Tag: حمزہ علی چوہدری

اداکار عمران اشرف کی سابق اہلیہ کرن اشفاق کے دوسرے شوہر کون ہیں اور کیا کرتے ہیں، مداح یہ جاننے کے لیے بے تاب ہیں۔

کرن اشفاق کی حمزہ علی چوہدری کے ساتھ نکاح کی ویڈیوز سوشل میڈیا پر وائرل ہوگئی ہیں جس میں نوبیاہتا جوڑا ایک دوسرے کے عقد میں آنے پر کافی خوش دکھائی دے رہا ہے۔ لوگ ماڈل کرن کے دوسرے شوہر کے بارے میں جاننے کے متمنی ہیں۔

کرن اشفاق کے دوسرے شوہر حمزہ علی چوہدری کی جائے تو وہ ایک نوجوان سیاست دان ہیں اور پاکستان پیپلز پارٹی سے وابستہ ہیں۔ وہ پنجاب میں پاکستان پیپلز پارٹی کی نمائندگی کرتے ہیں۔

حمزہ پیشے کے اعتبار سے ایک کارپوریٹ وکیل ہیں اور لاہور میں رہتے ہیں۔ وہ ماضی میں پروفیشنل کرکٹ بھی کھیل چکے ہیں تاہم اب وہ کرکٹر نہیں رہے۔

کرن کے دوسرے شوہر سیاسی حوالے سے کافی متحرک ہیں اور وہ تمام پارٹی سرگرمیوں میں حصہ لیتے نظر آتے ہیں۔

انھوں نے اپنے انسٹاگرام اکاؤنٹ پر چیئرمین پی پی بلاول بھٹو زرداری، فریال تالپور اور شہلا رضا سمیت پیپلز پارٹی کے سرکردہ رہنماؤں کے ساتھ تصاویر پوسٹ کی ہوئی ہیں۔

تاہم حمزہ کی جانب سے کسی بھی سوشل میڈیا پلیٹ فارم پر اپنی اہلیہ کرن اشفاق کے ساتھ کوئی تصویر پوسٹ نہیں کی گئی ہے۔

واضح رہے کہ معروف اداکار عمران اشرف کی سابق اہلیہ ماڈل کرن اشفاق ایک باصلاحیت پاکستانی اداکارہ ہونے کے ساتھ، سوشل میڈیا سوشل میڈیا انفلوئنسر اور کاروباری شخصیت بھی ہیں۔

عمران اشرف سے شادی کے بعد انھیں شہرت ملی تھی۔ عمران اور ان کا ایک خوبصورت بیٹا روحام ہے۔ کرن اور عمران میں 2022 میں علیحدگی ہوگئی تھی۔