Tag: حلیم عادل شیخ

حیدرآباد سکھرموٹروے سے متعلق پاکستان تحریک انصاف کے رہنما حلیم عادل شیخ کے بیان پر ترجمان سندھ حکومت کا ردعمل سامنے آگیا۔

اے آر وائی نیوز کے مطابق ترجمان سندھ حکومت سعدیہ جاوید نے کہا کہ جھوٹ پھیلانے اور نفرت کی سیاست کرنے میں آج بھی پہلا نمبر پی ٹی آئی کا ہے، حلیم عادل شیخ جھوٹ بول رہے ہیں کہ منصوبے کیلئے 360 ارب روپے رکھے۔

حقیقت یہ ہے پی ٹی آئی نے سندھ کیلئے کوئی ایک منصوبہ شروع یا منظور نہیں کیا، اگر یہ منصوبہ ایکنک سے منظور ہوتا تو حکومت کو انتظار نہ کرنا پڑتا۔

ترجمان سندھ حکومت سعدیہ جاوید کا مزید کہنا تھا کہ حیدرآباد سکھر موٹروے زمینوں کے اسکینڈل میں دونوں وفاق کے افسران ملوث تھے۔

انھوں نے کہا کہ سندھ حکومت کے محکمہ اینٹی کرپشن نے ایک وفاق کے افسر کو گرفتار کیا، کرپشن میں ملوث دوسرا وفاقی افسر ملک سے فرار ہوگیا۔

کراچی : تحریک انصاف کے رہنما حلیم عادل شیخ کے ڈرائیور کو قتل کردیا گیا ، ،پولیس کا کہنا ہے کہ بظاہر مقتول کو جسم پر دو گولیاں مار کر قتل کیا گیا۔

تفصیلات کے مطابق کراچی میں سپر ہائی وے چاکر ہوٹل آغا خیل روڈ کے قریب فائرنگ سے ایک شخص جاں بحق ہوگیا۔

ریسکیو حکام نے بتایا مقتول کی شناخت سے 45 سالہ شاہ نوازکے نام سے ہوئی۔

پولیس کا کہنا تھا کہ مقتول شاہ نواز پی ٹی آئی رہنما حلیم عادل شیخ کا ڈرائیور اور جنجال گوٹھ کا رہائشی ہے، مقتول صبح چار بجے گھر سے نکلا ہے اور صبح 6 بج کر50منٹ پر اس کی لاش سڑک کنارے سے ملی ہے۔

پولیس نے کہا کہ بظاہر مقتول کو جسم پر دو گولیاں مار کر قتل کیا گیا شبہ ہے کہ مقتول کو نامعلوم مسلح ملزمان نے کسی اور مقام پر قتل کیا گیا اور لاش سپرہائیوے چاکر ہوٹل آکا خیل گراونڈ کے قریب پھینک کر فرار ہوئے۔

عباسی اسپتال میں ضابطے کی کارروائی کے بعد لاش ورثاء کے حوالے کردی گئی ہے اور واقعے کی مزید تفتیش کی جا رہی ہے۔

سکھر : پاکستان تحریک انصاف کے رہنما نے حلیم عادل شیخ نے مرادعلی شاہ سے مستعفیٰ ہونے کا مطالبہ کرتے ہوئے کہا اگرسندھ کاامن و امان بحال نہ ہواتو لانگ مارچ کریں گے۔

تفصیلات کے مطابق پاکستان تحریک انصاف کے رہنما حلیم عادل شیخ پنو عاقل میں مغوی بچے حسین آرائیں کے گھر پہنچے۔

اس موقع پر انھوں نے میڈیا سے گفتگو میں  کہا کہ وزیر اعلیٰ نوٹس نوٹس بندکریں عملی قدم اٹھائیں، سفارشی ایس ایس پی اور فرمائشی ایس ایچ او لگائے جا رہے ہیں۔

رہنما پی ٹی آئی کا کہنا تھا کہ گزشتہ 14 ماہ میں 2 ہزار کےقریب افراداغوا ہوئے ہیں، دیگر اضلاع سے آنیوالےایس ایچ اور ڈاکوؤں کےگینگ ساتھ لاتے ہیں جبکہ کلفٹن میں اگر کسی کا کتا گم ہوجائے تو جیو فینسنگ کی جاتی ہے۔

انھوں نے کہا کہ سندھ کے حکمران پکے کےڈاکو ہیں جوکچےکےڈاکوؤں کی سرپرستی کر رہے ہیں، ماں کی گودسے ڈاکو بچے کو چھین کر لے گئے ، کچےمیں14ماہ میں1900لوگ اغوا ہوئے۔

حلیم عادل کا مزید کہنا تھا کہ الیکشن کے بعد وارداتوں میں تیزی آگئی کیا الیکشن کاخرچہ نکالاجا رہا ہے ، پکے کے ڈاکوؤں نے کچے کے ڈاکوؤں کو چھوٹ دے رکھی ہے۔

پی ٹی آئی کے رہنما نے کہا کہ سندھ صوفیوں کی دھرتی ڈاکوؤں کی دھرتی بن گئی ہے، سندھ کو بدامنی میں دھکیلنے والے مراد علی شاہ کومستعفی ہوجاناچاہیے، اگرسندھ کاامن و امان بحال نہ ہواتو لانگ مارچ کریں گے۔

ان کا کہنا تھا کہ آئی ایم ایف کے پلان پر عمل کیا گیا تو مہنگائی کا طوفان آئے گا۔

رہنما نے خبردار کیا کہ اگربانی پی ٹی آئی کورہانہیں کیاگیاتوعوام اڈیالہ سےانہیں نکال لیں گے۔

کراچی : سندھ اسمبلی میں پی ٹی آئی کے رہنما حلیم عادل شیخ کو اپوزیشن لیڈر سے ہٹانے کےلئے لابنگ شروع کردی گئی، ایوان میں پی ٹی آئی کے 30 ارکان تھے ، جس میں سے4 منحرف ہوچکے ہیں۔

تفصیلات کے مطابق سندھ میں نگراں حکومت کے قیام میں پی ٹی آئی کا کردار ختم کرنے کی کوششیں جاری ہے، سندھ اسمبلی میں پی ٹی آئی کا اپوزیشن لیڈر ہٹانے کے لئے بھاگ ڈور شروع کردی گئی۔

ذرائع نے بتایا کہ حلیم عادل شیخ کو اپوزیشن لیڈر سے ہٹانے کےلئے لابنگ شروع ہوگئی ہے ، ایم کیو ایم نے مؤقف میں کہا ہے کہ خاتون رعنا انصار کو اپوزیشن لیڈر بناکر تاریخ رقم کرنا چاہتے ہیں۔

دوسری جانب جی ڈی اے نے اپنے مؤقف میں کہا ہے کہ اقلیتی یا خاتون رکن اسمبلی کو ہم بھی اپوزیشن لیڈر بنا سکتے ہیں، ہم نے ایم کیو ایم کوسینیٹ میں ووٹ دیا جس کی وجہ سےٹیکنوکریٹ نشست جیتی۔

جی ڈی اے نے ایم کیو ایم کو پیغام دیا ہے کہ اب وقت آگیا ہے ہمارا احسان اتارا جائے جبکہ ذرائع کا کہنا ہے کہ پیپلز پارٹی چاہتی ہے موجودہ اپوزیشن لیڈرکو آئینی طریقے سے ڈی نوٹیفائی کیا جائے۔

ایوان میں پی ٹی آئی کے 30ارکان تھے ،4 منحرف ہوچکے اور اب 26 کی حمایت ہے جبکہ ایم کیو ایم کے پاس 21 اور جی ڈی اے کے پاس 14 ارکان ہیں۔

ذرایع کے مطابق وزیراعلیٰ سندھ اور اپوزیشن لیڈر نگراں حکومت کا چناؤ کریں گے۔

کراچی: سندھ ہائی کورٹ نے 3 دن تک پی ٹی آئی رہنما حلیم عادل شیخ کو کسی بھی گمنام ایف آئی آر میں گرفتار کرنے سے روک دیا۔

پی ٹی آئی رہنما اور قائد حزب اختلاف سندھ اسمبلی حلیم عادل شیخ کی ممکنہ گرفتاری کے خلاف سندھ ہائیکورٹ میں درخواست دائر کی گئی۔

حلیم عادل شیخ کے بیٹے حسن عادل شیخ نے راج علی واحد ایڈووکیٹ کے توسط سے درخواست دائر کی جس میں آئی جی سندھ کو فریق بنایا گیا ہے۔

درخواست گزار نے کہا کہ پی ٹی آئی رہنماؤں کے خلاف کریک ڈاون جاری ہے اس لیے حلیم عادل شیخ روپوش ہیں، حلیم عادل شیخ کے خلاف جتنے مقدمات کا علم ہے ان میں ضمانت حاصل کر چکے ہیں۔

جسٹس عمر سیال پر مشتمل سنگل بینچ نے حلیم عادل شیخ کو ممکنہ گرفتاری سے روکتے ہوئے نوٹس جاری کردیے۔

عدالت نے کہا کہ تین دن تک حلیم عادل شیخ کو کسی بھی گمنام ایف آئی آر میں گرفتار نہ کیا جائے۔