Tag: حمزہ شہباز شریف

لاہور: پنجاب اسمبلی میں قائد حزب اختلاف اور پاکستان مسلم لیگ ن کے رہنما حمزہ شہباز شریف کے پروڈکشن آرڈر جاری کر دیے گئے۔

تفصیلات کے مطابق حمزہ شہباز شریف کے پروڈکشن آرڈر اسپیکر پنجاب اسمبلی چوہدری پرویز الہیٰ نے جاری کر دیے۔ پروڈکشن آرڈر کل سے شروع پنجاب اسمبلی کے اجلاس کے لیے جاری کیےگئے۔

پنجاب اسمبلی کا اجلاس کل سہ پہر 2 بجے شروع ہوگا۔اجلاس کی صدارت اسپیکر چوہدری پرویز الٰہی کریں گے۔

اس سے قبل گزشتہ ماہ 2 جون کو اسپیکر پنجاب اسمبلی چوہدری پرویز الہیٰ نے اپوزیشن لیڈر حمزہ شہباز شریف کے پروڈکشن آرڈر جاری کیے تھے۔

اسپیکر پنجاب اسمبلی نے بجٹ اجلاس میں شرکت کے لیے اپوزیشن لیڈر حمزہ شہباز شریف کے پروڈکشن آرڈر جاری کیے تھے۔

واضح رہے کہ اپوزیشن لیڈر پنجاب اسمبلی پر آمدن سے زائد اثاثے، رمضان شوگر ملز اور صاف پانی کیس کے مقدمات ہیں۔حمزہ شہباز کو منی لانڈرنگ اور آمدن سے زائد اثاثوں سے متعلق مقدمات میں 11 جون 2019 کو گرفتار کیا گیا تھا۔

لاہور: اپوزیشن لیڈر پنجاب اسمبلی حمزہ شہباز شریف نے کہا ہے کہ پاکستان تاریخ کے نازک موڑ سے گزر رہا ہے، سیاست دانوں کو برا کہنا قوم کے لیے لمحۂ فکریہ ہے۔

تفصیلات کے مطابق ن لیگی رہنما حمزہ شہباز ماڈل ٹاؤن لاہور میں پریس کانفرنس سے خطاب کر رہے تھے، انھوں نے کہا سیاست دانوں کو برا کہنا قوم کے لیے لمحۂ فکریہ ہے، لوگوں کو بد نام کرنے کی کوششیں کی جا رہی ہیں۔

حمزہ شہباز نے کہا کہ نیب چیئرمین کے انٹرویو کے بعد میری ساری باتوں پر مہرِ تصدیق لگ چکی ہے، نیب نیازی گٹھ جوڑ ہے، چیئرمین نیب خود سوال نامہ ترتیب دیتے ہیں۔

انھوں نے کہا کہ آج معروف صحافی بھی گواہی دیتے ہیں، چیئرمین نیب کہتے ہیں حمزہ شہباز بینچ کے پیچھے چھپ رہا ہے، چیئرمین نیب صاحب، قیامت کے دن میرا ہاتھ اور آپ کا گریبان ہوگا۔

اپوزیشن لیڈر نے کہا کہ چیئرمین نیب کوئی ثبوت لے آئے تو میں استعفیٰ دے دوں گا، نیب کچھ ثابت نہ کر سکا تو چیف جسٹس سے درخواست کروں گا چیئرمین نیب کے انٹرویو پر ایک لارجر بینچ بنایا جائے۔

یہ بھی پڑھیں:  ساہیوال: سرکاری اسپتال کے چلڈرن وارڈ میں 24 گھنٹے میں 8 بچے جاں بحق

حمزہ کا کہنا تھا کہ معیشت ڈوب گئی ہے، آنے والا بجٹ قاتل بجٹ ہوگا، کل عبد الحفیظ شیخ کے ہاتھ پاؤں پھولے ہوئے تھے، ان کے پاس راستہ دکھانے والا کوئی نہیں، معیشت کا بیڑہ غرق کرانے میں نیب کا نام سر فہرست ہوگا، جی ڈی پی گروتھ 3 فی صد رہ گئی ہے، اسٹاک مارکیٹ کا شمار دنیا کی 5 بہترین ممالک میں ہوتا تھا۔

دریں اثنا، ساہیوال کے ڈی ایچ کیو اسپتال میں 8 بچوں کی اموات پر حمزہ شہباز نے حکومت پنجاب کی مذمت کی، کہا نومولود بچوں کی اموات پر حکومتی کارکردگی کا پول کھل گیا ہے، شہباز شریف کی 10 سالہ محنت کا 10 ماہ کی تبدیلی نے بیڑہ غرق کر دیا، ان کے دور میں کسی سرکاری اسپتال میں ایک بھی افسوس ناک واقعہ نہیں ہوا، بچوں کی اموات حکومت کی نا اہلی کا نتیجہ ہے۔

عظمیٰ بخاری نے کہا کہ یاسمین راشد پنجاب میں صحت کا شعبہ چلانے میں نا کام ہو چکی ہیں، یاسمین راشد کو اخلاقی طور پر اپنے عہدے سے استعفیٰ دے دینا چاہیے۔

لاہور: پنجاب اسمبلی میں قائد حزب حمزہ شہباز نے وزیر خزانہ اسد عمر کے استعفے پر رد عمل ظاہر کرتے ہوئے کہا ہے کہ غریبوں کے منہ سے روٹی چھیننے کے بعد استعفیٰ قوم سے مذاق ہے۔

تفصیلات کے مطابق وزیر خزانہ اسد عمر کے اپنے عہدے سے استعفے کے اعلان کے بعد ن لیگی رہنما حمزہ شہباز نے اسے مہنگائی میں پھنسی قوم کے ساتھ مذاق قرار دیا۔

حمزہ شہباز نے اپنے بیان میں کہا کہ ان 9 ماہ میں ملک کا کباڑہ کر کے ہزاروں ارب قرض بڑھایا جا چکا ہے، لاکھوں گھروں کے چولھے بجھ گئے ہیں، دوائیں مہنگی ہو گئی ہیں، نیازی صاحب اور ان کی ٹیم پر کیا اثر پڑا؟

اپوزیشن لیڈر پنجاب اسمبلی نے وزیرِ اعظم سے مطالبہ کیا کہ نا اہلی پر وہ مستعفی ہو جائیں، وزیر خزانہ کا غریبوں کے منہ سے روٹی چھیننے کے بعد استعفیٰ قوم سے مذاق ہے، کابینہ نالائقوں کا ٹولہ ہے۔

یہ بھی پڑھیں:  اسد عمرنے وزارت خزانہ چھوڑدی، کوئی نئی وزارت نہیں لیں گے

انھوں نے کہا کہ کھلاڑی بدلنے سے معاشی میچ جیتا نہیں جا سکتا، کپتان بدلنا پڑے گا، اسد عمر کا استعفیٰ عمران خان کی نا اہلی کا اعتراف ہے، اسد عمر تمام اقدامات عمران خان کو اعتماد میں لے کر کرتے تھے۔

حمزہ شہباز کا کہنا تھا کہ اپوزیشن کو رگڑے کے چکر میں معیشت اور عوام کو رگڑا لگایا گیا، حکومتی نا اہلی کا خمیازہ بد قسمتی سےغریب عوام کو ادا کرنا پڑ رہا ہے، لیڈر کو معاملات کی سوجھ بوجھ نہ ہو تو ٹیم کا رد و بدل بے سود ہوتا ہے۔

لاہور: پاکستان مسلم لیگ ن کے رہنما حمزہ شہباز شریف نے کہا ہے کہ انھیں پاکستان کی معیشت بیٹھ جانے کا خوف لاحق ہو گیا ہے۔

تفصیلات کے مطابق ن لیگی رہنما حمزہ شہباز نے اپنے وکلا سے طویل مشاورت کے بعد میڈیا سے گفتگو کرتے ہوئے کہا کہ وہ نہ عدالتوں سے گھبراتے ہیں کہ گرفتاری سے ڈرتے ہیں۔

حمزہ شہباز نے اپنا مؤقف پھر دہراتے ہوئے کہا کہ انھوں نے جو کچھ کیا ہے قانون کے مطابق کیا ہے، انھیں بس خوف پاکستان کی معیشت کے بیٹھ جانے کا ہے۔

پنجاب اسمبلی میں اپوزیشن لیڈر حمزہ شہباز کا کہنا تھا کہ اس وقت ملک کے جو حالات ہیں ان میں اللہ کے سوا کوئی مدد کرنے والا نہیں ہے۔

تفصیل پڑھیں:  حمزہ شہباز کی عبوری ضمانت میں 25 اپریل تک توسیع

خیال رہے کہ آج لاہور ہائی کورٹ نے حمزہ شہباز کی عبوری ضمانت میں 25 اپریل تک توسیع کر دی ہے، ہائی کورٹ نے توہین عدالت کی درخواست پر ڈی جی نیب کو نوٹس بھی جاری کیا۔

حمزہ شہباز آج رمضان شوگر ملز اور صاف پانی کیس میں ضمانتوں کی درخواستوں کے سلسلے میں پیش ہوئے تھے، عدالت میں نیب کا مؤقف تھا کہ حمزہ نے گزشتہ روز نیب میں پیشی پر کسی سوال کا جواب نہیں دیا، عدالت میں نیب کی جانب سے ریکارڈ فراہم کیا جا چکا، اس لیے ضمانت میں مزید توسیع نہ کی جائے۔

لاہور: مسلم لیگ ن کے رہنما حمزہ شہباز شریف نیب پر برس پڑے، کہا کل تین گھنٹے نیب دفتر میں بیٹھ کر آیا ہوں، اب پھر بلایا جا رہا ہے۔

تفصیلات کے مطابق حمزہ شہباز نے میڈیا سے گفتگو کرتے ہوئے کہا ’کل تین گھنٹے نیب میں بیٹھ کر آیا ہوں، اب پھر بلایا جا رہا ہے، میری بہنوں اور بیمار والدہ کو بھی نوٹس بھیج دیا گیا، کیا مہذب معاشرے میں ماں بیٹیوں کو نوٹس بھیجے جاتے ہیں۔‘

حمزہ شہباز نے کہا ’نیب نے عدالت میں کہا کہ حمزہ شہباز کی گرفتاری اتنی ضروری نہیں، وہ تعاون کر رہے ہیں۔‘

لیگی رہنما کا کہنا تھا کہ ایک کال اپ نوٹس کی سیاہی خشک نہیں ہوئی اور اب ان کی بہنوں رابعہ اور جویریہ کو بھی نوٹس بھیج دیا گیا ہے، شہباز شریف کو صاف پانی کیس میں بلایا گیا اور گرفتار آشیانہ اسکینڈل میں کیا گیا، کہتے تھے شہباز شریف کرپٹ ہیں، کہاں گئیں وہ 56 کمپنیاں، ان کے خلاف کچھ بھی ثابت نہیں ہوا، اثاثوں سے زائد آمدن کا کیس پرانا ہے، اچانک اتنی تیزی کیوں آئی۔

یہ بھی پڑھیں:  اثاثہ جات کیس : نیب نے شہباز شریف کے پورے خاندان کو بیان کیلئے طلب کر لیا

حمزہ شہباز نے کہا ’ڈی جی نیب لاہور نے کہا آپ نے ضمانت کی درخواست کیوں دی، ہم تو آپ کو گرفتار نہیں کرنا چاہتے، آپ حکومت سیٹلمنٹ کرلیں، آپ کو بار بار بلانا اچھا نہیں لگتا، حکومت سے ڈیل کیوں نہیں کر لیتے۔‘

انھوں نے کہا کہ مجھ پر85 ارب کی کرپشن کا الزام لگایا گیا، میں نےایک ایک پائی کا حساب دیا، سب کچھ ڈکلیئر کیا، نواز شریف کی بیماری کا مذاق اڑایا جاتا ہے، عدالتوں سے گزارش ہے کہ مجھے اور نیب کو ایک ساتھ بلائیں، ہمارے ساتھ بد سلوکی ہو رہی ہے۔

واضح رہے کہ نیب اہل کار نوٹس وصولی کے لیے شہباز شریف کی بیٹی کے گھر گئے، جس پر نون لیگ کی رہنما مریم اورنگزیب نے غلط بیانی کرتے ہوئے میڈیا کو گمراہ کیا، انھوں نے کہا کہ شہباز شریف کی بیٹی کے گھر پر چھاپا مارا گیا اور پولیس نے محاصرہ کر لیا ہے، جب کہ حقیقت اس کے برعکس نکلی۔

لاہور: مسلم لیگ ن کے رہنما حمزہ شہباز کو لاہور ہائی کورٹ کی جانب سے 10 دن کے لیے بیرون ملک جانے کی اجازت ملنے کے بعد وہ اگلے 24 گھنٹے میں لندن روانہ ہو سکتے ہیں۔

حمزہ شہباز کے قریبی ذرائع کا کہنا ہے کہ حمزہ شہباز والدہ کی تیمار داری سمیت چھوٹے بھائی کو ملنے لندن جا سکتے ہیں، وہ آج رات لندن کسی بھی وقت روانہ ہو سکتے ہیں۔

[bs-quote quote=”شہباز شریف آج رات لندن کسی بھی وقت روانہ ہو سکتے ہیں۔” style=”style-7″ align=”left” color=”#dd3333″ author_name=”ذرائع”][/bs-quote]

خیال رہے کہ حمزہ شہباز کی ای سی ایل سے نام نکالے جانے کی درخواست کی سماعت کرتے ہوئے گزشتہ روز لاہور ہائی کورٹ نے انھیں 10 دن کے لیے بیرون ملک جانے کی اجازت دے دی ہے۔

حمزہ شہباز شریف کا مؤقف تھا کہ انھوں نے نیب کی تفتیش میں مکمل تعاون کیا، اس لیے ان کا نام ای سی ایل سے نکالا جائے۔

ایڈیشنل اٹارنی جنرل نے اعتراض کیا کہ لاہور ہائی کورٹ اس درخواست کی سماعت نہیں کر سکتی، ایف آئی اے کا ہیڈ کوارٹر اسلام آباد میں ہے، ایگزٹ کنٹرول لسٹ میں وہیں سےنام شامل کیا گیا۔

یہ بھی پڑھیں:  حمزہ شہباز شریف کو 10دن کے لیے بیرون ملک جانے کی اجازت مل گئی

ہائی کورٹ نے سرزنش کرتے ہوئے کہا کہ کیا وفاق اسلام آباد تک محدود ہے، عدالت کو غیر جانب دار رہنے دیں، ملک کو بنانا ری پبلک نہ بنائیں۔

بعد ازاں عدالت نے حمزہ شہباز شریف کو 10 دن کے لیے بیرون ملک جانے کی اجازت دیتے ہوئے کہا کہ وہ دس دن کے بعد واپس آ کر انکوائری کا سامنا کریں۔

لاہور: قومی احتساب بیورو (نیب) لاہور نے پنجاب اسمبلی میں قائدِ حزبِ اختلاف حمزہ شہباز شریف کو آج طلب کر لیا ہے۔

تفصیلات کے مطابق نیب لاہور نے حمزہ شہباز کو طلب کر لیا ہے، پنجاب اسمبلی میں قائدِ حزبِ اختلاف کو آج ایک بجے نیب دفتر پیش ہونے کا کہا گیا ہے۔

[bs-quote quote=”پہلے بھی آمدن سے زائد اثاثوں اور صاف پانی کیس میں نیب میں پیش ہو چکے۔” style=”style-7″ align=”left” color=”#dd3333″][/bs-quote]

نیب ذرائع کا کہنا ہے کہ حمزہ شہباز کو آمدن سے زائد اثاثوں اور صاف پانی کیس میں طلب کیا گیا ہے۔

حمزہ شہباز پہلے بھی آمدن سے زائد اثاثوں اور صاف پانی کیس کی تحقیقات کے سلسلے میں نیب میں پیش ہو چکے ہیں۔

خیال رہے کہ دو ہفتے قبل ایف آئی اے نے اپوزیشن لیڈر پنجاب اسمبلی حمزہ شہباز کے بیرون ملک فرار ہونے کی کوشش نا کام بنا دی تھی، وہ غیر ملکی ایئر لائن کی پرواز سے دوحہ جا رہے تھے۔

یہ بھی پڑھیں:  ایف آئی اے نے حمزہ شہباز کے بیرون ملک فرار ہونے کی کوشش ناکام بنادی

یاد رہے گزشتہ ماہ قومی احتساب بیورو (نیب) نے حمزہ شہباز اور سلمان شہباز کا نام ای سی ایل میں ڈالنے کی سفارش کی تھی اور اس ضمن میں وزارتِ داخلہ کو مراسلہ ارسال کیا گیا تھا۔

واضح رہے قومی اسمبلی میں اپوزیشن لیڈر شہباز شریف کے دونوں بیٹوں حمزہ شہباز اور سلمان شہباز پر سرکاری خزانے کے غیر قانونی استعمال کا الزام ہے۔