ARYNews.tv | Urdu – Har Lamha Bakhabar

Tag: حملہ

  • بیلجیئم میں پولیس پر حملہ،2اہلکارزخمی

    بیلجیئم میں پولیس پر حملہ،2اہلکارزخمی

    برسلز: بیلجیئم کے دارالحکومت برسلزمیں حملے میں دو پولیس اہلکاروں کو چاقو مار کر زخمی کر دیاگیا ہے۔حکام کا کہنا ہے کہ پولیس اہلکاروں کی حالت خطرے سے باہر ہے۔

    تفصیلات کے مطابق بیلجیئن نشریاتی ادارے وی آر ٹی کے مطابق ایک پولیس اہلکار کو گردن اور دوسرے کو پیٹ میں چاقو مارے گئے، جبکہ تیسرے پولیس والے کی ناک توڑ دی گئی۔

    پولیس نے حملہ آور کی ٹانگ میں گولی مار کر اسے گرفتار کر لیاحکام کا کہنا ہے کہ43 سالہ حملہ آور کا نام ہشام ڈی ہے اور وہ بیلجیئم کا شہری ہے۔

    بیلجیئن میڈیا کے مطابق پولیس کے پاس حملہ آور کا ریکارڈ موجود تھا اور خیال رہے کہ ہشام نے2009 تک پولیس میں ملازمت کے فرائض انجام دیے تھے۔

    یاد رہے کہ رواں سال مارچ میں برسلز میں ہونے والے حملوں کے بعد سے ہائی الرٹ پر ہے۔ان دہشت گرد حملوں میں 35 افراد ہلاک جبکہ 300 سے زائد زخمی ہو گئے تھے۔

    مزید پڑھیں: بیلجیئم میں پولیس پر حملہ دہشت گردی کا واقعہ ہے،وزیراعظم چارلس مائیکل

    واضح رہے کہ رواں سال اگست میں بیلجیئم کے شہر شارلروآ میں پولیس اہلکاروں پر حملہ کیاگیا تھا جس میں دو پولیس اہلکارشدید زخمی ہوگئے تھے۔

  • بھارت نے پانی بند کیا تواعلان جنگ تصور ہوگا، مشیر خارجہ

    بھارت نے پانی بند کیا تواعلان جنگ تصور ہوگا، مشیر خارجہ

    اسلام آباد: مشیر خارجہ سرتاج عزیز نے کہا ہے کہ بھارت یک طرفہ طور پر نہ تو سندھ طاس معاہدہ ختم کر سکتا ہے اور نہ ہی اسے معطل یا اس کی خلاف ورزی کرسکتا ہے، پانی بند کرنے کا عمل اعلان جنگ تصور ہوگا۔

    اطلاعات کے مطابق مقبوضہ کشمیر میں مظالم، اقوام متحدہ میں مسلسل ہٹ دھرمی کے مظاہرے، مودی کی آبی دہشت گردی کی دھمکی کے خلاف پاکستان نے بند باندھنے کی ٹھان لی، مشیر خارجہ سرتاج عزیز نے دوٹوک الفاظ میں کہا ہے کہ سندھ طاس معاہدہ یک طرفہ طور پر ختم کرنے کی کوشش پاکستان کے ساتھ جنگ تصور کی جائے گی۔

    قومی اسمبلی میں توجہ دلاﺅ نوٹس پربات کرتے ہوئے سرتاج عزیز کا کہنا تھا کہاگر بھارت نےسندھ طاس معاہدے کی خلاف ورزی کی تو ہم بھی تیاری کر رہے ہیں،اس معاملے پرعالمی برداری کو آگاہ اوراعتماد میں لے رہے ہیں۔

    ان کا کہنا تھا کہ بھارت پانی روک سکتا ہے اور نہ ہی اسے کم کر سکتا ہے، بھارت نے سندھ طاس معاہدہ معطل کیا تو اسے منہ کی کھانی پڑے گی، مشیر خارجہ سرتاج عزیز کہتے ہیں بھارت کی جانب سے آبی جارحیت کی دھمکیوں پر مشیر خارجہ سرتاج عزیز نے قومی اسمبلی میں پالیسی بیان دیا۔

    سرتاج عزیز نے کہا کہ عالمی بینک سندھ طاس معاہدے میں نہ صرف سہولت کار تھا بلکہ اس معاہدے کا ضامن بھی تھا اور انڈیا یک طرفہ طور پر اس معاملے پر فیصلہ نہیں کر سکتا۔

    وزیراعظم کے مشیر خارجہ امور سرتاج عزیز نے کہا کہ اگر انڈیا نے سندھ طاس معاہدہ معطل کرنے کی کوشش کی تو پاکستان اس پر بھر پور احتجاج کرے گا اور اس معاملے کو عالمی بینک اور بین الااقوامی عدالت میں لے کر جایا جائے گا۔

    انہوں نے کہا کہ بھارت نے پاکستان کےخلاف پروپیگنڈا مہم شروع کر رکھی ہے، بھارت کی طرف سے دھمکی آمیز لہجہ افسوس ناک ہے، بھارت سندھ طاس معاہدے کی خلاف ورزی کر رہا ہے۔

    قبل ازیں بھارتی آبی دہشت گردی کے خلاف سیاسی قیادت یک جا نظر آئی، سینیٹ میں قائد حزب اختلاف اعتزاز احسن نے بھی کہہ دیاکہ بھارت پانی بند کرے گا تو یہ جنگ کے مترادف ہوگا۔

    سرتاج عزیز نے پالیسی بیان میں مزید کہا کہ بھارتی جاسوس کلبھوشن یادیو کے حوالے سے مکمل دستاویزی ثبوت کے ساتھ معاملہ جلد اٹھا رہے ہیں، پاکستان بھارتی مداخلت اور کلبھوشن کے نیٹ ورک سے متعلق دستاویزات اقوام متحدہ اور دیگر ممالک کو پیش کرے گا۔

    یاد رہے کہ سال 1960ء میں طے پانے والے سندھ طاس معاہدے کے تحت انڈیا کو مشرقی دریاؤں یعنی ستلج، راوی اور بیاس جب کہ پاکستان کو مغربی دریاؤں جہلم، چناب اور سندھ کو استعمال کرنے کے حقوق دیے گئے تھے۔

  • پاکستان بھارتی حکام کے بے بنیاد الزامات کی تردیدکرتاہے،سرتاج عزیز

    پاکستان بھارتی حکام کے بے بنیاد الزامات کی تردیدکرتاہے،سرتاج عزیز

    نیویارک : مشیر خارجہ سرتاج عزیز کا کہنا ہے کہ بھارت کی جانب سے پاکستان پر الزام مقبوضہ کشمیر میں انسانی حقوق کی خلاف ورزیوں سے توجہ ہٹانے کی کوشش ہے۔

    تفصیلات کےمطابق مشیر خارجہ سرتاج عزیز نےاوڑی واقعےپربھارتی ردعمل پر نیو یارک میں کہا کہ باقاعدہ تحقیقات سےقبل پاکستان پرالزام عائدکرناافسوسناک ہے۔پاکستان اس طرح کے بے بنیاد اور غیر ذمہ دارانہ الزامات کو دوٹوک انداز میں مسترد کرتاہے۔

    انہوں نے کہا کہ یہ برہان وانی کی شہادت کے بعد مقبوضہ کشمیر میں ہونے والی انسانی حقوق کی صورتحال پر سے توجہ ہٹانے کی واضح کوشش ہے۔

    مشیر خارجہ کا کہنا تھا کہ مقبوضہ کشمیر کی صورتحال پاکستان کی پیدا کردہ نہیں ہےبلکہ یہ بھارت کے غیر قانونی قبضہ اور ظلم کی طویل تاریخ کا نتیجہ ہے،جس میں ایک لاکھ افراد شہید ہوچکے ہیں۔

    انہوں نے کہا کہ مقبوضہ وادی میں 73روزسےجاری کرفیو اور احتجاج کے دوران بھارتی جارحیت سےبچےاوربوڑھےبھی محفوظ نہیں،جس کے دوران ایک سو زیادہ کشمیری شہید اور ہزاروں زخمی ہوچکے ہیں اور بڑی تعداد میں نوجوان پلیٹ گن کی فائرنگ سے نابینا ہوگئے ہیں۔

    مزید پڑھیں: کشمیریوں کےحق خودارادیت کی حمایت کرتےرہیں گے،وزیراعظم نواز شریف

    اس سے قبل نیویارک میں وزیراعظم نواز شریف نے امریکہ میں پاکستانی برادری سے بات کرتے ہوئے کہا ہے کہ پاکستان ہر سطح پر کشمیریوں کے حق خود ارادیت کی حمایت کرتا رہےگا۔

    مزید پڑھیں: اوڑی حملہ : پاکستان نے بھارتی الزامات کو بے بنیاد قرار دے دیا

    واضح رہے کہ گزشتہ روز پاکستان نے بھارتی وزیر داخلہ کے الزامات کو مسترد کرتے ہوئے بھارتی الزامات کو بے بنیاد اورغیرذمے دارانہ قرار دیا تھا۔

  • صومالیہ میں فوجی قافلےپرحملہ،جنرل سمیت6افراد ہلاک

    صومالیہ میں فوجی قافلےپرحملہ،جنرل سمیت6افراد ہلاک

    موغادیشو: صومالیہ میں حکام کے مطابق ایک خودکش حملے میں فوج کے ایک اعلیٰ افسر سمیت کم از کم چھ افراد ہلاک ہوگئے۔

    تفصیلات کےمطابق صومالیہ کے دارالحکومت موغادیشو میں حملہ آور نے وزارت دفاع کے ہیڈکوارٹرز کے قریب دھماکہ خیز مواد سے بھری گاڑی جنرل محمد جمالے گوبالے کے قافلے سے ٹکرا دی۔

    عینی شاہدین کے مطابق جنرل گوبالے کی گاڑی سڑک پر جارہی تھی جب ایک اور گاڑی نے اس کو ٹکر ماری اور دھماکہ ہوا۔یہ حملہ اس وقت ہوا جب فوجی قافلہ فوجی ہسپتال سے نکل کر وزارت دفاع کی جانب جا رہا تھا۔

    خیال رہے کہ ہلاک ہونے والے فوجی جنرل پر اس سے قبل بھی قاتلانہ حملے ہوچکے تھے۔ دھماکے کی ذمہ داری شدت پسند تنظیم الشباب نے قبول کی ہے۔

    مزید پڑھیں: صومالیہ میں صدارتی محل کے قریب دھماکہ، 20افراد ہلاک

    صومالیہ کے صدر حسن شیخ محمد نے اس واقعے پر افسوس کا اظہار کرتے ہوئے جنرل گوبالے کے خاندان کو تعزیتی پیغام بھیجا ہے۔

    واضح رہے کہ جنرل گوبالے صومالی فوج کے تھرڈ بریگیڈ کو کمانڈ کر رہے تھے جو جنوبی صومالیہ میں شدت پسند تنظیم الشباب کے خلاف برسرپیکار ہے۔

  • کشمیرمیں ہندوستانی فوجی مرکز پر حملہ، 17فوجی ہلاک

    کشمیرمیں ہندوستانی فوجی مرکز پر حملہ، 17فوجی ہلاک

    سری نگر: مقبوضہ کشمیر کے ضلع بارہ مولہ کے قصبے اوڑی میں قائم بھارتی فوجی مرکز پر مبینہ حریت پسندوں نے حملہ کیا ہے جس کے نتیجے میں 17فوجی اہلکار ہلاک اور متعدد زخمی ہوگئے ہیں۔

    تفصیلات کے مطابق اتوارکیصبح  ساڑھے پانچ بجے نامعلوم تعداد میں مسلح افراد بھارتی فوج کی 12 ویں بریگیڈ ہیڈکوارٹرز میں داخل ہوئے اور فائرنگ شروع کردی۔

    حملے کا نشانہ بننے والا یہ فوجی مرکز لائن آف کنٹرول کے قریب واقع ہے جہاں سرحدی تنازع کی وجہ سے پہلے ہی سیکورٹی بہت زیادہ سخت ہوتی ہے۔

    رپورٹ کے مطابق حریت پسندوں اور ہندوستانی فورسز کے درمیان فوجی مرکز کے اندر فائرنگ کا تبادلہ اب بھی جارہی ہے جبکہ دھماکوں کی بھی آوازیں سنائی دے رہی ہیں۔

    ہندوستانی وزیر داخلہ راج ناتھ سنگھ نے واقعے کی اطلاع ملتے ہی اپنا دورہ امریکا اور روس ملتوی کردیا جبکہ ہنگامی اجلاس بھی طلب کرلیا ہے۔

    دوسری جانب جموں و کشمیر کی وزیر اعلیٰ محبوبہ مفتی نے بھی وزیر داخلہ راج ناتھ سنگھ کو تازہ ترین صورتحال سے آگاہ کیاجبکہ جموں و کشمیر پولیس حکام نے حملے میں دو فوجی اہلکاروں کی ہلاکت اور 6 کے زخمی ہونے کی تصدیق کردی۔

    حملے کے بعد فوج کے خصوصی دستوں کو ہیلی کاپٹر کی مدد سے اوڑی میں اتارا گیا جبکہ اوڑی اور لائن آف کنٹرول کی طرف جانے والی سڑکوں کی سیکورٹی سخت کردی گئی ہے۔

  • لیگی کارکنان نے اسمبلی پر حملہ کیا، عمران خان، حملہ نہیں ہوا، مریم نواز

    لیگی کارکنان نے اسمبلی پر حملہ کیا، عمران خان، حملہ نہیں ہوا، مریم نواز

    اسلام آباد: چیئرمین تحریک انصاف نے کہا ہے کہ ’’مسلم لیگ کے غنڈوں نے خیبرپختونخوا اسمبلی پر حملہ کر کے سپریم کورٹ حملے کی یاد تازہ کردی جبکہ مریم نواز نے الزام کو مسترد کرتے ہوئے کہا ہے کہ اسمبلی پر کوئی حملہ نہیں ہوا کچھ نوجوانوں نے دروازے پر مسلم لیگ کے پرچم لگائے۔

    تفصیلات کے مطابق مسلم لیگ ن کے مشتعل مظاہرین کی جانب سے خیبرپختونخوا اسمبلی کے مرکزی دروازے پر لیگی کارکنان نے پارٹی جھنڈا لگایا، جس پر چیئرمین تحریک انصاف نے سماجی رابطے کی ویب سائٹ پر ٹوئٹ میں کہا ہے کہ ’’مسلم لیگ ن کے غنڈوں نے اسمبلی پر حملہ کر کے سپریم کورٹ حملے کی یاد تازہ کردی‘‘۔

      انہوں نے کہا کہ ’’مسلم لیگ ن نے پیپلزپارٹی کے دورِ حکومت میں صدر فاروق لغاری کے گھر مارچ کیا اور ایوانِ صدر کی دیواروں پر چڑھ کر اُس کے تقدس کو بھی پامال کیا تھا‘‘۔

    کپتان کا مزید کہنا تھاکہ ’’لیگی غنڈوں کا اسمبلی پر حملہ تحریک انصاف کے رائیونڈ مارچ کو روکنے کی سازش ہے تاہم اب رائیونڈ مارچ کا ارادہ پہلے سے زیادہ پختہ ہوگیا کیونکہ تحریک انصاف کا مارچ پرامن اور آئینی طریقوں سے کیا جارہا ہے تاہم  پی ٹی آئی رائیونڈ کسی کے گھر نہیں جارہی بلکہ کرپشن کے خلاف مارچ کرے گی‘‘۔  

       

    پڑھیں:  خیبرپختونخوا سمبلی پر لیگی کارکنان کا دھاوا، پارٹی پرچم لہرا دئیے

    عمران خان نے قائد مسلم لیگ ن پر تنقید کرتے ہوئے کہا کہ ’’نوازشریف آمریت کی پیداوار ہیں انہیں جمہوریت کی اصل روح کا علم نہیں تاہم یہ اُن کا خواب ہے کہ انہیں بادشاہت کا تاج پہنایا جائے یا پھر امیرالمومنین قرار دیا جائے‘‘۔

    دوسری جانب تحریک انصاف کے سنیئر رہنماء شاہ محمود قریشی نے بھی مسلم لیگ ن کے کارکنان کی جانب سے اسمبلی پر حملے کی مذمت کرتے ہوئے کہا ہے کہ ’’کرپشن اور پاناما لیکس کے پیچھے ہٹانے کے لیے حکمراں جماعت اوچھے ہتھکنڈوں پر اتر آئی ہے مگر ہم احتساب کے بغیر کسی صورت پیچھے نہیں ہٹیں گے‘‘۔ بعد ازاں وزیر اعظم کی صاحبزادی اور مسلم لیگ ن کی رہنماء مریم نواز نے سماجی رابطے کی ویب سائٹ پر اپنے ایک ٹوئٹ میں کہا کہ ’’خیبرپختونخوا اسمبلی پر حملہ نہیں کیا گیا تاہم کچھ نوجوانوں نے دروازے پر مسلم لیگ ن کے جھنڈے لگائے جو قابل قدر نہیں ہیں‘‘۔

    اُن کا مزید کہنا تھا کہ ’’نواز شریف کی واضح پالیسی ہے کہ سب کا احترام کیا جائے اور انہیں عزت دی جائے جس کو مسلم لیگ ن کے ورکرز نے پوری طرح اپنایا ہوا ہے تاہم تحریک انصاف اور عوامی تحریک کے کارکنان میں اس طرح کی کوئی بات موجود نہیں ہے‘‘۔

  • امریکہ میں مسلم خواتین پرتشدد،حجاب اتارنے کی کوشش

    امریکہ میں مسلم خواتین پرتشدد،حجاب اتارنے کی کوشش

    نیویارک: امریکہ میں 2 مسلمان خواتین پر راہ چلتے حملہ کرکے ان کے حجاب اتارنے کی کوشش کی گئی اور ان پر تشدد بھی کیا گیا۔

    تفصیلات کے مطابق امریکی ریاست نیویارک کے علاقے بروکلن میں دو مسلم خواتین اپنے 11 اور 15 ماہ کے بچوں کو ’پرام‘ میں لے کر چہل قدمی کررہی تھیں کہ ایک عورت نے ان پر پیچھے سے حملہ کردیا۔

    حملہ آور خاتون نے دونوں مسلم خواتین کو زد و کوب کیا اور مبینہ طور پر ان کے حجاب اتارنے کی بھی کوشش کی جبکہ اس دوران وہ مسلمانوں کے حوالے سے نازیبا جملے بھی ادا کرتی رہی۔

    خاتون نے ایک پرام کو زمین پر گرادیا اور دوسرے کو ٹھوکریں ماریں جبکہ اندر چھوٹے بچے موجود تھے،عدالتی دستاویز کے مطابق مسلم خواتین اور بچوں کو زیادہ چوٹیں نہیں آئیں۔

    مزید پڑھیں: نیویارک :امام مسجداور ان کے نائب کا قاتل گرفتار

    نیویارک پولیس ڈیپارٹمنٹ کا کہنا ہے کہ واقعے کے فوراً بعد حملہ کرنے والی خاتون کو گرفتار کرلیا گیا جس کی شناخت 32 سالہ ایمرجیتا ژیلیلی کے نام سے ہوئی۔

    عدالتی دستاویز کے مطابق حملہ آور مسلم خواتین پر تشدد کے دوران یہ کہتی رہی کہ ’امریکا سے نکل جاؤ،یہ تمہارا ملک نہیں‘۔

    واضح رہے کہ پولیس نے اسے نفرت انگیز واقعہ قرار دیا اور حملہ آور خاتون پر تشدد،ہراساں کرنے اور بچوں کی زندگی خطرے میں ڈالنے کے الزامات عائد کردیے گئے۔

  • گوادر: ترقیاتی منصوبوں کا افتتاح، اے آر وائی کو کوریج سے روک دیا گیا

    گوادر: ترقیاتی منصوبوں کا افتتاح، اے آر وائی کو کوریج سے روک دیا گیا

    گوادر: وزیر اعظم نواز شریف کے دورہ گوادر کے دوران مختلف منصوبوں کے سنگ بنیاد رکھنے کی تقریب میں اے آر وائی نیوز کے نمائندے کو شرکت سے روک دیا گیا۔

    تفصیلات کے مطابق وزیر اعظم نواز شریف آج گوادر پہنچے جہاں انہوں نے پاک چین اقتصادی راہداری منصوبے کے سلسلے میں گوادر فری ٹریڈ زون سمیت 5 مختلف منصوبوں کا سنگ بنیاد رکھا۔ اس موقع پر ان کے ذاتی اسٹاف کی جانب سے انتہا درجہ کی تفریق برتی گئی اور انہوں نے اے آر وائی نیوز کے نمائندے اللہ بخش کو تقریب میں شرکت سے روک دیا۔

    مذکورہ نمائندے کو سیکیورٹی کلیئرنس دی گئی تھی اور مقامی سیکیورٹی نے بھی طریقہ کار کے مطابق انہیں کلیئر قرار دیا لیکن وزیر اعظم کے ذاتی اسٹاف نے انہیں تقریب میں شرکت نہیں کرنے دی اور ان کا لوگو، کیمرا اور مائیک واپس رکھوا دیا۔

    کراچی: ایم کیو ایم کارکنان کا اے آر وائی نیوز کے دفتر پر حملہ *

    عملہ کا کہنا تھا کہ اس سلسلہ میں انہیں وزیر اعظم کی جانب سے واضح اور خصوصی ہدایات دی گئی ہیں کہ اے آر وائی نیوز کو شرکت نہ کرنے دی جائے۔

    اس موقع پر پورے ملک کا میڈیا بھی وہاں موجود تھا اور انہیں جانے کی اجازت دی گئی تاہم اے آر وائی نیوز کے ساتھ متعصبانہ رویہ اختیار کیا گیا۔

    صحافی تنظیموں اور عہدیداران نے واقعہ کی سخت مذمت کرتے ہوئے اسے نہایت شرمناک عمل قرار دیا۔

    واضح رہے کہ اس سے قبل بھی اے آر وائی نیوز متعصبانہ سلوک کا شکار رہا ہے اور وزیر اعظم اور ایوان صدر میں ہونے والی اکثر تقریبات میں اے آر وائی کے نمائندگان کو مدعو نہیں کیا جاتا۔


    ARY stopped from covering Gwadar project… by arynews

    اس سے قبل واشنگٹن میں ہونے والی وزیر اعظم کی ایک پریس بریفنگ میں بھی اے آر وائی نیوز کے سینیئر اینکر پرسن سمیع ابراہیم کو بھی شرکت سے روک دیا گیا تھا۔ اس موقع پر پاکستانی سفارت خانے کے عملہ نے ان سے بدتمیزی بھی کی تھی۔ وہاں موجود دیگر صحافیوں کی مداخلت پر معاملہ رفع دفع کیا گیا۔

  • عراق میں شادی کی تقریب پر حملہ،15 افراد جاں بحق

    عراق میں شادی کی تقریب پر حملہ،15 افراد جاں بحق

    بغداد: عراق کے جنوبی شہر کربلا میں ایک شادی کی تقریب کے دوران حملے کے نتیجے میں 15 افراد جان کی بازی ہارگئے.

    تفصیلات کے مطابق عراق کے شہر کربلا کے مغربی علاقے عین التمر میں شادی کی تقریب پر ایک خود کش بمبار سمیت داعش کے5دہشت گردوں نے حملہ کردیا.

    پولیس کے مطابق حملہ آوروں نے مشین گنوں سے فائرنگ کی اور تقریب کے شرکاء پر دستی بم بھی پھینکے،جس کے نتیجے میں 15 افراد ہلاک ہوگئے، تاہم سیکیورٹی فورسز نے تمام حملہ آوروں کو ہلاک کردیا.

    شادی کی تقریب میں حملےکی ذمہ داری دہشت گرد تنظیم دولت اسلامیہ نے قبول کرلی۔

    *ترکی میں شادی کی تقریب کے قریب دھماکہ،50افراد جاں بحق

    یاد رہے کہ گزشتہ ہفتے ترکی کے شہر غازی عنتاب میں ایک شادی کی تقریب کے قریب ہونے والے دھماکے کے نتیجے میں کم ازکم50 افراد جاں بحق اور 94 زخمی ہوئے تھے.

    عراق میں 2014 سے 2016 کے درمیان اتحادیوں نے عراق میں 9400 فضائی حملے کیے، جن کا مقصد مقامی فورسز کو شہروں، قصبوں اور سپلائی لائن کا قبضہ دوبارہ حاصل کرنے میں مدد فراہم کرنا تھا.

    واضح رہے کہ خانہ جنگی نے ناصرف عراق کے بنیادی ڈھانچےتباہ کردیا ہے بلکہ لاکھوں لوگوں کو ہجرت پر مجبور کیا اور ملک کا نقشہ ہی تبدیل کرکے رکھ دیا۔

  • فلپائنی فوج پرداعش کا حملہ،12 فوجی ہلاک

    فلپائنی فوج پرداعش کا حملہ،12 فوجی ہلاک

    منیلا: فلپائن کے ایک جزیرے پر داعش سے منسلک مسلح جنگجوؤں کے حملے میں ایک افسر سمیت 12 فوجی اہلکار ہلاک ہوگئے.

    تفصیلات کے مطابق فلپائنی فوج کے ترجمان کا کہنا تھا کہ مسلح جنگجوؤں کی جانب سے مذکورہ حملہ فوج کے جاری آپریشن کے پانچویں روز کیاگیا.

    میجر فائل مون ٹان کا کہنا تھا کہ جولو نامی جزیرے پر پاٹیکول ٹاؤن میں ڈیڑھ گھنٹے تک جاری رہنے والی مسلح جھڑپ میں 5 فوجی اہلکار زخمی بھی ہوئے.

    ان کا کہنا تھا کہ فوج نے ابو سیاف نامی تنظیم کے مسلح جنگجوؤں کی موجودگی کی اطلاع پر اس علاقے میں کارروائی کا آغاز کیا تھا تاہم انہیں شدید مزاہمت کا سامنا کرنا پڑا.

    فوجی ترجمان نے مزید کہا کہ ‘لڑائی بہت شدید تھی، جس میں 12 فوجی ساتھی جان کی بازی ہار گئے،دونوں جانب بھاری جانی نقصان ہوا ہے تاہم ایک اندازے کے مطابق داعش کے 30 سے زائد جنگجو ہلاک ہوئے’.

    *فلپائن میں جیل پرحملہ،داعش کے آٹھ دہشت گرد فرار

    یادرہے کہ گزشتہ روز فلپائن کے جنوبی شہر مروائی میں جیل پر حملہ کرکے دولت اسلامیہ سے منسلک آٹھ دہشت گردوں کورہا کرولیاگیاتھا.

    واضح رہے کہ جمعرات سے جاری فوجی آپریشن میں ابو سیاف گروپ کے 20 سے زائد جنگجو ہلاک ہوئے ہیں،اس آپریشن کے لیے صدر رودریگو دوتیرتے نے فوج کو حکم دیا تھا.