ARYNews.tv | Urdu – Har Lamha Bakhabar

Tag: حلف برداری

  • زبیرعمر نے گورنر سندھ کا حلف اٹھا لیا، مزار قائد پر حاضری

    زبیرعمر نے گورنر سندھ کا حلف اٹھا لیا، مزار قائد پر حاضری

    کراچی: سندھ کے نئے گورنر محمد زبیر عمر نے صوبے کے 32 ویں گورنر کی حیثیت سے عہدے کا حلف اٹھا لیا، حلف اٹھانے کے فوری بعد حسب روایت نئے گورنر نے مزار قائد پر حاضری دی اور ملک و قوم کے لیے دعائیں کیں۔

    تفصیلات کے مطابق صوبہ سندھ کے 32 ویں گورنر محمد زبیر عمر نے اپنے عہدے کا حلف اٹھا لیا۔ سندھ ہائی کورٹ کے چیف جسٹس سید سجاد علی شاہ نے گورنر سندھ سے عہدے کا حلف لیا۔

    تقریب حلف برداری میں وزیر اعلیٰ سندھ مراد علی شاہ، وفاقی وزیر اطلاعات مریم اورنگزیب، کور کمانڈر کراچی اور ڈی جی رینجرز سمیت دیگر شخصیات نے شرکت کی۔

    قبل ازیں وہ گورنر ہاؤس پہنچے تو ان کا استقبال کیا گیا ان کے ساتھ ان کے اہل خانہ بھی موجود تھے۔

    حلف اٹھانے کے بعد انہوں نے وفد کے ہمراہ مزار قائد پر حاضری دی، فاتحہ خوانی کی، پھولوں کی چادر چڑھائی اور ملک و قوم کے لیے دعا کی۔

    روایت ہے کہ نیا گورنر سب سے پہلے مزار قائد پر حاضری دیتا ہے، ان کی حاضری کے وقت مزار کے اطراف سیکیورٹی سخت کردی گئی تھی، انہوں ںے مہمانوں کی تاثراتی کتاب میں اپنے تاثرات قلم بند کیے۔

    محمد زبیر کی زندگی پر اک نظر:

    محمد زبیر عمر 23 مارچ 1956 کو ایبٹ آباد کے فوجی گھرانے میں پیدا ہوئے۔ انہوں نے ابتدائی تعلیم ایبٹ آباد اور راولپنڈی میں حاصل کی اور 1984 میں آئی بی اے کراچی سے پبلک ایڈمنسٹریشن میں ماسٹرز کی ڈگری حاصل کی۔

    انہوں نے 2012 میں مسلم لیگ ن میں شمولیت اختیار کی اور پارٹی کے منشور کی تیاری میں معیشت اور ٹیکس ریفارمز کے شعبوں میں معاونت کی۔ مسلم لیگ ن کے اقتدار میں آنے کے بعد محمد زبیر کو پہلے بورڈ آف انوسٹمنٹ کا چیئرمین اور دسمبر 2013 میں نجکاری کمیشن کا سربراہ بنایا گیا۔

    محمد زبیر عمر 6 بھائیوں میں چوتھے نمبر پر ہیں جبکہ ان کے چھوٹے بھائی اسد عمر تحریک انصاف کے رکن قومی اسمبلی ہیں۔

    واضح رہے کہ اس سے قبل جسٹس ریٹائرڈ سعید الزماں صدیقی کو گورنر سندھ کے عہدے پر تعینات کیا گیا تھا تاہم خرابی صحت کی بنا پر وہ زیادہ عرصے تک اپنی ذمہ داریاں نہ نبھا سکے اور 12 جنوری کو انتقال کر گئے۔

  • سندھ کےنامزدگورنرمحمد زبیرعمرآج عہدےکاحلف اٹھائیں گے

    سندھ کےنامزدگورنرمحمد زبیرعمرآج عہدےکاحلف اٹھائیں گے

    کراچی:سندھ کےنامزد گورنرمحمود زبیر عمر آج صوبے کے 32ویں گورنرکی حیثیت سےعہدے کا حلف اٹھائیں گے۔

    تفصیلات کےمطابق صوبہ سندھ کے نامزد گورنرمحمد زبیرعمرآج صوبے کے 32ویں گورنر کی حیثیت سے حلف اٹھائیں گے،سندھ ہائیکورٹ کے چیف جسٹس سید سجاد علی شاہ گورنرسندھ سے عہدے کا حلف لیں گے۔

    نامزد گورنرسندھ کی حلف برداری کی تقریب 4بجےگورنرہاؤس میں ہوگی،جس میں وزیراعلیی سندھ سید مرادعلی شاہ اور کابینہ کے ارکان شرکت کریں گے۔

    محمد زبیرعمر 23مارچ 1956کوایبٹ آباد کے فوجی گھرانے میں پیدا ہوئے،انہوں نے ابتدائی تعلیم ایبٹ آباد اور راولپنڈی میں حاصل کی اور 1984 میں آئی بی اے کراچی سے پبلک ایڈمنسٹریشن میں ماسٹرزکی ڈگری حاصل کی۔

    انہوں نے2012 میں مسلم لیگ ن میں شمولیت اختیارکی اور پارٹی کے منشور کی تیاری میں معیشت اور ٹیکس ریفارمز کے شعبوں میں معاونت کی۔

    مسلم لیگ ن کے اقتدار میں آنے کےبعد محمد زبیرکو پہلے بورڈ آف انوسٹمنٹ کا چیئرمین اور دسمبر 2013میں نجکاری کمیشن کا سربراہ بنایاگیا۔

    محمد زبیر عمر 6بھائیوں میں چوتھے نمبر پرہیں،جبکہ ان کے چھوٹے بھائی اسد عمر تحریک انصاف کےرکن قومی اسمبلی ہیں۔

    واضح رہےکہ اس سےقبل جسٹس (ر) سعید الزماں صدیقی نے 11نومبر2016کو گورنر سندھ کے عہدے کا حلف اٹھایاتھا،تاہم خرابی صحت کی بنا پروہ زیادہ عرصے تک ذمہ داریاں نہ نبھاسکے اور 12جنوری کوانتقال کرگئے۔

  • ‘ٹرمپ کی حلف برداری سے کسی کو کوئی دلچسپی نہیں’

    ‘ٹرمپ کی حلف برداری سے کسی کو کوئی دلچسپی نہیں’

    واشنگٹن: امریکا کے نو منتخب صدر ڈونلڈ ٹرمپ کل صدارت کے عہدے کا حلف اٹھالیں گے۔ لیکن ان کی تقریب حلف برداری کے ٹکٹ فروخت کرنے والے آج کل سخت پریشانی سے دو چار ہیں۔ وجہ یہ ہے کہ کوئی بھی ان ٹکٹوں کو خریدنا نہیں چاہتا۔

    امریکا کے مقامی میڈیا کا کہنا ہے کہ اس بار صدر کی تقریب حلف برداری کے ٹکٹوں کی فروخت میں حد درجہ کمی دیکھی گئی۔ ’یوں لگتا ہے کسی کو صدر کی حلف برداری سے کوئی دلچسپی نہیں‘۔

    تصاویر: امریکا کے ارب پتی صدر ٹرمپ کا گھر

    ان ٹکٹوں کو فروخت کرنے والے افراد کا کہنا ہے کہ الیکشن سے قبل بہت سے افراد نے ان سے کہا تھا کہ وہ مذکورہ تقریب کے ٹکٹ ان سے خریدں گے۔ لیکن شاید ڈونلڈ ٹرمپ کی فتح ان کے لیے غیر متوقع تھی۔

    اب جبکہ فروخت کرنے والوں نے بہت سے ٹکٹ خرید کر اپنے پاس رکھ لیے، تو کوئی بھی امریکی ان ٹکٹوں پر اپنا پیسہ ضائع نہیں کرنا چاہتا اور ٹکٹ بیچنے والے بھاری نقصان سے دو چار ہوگئے۔

    مزید پڑھیں: ٹرمپ اہلیہ کے بغیر وائٹ ہاؤس جائیں گے

    یاد رہے کہ 8 سال قبل جب جنوری 2009 میں صدر اوباما نے اپنے عہدے کا حلف اٹھایا تھا تو اس تقریب میں 20 لاکھ لوگوں نے شرکت کی تھی۔

  • لاہور: نو منتخب میئر اور ڈپٹی میئرز نے حلف اٹھا لیا

    لاہور: نو منتخب میئر اور ڈپٹی میئرز نے حلف اٹھا لیا

    لاہور: صوبائی دارالحکومت لاہور کے لارڈ میئر اور نو ڈپٹی میئرز نے اپنے عہدوں کا حلف اٹھالیا۔ نو منتخب بلدیاتی عہدیداروں نے شہر کو ترقی کی راہ پر گامزن کرنے کا عزم بھی ظاہر کیا۔

    تفصیلات کے مطابق ناظمین کا نظام 16 سال بعد بدل گیا۔ لاہور کی ضلعی ایوان کے سامنے کرنل ریٹائرڈ مبشر جاوید نے لارڈ میئر کے عہدے کا حلف اٹھایا۔

    تقریب میں 8 ڈپٹی میئرز نے بھی اپنے عہدوں کا حلف اٹھایا۔ ڈپٹی میئر میاں طارق بیماری کے باعث تقریب میں تاخیر سے پہنچے۔

    تقریب روایتی ہلڑ بازی کا شکار ہوئی، تاہم ضلعی ایوان کے ممبران کا کہنا تھا کہ یہ ان کا جوش و جذبہ تھا۔

  • سندھ ہائیکورٹ کے 6مستقل ججز نے حلف اٹھالیا

    سندھ ہائیکورٹ کے 6مستقل ججز نے حلف اٹھالیا

    کراچی : سندہ ہائی کورٹ کے چھ ایڈیشنل ججز نے مستقل ججز کی حیثیت سے حلف اٹھا لیا،ججز سے حلف چیف جسٹس سجاد علی شاہ نے لیا۔

    تفصیلات کےمطابق شہر قائد میں سندھ ہائی کورٹ میں چھ ایڈیشنل ججز کی حلف برداری تقریب منعقد ہوئی چیف جسٹس سجاد علی شاہ نے چھ ایڈیشنل ججز سے حلف لیا۔

    سندھ ہائی کورٹ کے حلف اٹھانے والے نئے چھ ججز میں جسٹس محمد اقبال مہر،جسٹس خادم حسین ایم شیخ،جسٹس ذوالفقار احمد خان،جسٹس محمود احمدخان،جسٹس کریم خان آغا اور جسٹس فیصل کمال عالم شامل ہیں۔

    حلف برداری تقریب میں سندہ ہائی کورٹ کے ججز حضرات ایڈووکیٹ جنرل سندہ پراسیکیوٹر جنرل سندہ سمیت دیگر سینئیر وکلاء نے بھی شرکت کی۔

    واضح رہے سندہ ہائی کورٹ میں چھ ججز کی حلف برداری کے بعد مستقل ججز کی تعداد 37 ہوگئی ہے۔

  • فلپائن کی خاتون نائب صدر کی حلف برداری

    فلپائن کی خاتون نائب صدر کی حلف برداری

    منیلا: فلپائن کی نئی خاتون نائب صدر نے اپنے عہدے کا حلف اٹھالیا۔ ان کا عہد ہے کہ اپنے دور حکومت میں وہ بھوک کے خاتمے، صحت، تعلیم اور دیہی ترقی کے لیے کام کریں گی۔

    لینی روبریدو فلپائن کی 14ویں اور دوسری خاتون نائب صدر ہیں۔ انہوں نے اپنے حریف سابق ڈکٹیٹر فرڈیننڈ مارکوس کے بیٹے کو معمولی فرق سے شکست دی۔

    روبریدو کا کہنا ہے کہ وہ اپنے دور حکومت میں بھوک کے خاتمے، صحت اور تعلیم کے لیے کام کریں گی جبکہ دیہی ترقی ان کا خاص ہدف ہے۔ ان کا ارادہ ہے کہ وہ عہدہ صدارت میں اپنے دفتر کو مختلف دیہاتوں میں لے کر جائیں گی۔ کچھہ عرصہ وہ تمام چھوٹے چھوٹے گاؤں میں گزاریں گی تاکہ وہاں ہونے والی ترقیاتی سرگرمیوں کا خود معائنہ کر سکیں۔

    روبریدو کا موجودہ دفتر بھی منیلا کے مضافات میں کوئزن کے علاقہ میں واقع ہے جو ایک شہر کا ایک ترقی پذیر حصہ ہے۔ روبریدو نے اپنے عہدے کا حلف اسی دفتر میں اٹھایا۔

  • ملک رفیع رجوانہ نے گورنر پنجاب کے عہدے کا حلف اٹھالیا

    ملک رفیع رجوانہ نے گورنر پنجاب کے عہدے کا حلف اٹھالیا

    لاہور : ملک رفیع رجوانہ نے پنجاب کے چھتیسویں گورنر کی حیثیت سے عہدے کا حلف اٹھالیا،حلف برداری کی تقریب گورنر ہاؤس لاہور کے سبزہ زار میں منعقد ہوئی چیف جسٹس لاہور ہائیکورٹ منظور احمد ملک نے رفیق رجوانہ سے چھتیسویں گورنر کےعہدے کا حلف لیا۔

    اس موقع پر وزیراعلیٰ پنجاب میاں شہباز شریف ،سینیٹ مین قائد ایوان راجہ ظفر الحق، سینیٹراقبال ظفر جھگڑا ، نہال ہاشمی ،تہمینہ دولتانہ، وفاقی وزیر بلیغ الرحمان ، فاٹا ، پنجاب ، بلوچستان اور خیبر پختونخوا سے مختلف جماعتوں کے سینیٹرز ، اور دیگر قائدین بھی موجود تھے۔

    تقریب میں وکلاء اور مسلم لیگ ن کے کارکنوں کی بڑی تعداد نے شرکت کی، گورنر کے خاندان کے افراد بھی تقریب میں موجود تھے۔

    بعد ازاں نومنتخب گورنر پنجاب ملک رفیق رجوانہ نے لاہور میں حضرت داتا گنج بخش کے دربار پر حاضری دی اورپھولوں کی چادر چڑھائی۔

    گورنر ہاؤس پنجاب میں حلف برداری کی تقریب کے بعد گورنرملک رفیق رجوانہ کارکنوں کے ہمراہ داتا دربار حاضری کے لئے پہنچے جہاں انھوں نے پھولوں کی چادر چڑھائی اور فاتحہ خوانی کی۔

    اس موقع پر ان کے بیٹے ملک آصف رجوانہ بھی ان کے ہمراہ موجود تھے۔گورنر پنجاب نے داتا دربار میں حاضری کے موقع پرملک و قوم کی خوشحالی اور ترقی کے لئے خصوصی طور پر دعا مانگی۔

  • بھارت خوش فہمی میں نہ رہے،دفاع پر کوئی سمجھوتا نہیں ہوگا، دفترخارجہ

    بھارت خوش فہمی میں نہ رہے،دفاع پر کوئی سمجھوتا نہیں ہوگا، دفترخارجہ

    دفتر خارجہ پاکستان کے ترجمان نے کہا ہے کہ پاکستان اپنے دفاع پر سمجھوتا نہیں کرے گا، بھارت کسی خوش فہمی میں نہ رہے۔

    بھارتی وزیروں کے بے سرو پا بیانا ت پر رد عمل میں دفتر خارجہ سے جاری بیان میں کہا گیا ہے کہ پاکستان کے حوالے سے بھارتی وزراء کے بیانات بے نیاد ہیں اور ایسے بھڑکانے والے بیانات امن کے ماحول کیلئےسازگار نہیں ہیں، بھارت پاکستان کے حوالے سے کسی غلط فہمی کا شکار نہ رہے پاکستان اپنے دفاع کے حوالے سے کوئی سمجھوتہ نہیں کرے گا۔

  • نوازشریف اور نریندرمودی کی ملاقات خارج ازامکان نہیں، بھارتی دفترخارجہ

    نوازشریف اور نریندرمودی کی ملاقات خارج ازامکان نہیں، بھارتی دفترخارجہ

    نئی دہلی: بھارت کاکہناہے سارک سربراہی اجلاس کے موقع پر وزیراعظم نوازشریف اور بھارتی وزیراعظم کی ملاقات خارج ازامکان نہیں۔

    بھارتی دفترخارجہ کے ترجمان کاکہناہے بھارت پاکستان سے بامقصد مذاکرات چاہتاہے،سارک سربراہان سے ملاقاتوں کا شیڈول تیار کیا جارہا ہے، اٹھارہویں سارک سربراہی کانفرنس چبھیس اور ستائیس نومبرکو نیپال کے شہرکھٹمنڈومیں ہورہی ہے۔

    پاکستانی دفترخارجہ کے مطابق کانفرنس میں وزیر اعظم میاں نوازشریف وفد کے ہمراہ شرکت کریں گے،اس موقع پر وزیر اعظم سارک ممالک کےسربراہان سے بھی ملاقات کریں گے،سارک سربراہی کانفرنس کاموضوع امن ترقی اور خطےکے ممالک کے آپس میں تعلقات کو بہتر بنانا ہے۔

  • نریندرمودی کی حلف برداری میں بالی ووڈ ستارے بھی مدعو

    نریندرمودی کی حلف برداری میں بالی ووڈ ستارے بھی مدعو

    Moodi-01