ARYNews.tv | Urdu – Har Lamha Bakhabar

Tag: حلف اٹھالیا

  • چیف جسٹس کا دورہ روس ،جسٹس شیخ عظمت نے قائم مقام چیف جسٹس کا حلف اٹھالیا

    چیف جسٹس کا دورہ روس ،جسٹس شیخ عظمت نے قائم مقام چیف جسٹس کا حلف اٹھالیا

    اسلام آباد : جسٹس شیخ عظمت سعید نے قائم مقام چیف جسٹس کا حلف اٹھا لیا، جسٹس شیخ عظمت سعید چیف جسٹس آصف کھوسہ کے بیرون ملک دورے کے دوران فرائض انجام دیں گے۔

    تفصیلات کے مطابق قائم مقام چیف جسٹس سپریم کورٹ آف پاکستان کی حلف برداری کی تقریب اسلام آباد میں منعقد ہوئی ، تقریب میں سپریم کورٹ کے ججز اور اعلیٰ حکام نے شرکت کی۔

    تقریب میں جسٹس شیخ عظمت سعید نے قائم مقام چیف جسٹس کا حلف اٹھایا ، جسٹس عمر عطا بندیال نے قائم مقام چیف جسٹس سے حلف لیا۔

    خیال رہے کہ چیف جسٹس آصف سعید کھوسہ اور جسٹس گلزار احمد کے روس کے سرکاری دورے پر جانے کے باعث قائم مقام چیف جسٹس کے طور پر جسٹس شیخ عظمت سعید تمام امور دیکھیں گے۔

    چیف جسٹس آصف سعید خان کھوسہ اور جسٹس گلزاراحمد روس کے سرکاری دورے پر روانہ ہوگئے ہیں ، چیف جسٹس آصف سعید کھوسہ اور جسٹس گلزار احمد 10ویں عالمی جوڈیشل کانفرنس میں شرکت کریں گے اور پاکستان کی نمائندگی کریں گے۔

    یہ کانفرنس روس کے دارالحکومت ماسکو میں 31 جولائی سے 3 اگست تک جاری رہے گی اور اس میں شرکت کے لیے روس کے فیڈرل بیلف سروس کے سربراہ نے چیف جسٹس آصف سعید کھوسہ کو دعوت دی تھی۔

    اس سے قبل مئی میں چیف جسٹس آصف سعید کھوسہ کے 7 روزہ سرکاری دورہ روس کے موقع پر جسٹس گلزار احمد نے قائم مقام چیف جسٹس کے عہدے کا حلف لیا تھا۔

  • جسٹس اطہر من اللہ نے چیف جسٹس اسلام آباد ہائی کورٹ کی حیثیت سے حلف اٹھالیا

    جسٹس اطہر من اللہ نے چیف جسٹس اسلام آباد ہائی کورٹ کی حیثیت سے حلف اٹھالیا

    اسلام آباد : جسٹس اطہر من اللہ نے چیف جسٹس اسلام آباد ہائی کورٹ کی حیثیت سےحلف اٹھالیا ہے ، صدر مملکت ڈاکٹر عارف علوی جسٹس اطہر من اللہ سے حلف لیں گے۔

    تفصیلات کے مطابق چیف جسٹس اسلام آباد ہائی کورٹ کی حلف برداری کی تقریب ایوان صدر میں ہوئی، جس میں جسٹس اطہر من اللہ نے بحیثیت چیف جسٹس اسلام آباد ہائی کورٹ حلف اٹھایا ، صدر مملکت ڈاکٹر عارف علوی جسٹس اطہر من اللہ سے عہدے کا حلف لیا۔

    جسٹس انور خان کاسی کی ریٹائرمنٹ کے بعد اسلام آباد ہائی کورٹ کے نئے چیف جسٹس اطہر من اللہ آج چیف جسٹس کے عہدے پر فائض ہوں گے۔

    نئے چیف جسٹس جسٹس اطہر من اللہ 11 دسمبر 2023 تک چیف جسٹس رہیں گے، اگر جسٹس اطہر سپریم کورٹ میں پرموٹ نہیں ہوئے تو 12 دسمبر 2023 کو ریٹائر ہو جائیں گے۔

    خیال رہے 17 جون 2014 کو جسٹس اطہر من اللہ نے بحیثیت جج ہائی کورٹ حلف اٹھایا تھا۔

    یاد رہے اسلام آباد ہائی کورٹ کے چیف جسٹس انور خان کاسی کا کل آخری ورکنگ دن ہائی کورٹ میں گزارا، جسٹس انورخان کاسی 5سال 9 ماہ 2دن کےلئےچیف جسٹس رہے۔

    25جسٹس انورخان کاسی نئے فروری2013 کو چیف جسٹس اسلام آباد ہائی کورٹ کا عہدہ سنبھالا جبکہ 4 جنوری 2011 کو بطور جسٹس اسلام آباد ہائی کورٹ تعینات ہوئے ، انھوں نے اسلام آبادہائی کورٹ میں مجموعی طور پر 7سال 10ماہ23روز کا عرضہ گزارا۔

  • جج بریٹ کیوانوف نے شدید مخالفت کے باوجود سپریم کورٹ کا حلف اٹھالیا

    جج بریٹ کیوانوف نے شدید مخالفت کے باوجود سپریم کورٹ کا حلف اٹھالیا

    واشنگٹن : امریکی صدر کے نامزد جج بریٹ کیوانوف نے شدید مخالفت اور جنسی ہراسگی الزامات کے باوجود سپریم کورٹ کے جج کی حیثیت سے حلف اٹھالیا۔

    تفصیلات کے مطابق امریکی صدر ڈونلڈ ٹرمپ کی جانب سے سپریم کورٹ کے لیے نامزد متنازع جج بریٹ کیوانوف نے خود پر لگائے گئے جنسی ہراسگی کے الزامات کے باوجود اکثریت رائے سے جج تعینات ہوگئے۔

    غیر ملکی خبر رساں ادارے کا کہنا ہے کہ امریکی سینیٹ میں ریپبلیکن کے 50 ووٹ حاصل کیے تھے جبکہ  سے ڈیموکریٹ کے 48 اراکین نے ٹرمپ کے متنازع نامزد جج کی منظوری کے خلاف ووٹ دیئے تھے۔

    برطانوی میڈیا کا کہنا ہے کہ امریکی سیکیورٹی ایجنسی ایف بی آئی کی جانب سے متنازع جج پر جنسی ہراسگی الزامات کی مسلسل 11 گھنٹے تحقیقات ہوئی لیکن کوئی نتیجہ نہیں نکلا، جس کے بعد سینیٹرز نے شش و پنج کے عالم میں بریٹ کیوانوف کی حمایت کرنے کا فیصلہ کیا تھا۔

    غیر ملکی خبر رساں اداروں کا کہنا ہے کہ سپریم کورٹ کے جج کی تعیناتی ڈونلڈ ٹرمپ کی سیاسی فتح ہے جو نومبر میں ہونے والے امریکا کے وسط مدتی انتخابات میں اثر دکھائے گی۔

    واضح ہے کہ ٹرمپ کے نامزد جج کی تعیناتی سے قبل ہزاروں امریکی شہریوں کی جانب سے دارالحکومت واشنگٹن میں احتجاجی مظاہرے کیے تھے، پولیس نے سینیٹ آفس کی عمارت میں داخل ہونے والے 302 مظاہرین کو حراست میں بھی لیا تھا۔

    یاد رہے کہ کچھ روز قبل بریٹ کیوانو پر کچھ روز قبل ایک خاتون پروفیسر نے جنسی طور پر ہراساں کرنے الزام لگایا تھا، جس کے بعد ایف بی آئی نے نامزد جج بریٹ کیوانوف کیخلاف تحقیقات شروع کردی تھی۔

    ڈاکٹر کرسٹین بلیسی فورڈ کا کہنا تھا کہ زمانہ طالب علمی میں بریٹ کیوانوف نے 36 برس قبل سنہ 1980 میں ایک تقریب کے دوران شراب نوشی کی کثرت کے باعث مجھے جنسی زیادتی کا نشانہ بنایا تھا۔

    مقامی خبر رساں ادارے کا کہنا تھا کہ جج کی تعیناتی سے متعلق ووٹنگ کے دوران بھی مظاہرین کی جانب سے ’شیم‘ کے نعرے لگائے جارہے تھے۔

  • وفاقی کابینہ کے 5 نئے وفاقی وزرا اورایک وزیرمملکت نے حلف اٹھالیا

    وفاقی کابینہ کے 5 نئے وفاقی وزرا اورایک وزیرمملکت نے حلف اٹھالیا

    اسلام آباد : وفاقی کابینہ کے 5 نئے وفاقی وزرا اور ایک وزیرمملکت نے اپنے عہدے کا حلف اٹھالیا، حلف اٹھانے والوں میں علی امین گنڈا پور، فیصل واوڈا، محمداعظم سواتی، صاحبزادہ محبوب سلطان، محمدمیاں سومرو اور زرتاج گل شامل ہیں۔

    تفصیلات کے مطابق وزیراعظم عمران خان کی وفاقی کابینہ میں شامل نئے وزرا کی حلف برداری تقریب ایوان صدر میں ہوئی، تقریب میں 6 نئے وزراء نے حلف اٹھالیا، صدر مملکت ڈاکٹر عارف علوی نے وزراء سے حلف لیا۔

    حلف اٹھانے والوں میں 5 نئے وزرا ء اور ایک وزیر مملکت شامل ہیں۔

    علی امین گنڈا پور، فیصل واوڈا، محمداعظم سواتی، صاحبزادہ محبوب سلطان، محمدمیاں سومرو نے وفاقی وزیر اور زرتاج گل نے وزیر مملکت کی حیثیت سے حلف اٹھایا۔

    مزید پڑھیں : وفاقی کابینہ میں توسیع ، 5وفاقی وزراء اورایک وزیرمملکت کل حلف اٹھائیں گے

    نئے وزرا کی شمولیت کے بعد وزیراعظم عمران خان کی وفاقی کابینہ کے ارکان کی تعداد 38 ہوگئی ہے۔

    یاد رہے کہ اس سے قبل 11 ستمبر کو 6 نئے وزراء نے اپنے عہدے کا حلف اٹھایا تھا، نئے وزراء سے صدر مملکت ڈاکٹرعارف علوی نے حلف لیا تھا، حلف اٹھانے والوں میں تین وزراء اور تین وزرائے مملکت شامل تھے۔

    تقریب میں عمر ایوب خان، علی زیدی، محمد میاں سومرو نے وفاقی وزیر جب کہ مراد سعید، محمد شبیر علی اور محمد حماد اظہر نے وزیرِ مملکت حیثیت سے حلف اٹھایا تھا۔

    تاہم میاں محمد سومرو وزیر مملکت بنائے جانے پر ناراض ہوگئے تھے  اور حلف اٹھائے بغیر ہی کراچی روانہ ہوگئے تھے۔

    واضح رہے حکومت سازی کے پہلے مرحلے میں 20 اگست کو وزیراعظم عمران خان کی کابینہ میں 16 وفاقی وزرا اور 5 مشیروں نے اپنے عہدوں کا حلف اٹھایا تھا۔

  • پنجاب کابینہ کے بارہ نئے وزراء نے حلف اٹھالیا

    پنجاب کابینہ کے بارہ نئے وزراء نے حلف اٹھالیا

    لاہور : پنجاب کابینہ کے بارہ نئے وزراء نے حلف اٹھا لیا، گورنر پنجاب چوہدری سرور نے نئے وزرا سے حلف لیا، نئے وزراء کی شمولیت کے بعد پنجاب کابینہ میں وزراء کی تعداد 35 ہوگئی ہے۔

    تفصیلات کے مطابق پنجاب کابینہ میں توسیع کردی گئی، گورنر ہاؤس میں حلف برداری کی تقریب منعقد کی گئی، تقریب میں وزیراعلی پنجاب سردار عثمان بزدار، صوبائی وزرا اور دیگر اعلی حکام نے شرکت کی۔

    تقریب میں پنجاب کابینہ کے بارہ نئے وزراء نے حلف اٹھا لیا، گورنر پنجاب چوہدری سرور نے نئے وزراء سےحلف لیا۔

    نئے وزراء میں سعید الحسن، مہر اسلم بھروانہ، حسین جہانیاں گردیزی، محمد اجمل، محمد اخلاق، آشفہ ریاض، شوکت لالیکا اور زوار حسین وڑائچ شامل ہیں۔

    محمداختر، محمد خالد، جہانزیب کھچی اور اعجازمسیح بھی صوبائی وزیر بن گئے۔

    نئے وزراء کی شمولیت کے بعد پنجاب کابینہ میں وزراء کی تعداد پینتیس ہوگئی ہے۔

    یاد رہے دو روز قبل وزیراعلیٰ پنجاب عثمان بزدار نے پنجاب کابینہ میں توسیع کی حتمی منظوری دی تھی۔

    خیال رہے 27 اگست کو پنجاب کی 23 رکنی کابینہ نے حلف اٹھایا تھا ، قائم مقام گورنر پنجاب پرویز الٰہی نے وزرا سے حلف لیا تھا۔

    کابینہ میں شامل علیم خان کو بلدیات، یاسمین راشد کو صحت، فیاض الحسن چوہان کو وزارتِ اطلاعات، میاں محمود الرشید ہاؤسنگ اور پبلک ہیلتھ انجینئرنگ کے وزیر، میاں اسلم اقبال انڈسٹری، کامرس اینڈ انویسٹمنٹ کے وزیر، یاسر ہمایوں ہائر ایجوکیشن، تیمور خان یوتھ افیئرز اور کھیلوں کے وزیر جبکہ ہاشم بخت وزیر خزانہ مقرر کیے گئے تھے۔

    گذشتہ روز وفاقی کابینہ کے6 نئے وزرا ء نے حلف اٹھایا تھا، صدر ڈاکٹر عارف علوی نے نئے وزراء سے حلف لیا جبکہ میاں سومرو نے وزیر مملکت کا عہدہ لینے سے انکار کردیا تھا۔

    حلف اٹھانے والوں میں تین نئے وزرا ء اور تین وزرائے مملکت شامل تھے، علی محمد خان، عمر ایوب، علی زیدی نے وفاقی وزیر جبکہ مراد سعید، محمد شبیر علی اور محمد حماد اظہر نے وزیرمملکت کی حیثیت سے حلف اٹھایا۔

    کابینہ میں شامل عمر ایوب کو وفاقی وزیر برائے توانائی جبکہ علی زیدی کو وفاقی وزیر برائے بحری امور کا قلمدان سونپا گیا۔

  • خیبرپختونخوا کی کابینہ نے حلف اٹھالیا

    خیبرپختونخوا کی کابینہ نے حلف اٹھالیا

    پشاور : خیبرپختونخواکی کابینہ نے حلف اٹھالیا، قائم مقام گورنر مشتاق غنی نے ارکان سے حلف لیا، خزانہ کا قلمدان تیمور سلیم، محمد عاطف وزیر سیاحت اور شہرام ترکئی وزیر بلدیات بن گئے۔

    تفصیلات کے مطابق خیبرپختونخوا کے وزیراعلیٰ محمود خان کو ٹیم مل گئی،گیارہ رکنی کابینہ نے عہدوں کا حلف اٹھالیا، قائم مقام گورنر مشتاق غنی نے کابینہ سے حلف لیا۔

    سابق وزیر تعلیم محمدعاطف کو نئی سرکار میں سیاحت کا قلمدان ملا، شہرام ترکئی وزیربلدیات کی کرسی پر براجمان ہوئے جبکہ وزیر صحت حشام امان اللہ خان ہیں۔

    تیمور سلیم جھگڑا وزیر خزانہ،اشتیاق ارمڑ محکمہ جنگلات، قلندر لودھی وزیر خوراک اور شکیل احمد کووزیرریونیو بنایا گیا ہے۔

    خیبرپختونخوا کابینہ میں زراعت کی وزارت محب اللہ دیکھیں گے جبکہ سلطان محمد وزیر قانون اور ڈاکٹرامجد علی وزیر ڈویلپمنٹ بنائے گئے ہیں اور اکبر ایوب خان بھی کابینہ کا حصہ ہیں۔

    دوسری جانب خیبر پختونخوا کابینہ وزیراعظم کے وژن پرعمل درآمد کے لیے پر عزم ہیں ، وزیر سیاحت عاطف خان نے کہا کہ پہلی مرتبہ سیاحت کی وزارت کسی نے اپنی مرضی سے لی ، عمران خان سےدرخواست کی تھی سیاحت کی وزارت دی جائے۔

    عاطف خان کا کہنا تھا کہ سیاحت کو فروغ دیکر نوجوانوں کو روزگار فراہم کریں گے، سیاحت کے شعبے میں ترقی سے ذرائع آمدن بڑھائیں گے۔

    وزیر خزانہ تیمور سلیم نے کہا کہ وزیراعظم عمران خان نےبڑی ذمےداری سونپی ہے ، صوبے کو مالی لحاظ سے مستحکم بنانا اولین ترجیح ہے۔

    وزیر بلدیات شہرام ترکئی کا کہنا تھا پہلے سے زیادہ کام کریں گے ، پی ٹی آئی ایجنڈے پر عمل درآمد یقینی بنائیں گے جبکہ وزیرقانون سلطان نے کہا کہ کمزور طبقے کے لیے انصاف کی فوری فراہمی کے اقدامات کریں گے۔

    خیال رہے دو روز قبل خیبرپختونخوا کابینہ کیلئے وزراء اور ان کے محکموں کے ناموں کا اعلان کیا گیا تھا۔

  • پنجاب اور بلوچستان کابینہ نے حلف اٹھا لیا

    پنجاب اور بلوچستان کابینہ نے حلف اٹھا لیا

    لاہور، کوئٹہ: پنجاب اور بلوچستان کی کابینہ نے حلف اٹھا لیا، پنجاب کابینہ سے قائم مقام گورنر پنجاب پرویز الٰہی جب کہ بلوچستان کابینہ سے گورنر بلوچستان محمد خان اچکزئی نے حلف لیا۔

    تفصیلات کے مطابق گورنر ہاؤس پنجاب میں منعقدہ تقریبِ حلف برداری میں پنجاب کی 23 رکنی کابینہ نے حلف اٹھایا، دوسری طرف گورنر ہاؤس بلوچستان میں منعقدہ تقریبِ حلف برداری میں بلوچستان کی 10 رکنی کابینہ نے حلف اٹھایا۔

    خیال رہے کہ گزشتہ روز تحریکِ انصاف نے پنجاب کی تئیس رکنی کابینہ کا اعلان کرتے ہوئے علیم خان کو بلدیات، یاسمین راشد کو صحت، فیاض الحسن چوہان کو وزارتِ اطلاعات کا قلم دان سونپا تھا۔

    کابینہ میں شامل میاں محمود الرشید ہاؤسنگ اور پبلک ہیلتھ انجینئرنگ کے وزیر میاں اسلم اقبال انڈسٹری، کامرس اینڈ انویسٹمنٹ کے وزیر، یاسر ہمایوں ہائر ایجوکیشن، تیمور خان یوتھ افیئرز اور کھیلوں کے وزیر ہاشم بخت وزیر خزانہ مقرر کیے گئے ہیں۔

    یہ بھی پڑھیں:  پنجاب کی 23 رکنی صوبائی کابینہ کا اعلان

    مزید پڑھیں:  نامزد گورنرسندھ عمران اسماعیل سندھ اسمبلی کی رکنیت سےمستعفی

    دوسری طرف آج عمران اسماعیل صوبائی اسمبلی کی نشست سے مستعفی ہو گئے ہیں، وہ آج سندھ کے 33 ویں گورنر کی حیثیت سے حلف اٹھائیں گے، ان کا کہنا تھا کہ وہ ایک صوبے کے گورنر ہیں، مخصوص شہر کے نہیں، کوشش کریں گے کہ سب کو ساتھ لے کر چلیں۔

    ادھر نامزد گورنر پنجاب چوہدری سرور کی تقریبِ حلف برداری ملتوی کردی گئی ہے، ان کی حلف برداری کی تقریب 28 اگست کو منعقد ہونا طے تھی۔ ان کی تقریبِ حلف برداری اب صدارتی الیکشن کے بعد ہوگی، چوہدری سرور پہلے بطور سینیٹر صدر کے لیے عارف علوی کو اپنا ووٹ دیں گے۔

  • خیبرپختونخوا اسمبلی میں نومنتخب اراکین نے حلف اٹھالیا

    خیبرپختونخوا اسمبلی میں نومنتخب اراکین نے حلف اٹھالیا

    پشاور : خیبرپختونخوا اسمبلی کے نومنتخب اراکین نے حلف اٹھالیا، اراکین سے قائم مقام اسپیکر اسمبلی اورنگزیب نلوٹھہ نے حلف لیا۔

    تفصیلات کے مطابق پشاور میں خیبرپختونخوا اسمبلی کا اجلاس قائم مقام اسپیکر اسمبلی اورنگزیب نلوٹھہ کی زیر صدارت ہوا ، جس میں 112 نومنتخب اراکین نے حلف اٹھایا ، اسپیکر اسد قیصر کی غیر موجودگی میں اورنگزیب نلوٹھہ نے نومنتخب اراکین خیبرپختونخوا اسمبلی سے حلف لیا۔

    اس موقع پر  کے پی کے اسمبلی کی عمارت کو ریڈ زون قرار  دیا گیا جبکہ  400 سیکیورٹی کے لیے  پولیس اہلکار تعینات ہیں۔

    خیبرپختونخوا اسمبلی کا اجلاس 15 اگست تک ملتوی کردیا گیا، 15اگست کو اسپیکر،ڈپٹی اسپیکر کا انتخاب ہوگا۔

    پاکستان تحریک انصاف کے اراکین دو تہائی اکثریت میں خیبر پختونخوا اسمبلی پہنچے ہیں۔

    یاد رہے کہ چیئرمین تحریک انصاف عمران خان نےسوات سے صوبائی اسمبلی سے منتخب ہونے والے محمود خان کو وزیراعلیٰ خیبر پختونخوا کا امیدوارنامزد کیا ہے۔

    مزید پڑھیں : قومی اسمبلی کا اجلاس‘ نومنتخب اراکین نےحلف اٹھالیا

    اس سے قبل  ملک کی 15 ویں قومی اسمبلی کا  اجلاس ہوا ، اجلاس میں اسپیکرقومی اسمبلی سردار ایازصادق نے نومنتخب اراکین سے حلف لیا، جس کے بعد ارکان کی جانب سے باری باری رجسٹرمیں دستخط کیے جا رہے ہیں۔

  • ڈاکٹر حسن عسکری نے پنجاب کے نگراں وزیراعلیٰ کا حلف اٹھا لیا

    ڈاکٹر حسن عسکری نے پنجاب کے نگراں وزیراعلیٰ کا حلف اٹھا لیا

    لاہور : ڈاکٹر حسن عسکری نے پنجاب کے نگراں وزیراعلیٰ کا حلف اٹھا لیا، گورنر پنجاب نے نگران وزیراعلیٰ سے حلف لیا۔

    تفصیلات کے مطابق نگران وزیراعلیٰ کی حلف برداری کی تقریب گورنرہاؤس میں ہوئی ، جس میں ڈاکٹر حسن عسکری نے پنجاب کے نگراں وزیراعلیٰ کا حلف اٹھا لیا، گورنر پنجاب ملک رفیق رجوانہ نے نگران وزیر اعلی سے حلف لیا۔

    تقریب میں سیاسی وسماجی شخصیات نے شرکت کی۔

    یاد رہے کہ گذشتہ روز پروفیسر حسن عسکری کو پنجاب کا نگراں وزیراعلیٰ مقرر کیا تھا۔

    پنجاب میں نگراں وزیراعلیٰ پر ن لیگ نے اعتراض اٹھا دیا تھا، شاہد خاقان عباسی کا کہنا تھا کہ الیکشن کمیشن کے فیصلے سے تمام الیکشن مشکوک ہوجائے گا۔

    جس پر نامزد نگراں وزیراعلٰی پنجاب حسن عسکری کا کہنا تھا کہ عہدہ سنبھالوں گا، آئینی عہدہ الیکشن کمیشن نے دیا میں نے نہیں مانگا،ن لیگ کے اعتراض کے باوجود دستبردار نہیں ہوں گا، کسی پارٹی سےوابستگی نہیں لیکن سیاسی رائے ہیں۔

    ان کا کہنا تھا کہ ن لیگ کو اندازہ ہوجائے گا کہ غیر جانبدار ہوں،الیکشن شیڈول کے مطابق الیکشن کرانے کی ذمہ دار ہے۔

    پروفیسرحسن عسکری کون ہیں ؟

    پروفیسرحسن عسکری پاکستان کے معروف سیاسی تجزیہ نگار ہیں، وہ اایک نامور پروفیسر اور مستند کالم نگار ہیں،  حسن عسکری نے یونیورسٹی آف پینسلوینیا سے پی ایچ ڈی مکمل کیا اور بطور  پروفیسردنیا کی مختلف جامعات میں خدمات انجام دی۔

    پروفیسر حسن عسکری پنجاب یونیورسٹی میں پولیٹکل سائنس کے پروفیسر بھی  رہ چکے ہیں اور تعلیم اور ریسرچ کے شعبے میں اہم تجربہ رکھتے ہیں۔

    حسن عسکری کو جنوبی ایشیا، خارجہ پالیسی اور سیکیورٹی امور پر خصوصی دسترس حاصل ہے،  وہ اخبارات اور جرائد میں آرٹیکل بھی لکھتے رہے ہیں جبکہ  انھوں  نے جمہوریت اور سیاست پر کئی کتابیں لکھی۔

    حسن عسکری کو سال 2010 میں ستارہ امتیاز سے نوازا گیا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • نگران وزیراعظم جسٹس (ر) ناصرالملک کی 6 رکنی کابینہ نے حلف اٹھالیا

    نگران وزیراعظم جسٹس (ر) ناصرالملک کی 6 رکنی کابینہ نے حلف اٹھالیا

    اسلام آباد : نگراں وزیراعظم کی وفاقی کابینہ کے  6وزرا  نے حلف اٹھالیا، صدرممنون حسین نے وزرا سے حلف لیا۔

    تفصیلات کے مطابق نگراں وفاقی کابینہ کے 6وزرا کی حلف برداری کی تقریب ایوان صدر میں منعقد کی گئی ، تقریب میں نگران وزیراعظم جسٹس (ر) ناصر الملک کی وفاقی کابینہ کے 6 وزرا نے حلف اٹھالیا، صدر ممنون حسین نے نگراں وزرا سے حلف لیا۔

    نگراں کابینہ میں عبداللہ حسین ہارون، محمد اعظم خان ، ڈاکٹر شمشاد اختر، سید علی ظفر، محمد یوسف شیخ اورمسز روشن خورشید شامل ہیں۔

    نگراں وزیراعظم ناصرالملک بھی تقریب میں شریک تھے۔

    ذرائع کا کہنا ہے کہ نگراں کابینہ کا حجم انتہائی مختصر رکھنے کا فیصلہ کیا گیا ہے۔

    حسین ہارون کو وزارت خارجہ ، علی ظفر کو وزارت اطلاعات، قانون وانصاف ، ڈاکٹر شمشاد اختر کو وزارت خزانہ، اعظم خان کو وزارت داخلہ اور انسداد منشیات کا قلمدان دیا جائے گا۔

    مسز روشن خورشید کو انسانی حقوق اور تعلیم جبکہ یوسف شیخ کو وزارت صنعت وتجارت، پورٹ اینڈ شپنگ کی ذمہ داری دی جائے گی۔

    کابینہ ڈویژن آج نگراں وزرا کے قلمدانوں کا نوٹیفکیشن جاری کرے گا۔

    یاد رہے کہ نگران وزیراعظم جسٹس (ر) ناصرالملک نے یکم جون کو اپنے عہدے کا حلف اٹھایا تھا ، تقریب حلف برداری کے بعد نگراں وزیراعظم وزیراعظم ہاؤس پہنچے تھے، جہاں ان کے اعزاز میں گارڈ آف آنر بھی پیش کیا گیا تھا۔

    نگراں وزیر اعظم  کا کہنا تھا کہ جو میرا مینڈیٹ ہے اس کے مطابق کام کروں گا، شفاف انتخابات کا انعقاد اولین ترجیح ہے، انشا اللہ عام انتخابات بر وقت ہی ہوں گے۔

    خیال رہے کہ نگراں وزیر اعظم کی جانب سے کابینہ میں سیاسی وابستگیاں رکھنے والے افراد کو شامل نہ کرنے کا فیصلہ کیا گیا تھا۔

    واضح رہے کہ عام انتخابات 2018 کا انعقاد 25 جولائی کو کیا جائے گا، جس کے لیے الیکشن کمیشن کی جانب سے شیڈول جاری کیا جاچکا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں