Tag: حملہ

  • مصر میں پولیس قافلے پر حملہ ‘ 18 افراد ہلاک

    مصر میں پولیس قافلے پر حملہ ‘ 18 افراد ہلاک

    قاہرہ: مصر کے شمالی علاقے سیناء میں پولیس کے قافلے پر دہشت گردوں کے حملے میں 18 افراد ہلاک جبکہ متعدد زخمی ہوگئے۔

    تفصیلات کے مطابق مصر کے علاقے سیناء سے پولیس کا قافلہ گزر رہا تھا جس میں متعدد بکتر بند گاڑیاں شامل تھیں جنہیں سڑک کنارے نصب بم دھماکے کے ذریعے نشانہ بنایا گیا۔

    دھماکے بعد حملہ آوروں نے پولیس اہلکاروں پرفائرنگ کردی اور پولیس کی ایک وین کو اپنے ساتھ لے گئے۔

    مصر کی وزارت داخلہ نے واقعے کی تصدیق کرتے ہوئے کہا کہ سیناء کے قصبے بیرالعابد میں دہشت گردوں کے حملے میں 18 پولیس اہلکار ہلاک جبکہ متعدد زخمی ہوئے ہیں۔

    داعش نے پولیس قافلے پر حملے کی ذمہ داری قبول کرتے ہوئے دعویٰ کیا ہے کہ اس حملے میں 8 فوجیوں کو ہلاک کیا گیا ہے۔

    دوسری جانب امریکہ نے مصر میں ہونے والے حملے کی شدید مذمت کرتے ہوئے کہا ہے کہ مصر کو جب تک دہشت گردوں سے خطرہ ہے تب تک مصرکے ساتھ کھڑے ہیں۔


    مصر، چرچ میں دھماکا، 36 افراد ہلاک، متعدد زخمی


    واضح رہے کہ رواں سال 9 اپریل کو مصر کے شمالی علاقے میں چرچ میں دھماکے کے نتیجے میں 36 افراد ہلاک اور متعدد زخمی ہو گئے تھے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کابل میں‌ مسجد پر خودکش حملہ،فائرنگ، 20 افراد جاں بحق، 40 زخمی

    کابل میں‌ مسجد پر خودکش حملہ،فائرنگ، 20 افراد جاں بحق، 40 زخمی

    کابل : افغان دارالحکومت کابل کی مسجد پر خود کش حملے اور فائرنگ میں 20 افراد جاں بحق ہوگئے، داعش نے واقعے کی ذمہ داری قبول کرلی۔

    افغان میڈیا کے مطابق افغان دارالحکومت کابل میں اہل تشیع افراد کی ایک مسجد پر تین مسلح افراد نے حملہ کردیا، ایک حملہ آور نے خود کو گیٹ پر دھماکے سے اڑا لیا جب کہ دو مسجد میں داخل ہوگئے جو بعدازاں چار گھنٹے طویل مقابلے کے بعد  سیکیورٹی فورسز کی فائرنگ سے مارے گئے۔

    افغان وزارت داخلہ کے ترجمان نجیب دانش نے بتایا کہ کابل میں واقع امام زماں مسجد پر حملہ دوپہر میں اس وقت ہوا جب لوگ نماز جمعہ پڑھ کر باہر نکل رہے تھے، ایک حملہ آور نے اسی وقت خود کو دھماکے سے اڑا لیا جب کہ بقیہ حملہ آور مسجد میں داخل ہوگئے اور انہوں نے سیکیورٹی فورسز پر فائرنگ شروع کردی۔


    کابل: مسجد میں دھماکا، 4 افراد جاں بحق، 8 زخمی


    ترجمان نے مزید بتایا کہ چار گھنٹے کے مقابلے کے بعد فورسز نے مسلح شخص کو مار ڈالا۔


    افغانستان، مسجد میں دھماکا، 20 افراد جاں بحق، 30 زخمی


    وزارت صحت کے ترجمان اسماعیل نے بتایا کہ اب تک کم ازکم 20 افراد جاں بحق ہوچکے ہیں اور 40 زخمی ہیں، قبل ازیں انہوں نے یہ بھی کہا تھا کہ مرنے والوں میں دو پولیس افسر بھی شامل ہیں۔


    دہشت گردی کابل مسجد حملہ: شہدا کی تعداد 32 ہوگئی


    سی این این کے مطابق داعش نے واقعے کی ذمہ داری قبول کرتے ہوئے اپنے بیان میں کہا ہے کہ خودکش حملہ آوروں کے گروپ نے حملہ کیا۔

    افغانستان میں رواں ماہ مسجد پر ہونے والا یہ دوسرا حملہ ہے جس کی ذمہ داری داعش نے قبول کی ہے۔

    واضح رہے کہ گزشتہ سال نومبر میں افغان دارالحکومت کابل میں واقع ایک مسجد میں دورانِ نماز خودکش حملے کے نتیجے میں 32 افراد جاں بحق جبکہ متعدد زخمی ہوگئے تھے،حملے کی ذمہ داری داعش نے قبول کی تھی۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کابل: عراقی سفارتخانے پر حملہ، حملہ آور ہلاک

    کابل: عراقی سفارتخانے پر حملہ، حملہ آور ہلاک

    کابل: افغان دار الحکومت کابل میں عراقی سفارتخانے کے قریب خودکش دھماکہ اور فائرنگ کی گئی۔ حملہ آوروں نے سفارتخانے کو نشانہ بنانے کی کوشش کی تاہم حملہ آوروں کو ہلاک کردیا گیا۔

    ترجمان افغان وزارت دفاع کے مطابق کابل کے علاقے شہرِ نو میں واقع عراقی سفارتخانے کو 4 دہشت گردوں نے نشانہ بنانے کی کوشش کی۔

    حملہ آوروں نے عمارت میں داخل ہونے کی کوشش کی جس میں ناکامی کے بعد 1 حملہ آور نے خود کو دھماکے سے اڑا لیا۔ اس دوران فائرنگ کا سلسلہ بھی مستقل جاری رہا۔

    ترجمان کا کہنا تھا کہ عمارت میں موجود افراد کو محفوظ مقام پر منتقل کردیا گیا ہے۔

    حملے کے بعد سیکیورٹی فورسز نے فوری طور پر جوابی کارروائی کی۔ فورسز اور حملہ آوروں کے درمیان جھڑپ 4 گھنٹے تک جاری رہی جس کے بعد فورسز 3 حملہ آوروں کو ہلاک کرنے میں کامیاب رہیں۔

    افغان میڈیا کے مطابق شدت پسند دہشت گرد تنظیم داعش نے حملے کی ذمہ داری قبول کرلی ہے۔


  • وینزویلا کی قومی اسمبلی پرمسلح افراد کا حملہ‘ متعدد افراد زخمی

    وینزویلا کی قومی اسمبلی پرمسلح افراد کا حملہ‘ متعدد افراد زخمی

    کاراکاس: وینزویلا میں مسلح افراد نے قومی اسمبلی پرحملہ کیا اور اپوزیشن ارکان سمیت متعدد افراد کو تشدد کا نشانہ بنایا۔

    تفصیلات کےمطابق وینزویلا میں حکومت کےحامی گروپ نےقومی اسمبلی کا محاصرہ کرکےبموں اوردھماکہ خیزمواد سےحملہ کیا،مسلح افراد مرکزی دروازہ توڑ کر قومی اسمبلی میں داخل ہوئے،کئی اپوزیشن اراکین نے چھپ کر اپنی جان بچائی۔

    مسلح حملے کے نتیجے میں اپوزیشن ارکان اور صحافیوں سمیت ساڑھے 3سو افراد کئی گھنٹوں سے محصور ہیں، تشدد سے اپوزیشن ارکان سمیت متعدد افراد زخمی ہوگئےجنہیں اسپتال منتقل کیا گیا ہے۔

    قومی اسمبلی کی عمارت میں ہلکی نوعیت کےکئی دھماکے بھی سنے گئے،حکومت حامی گروہ کے تشدد سے 5اپوزیشن ارکان زخمی ہوئے ہیں۔


    وینزویلا میں سپریم کورٹ‘ وزارتِ داخلہ پر ہیلی کاپٹر سے حملہ


    دوسری جانب امریکہ نے وینزویلا میں قومی اسمبلی پر حکومت کے حامی گروہ کے حملے کی مذمت کی ہے۔

    یاد رہےکہ گزشتہ ماہ وینزویلا میں صدرنکولس مدوروکےحامی اورمخالفین کے درمیان کشیدگی میں اضافہ ہوگیاتھا‘ پولیس ہیلی کاپٹر سے سپریم کورٹ پر بمباری اور وزارتِ داخلہ کی عمارت پر فائرنگ بھی کی گئی تھی۔

    واضح رہےکہ وینزویلا کے صدر نکولس مدورونےپولیس ہیلی کاپٹر سے سپریم کورٹ پر بمباری کی کوشش دہشت گردحملہ قرار دیاتھا۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • مسجد الحرام میں حملے کا منصوبہ ناکام‘ حملہ آور ہلاک

    مسجد الحرام میں حملے کا منصوبہ ناکام‘ حملہ آور ہلاک

    مکہ المکرمہ: سعودی عرب میں مسجد الحرام پر دہشت گردوں کا حملہ سیکورٹی فورسز نے ناکام بنادیا۔

    تفصیلات کےمطابق سعودی وزارت داخلہ کا کہناہےکہ حملہ آورمسجد الحرام میں دھماکے کی منصوبہ بندی کررہا تھاجسے سیکیورٹی اہلکاروں نے ناکام بنادیا ہے۔

    غیر ملکی خبر رساں ادارےدہشت گرد منصوبہ ناکام بنانے کے لیے سعودی سیکیورٹی اداروں نے مکہ مکرمہ میں پہلی کارروائی العسیلہ کالونی میں کی، جبکہ دوسرا آپریشن مسجد الحرام کے نواح میں اجیاد المصافی نامی کالونی میں کیا گیا۔

    اجیاد کالونی کے ایک مکان میں چھپے ایک خودکش بمبار نے سیکیورٹی اہلکاروں پر اس وقت فائرنگ کی جب اہلکاروں نے اسے وارننگ دی کہ وہ خود کو قانون کے حوالے کردے تو دہشت گرد نے حکم ماننے کے بجائے خود کو دھماکے سے اڑا لیا۔

    سعودی حکام کےمطابق اس واقعے میں 6 زائرین اور 5 سیکیورٹی اہلکاروں کو معمولی زخم آئے جبکہ ایک خاتون سمیت پانچ افراد کو حراست میں لے کر ان کے خلاف تحقیقات شروع کر دی گئی ہے۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • لندن حملہ: مغربی میڈیا کے دوہرے معیار پر جے کے رولنگ برہم

    لندن حملہ: مغربی میڈیا کے دوہرے معیار پر جے کے رولنگ برہم

    لندن: برطانوی دارالحکومت لندن میں فینزبری پارک کے قریب نمازیوں پر گاڑی چڑھا دینے کے واقعہ پر مغربی میڈیا کے دوہرے معیار پر امریکی مصنفہ جے کے رولنگ سخت برہم ہوگئیں اور انہوں نے امریکی اخبار کو اپنی سرخی درست کرنے پر مجبور کردیا۔

    یاد رہے کہ یہ واقعہ گزشتہ روز پیش آیا تھا جب ایک شخص نے فینزبری پارک کے قریب مسجد سے تراویح پڑھ کر نکلنے والے نمازیوں پر وین چڑھا دی تھی۔ واقعے میں ایک شخص جاں بحق جبکہ 8 زخمی ہوگئے تھے۔

    مزید پڑھیں: دہشت گرد کا نمازیوں‌ پر حملہ، 1 شخص جاں بحق

    نمازیوں پر حملہ کرنے والا دہشت گرد 47 سالہ ڈیرن آسبورن تھا جسے بعد ازاں گرفتار کرلیا گیا۔ برطانوی میڈیا کے مطابق حملہ آور اسلامو فوبیا کا شکار تھا۔

    امریکی اخبار ڈیلی میل نے واقعے کی رپورٹنگ کرتے ہوئے حملہ آور کو صرف سفید فام وین ڈرائیور لکھا، جس پر شہرہ آفاق ہیری پوٹر ناول کی مصنفہ جے کے رولنگ نے تصحیح کرتے ہوئے ٹوئٹ کیا کہ ڈیلی میل نے دہشت گرد کو سفید فام وین ڈرائیور لکھا ہے۔

    تاہم بعد ازاں جے کے رولنگ نے یہ ٹوئٹ ڈیلیٹ کردی اور اس کی وضاحت دیتے ہوئے کہا کہ ڈیلی میل نے یہ الفاظ اس وقت استعمال کیے جب تعین نہیں کیا جا سکا تھا کہ آیا یہ حملہ دہشت گردانہ تھا یا نہیں۔

    اس کے کچھ دیر بعد ڈیلی میل نے بھی اپنی سرخی تبدیل کر کے اسے مشتبہ دہشت گرد حملہ لکھ دیا۔

    یاد رہے کہ یہ پہلا واقعہ نہیں جب جے کے رولنگ نے مغربی میڈیا کے دوہرے معیار کی طرف اشارہ کرتے ہوئے اس کی تصحیح کی ہو۔

    اس سے قبل کینیڈا کے شہر کیوبک میں واقع ایک مسجد میں ایک نوجوان لڑکے کی فائرنگ سے جب 6 نمازی شہید ہوگئے تھے تب بھی ڈیلی میل نے حملہ آور کو ’تنہائی کا شکار‘ قرار دیا تھا۔

    ڈیلی میل کی اس سرخی پر جے کے رولنگ سیخ پا ہوگئیں اور انہوں نے اپنے ٹوئٹ میں اس کی تصحیح کی، ’یہ ایک دہشت گرد ہے، تنہائی کا شکار نہیں‘۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • امام خمینی کے مزار پر خودکش حملہ، ایرانی پارلیمنٹ پر فائرنگ، 12 ہلاک

    امام خمینی کے مزار پر خودکش حملہ، ایرانی پارلیمنٹ پر فائرنگ، 12 ہلاک

    تہران: ایران کے دارالحکومت تہران میں آیت اللہ خمینی کے مزار پر خود کش حملے اور پارلیمنٹ پر مسلح افراد کے حملے میں 12 افراد ہلاک جبکہ 42 افراد زخمی ہوگئے۔

    ایرانی میڈیا کے مطابق صبح 11 بجے 4 مسلح افراد نے ایرانی پارلیمنٹ پر حملہ کیا۔ ایرانی ذرائع ابلاغ کے مطابق پارلیمنٹ پر حملہ کرنے والے چاروں حملہ آوروں کو ہلاک کر دیا گیا ہے تاہم ابھی تک یہ واضح نہیں ہے کہ حملے میں ہلاک ہونے والے 12 افراد میں حملہ آور بھی شامل ہیں یا نہیں۔

    ایوان کے اندر داخل ہونے کے بعد حملہ آوروں نے راہداری میں اندھا دھند فائرنگ کی جس سے 1 گارڈ اور پارلیمنٹ کے 1 ملازم سمیت متعدد افراد زخمی ہوگئے۔

    پارلیمنٹ کے اندر موجود ارکان کے مطابق فائرنگ سے زخمی ہونے والا گارڈ طبی امداد کے دوران زخموں کی تاب نہ لاتے ہوئے دم توڑ گیا۔ مقامی میڈیا کا کہنا ہے کہ حملہ آوروں نے پارلیمنٹ میں داخل ہو کر تمام دروازے بھی بند کردیے جس کے بعد ارکان پارلیمنٹ اندر ہی محصور ہوگئے۔

    غیر ملکی خبررساں ادارے کے مطابق اسلامی شدت پسند تنظیم دولت اسلامیہ نے حملے کی ذمہ داری قبول کرتے ہوئے ایک ویڈیو جاری کی ہے جو پارلیمنٹ کے اندر سے بنائی گئی ہے، حملے کے فوراً بعد سیکیورٹی فورسز تیزی سے حرکت میں آئیں اور پارلیمنٹ کو گھیرے میں لے لیا گیا۔ عینی شاہدین کے مطابق فورسز اور حملہ آوروں میں کافی دیر تک فائرنگ کا تبادلہ جاری رہا۔

    اس سے قبل پارلیمنٹ میں قومی سلامتی اور خارجہ پالیسی کمیشن کے مندوب حسینی نقوی حسینی نے میڈیا کو بتایا کہ صورتحال سیکیورٹی فورسز کے قابو میں ہے۔

    ایران کے سرکاری ٹی وی کا دعویٰ ہے کہ تمام حملہ آوروں کو ہلاک کیا جاچکا ہے جبکہ ایک خاتون کو بھی گرفتار کیا گیا ہے۔

    آیت اللہ خمینی کے مزار پر خودکش حملہ

    اسی دوران تہران کے جنوبی حصے میں واقع امام آیت اللہ خمینی کے مزار پر بھی 2 مسلح افراد داخل ہوئے اور انہوں نے فائر کھول دیا۔

    پریس ٹی وی کے مطابق مزار پر ایک خود کش حملہ آور نے خود کو دھماکے سے اڑا لیا جس سے کئی افراد زخمی ہوئے۔

    مزار کے اندرونی مناظر

    دوسرے حملہ آور کو گرفتار کرلیا گیا تاہم اس نے فورسز کی حراست میں زہر کا کیپسول کھا لیا۔ یہ واضح نہیں ہوسکا کہ وہ ہلاک ہوگیا یا تاحال زندہ ہے۔

    ملک بھر میں سیکیورٹی ہائی الرٹ

    تہران میں مذکورہ دہشت گردی کے واقعات پیش آنے کے بعد ملک بھر میں سیکیورٹی کو ہائی الرٹ کردیا گیا۔ حملوں کے بعد صدارتی محل سمیت تمام اہم مقامات کی سیکیورٹی بڑھا دی گئی۔

    دہشت گردی کے واقعات کے فوراً بعد ایرانی وزارت داخلہ نے ہنگامی اجلاس طلب کرلیا جس میں اہم فیصلے متوقع ہیں۔

    یاد رہے کہ ایران میں چند روز قبل ہی صدارتی انتخاب منعقد ہوئے ہیں جس میں صدر حسن روحانی نے واضح اکثریت کے ساتھ ایک بار پھر فتح حاصل کرلی ہے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • افغان فوجی کیمپ پرحملہ:10 فوجی ہلاک

    افغان فوجی کیمپ پرحملہ:10 فوجی ہلاک

    قندھار: افغانستان کے جنوبی صوبے قندھار میں فوجی بیس کیمپ پر مسلح شدت پسندوں کے حملے میں 10 افغان فوجی ہلاک ہوگئے۔

    تفصیلات کےمطابق افغان ضلع شاہ ولی کوٹ میں کیے جانے والے حملے10 فوجی ہلاک جبکہ 9زخمی ہوگئے۔زخمی ہونے والےاہلکاروں کو اسپتال منتقل کیا گیاجہاں ان کی حالت خطرے سے باہر بتائی جارہی ہے۔

    افغان فوجی کیمپ پر حملےکی ذمہ داری تاہم کسی گروپ یا تنظیم کی جانب سےقبول نہیں کی گئی ہے۔

    خیال رہےکہ اس سے قبل افغانستان کے جنوبی صوبے زابل میں طالبان کے جنگجوؤں نے مختلف سیکیورٹی چیک پوسٹس پر بیک وقت حملہ کردیا تھا جس کے نتیجے میں 20 پولیس اہلکار ہلاک ہلاک ہوگئے۔


    افغان صوبےپروان کےمدرسے میں دھماکہ‘9افراد ہلاک


    یاد رہےکہ رواں ماہ 9 مئی کو افغانستان کے شمالی صوبے پروان میں ایک مدرسے میں ہونے والے بم دھماکے کے نتیجے میں پروان علماکونسل کے سرابرہ مولوی عبدالرحیم حنفی سمیت 9افراد جاں بحق ہوگئے تھے۔


    افغانستان میں فوجی ہیڈکوارٹر پرحملہ‘140فوجی ہلاک


    واضح رہےکہ اس سے قبل گزشتہ ماہ شمالی صوبے بلخ میں طالبان کے حملے میں 140سیکیورٹی اہلکار ہلاک ہوگئے تھے جوکہ کسی افغان فوجی اڈے پر طالبان کا بدترین دہشت گرد حملہ تھا۔

  • اےآر وائی حملہ کیس: فاروق ستار کو گرفتار کر کے پیش کرنے کا حکم

    اےآر وائی حملہ کیس: فاروق ستار کو گرفتار کر کے پیش کرنے کا حکم

    کراچی: پاکستان مخالف نعرے لگانے اور اے آر وائی نیوز کے دفتر پر حملے کے کیس میں انسداد دہشت گردی عدالت نے ڈی جی رینجرز کو ایم کیو ایم رہنما فاروق ستار سمیت دیگر ملزمان کی 31 مئی تک گرفتاری کا ٹاسک دے دیا۔

    تفصیلات کے مطابق 22 اگست کو اے آر وائی نیوز کے دفتر پر حملہ کرنے کے کیس میں ایم کیو ایم رہنما فاروق ستار کی گرفتاری کا حکم جاری ہوگیا۔

    انسداد دہشت گردی عدالت نے ڈی جی رینجرز میجر جنرل محمد سعید کو ایم کیو ایم رہنما فاروق ستار سمیت دیگر ملزمان کو 31 مئی تک گرفتار کرنے کا ٹاسک دے دیا۔

    مزید پڑھیں: اے آر وائی نیوز کے دفتر پر ایم کیو ایم کارکنان کا حملہ

    عدالت نے ایم کیو ایم کے کنوینئر ڈاکٹر فاروق ستار اور سینئر ڈپٹی کنوینئر عامر خان کے وارنٹ بھجوا دیے۔

    اے ٹی سی نے حکم دیا کہ مفرور ملزمان کو گرفتار کر کے 31 مئی کو پیش کیا جائے۔

    یاد رہے کہ 22 اگست کو قائد متحدہ کی اشتعال انگیز تقریر کے بعد ایم کیو ایم کے مشتعل کارکنان نے اے آر وائی نیوز کے دفتر پر حملہ کردیا تھا۔

    مظاہرین نے دفتر میں شدید توڑ پھوڑ کی، سیکیورٹی عملے کو تشدد کا نشانہ بنایا جبکہ خواتین سمیت دفتر میں موجود ملازمین کو ہراساں کیا گیا۔

    مزید پڑھیں: اے آر وائی کے دفتر پر حملہ کرنے والے 3 ماسٹر مائنڈ گرفتار

    واقعے کے بعد ایم کیو ایم رہنماؤں نے اپنے قائد کے بیان سے لاتعلقی کا اظہار کردیا جس کے بعد متحدہ قومی موومنٹ دو دھڑوں، ایم کیو ایم پاکستان اور ایم کیو ایم لندن میں تقسیم ہوگئی۔

    حملے میں ملوث متعدد ملزمان کو گرفتار کیا جاچکا ہے جبکہ حملہ آوروں میں شامل خواتین کو بھی گرفتاری کے بعد ضمانت پر رہائی ملی تھی۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • افغان آرمی چیف ‘وزیردفاع عہدے سےدستبردار

    افغان آرمی چیف ‘وزیردفاع عہدے سےدستبردار

    کابل:افغانستان میں طالبان کے افغان فوجی بیس پرحملےمیں 140فوجیوں کی ہلاکت پرافغان آرمی چیف اور وزیردفاع عہدےسے مستعفی ہوگئے۔

    تفصیلات کےمطابق شمالی افغانستان میں افغان فوجی اڈے پر طالبان کے حملے میں 140فوجیوں کی ہلاکت کےواقعے پرافغان آرمی چیف جنرل قدم شاہ شاہم اور وزیردفاع عبداللہ خان حبیبی اپنے عہدے سے دستبردار ہوگئے۔

    افغان صدر اشرف غنی نے آرمی چیف اور وزیردفاع کے استعفے قبول کرلیے۔


    افغانستان میں فوجی ہیڈکوارٹر پرحملہ‘140فوجی ہلاک


    خیال رہےکہ 21اپریل کو افغان صوبہ بلخ میں ہونے والے طالبان کے حملے میں 140فوجی ہلاک اور متعدد زخمی ہوئے تھے۔

    عسکری حکام کاکہناتھاکہ حملے کے بعد کئی گھنٹوں تک جاری رہنے والی لڑائی میں دس طالبان جنگجو بھی مارے گئےتھے۔

    یاد رہے کہ اس سے قبل رواں سال مارچ میں بھی کابل کے مرکزی ملٹری اسپتال پر حملہ کیا گیا تھا جو کئی گھنٹے تک جاری رہا تھا۔اس حملےمیں 50افراد ہلاک ہوئے تھے اور حملے کی ذمہ داری داعش نےقبول کی تھی۔


    افغان فوج میں گھوسٹ بھرتیوں کا انکشاف


    واضح رہےکہ مزار شریف پرواقع فوجی ہیڈکوارٹر پر ہونے والے کے بعد ایک بار پھر فوج میں گھوسٹ فوجیوں کی موجودگی کا انکشاف ہوا ہے۔