Tag: حمزہ شہباز کی حلف برداری

لاہور : چیف جسٹس لاہور ہائیکورٹ نے وزیر اعلیٰ حمزہ شہباز کی حلف برداری کیلئے اسپیکر قومی اسمبلی کو نامزد کرنے کیخلاف اپیل پر سماعت کیلئے پانچ رکنی فل بنچ تشکیل دے دیا۔

تفصیلات کے مطابق لاہور ہائی کورٹ نے وزیراعلیٰ حمزہ شہباز کی حلف برداری کے خلاف تحریک انصاف کی اپیل پر 5رکنی لارجر بنچ تشکیل دے دیا۔

لاہور ہائی کورٹ کے جسٹس صداقت علی خان پانچ بنچ کے سربراہ ہوں گے جبکہ بنچ کے دیگر ارکان میں جسٹس شاہد جمیل خان اور شہرام سرور چوہدری، جسٹس ساجد محمود سیٹھی اور جسٹس طارق سلیم شیخ شامل ہیں۔

لارجز بنچ تحریک انصاف کے 17 ارکان اسمبلی کی اپیل پر سماعت کرے گا۔

تحریک انصاف کی جانب سے لاہور ہائیکورٹ کے اُس فیصلے کو چیلنج کیا گیا، جس کے تحت وزیر اعلیٰ پنجاب کی حلف برداری کیلئے اسپیکر قومی اسمبلی کو نامزد کیا گیا۔

لاہور ہائی کورٹ کے دو رکنی بنچ نے چیف جسٹس لاہور ہائیکورٹ کو اپیل پر سماعت کیلئے فل بنچ تشکیل دینے کی سفارش کی. دو رکنی بنچ پہلے ہی اٹارنی جنرل پاکستان اور ایڈووکیٹ جنرل پنجاب کو نوٹس جاری کر چکا ہے۔

دو رکنی بنچ نے حلف برداری کے بارے میں سنگل بنچ کے فیصلے میں صدر اور گورنر پنجاب کے بارے میں ریمارکس پر بھی مبنی پیرا گراف کو گزشتہ کارروائی پر معطل کر دیا تھا۔

لاہور : گورنرپنجاب عمر سرفراز چیمہ نے حمزہ شہباز کی حلف برداری کے انتظامات ختم کرنے کے احکامات جاری کردیئے اور کہا میرا گھر ہے اس میں کسی کو گھسنے نہیں دوں گا۔

تفصیلات کے مطابق گورنر پنجاب عمر سرفراز چیمہ نے حلف برداری کے انتظامات ختم کرنے کے احکامات دیتے ہوئے کہا ن لیگ کےغنڈوں نےگورنرہاؤس پرقبضہ کرلیاہے، یہ میرا گھر ہے اس میں کسی کو گھسنے نہیں دوں گا۔

گورنر پنجاب کا کہنا تھا کہ کیا ن لیگ والے چاہتے ہیں کہ پی ٹی آئی کارکن وزیر اعظم ہاوس پرقبضہ کر لیں، چیف سیکرٹری ، آئی جی پنجاب اور کمشنر لاہور بد معاشی کرکے انتظامات کر رہے ہیں۔

یاد رہے گورنرپنجاب سے پوچھے بغیر حلف برداری کے انتظامات کیےگئے ، انتظامیہ نے رات گئے گورنرہاؤس کے انتظامات سنبھال لیے اور گورنرہاؤس جانے والے راستے بند کرکے 1400پولیس اہلکار تعینات کردیئے۔

خیال رہے گورنر ہاؤس میں نئے وزیراعلیٰ پنجاب کی حلف برداری کی تقریب ہوگی ، جس میں عدالتی حکم پرحمزہ شہبازگورنرہاؤس میں حلف اٹھائیں گے۔