یہ وقت ہےکہ عدلیہ عوام کےساتھ کھڑی ہو۔

چیئرمین پی ٹی آئی کا کہنا تھا کہ لندن میں بیٹھامفرورشخص اہم فیصلہ کررہاہے،عوام میں بہت غصہ ہے،شکر کریں لانگ مارچ کو پرامن لیکرچل رہے ہیں۔

ای سی ایل میں نام ڈالنے سے مجھے کوئی مسئلہ نہیں،میں توملک چھوڑکر کہیں نہیں جارہا،ایک ہی مطالبہ ہےہمیں بھیڑبکریاں نہ سمجھو،صاف اور شفاف الیک

لالہ موسی : پاکستان تحریک انصاف کے چیئرمین عمران خان آج لالہ موسیٰ میں حقیقی آزادی مارچ کے شرکاء سے خطاب کریں گے۔

تفصیلات کے مطابق پاکستان تحریک انصاف کا حقیقی آزادی مارچ آج لالہ موسی کے لیے روانہ ہوگا، لالہ موسیٰ میں اسٹیج تیار کرلیا گیا ہے اور عمران خان کا خطاب دکھانے کیلئے اسکرین لگادی گئی ہے۔

عمران خان آج شام 4 بجے مارچ کے شرکا سے لالہ موسیٰ میں ویڈیولنک پر خطاب کریں گے۔

دوسری جانب اسدعمرکی قیادت میں مارچ دربارحضرت سلطان باہوپہنچ گیا ، جہاں صاحبزادہ محبوب سلطان ،امیرسلطان ، صاحبزادہ حبیب سلطان نےاستقبال کیا۔

جھنگ : اسد عمردربارپرحاضری کےبعدلانگ مارچ کا آغاز کریں گے ، مارچ گڑھ موڑ ،کوٹ بہادر،روڈسلطان،اٹھارہ ہزاری، ہیڈ تریموں اور ملہوآنہ موڑ سے گزرے گا۔

جھنگ شہر تک راستے میں پی ٹی ورکرز نے جگہ جگہ استقبالیہ کیمپ لگا لئے گئے ہیں ،تحریک انصاف جھنگ میں بھی پاور شوکرے گی۔

اسد عمر جھنگ کی چرچ گراؤنڈ میں شام کو اجتماع سے خطاب کریں گے اس کے علاوہ پی ٹی آئی چیئرمین عمران خان بھی شرکا سے ویڈیو لنک خطاب کریں گے۔

اس حوالے سے پی ٹی آئی رہنما فیصل جاوید نے اپنے ٹوئٹ میں کہا ہے کہ عوام کاسمندرعمران خان کی قیادت میں اسلام آبادکا رخ کرے گا ،مارچ میں عوام باالخصوص فیملیز نے ریکارڈشرکت کی، اسلام آباد میں عدالت کی مختص کردہ جگہ پر تاریخی اورپرامن احتجاج ہوگا۔

کپتان آج انشاء اللہ #حقیقی_آزادی_لانگ_مارچ کے شرکاء سے لالہ موسیٰ میں ویڈیو لنک پر خطاب کرینگے-عوام کا سمندر عمران خان کی قیادت میں اسلام آبادکا رخ کریگا-مارچ میں عوام بالخصوص فیملیز کی ریکارڈ شرکت -اسلام آباد میں عدالت کی مختص کردہ جگہ پرتاریخی اور پرامن احتجاج ہوگا- انشاء اللہ

— Faisal Javed Khan (@FaisalJavedKhan) November 12, 2022

کراچی : سیکریٹری جنرل اسد عمر کیلئے کراچی میں حقیقی آزادی مارچ کے کنٹینر کی تیاری آخری مراحل میں داخل ہوگئی۔

تفصیلات کے مطابق پاکستان تحریک انصاف کے حقیقی آزادی مارچ کے دوسرے مرحلے کا آغاز ہوگیا، سیکریٹری جنرل اسدعمرکیلئے کراچی میں کنٹینر کی تیاری آخری مراحل میں ہیں۔

سابق ایم این اےاکرم چیمہ کی جانب سے کنٹینرتیار کرایا جا رہا ہے جبکہ سابق ایم پی اے فہیم خان اوراکرم چیمہ تمام کام کی نگرانی کررہے ہیں۔

کنٹینر جلد سے جلد فیصل آبادکیلئے روانہ کر دیا جائے گا ، اسد عمر فیصل آباد سے اسی کنٹینر کے ہمراہ قافلہ لیکر اسلام آباد روانہ ہوں گے۔

خیال رہے اسدعمرکی قیادت میں حقیقی آزادی مارچ کے دوسرے مرحلے کے سلسلے میں بڑی ریلی کمالیہ کی جانب رواں دواں ہے۔

تحریک انصاف کے حقیقی آزادی مارچ کا آج گجرات سے آغاز ہوگا، عمران خان ویڈیو لنک پر خطاب کریں گے۔