Tag: حلب

حلب : شام کے شہرحلب میں حکومتی اورروسی فورسزکی شدید بمباری جاری ہے۔حکومتی فورسزنےمشرقی حلب کےایک تہائی علاقے کاکنٹرول سنبھالنے کادعویٰ کیاہے۔

تفصیلات کےمطابق شام میں سرکاری ٹی وی کا کہناہے کہ فورسز بارودی سرنگیں اور دھماکہ خیز موادصاف کرتے ہوئے آگے بڑھ رہی ہیں۔

باغی جنگجوؤں کو حلب کے ان علاقوں سے جن پر ان کا ایک طویل عرصے سے قبضہ تھا پیچھے دھکیل دیا گیا ہے اور سرکاری فوج کی مسلسل پیش قدمی جاری ہے۔

روسی وزارت دفاع کا کہنا ہے کہ شامی فوج نے شہر کے بارہ اضلاع پر قبضہ کر لیا ہے۔حلب پرجب سے حکومتی بمباری کا آغاز ہوا ہے شہری گھر بار چھوڑ کر حکومتی علاقوں اورکردوں کےزیرکنٹرول خود مختار علاقوں کی جانب ہجرت کررہے ہیں۔

دوسری جانب انسانی حقوق کی تنظیم سیرئن ابزرویٹری کا کہنا ہے کہ دس ہزار کے قریب لوگ یا تو سرکاری فوج کے زیر قصبہ علاقوں میں چلے گئے ہیں یا کرد کے زیر اثر شمالی ضلع میں منتقل ہو گئے ہیں۔

یاد رہے کہ شامی فوج نے رواں سال ستمبر میں حلب کا کنٹرول حاصل کرنےکےلیے بڑی کارروائی کا آغازکیا تھا۔

واضح رہے کہ شام میں کام کرنے والے امدادی اداروں کےاعداد و شمار کے مطابق حکومتی کارروائی میں اب تک سینکڑوں شہری لقمہ اجل بن چکےہیں۔

حلب : شام کےشہر حلب میں شامی اور اتحادی افواج کی باغیوں کے زیر انتظام علاقوں کی جانب تیزی سے پیش قدمی جاری ہے اب تک کئی علاقےداعش کےقبضے سے آزاد کرالیے گئے ہیں۔

تفصیلات کےمطابق شام کےشہر حلب کی جانب سرکاری واتحادی فوج کی پیش قدمی جاری ہےجس کے بعد ہزاروں شہری حلب کے سرحدی علاقوں سے منتقل ہوگئے ہیں۔

حلب کے ہزاروں شہریوں کو کردوں کے زیر تسلط مغربی ضلع بوستان ال باشا کے قریب منتقل کیا گیا ہے جبکہ شامی اور اتحادی افواج نےحلب کے شمال مشرقی ضلع حنان پر ہفتہ کو قبضہ حاصل کرلیا تھا۔

سرکاری ذرائع کا کہنا ہے کہ اتوار کو جبل بدرو پر بھی قبضہ کرلیا ہے اور تیسرے ضلع حلوک پر بھی کنٹرول حاصل کرلیا ہے اس دوران لڑائی میں باغیوں کی بڑی تعداد ہلاک ہوگئی ہے۔

مزید پڑھیں:حلب: باغیوں کےاسکول پرحملےمیں7 بچوں سمیت1خاتون ہلاک

سرکاری ذرائع کا کہنا ہے کہ شامی اور اتحادی افواج کی مزید تین اضلاع کی جانب پیش قدمی جاری ہے۔

دوسری جانب باغیوں نے حکومت کے زیرِانتظام مغربی حلب کے علاقوں میں راکٹ حملوں میں تیزی کر دی ہے۔

سیریئن آبزرویٹری فار ہیومن رائٹس کے مطابق اس کارروائی کے آغاز سے اب تک ان حملوں میں 27 شہری ہلاک ہوچکے ہیں جن میں 11 بچے بھی شامل ہیں۔

واضح رہے کہ حلب کا شمار شام کے اہم صنعتی اور کاروباری مراکز میں ہوتا تھا اور سنہ 2012 سے اس کے مغربی حصے پر حکومت اور مشرقی حصے پر باغیوں کا قبضہ ہے۔

دمشق: شام کےشہرحلب میں حکومتی زیرِ اختیار علاقے میں باغیوں کی جانب سے ایک سکول کو نشانہ بنایا گیا ہے جس میں 7بچے اور ایک خاتون ہلاک ہو گئے۔

تفصیلات کےمطابق باغیوں کی جانب سے حلب میں اسکول پر حملے میں 8افراد ہلاک اور 32افراد زخمی ہوئےہیں۔باغیوں نے یہ حملہ حکومت کی جانب سے کئی دنوں سے جاری بمباری کے جواب میں کیا۔

اقوام متحدہ نےحلب کی صورتحال پرتشویش کااظہارکرتے ہوئےکہا ہے کہ شام کے شہرحلب میں صورتحال قابو سےباہر ہوگئی۔اور عالمی طاقتوں کومعاملے کی سنگینی سے خبردارکردیاہے۔

رواں ہفتے کے آغازسےحکومتی اورروسی بمباری کے نتیجےمیں اب تک کم از کم دوسوچالیس افرادلقمہ اجل جبکہ سیکڑوں زخمی ہوچکے ہیں۔

مشرقی حلب میں بمباری کےنتیجےمیں طبی سہولیات کابھی بحران پیداہوگیاہے۔مقامی ذرائع کے مطابق مشرقی حلب میں تمام طبی مراکزاوراسپتال یا تو تباہ ہوگئےہیں یارسدنہ ہونے کےباعث ناکارہ ہوگئےہیں۔

واضح رہےکہ گزشتہ روز باغیوں کی شیلنگ کے نتیجےمیں مغربی حلب میں اسکول کے آٹھ بچےجاں بحق ہوگئے تھے۔ اقوام متحدہ کاکہناہےکہ حلب میں صورتحال بےقابو ہورہی ہے اوروقت ہاتھ سے نکلتاجارہاہے۔

دمشق: شام میں حزب اختلاف کے زیرکنٹرول شہرحلب پرشدیدبمباری کےنتیجےدرجنوب افراد ہلاک جبکہ طبی سہولیات بھی ختم ہوگئیں۔

تفصیلات کےمطابقاقوام متحدہ کے ادارہ برائے صحت کے کہنا ہے کہ حلب میں ہونے والی شدید بمباری کے نتیجے میں حزب اختلاف کے زیرکنٹرول مشرقی حلب میں طبی سہولیات ختم ہو چکی ہیں۔

ادارےکاکہناہےکہ حکومتی فورسز کی جانب سےگزشتہ پانچ دنوں سے جاری فضائی اور توپ خانوں کی بمباری سے تمام عارضی اسپتالوں میں سہولیات ناپید ہوگئیں۔

برطانوی خبرایجنسی کاکہناہےکہ حلب میں بعض اسپتالوں میں سہولیات توموجودہیں تاہم لوگ وہاں جانےمیں خوف محسوس کررہےہیں۔

مزید پڑھیں:حلب میں بمباری : تباہ شدہ عمارت سے دو بچوں کوزندہ نکال لیا گیا

شام میں انسانی حقوق کے لیے کام کرنے والے ادارے کےمطابق ہفتے ہونے والی شدید بمباری میں بچوں سمیت27افراد جاں بحق ہوئے۔

دوسری جانب شامی شہری دفاع کاکہناہےکہ ہفتےکوہونےوالی شدید بمباری میں 61افرادجان کی بازی ہارگئے۔

وائٹ ہاؤس کی جانب سے ہفتے کے روز اسپتالوں اور دیگر طبی سہولیات کے اداروں پر شدید بمباری کی شدید مذمت کی گئی ہے۔

مزید پڑھیں:حلب میں شامی طیاروں کی بمباری جاری، 21 شہری جاں بحق

واضح رہے کہ اس سے قبل حلب میں شامی طیاروں نے بچوں کے اسپتال،اسکول، بلڈ بینک اور ایمبولینس پر بم گرائےتھے۔شامی آبزرویٹری کا کہنا تھاکہ بمباری میں کم از کم پانچ بچوں سمیت 21افراد جان کی بازی ہارگئے تھے۔

دمشق : روس نے باغیوں پر الزام عائد کیا ہے کہ شام کے شہر حلب میں باغیوں کی جانب سے کیمائی ہتھیاروں کا استعمال کیاگیا ہے۔

تفصیلات کےمطابق روس نے بین الاقوامی مبصرین کوشام کے شہر حلب بھیجنے کا مطالبہ کرتے ہوئے دعویٰ کیاہےکہ اس کےپاس باغیوں کی جانب سے کیے گئے کیمیائی حملے کے ثبوت موجودہیں۔

روسی وزارت دفاع کی جانب سے جاری بیان میں کہاگیاہےکہ باغیوں نے کیمیائی ہتھیاروں کے حامل گولے فائرکیےتاہم ان میں سے کچھ نہیں پٹھے۔ بیان میں کہا گیا ہے کہ یہ بات اس علاقے کی مٹی اورنہ پٹھنےوالوں گولوں کے جائزے کےتحت کی جارہی ہے۔

ادھر دوسری جانب اطلاعات کے مطابق بین الاقوامی واچ ڈاگ نے بشارالاسد حکومت اور باغیوں کی جانب سےحلب پرکیمیائی ہتھیاروں کےحملے کی مذمت کی ہے۔

مزید پڑھیں:شامی فوج کی اسکول پرفضائی بمباری،6بچے جاں بحق

واضح رہے کہ اس سے قبل رواں ہفتے شام کے دارالحکومت دمشق کے مشرق میں واقع شہر حراستا میں بچوں کے اسکول پر بمباری سے کم از کم 6 بچے جاں بحق اور درجنوں افراد زخمی ہوگئے تھے۔

واشنگٹن :امریکہ نے روس اور شام کو خبردار کیا کہ اگرحلب میں بمباری نہ رکی تو دونوں ممالک پر نئی اقتصادی پابندیاں عائد کی جاسکتی ہیں۔

تفصیلات کےمطابق امریکی وزیرخارجہ جان کیری نے کہا کہ حلب میں انسانیت کے خلاف جرائم روزانہ ہو رہے ہیں۔اگر روس اور شام کی جانب سے حلب میں بمباری جاری رہی تو دونوں ممالک پر پابندیاں لگ سکتی ہیں۔

دوسری جانب برطانوی وزیرخارجہ بورس جانسن نے بھی روس سے کہا ہے کہ وہ جنگ بندی کر کے شامی عوام کی مدد کرے۔انہوں نے کہا کہ جنگ بندی کی ضرورت کے لیے جنیوا میں دوبارہ مذاکرات کا آغاز کیا جائے۔

مزیدپڑھیں:حلب پر روسی فضائیہ کی بمباری،150افراد جاں بحق

یادرہے کہ دو روز قبل روس نے اقوام متحدہ میں جنگ بندی کی قرارداد ویٹو کر کے حلب پرحزب اختلاف کے زیر اثر علاقوں پر شدید بمباری کی تھی جس کے نتیجے میں 150افراد جاں بحق ہوئے جن میں بچے اور خواتین بھی شامل تھیں۔

مزیدپڑھیں: شامی تنازع:امریکہ اور روس کادوبارہ مذاکرات شروع کرنے کااعلان

واضح رہے کہ تین روز قبل امریکہ اور روس نے شامی تنازعےسےمتعلق رواں ماہ معطل ہونے والے مذاکرات دوبارہ شروع کرنے کا اعلان کیاتھا جس کے اگلے روز ہی حلب میں شدید بمباری کی گئی تھی۔

حلب : روسی فضائیہ کی شام میں حلب اوراطراف پربمباری کےنتیجےمیں دو دن کے دوران کم از کم150 شہری جاں بحق اوردرجنوں زخمی ہوگئے۔

تفصیلات کےمطابق روس نے اقوام متحدہ میں جنگ بندی کی قرارداد ویٹو کر کے حلب پرحزب اختلاف کے زیر اثر علاقوں پر شدید بمباری کی جس کے نتیجے میں کئی عمارتیں کھنڈر بن گئیں۔

روسی فضائیہ کی شامی شہر حلب پر بمباری میں دو دن کے دوران بچوں سمیت 150افراد جاں بحق ہوگئے۔انسانی حقوق کی تنظیم کے مطابق روسی بمباری میں ایمبولنسز بھی تباہ ہوئیں جس کے بعدشہرمیں صرف گیارہ ایمبولنسز باقی رھ گئیں ہیں۔

ادھرمشرقی حلب میں حزب اختلاف کی چیک پوائنٹ پربم حملےمیں چودہ حزب اختلاف کے جنگجوؤں سمیت سترہ افرادلقمہ اجل بن گئے۔

مزید پڑھیں: امریکہ اوراس کےاتحادی شامی تنازع پرسیاست کررہےہیں، پیوٹن

خیال رہے کہ روسی صدرولادیمیرپیوٹن کا کہنا تھا کہ امریکہ اور اس کے اتحادی شامی تنازع پر سیاست کررہے ہیں۔ یورپی ممالک اورامریکہ مشرق وسطیٰ میں عدم استحکام کےذمہ دار ہیں۔

مزید پڑھیں:شامی فوج کی حلب میں بمباری،34افرادجاں بحق

یاد رہے کہ گزشتہ ہفتے باغیوں کے زیرقبضہ حلب شہر میں روسی اورشامی جنگی طیاروں نے اسپتال پر بمباری کی جس کے نتیجےمیں 34افراد جان کی بازی ہار گئے تھے۔

حلب: باغیوں کے زیرقبضہ حلب شہر میں روسی اورشامی جنگی طیاروں نے اسپتال پر بمباری کی جس کے نتیجےمیں 34افراد جان کی بازی ہار گئے۔

تفصیلات کےمطابق ہفتے کے روز باغیوں کے زیر قبضہ حلب شہر کے سب سے بڑے ہسپتال ایم ٹین پرروسی اور شامی جنگی طیاروں نے شدید بمباری کی جس میں 34 افراد جاں بحق ہوئے۔

سیریئن آبزرویٹری فار ہیومن رائٹس کا کہنا ہےکہ ایم ٹین ہی کے قریبی علاقے میں ایک فیلڈ اسپتال پر بھی فضائی حملہ کیا گیا ہے، جس میں ایک شخص جاں بحق ہو گیا، جبکہ اس ہسپتال نے بھی کام کرنا بند کر دیا۔

خیال رہےکہ بدھ کے روز بھی ایک اسپتال پر بمباری کی گئی تھی۔اقوام متحدہ نے بدھ کے روز ہونے والے حملوں کو ’جنگی جرم‘ قرار دے کر ان کی مذمت کی تھی۔

مزید پڑھیں: دمشق: حلب میں حکومتی افواج کی اسپتال پر بمباری، 50 افراد جاں بحق

اپوزیشن رہنماؤں نے حلب کے اسپتالوں پر فضائی حملوں کا الزام روس اور اسد حکومت پر عائد کیا ہے۔ان کے مطابق جنگی طیاروں سے حملوں اور بمباری نے زخمیوں کی مرہم پٹی کے مراکز کو برباد کر دیا ہے۔

طبی امدادی تنظیم ڈاکٹرز ود آؤٹ بارڈرز اور سیرین آبزرویٹری برائے انسانی حقوق نے ان حملوں کو فوری طور پر بند کرنے کی اپیل کی ہے۔

مزید پڑھیں: حلب میں فضائی بمباری سے 81 افراد جاں بحق 250زخمی

ڈاکٹرز ود آؤٹ بارڈرز کے مطابق اکیس ستمبر سے چھبیس ستمبر کے درمیان مشرقی حلب کے تمام اسپتال معمول کے فرائض انجام دے رہے تھے لیکن اب تمام طبی مراکز کے ورکرز اپنے کام چھوڑ کر زندگی بچانے کی فکر میں ہیں۔

واضح رہے کہ شامی اور روسی جنگی طیاروں کی اسپتال پر بمباری کی اقوام متحدہ، جرمنی، امریکا، فرانس اور سویڈن کی جانب سے مذمت کی گئی ہے۔