Tag: حملہ آور گرفتار

فلوریڈا: امریکی ریاست فلوریڈا کے فورٹ لاڈرڈیل ایئرپورٹ پرفائرنگ کرنے والے شخص کوگرفتارکرلیا گیا ہے اس واقعے میں کم از کم پانچ افراد ہلاک ہوگئے تھے۔

تفصیلات کےمطابق پولیس حکام کا کہنا ہے کہ فائرنگ کے نتیجے میں پانچ افراد ہلاک جبکہ آٹھ افراد زخمی بھی ہوئے ہیں۔

امریکی حکام کا کہناہے کہ فائرنگ کرنے والے 26سالہ حملہ آور کی ایستیبان سینتیاگو کےنام سے ہوئی ہے۔حملہ آور نےعراق جنگ میں بھی حصہ لیاتھا۔

امریکی میڈیا کا کہنا ہے کہ زیرِ حراست شخص ذہنی طور پر پریشان تھا اور اس کے بارے میں یہ رپورٹ کیا گیا ہے کہ وہ کہتا تھا کہ حکومت اس کے ذہن کو کنٹرول کرتی ہے اور اسے جہادی ویڈیوز کو دیکھنےکوکہا جاتا ہے۔

حملہ آور نے لوگوں کو اس وقت نشانہ بنایا جب وہ ٹرمینل ٹو پر اپنا سامان لے رہے تھے۔عینی شاہدین کا کہنا ہے کہ جب حملہ آور کے پاس گولیاں ختم ہو گئیں تو اس نے پولیس کے سامنے ہتھیار ڈال دیے۔

پینٹاگون کا کہنا ہے کہ مشتبہ حملہ آور سنہ 2010 سے سنہ 2011 تک عراق میں تعینات رہا جبکہ گذشتہ برس اس کی ملازمت ختم ہوئی تھی۔

اس سے قبل وائٹ ہاؤس کے سابق پریس سیکریٹری ایری فلیچر نے ایک ٹویٹ میں کہا تھا کہ ’میں فورٹ لاڈرڈیل ایئرپورٹ پر موجود ہوں، یہاں فائرنگ ہوئی ہے، ہر کوئی بھاگ رہا ہے۔‘

I'm at the Ft. Lauderdale Airport. Shots have been fired. Everyone is running.

— Ari Fleischer (@AriFleischer) January 6, 2017

وائٹ ہاؤس کے ترجمان جوش ارنسٹ کا کہنا ہے کہ امریکی صدر باراک اومابا نے اس واقعہ میں ہلاک ہونے والے افراد کے لواحقین کے ساتھ تعزیت کی ہے۔

امریکی نو منتخب صدر ڈونلڈ ٹرمپ نے ایک ٹویٹ میں کہا ہے کہ وہ ’فلوریڈا کی دردناک صورتحال کا جائزہ لے رہے ہیں‘ اور انھوں نے اس حوالے سے فلوریڈا کے گورنر سے بات بھی کی ہے۔

Monitoring the terrible situation in Florida. Just spoke to Governor Scott. Thoughts and prayers for all. Stay safe!

— Donald J. Trump (@realDonaldTrump) January 6, 2017

واضح رہے کہ امریکہ میں اسلحے کے ساتھ سفر کرنا قانونی ہے البتہ اسے چیکڈ ان سامان کے ساتھ ٹھوس بکسے میں رکھا جاتا ہے اور گولیوں کو بھی سامان کے ساتھ علیحدہ رکھا جا سکتا ہے۔