Tag: حلف اٹھالیا

اور: خیبر پختونخواہ اسمبلی میں نو منتخب اراکین نے حلف اٹھالیا ، اسپیکر مشتاق غنی نے تمام اراکین سے حلف لیا۔

تفصیلات کے مطابق اسپیکر مشتاق غنی کی زیرصدارت خیبر پختونخواہ اسمبلی کااجلاس ہوا، اجلاس کے آغاز میں تلاوت قرآن پاک سے کیا گیا۔

اسپیکرکےپی اسمبلی نے گیلری میں موجود افراد سے خاموشی اختیارکرنےکی اپیل کرتے ہوئے کہا کہ گیلری میں موجودافرادخاموش نہ ہوئےتوحلف نہیں اٹھاپائیں گے۔

اسپیکر مشتاق غنی کا کہنا تھا کہ تمام نومنتخب ارکان کا خیرمقدم کرتاہوں، نومنتخب اراکین ایک ساتھ حلف اٹھاسکتے ہیں، حلف نامے کی کاپی تمام ممبران کی میز پر دستیاب ہے، تمام نومنتخب ارکان سے گزارش ہے کہ اپنی نشست پر کھڑے ہوجائیں۔

اسپیکر کےاسمبلی اجلاس میں تمام نومنتخب اراکین نے حلف اٹھایا ، اسپیکر مشتاق غنی نے تمام اراکین سے حلف لیا۔

جس کے بعد اسپیکر اور ڈپٹی اسپیکر الیکشن کا شیڈول بھی جاری کردیا گیا، جس کے تحت کاغذات نامزدگی آج شام پانچ بجے تک جمع کرائے جا سکتے ہیں ، کاغذات نامزدگی کی تصدیق بھی آج ہوگی جبکہ اسپیکر اورڈپٹی اسپیکر کےپی اسمبلی کا انتخاب کل ہوگا۔

کراچی : سندھ اسمبلی کے 148 نو منتخب ارکان نے حلف اٹھالیا،ْ اسپیکر آغا سراج درانی نے ارکان سے سندھی، اردو اور انگریزی میں حلف لیا۔

تفصیلات کے مطابق نومنتخب ارکان سندھ اسمبلی کی حلف برداری کے لئے اجلاس ہوا ، اجلاس کی صدارت اسپیکر آغا سراج درانی نے کی ، اجلاس کا آغاز قرآن پاک کی تلاوت سے کیا گیا، آغا سراج درانی نے پہلے خود حلف اٹھایا۔

جس کے بعد آغا سراج درانی نومنتخب ارکان اسمبلی سے سندھ ،اردو اور انگرزی میں حلف لیا، سندھ اسمبلی کے 148 ارکان نے حلف اٹھایا، ریکارڈ 60 ارکان پہلی دفعہ سندھ اسمبلی کے رکن بنے جبکہ سابق وزیراعلیٰ قائم علی شاہ نے 8ویں بارسندھ اسمبلی کی رکنیت کا حلف لیا۔

ایک سو چودہ نشستوں کے ساتھ پاکستان پیپلز پارٹی ایوان کی سب سے بڑی جماعت ہے جبکہ ایم کیو ایم پاکستان کی چھتیس نشستیں ہیں اور جی ڈی اے کی تین اور جماعت اسلامی کی ایک نشست ہے،سنی اتحاد کونسل کے نو ارکان بھی اسمبلی کا حصہ ہیں۔

سندھ اسمبلی کے اجلاس سے پہلے سابق اسپیکرآغا سراج درانی نے میڈیا سے گفتگو کرتے ہوئے کہا کہ سندھ اسمبلی کے باہراحتجاج کرنے والوں کو شرم آںی چاہئے، یہ سب ریجیکٹڈ لوگ ہیں، عوام نے انہیں ریجیکٹ کیا ہے۔

ان کا کہنا تھا کہ احتجاج کرنے والے ٹری بیونل کے پاس جائیں،شواہد موجود ہیں توضرورسنا جائےگا،پوراسندھ ہمارے ساتھ ہے،ہم نے سندھ میں سوئپ کیا ہے۔