اسلام آباد: ایل او سی پر فائرنگ کے بعد پاکستان اور بھارت کے ڈی جی ایم اوز کے درمیان رابطہ ہوا ہے جس میں ڈائریکٹر جنرل ملٹری آپریشنزپاکستان نے کہا ہے کہ بھارتی جارحیت کا بھرپور جواب دینے کا حق محفوظ رکھتے ہیں۔
بھارتی فوج کی وادی نیلم میں مسافر بس پر فائرنگ ،9شہری شہید
پاک فوج کے شعبہ تعلقات عامہ (آئی ایس پی آر) کے مطابق لائن آف کنٹرول اور ورکنگ باؤنڈری پر بھارتی جارحیت کے خلاف پاکستان اور بھارت کے ڈائریکٹر جنرلز ملٹری آپریشن (ڈی جی ایم اوز) کے درمیان ہاٹ لائن پر رابطہ ہوا جس میں پاکستان نے ایل او سی پر بھارتی اشتعال انگیزی کا معاملہ اٹھایا۔
بھارتی فوج کی فائرنگ، 3 فوجی شہید، 7بھارتی فوجی ہلاک
رابطے کے دوران بھارت کی جانب سے ایل او سی کی خلاف ورزیوں پر بات ہوئی اور پاکستان کے ڈی جی ایم او نے وادی نیلم میں مسافروں کی بس کو نشانہ بنانے کے واقعے پر احتجاج کیا۔
بھارتی جارحیت پر وزیراعظم کا اظہار مذمت، انڈین ہائی کمشنر کی طلبی
آئی ایس پی آر کے مطابق ایل او سی پر رابطے کے دوران پاکستانی ڈی جی ایم او نے کہا کہ بھارتی جارحیت کا بھرپور جواب دینے کا حق رکھتے ہیں تاہم جواب دینے کے لیے وقت اور جگہ کے انتخاب کا حق محفوظ رکھتے ہیں۔
بھارتی جارحیت: مشیر خارجہ سینیٹ کے اجلاس میں طلب
چیئرمین سینیٹ نے بھارتی جارحیت کا نوٹس لیتے ہوئے مشیر خارجہ سرتاج عزیز کو کل ایوان میں طلب کرکے اراکین کو بریفنگ دینے کی ہدایت کی ہے۔
آج بدھ کو لائن آف کنٹرول پر بھارتی فائرنگ سے تین پاکستانی فوجی شہید اور پاک فوج کی جوابی کارروائی میں 7 بھارتی فوجی مارے گئے، آئی ایس پی آر نے تصدیق کی ہے۔
وفاقی کابینہ کا اجلاس، بھارتی اشتعال انگیزی کی شدید مذمت
قبل ازیں وزیراعظم کی زیر صدارت وفاقی کابینہ کا اجلاس منعقد ہوا جس میں کابینہ نے متفقہ طور پر بھارتی جارحیت کی مذمت کی اور منہ توڑ جواب دینے پر زور دیا۔