ARYNews.tv | Urdu – Har Lamha Bakhabar

Tag: حماس اسرائیل

  • غزہ میں حماس کے جانباز اسرائیلی فوجیوں کو کن ہتھیاروں سے نشانہ بنا رہے ہیں؟ وار مانیٹرز کا انکشاف

    غزہ میں حماس کے جانباز اسرائیلی فوجیوں کو کن ہتھیاروں سے نشانہ بنا رہے ہیں؟ وار مانیٹرز کا انکشاف

    وار مانیٹرز نے انکشاف کیا ہے کہ غزہ شہر کے مضافات میں اسرائیلیوں کو اسنائپر فائر، راکٹ اور دھماکا خیز مواد سے نشانہ بنایا گیا۔

    الجزیرہ کے مطابق امریکی این جی او اور تھنک ٹینک ’’انسٹیٹیوٹ فار دی اسٹڈی آف وار‘‘ (ISW) نے ایک رپورٹ میں کہا ہے کہ حماس اور فلسطینی اسلامی جہاد (PIJ) کے جنگجوؤں نے جمعہ کے روز غزہ شہر کے علاقے تل الحوا میں اسرائیلی فورسز پر اسنائپر فائر، راکٹ سے چلنے والے دستی بموں اور طاقت ور دھماکا خیز مواد سے حملہ کیا۔

    امریکا میں قائم انسٹی ٹیوٹ اور کریٹیکل تھریٹس پروجیکٹ (CTP) کی رپورٹ کے مطابق اسلامی جہاد کے جنگجوؤں نے غزہ شہر کے جنوب میں واقع نصریم کوریڈور (Netzarim Corridor) کے ساتھ ساتھ تعینات اسرائیلی فورسز کو مارٹر گولہ باری سے نشانہ بنایا۔

    کملا ہیرس نے غزہ پر لہجہ بدل دیا، لیکن فلسطینی حقوق کے وکلا نے اسے ناکافی قرار دے دیا

    واضح رہے کہ اسرائیلی فورسز نے جنوبی غزہ کے خان یونس اور رفح شہروں میں ’’کلیئرنگ آپریشن‘‘ جاری رکھا ہوا ہے، اسرائیل کی فضائیہ کا کہنا ہے کہ اس نے جمعہ اور ہفتہ کی درمیانی شب اس پٹی میں اہداف پر 45 حملے کیے۔

    فلسطینی اسلامی جہاد کے جنگجوؤں نے جنوبی اسرائیل کے ساحلی شہر عصقلان (Ashkelon) راکٹوں بارش بھی کی، تاہم اسرائیلی حکام نے کہا کہ ایک میزائل کو روک لیا گیا اور باقی کھلے علاقوں میں گرے، جن سے کوئی مالی یا جانی نقصان نہیں ہوا۔

  • امکان روشن، حماس اور اسرائیل کے مابین جنگ بندی مذاکرات سے متعلق اہم خبر

    امکان روشن، حماس اور اسرائیل کے مابین جنگ بندی مذاکرات سے متعلق اہم خبر

    دوحہ: قطر میں حماس اور اسرائیل کے درمیان جنگ بندی کے لیے مذاکرات شروع ہو گئے ہیں، جو دو ہفتے تک جاری رہیں گے۔

    غزہ میں جنگ بندی کے سلسلے میں حماس اور اسرائیل کے درمیان جاری ڈیڈ لاک ختم ہونے کا امکان روشن ہو گیا ہے، الجزیرہ کے مطابق حماس اور اسرائیل کے مابین جنگ بندی مذاکرات شروع ہو گئے، جنگ بندی کے لیے امریکی وزیر خارجہ انٹونی بلنکن ایک بار پھر مشرق وسطیٰ کا دورہ کریں گے۔

    انٹونی بلنکن کل سعودی عرب پہنچیں گے اور پھر مصر جائیں گے، ثالثی کا کردار ادا کرنے والے قطر کا کہنا ہے کہ حماس اور اسرائیل کے درمیان بالواسطہ بات چیت کے آغاز کے بعد وہ غزہ میں جنگ بندی کے لیے پر امید ہے۔

    واضح رہے چند ہفتے قبل حماس اسرائیل مذاکرات کے سلسلے میں قطر کا بیان اس سے بہت مختلف تھا، قطر کی جانب سے کہا گیا تھا کہ وہ جنگ بندی مذاکرات کے سلسلے میں زیادہ پر امید نہیں ہے۔ اب ترجمان نے کہا ہے کہ مذاکرات جاری ہیں لیکن نتائج کی پیش گوئی نہیں کی جا سکتی، اور کسی بھی نتائج کے بارے میں بات کرنا قبل از وقت ہے۔

    الجزیرہ کے مطابق مذاکرات کے سلسلے میں قطر میں موجود موساد کے ڈائریکٹر ڈیوڈ بارنیا تل ابیب واپس پہنچ گئے ہیں، اور اسرائیل کی حکومت آج جنگی کابینہ کا اجلاس منعقد کرے گی، جس میں دوحہ میں پیش کی جانے والی تجاویز اور جوابی تجاویز پر غور کیا جائے گا۔

    دوسری طرف اسرائیلی وزیر اعظم نیتن یاہو نے امریکی صدر جو بائیڈن کے ساتھ پیر کو فون پر گفتگو میں اپنی ہٹ دھرمی برقرار رکھی، نیتن یاہو نے امریکی صدر پر ’’انتہائی واضح‘‘ کیا کہ اسرائیل جنوبی غزہ میں رفح میں حماس بٹالین کے ’خاتمے کے لیے پرعزم ہے۔‘

    الجزیرہ کے مطابق رمضان میں بھی صہیونی فورسز جارحیت سے باز نہیں آئیں، سحر ہو یا افطار اسرائیلی فوج کی جانب سے غزہ میں بمباری جاری ہے، گزشتہ چوبیس گھنٹوں میں اسرائیلی جارحیت سے مزید 93 فلسطینی شہید ہو گئے۔ 7 اکتوبر سے غزہ پر اسرائیلی حملوں میں کم از کم 31,819 فلسطینی شہید اور 73,934 زخمی ہو چکے ہیں۔

  • حماس اور اسرائیل کے درمیان جنگ بندی کے لیے عالمی سربراہان پھر متحرک

    حماس اور اسرائیل کے درمیان جنگ بندی کے لیے عالمی سربراہان پھر متحرک

    حماس اور اسرائیل کے درمیان جنگ بندی کے لیے ایک بار پھر عالمی سربراہان متحرک ہو گئے۔

    غیر ملکی میڈیا رپورٹس کے مطابق فرانسیسی صدر ایمانوئل میکرون آج قطر کا دورہ کریں گے، اور امیر قطر سے ملاقات میں جنگ بندی اور غزہ کی صورت حال پر بات کریں گے۔

    فرانسیسی صدر نے خبردار کیا ہے کہ اسرائیل کی جانب سے حماس کو ختم کرنے کا مقصد ایک دہائی تک جاری رہنے والی لڑائی کا سبب بن سکتا ہے، موجودہ صورت حال میں دیرپا فائر بندی اور تمام یرغمالیوں کی رہائی کے لیے کوششوں کو دگنا کرنے کی ضرورت ہے۔ قطر نے کہا کہ وہ ایک نئے معاہدے کی تلاش میں رہے گا، لیکن اس نے متنبہ کیا ہے کہ دشمنی کا دوبارہ آغاز معاملات کو پیچیدہ بنا رہا ہے۔

    اسرائیل سے مذاکرات، حماس نے دو ٹوک اعلان کر دیا

    ادھر اسرائیل کی ہٹ دھرمی برقرار ہے، مذاکرات کے لیے تیار نہیں، اسرائیل نے قطر سے مذاکراتی ٹیم بھی واپس بلا لی ہے، حماس نے بھی کہا ہے کہ جب تک بمباری روکی نہیں جاتی مذاکرات نہیں ہو سکتے۔ تاہم دوسری جانب امریکا کی جانب سے اسرائیل پر جنگ بندی کے لیے دباؤ بڑھایا جا رہا ہے۔

    تین روز میں 300 سے زائد فلسطینی شہید، خان یونس سے بھی فلسطینیوں کو نکل جانے کا حکم

    امریکی نائب صدر کملا ہیرس نے کہا ہے کہ غزہ میں بہت سے بے گناہ فلسطینی مارے گئے ہیں اور وہاں سے آنے والی تصاویر اور ویڈیوز تباہ کن ہیں۔

  • دنیا بھر کے شہری اب غزہ کے مظلوموں کے لیے مستقل جنگ بندی کا مطالبہ کرنے لگے

    دنیا بھر کے شہری اب غزہ کے مظلوموں کے لیے مستقل جنگ بندی کا مطالبہ کرنے لگے

    امریکی و برطانوی شہروں سمیت دنیا بھر میں غزہ کے مظلوموں کے لیے احتجاج جاری ہے، دنیا بھر کے شہری اب غزہ کے مظلوموں کے لیے مستقل جنگ بندی کا مطالبہ کرنے لگے ہیں۔

    غیر ملکی میڈیا رپورٹس کے مطابق نیویارک، سان فرانسسکو، لندن، صنعا، دوحہ، عمان سمیت دنیا بھر کے شہروں میں غزہ کے مظلوموں سے اظہار یکجہتی اور انھیں امن کی فراہمی کے لیے احتجاج کیا جا رہا ہے۔

    گزشتہ روز امریکی شہر نیویارک کے ٹائمز اسکوائر پر فلسطین کی حمایت میں احتجاج کیا گیا، مظاہرین نے فلسطینیوں کا قتل عام اور نسل کشی بند کرنے کا مطالبہ کیا، شہر سان فرانسیسکو میں بھی نسل کشی اور اسرائیل کو ہتھیاروں کی فراہمی بند کروانے کے بینرز تھامے مظاہرین نے صدائے احتجاج بلند کیا۔

    لندن میں بھی مظلوم فلسطینیوں کے حق میں مظاہرین نے اسرائیلی جارحیت کے خاتمے کے لیے مسلسل احتجاج کا اعلان کر دیا ہے، لندن کے شاپنگ مال میں مظاہرین کفایہ سے منہ ڈھانپے علامتی میت بن کر لیٹ گئے۔

    غزہ جنگ میں وقفے کا دوسرا دن، آج بھی حماس اور اسرائیلی فورسز قیدیوں کو رہا کریں گے

    یمن کے دارالحکومت صنعا میں ہزاروں شہری فلسطینیوں کے حق میں سڑکوں پر نکل آئے، اور غزہ کے بہادر بیٹوں اور بیٹیوں کے حق میں مظاہرے کہے اور غزہ میں مستقل جنگ بندی کا مطالبہ کیا، مظاہرین نے ’ہم غزہ کے ساتھ ہیں، اسرائیل فلسطین میں نہتے شہریوں کا قتلِ عام بند کرے‘ کے نعرے لگائے۔

    قطر کے دارالحکومت دوحہ میں غزہ کی حمایت میں بھی احتجاجی ریلی میں مظاہرین نے فلسطینیوں کی نسل کشی اور قتل عام بند کرنے اور مستقل جنگ بندی کا مطالبہ کیا، اردن کے شہر عَمان میں کی سڑکوں پر فلسطین کی آزادی کے نعرے بلند ہوئے، اور ہزاروں مظاہرین نے ریلی نکالی۔

  • بھارت میں اسرائیلی سفیر کے گھر کی سیکیورٹی بڑھا دی گئی

    بھارت میں اسرائیلی سفیر کے گھر کی سیکیورٹی بڑھا دی گئی

    نئی دہلی: بھارتی دارالحکومت میں اسرائیلی سفارت خانے اور سفیر کے گھر کی سیکیورٹی بڑھا دی گئی۔

    بھارتی میڈیا رپورٹس کے مطابق اسرائیل اور حماس کے درمیان لڑائی کے بعد دہلی میں انٹیلیجنس ان پٹ ملنے پر دہلی میں واقع اسرائیلی سفارت خانے اور سفیر کے گھر پر پہرہ سخت کر دیا گیا ہے۔

    الرٹ ملنے کے بعد دہلی پولیس متحرک ہو گئی ہے، اسرائیل یا اس کی ثقافت سے متعلق ہر چیز پر سخت پہرہ لگا دیا گیا ہے، پولیس نے پہاڑ گنج میں واقع یہودیوں کے مذہبی مقام چباد ہاؤس پر بھی سیکیورٹی میں اضافہ کر دیا۔

    حماس کے جانبازوں نے اسرائیل کو تگنی کا ناچ نچا دیا، سو فوجیوں سمیت 1000 اسرائیلی ہلاک

    رپورٹس کے مطابق غزہ کی پٹی اور اسرائیل میں جنگ کے حالات جب بھی پیدا ہوتے ہیں تو بھارت میں ماضی میں کچھ ناخوش گوار واقعات کے سبب اسرائیل سے وابستہ مقامات پر سیکیورٹی میں اضافہ کر دیا جاتا ہے۔

    2012 میں نئی دہلی کے علاقے میں واقع اسرائیلی سفارت خانے کی گاڑی کو بم سے اڑا دیا گیا تھا، اس کے بعد 29 جنوری 2021 کو اسرائیلی سفارت خانے کے قریب آئی ای ڈی دھماکا کیا گیا تھا۔