Tag: حماس کے سربراہ اسماعیل ہنیہ

غزہ : حماس کے سربراہ اسماعیل ہنیہ کا خاندان بھی اسرائیلی حملے میں شہید ہوگیا ، شہید ہونے والوں میں بیٹوں، بیٹی، پوتے اور پوتیوں سمیت چودہ افراد شامل ہیں۔

تفصیلات کے مطابق اسرائیلی حملے میں حماس کے سربراہ اسماعیل ہنیہ کا گھرانہ شہید ہوگیا، شہید ہونے والوں میں بیٹوں، بیٹی، پوتے اور پوتیوں سمیت چودہ افراد شامل ہیں۔

ان میں ایک بیٹا وہ بھی ہے، جس نے صرف چالیس دن میں قرآن حفظ کیا تھا، اسرائیلی فوج کا دعویٰ ہے کہ گزشتہ رات غزہ پر حملے میں حماس کے اہم کمانڈرایمن بھی جان سے گئے۔۔

اسرائیلی فوج کا کہنا ہے حماس کے پاس صرف دو آپشن ہیں یا تو مر جائیں یا ہتھیار ڈال دیں۔

خیال رہے اسرائیلی کی وحشیانہ بمباری سے شہید فلسطنیوں کی تعداد ساڑھے تین ہزار سے تجاوز کرگئی جبکہ تیرہ ہزار سے زائد زخمی ہیں اور سیکڑوں فلسطینی اب بھی تباہ شدہ عمارتوں کے ملبے تلے ہیں۔

صبح سویرے اسرائیل فضائیہ نے ابراج کے علاقہ میں تین رہائشی عمارتوں کو نشانہ بنایا، جس سے عمارتیں ملبے کا ڈھیر بن گئیں، خان یونس میں آبادی پر میزائل برسائے جبکہ نورشمس کیمپ پر بمباری کی۔

اسرائیلی فوج نے غزہ کی بندرگاہ کے قریب بارہ فلسطینیوں کو بھی نشانہ بنایا، غزہ میں القدس اسپتال کےاطراف بمباری کی اور الشفا اسپتال کے نواحی علاقے کوبھی نشانہ بنایا گیا،

غزہ: حماس کے سربراہ اسماعیل ہنیہ نےاسپتال پر اسرائیلی بمباری کا ذمہ دار براہ راست امریکہ کو قرار دے دیا اور اپیل کی دنیا اسرائیلی قبضے کے خلاف اٹھ کھڑے ہوں۔

تفصیلات کے مطابق حماس رہنمااسماعیل ہنیہ نے اسرائیل کے اسپتال پر حملے کے بعد اپنے بیان میں کہا کہ غزہ کے اسپتال پر مہلک اسرائیلی حملے کا ذمہ دار امریکا ہے، امریکا نے اسرائیلی جارحیت کو تحفظ فراہم کیا ہے۔

اسماعیل ہنیہ کا کہنا تھا کہ امریکا نے اسرائیل کو پوری طرح سہارا اور تحفظ دے رکھا ہے، اس کی وجہ سے اسرائیل اندھا دھند کبھی گھروں، مسجدوں، اسکولوں پر اور ہسپتالوں پر بھی بمباری کر رہا ہے۔

حماس کے سربراہ نے کہا کہ ہمارا دشمن درحقیقت اپنی شکست دیکھ چکا ہے اور بوکھلا کر ایسا کر رہا ہے، اس حملے نے اسرائیل کی بربریت اور اس کی شکست کی تصدیق کردی ہے۔

انھوں نے دنیا بھر کے مسلمانوں اور فلسطینی سے اپیل کی ہے کہ وہ اسرائیلی قبضے کے خلاف اٹھ کھڑے ہوں اور اسرائیل کے خلاف احتجاج میں شامل ہو، رام اللہ میں ہزاروں افرادسڑکوں پرنکل آئے ہیں۔

خیال رہے غزہ کے العہلی عرب اسپتال پر اسرائیلی بمباری سے شہید فلسطینیوں کی تعداد 800 سے تجاوز کرگئی، خوفناک بمباری میں خواتین، بچے، ڈاکٹرز اور اسٹاف شامل ہیں۔

فلسطینی محکمہ صحت کے مطابق شہادتوں میں اضافے کا خدشہ ہے، بمباری میں مریضوں کے ساتھ بڑی تعداد میں ڈاکٹرز اور میڈیکل اسٹاف بھی شہید ہوئے۔