Tag: حقیقی آزادی مارچ

ایبٹ آباد : حویلیاں سے آزاد حیثیت سے منتخب ہونے والے تحصیل چیئرمین عاطف منصف خان نے پی ٹی آئی میں شمولیت اختیار کر لی۔

تفصیلات کے مطابق ایبٹ آباد کی تحصیل حویلیاں میں تحریک انصاف کی پوزیشن مزید مضبوط ہوگئی۔

حویلیاں سے آزاد حیثیت سے منتخب ہونے والے تحصیل چیئرمین عاطف منصف خان نے پی ٹی آئی میں شمولیت اختیار کر لی۔

وزیراعلی خیبر پختونخوا محمود خان اور اسپیکر کے پی اسمبلی مشتاق غنی نےعاطف منصف خان کو وزیراعلی ہاؤس بلایا۔

جہاں عاطف منصف خان نے پی ٹی آئی میں باقاعدہ شمولیت اور عمران خان کے لانگ مارچ میں بھرپور شرکت کرنے کا اعلان کیا۔

گوجرانوالہ: چیئرمین تحریک انصاف عمران خان کی زیر قیادت حقیقی آزادی مارچ چھٹے دن میں داخل ہوگیا۔

تفصیلات کے مطابق تحریک انصاف کے حقیقی آزادی لانگ مارچ کا آج چھٹا روز ہے۔

لانگ مارچ کا آغاز راولپنڈی بائی پاس سے ہوگا، جس کی قیادت چیئرمین تحریک انصاف عمران خان کریں گے۔

لانگ مارچ کے روٹ پر مختلف مقامات پر استقبالیہ کیمپ لگا دیے گئے ہیں ، گکھڑ پہنچنےپرعمران خان کارکنوں سےخطاب کریں گے۔

گکھڑ پہنچنے پر عمران خان کارکنوں سے خطاب کریں گے اور چھٹے روز لانگ مارچ گکھڑ میں اختتام پذیر ہوگا ، جہاں عمران خان خطاب کریں گے۔

گذشتہ روز تحریک انصاف نے حقیقی آزادی مارچ کا نیا شیڈول جاری کیا تھا، جس کے تحت تحریک انصاف کا مارچ اتوار کے روز جہلم پہنچے گا۔

مارچ آج گھکڑمنڈی پراختتام پذیر ہوگا ، جس کے بعد جمعرات کو وزیرآباد سے گجرات تک کا سفر طے کرے گا۔

نئے شیڈول کے تحت جمعہ کے روز حقیقی آزادی مارچ گجرات سے لالہ موسیٰ تک جائے گا اور ہفتے کے روز لانگ مارچ کھاڑیاں سے سرائےعالمگیر پہنچے گا۔

راولپنڈی : تحریک انصاف نے حقیقی آزادی مارچ کے اسلام آباد میں داخلے سے قبل راولپنڈی میں دو مقام پر قیام کا فیصلہ کرلیا۔

تفصیلات کے مطابق تحریک انصاف کے حقیقی آزادی مارچ کے اسلام آباد میں داخلے سے قبل راولپنڈی میں دو مقام پر قیام کا فیصلہ کرلیا گیا۔

گوجر خان اور مندرہ کے درمیان شرکاکا پہلا پڑاو ہوگا جبکہ مارچ کے شرکا دوسرا پڑاؤ شمس آباد کے مقام پر کریں گے۔

مارچ کے شرکاٹی چوک ،سواں اور پھر مریڑ حسن پہنچیں گے، مریڑ حسن سے اسلام آباد داخلہ کیلئے مری روڈ کا استعمال کیا جائے گا۔

مقامی ایم این اے،ایم پی ایز کو استقبالیہ کیمپ لگانے کی ہدایت کردی گئی ہے ، عمران خان راولپنڈی پنجاب ہاؤس میں قیام کریں گے، جس کے تمام انتظامات مکمل کرلئے گئے ہیں۔

خیال رہے پاکستان تحریک انصاف کا حقیقی مارچ چوتھے روز میں داخل ہوگیا ہے اور پی ٹی آئی کے چئیرمین عمران خان کی قیادت میں رواں دواں ہے، مارچ میں عوام و کارکنان کی بڑی تعداد موجود ہے۔

پاکستان تحریک انصاف (پی ٹی آئی) کے رہنما اسد عمر کا کہنا ہے کہ آپ کا کپتان اس وقت سیاست نہیں جہاد کررہا ہے۔

اے آر وائی نیوز کے مطابق پی ٹی آئی رہنما اور سابق وزیر اسد عمر نے میڈیا سے گفتگو کرتے ہوئے کہا کہ عوام کے جذبے سے پاکستان کی طاقتیں خوفزدہ ہورہی ہیں جبکہ ملک کی سب سے بڑی طاقت عوام ہیں۔

انہوں نے کہا کہ راستے میں کوئی گھر، سڑک نظر نہیں آئی جہاں کپتان کے لیے عوام نہ آئیں قوم بھی دیکھ رہی ہے کہ پاکستان کے مستقبل کا فیصلہ ہونے جارہا ہے۔

اسد عمر کا کہنا تھا کہ پاکستان کے فیصلے امریکا، لندن اور نہ ہی بند کمروں میں ہوں گے بلکہ ملک کے فیصلے عوام کریں گے۔

پی ٹی آئی رہنما نے کہا کہ عمران خان کی ایک خاص میٹنگ تھی جس کی وجہ سے لاہور میں واپس آنا پڑا، کپتان کا پیغام ہے کہ کل صبح  بجے مرید کے پہنچنا ہے۔

https://urdu.arynews.tv/imran-khan-says-biggest-dacoit-of-country-has-been-imposed-on-us/

اس سے قبل فیروز والا میں لانگ مارچ کے شرکا سے خطاب کرتے ہوئے عمران خان کا کہنا تھا کہ ’کوئی آزادی دیتا نہیں ہے یہ چھیننا پڑتی ہے، زنجیروں کو توڑنا پڑتا ہے۔‘

ان کا کہنا تھا کہ ہم نے ملک کو ان چوروں سے آزاد کروانا ہے، حقیقی آزادی مارچ میں میرے ساتھ سب نے شرکت کرنی ہے۔

چیئرمین پی ٹی آئی کا کہنا تھا کہ آزادی کوئی پلیٹ میں رکھ کر نہیں دے گا اس کے لیے جدوجہد کرنا ہوگی ہم حقیقی آزادی کی جنگ لڑ رہے ہیں۔