Tag: حملہ

لاہور: پنجاب میں پولیس پارٹی پر حملے کا ایک اور واقعہ سامنے آگیا، لاہور کے علاقے کینٹ بھٹہ کوہاڑ میں اہلکاروں کو بدترین تشدد کا نشانہ بنایا گیا۔

اے آر وائی نیوز کے مطابق پولیس اہلکاروں پر حملے کا مقدمہ تھانہ جنوبی کینٹ میں درج کر لیا گیا ہے۔ تھانہ ڈیفنس بی پولیس نے ملزمان کی گرفتاری کے لیے ڈیرہ جمیل پر چھاپہ بھی مارا۔

ایف آئی آر میں کہا گیا ہے کہ ڈیرے پر موجود مسلح افراد نے پولیس کو ہی یرغمال بنا لیا، مسلح افراد اہلکاروں کو موبائل وین سمیت ڈیرے میں لے گئے، مسلح افراد نے ڈیرے کا دروازہ بند کرکے اہلکاروں پر تشدد کیا۔

سندھ کی پولیس پارٹی پر پنجاب میں حملہ

ایف آئی آر کے مطابق مسلح افراد نے پولیس موبائل وین بھی توڑ دی، پولیس کو مطلوب ملزم یاسین پٹھان اور عاقب کی موجودگی کی اطلاع ملی تھی، مسلح افراد کے ساتھ جھگڑے میں مطلوب دیگر ملزمان فرار ہوگئے۔

ڈیرہ مالک جمیل عرف جیلا سمیت 16افراد کے خلاف مقدمہ درج کرلیا گیا ہے، مقدمہ اے ایس آئی اشفاق کی مدعیت میں درج کیا گیا۔ اس سے قبل گزشتہ روز پنجاب میں سندھ پولیس پارٹی پر حملہ ہوا تھا۔ پولیس اہلکار اہم ملزم کی گرفتاری کے لیے پنجاب گئے تھے۔ تاہم یہ معاملہ بھی زیر تفتیش ہے۔

ساہیوال: سندھ کی پولیس پارٹی پر پنجاب میں حملہ ہوگیا، پولیس پارٹی کراچی سے اغوا خاتون کی بازیابی کے لیے پنجاب گئی تھی، حملہ ساہیوال کے نواحی گاؤں میں کیا گیا۔

اے آر وائی نیوز کے مطابق حملہ آوروں نے سندھ پولیس پارٹی سے اسلحہ چھیننے کی کوشش بھی کی جس کے باعث ایک پولیس اہلکار زخمی بھی ہوا۔ حملہ آوروں نے اہلکار پر خنجر سے وار کیے۔

ذرائع کا کہنا ہے کہ زخمی پولیس اہلکار کو اسپتال منتقل کردیا گیا ہے، حملے کے دوران ایک گاڑی کو بھی شدید نقصان پہنچایا گیا۔ معاملے سے متعلق متعلقہ اداروں نے کارروائی کا آغاز کردیا ہے۔

دوسری جانب اینٹی نارکوٹکس فورس نے لاہورائیرپورٹ پر کارگو میں کارروائیاں کیں، دوران کارروائی ایک کارٹن سے لاکھوں روپے مالیت کی ہیروئن برآمد ہوئی، منشیات کو چوڑیوں کے ڈبوں میں مہارت سے چھپایا گیا۔

ذرائع اے این ایف کا کہنا ہے کہ کنسائنمنٹ رحمان مسیح کے نام سے بک کرائی گئی جو مالدیپ جارہی تھی، ایئرپورٹ کارگو میں ہی دوسری کارروائی میں 1.8کلو گرام ہیروئن پکڑی گئ، ہیروئن لیدر جیکٹ میں چھپائی گئی تھی۔

جیکٹس کی کنسائنمنٹ محمدندیم کے نام سے کینیڈا کے لیے بک کرائی گئی تھی، ملزم کو مزید تفتیش کے لیے سیل منتقل کردیا گیا ہے۔

لاہور: پاکستان تحریک انساف کے رہنما میاں اسلم اقبال کا کہنا ہے کہ بار کے الیکشن کے لیے شرمناک حرکت کی گئی، بعض سینئر وکلا بار الیکشن کے لیے شرمناک حرکت کا دفاع کر رہے ہیں۔

تفصیلات کے مطابق پی ٹی آئی رہنما میاں اسلم اقبال نے اے آروائی نیوز کے پروگرام آف دی ریکارڈ میں گفتگو کرتے ہوئے کہا کہ ڈاکٹرز اور وکلاء میں صلح ہوگئی تھی اگلے دن وکیلوں نے حملہ کیا، وکلاء گیٹ توڑ کر اسپتال کی ایمرجنسی میں داخل ہوئے۔

میاں اسلم اقبال نے کہا کہ بار کے الیکشن کے لیے شرمناک حرکت کی گئی، بعض سینئر وکلا بار الیکشن کے لیے شرمناک حرکت کا دفاع کر رہے ہیں۔

دوسری جانب آج لاہور کی انسداد دہشت گردی کی عداالت کے جج عبدالقیوم کے سامنے وکلاء کو پیش کیا گیا۔ عدالت نے پی آئی سی میں ہنگامہ آرائی اور توڑ پھوڑ میں ملوث وکلاء کو جوڈیشل ریمانڈ پر جیل بھیج دیا۔

وکلاٗٗٗ نے پنجاب انسٹی ٹیوٹ آف کارڈیالوجی پر دھاوا بول دیا

واضح رہے کہ وکلاء کی جانب سے گزشتہ روز پنجاب انسٹیٹیوٹ آف کارڈیالوجی کے اندر گھس کر توڑ پھوڑ کی گئی اور ڈاکٹروں کو تشدد کا نشانہ بنایا گیا۔ واقعے کی اطلاع ملنے کے بعد وزیر اطلاعات پنجاب فیاض الحسن چوہان رپورٹ لینے کے لیے موقع پر پہنچے تو مشتعل وکلاء نے انہیں بھی تشدد کا نشانہ بنایا۔

کراچی: شہر قائد کے علاقے سرجانی ٹاؤن میں پی ٹی آئی ایم این اے پر مبینہ حملے اور اغوا کی کوشش کی گئی، واقعے کا مقدمہ درج کر لیا گیا۔

تفصیلات کے مطابق کراچی کے علاقے سرجانی ٹاؤن میں پاکستان تحریک انصاف کے رکن قومی اسمبلی آفتاب جہانگیر پر مبینہ حملے اور اغوا کی کوشش کی گئی۔ دہشت گردی، جان سے مارنے کی کوشش اور اغوا کی دفعات کے تحت واقعے کا مقدمہ درج کرلیا گیا۔

آفتاب جہانگیر نے بتایا کہ گزشتہ روز سرجانی میں غریب آبادی کے گھرمسمار کیے جا رہے تھے، قبضہ مافیا، کے ڈی اے اور پولیس کی ملی بھگت سے کارروائی کی جا رہی تھی۔ انہوں نے کہا کہ میں نے قانونی دستاویزات طلب کیں تو لوگوں نے حملہ کر دیا، سول کپڑوں میں کلاشنکوف بردار افراد نے فائرنگ کرکے ہراساں کیا۔

تحریک انصاف کے رکن قومی اسمبلی نے کہا کہ عامر ہمایوں مرزا نامی شخص اور دیگر حملے واغوا میں ملوث ہیں، حملہ آوروں نے اپنا تعلق پیپلزپارٹی اور زرداری ہاؤس سے بتایا۔ انہوں نے کہا کہ اغوا کرنے، دھمکیاں دینے والے افراد کے خلاف مقدمہ درج کرایا، پولیس نے تاحال کسی کو گرفتار نہیں کیا۔

آفتاب جہانگیر نے کہا کہ واقعے کی رپورٹ درج کرانے کے لیے تھانے جانا چاہا تو راستے میں روک لیا گیا، واقعے کی فوٹیج میں دیکھا جاسکتا ہے مجھے اغوا کرنے کی کوشش کی جا رہی ہے، فوٹیج میں پولیس اہلکاروں کو بھی دیکھا جاسکتا ہے۔

حلیم عادل شیخ کے قافلے پر فائرنگ

یاد رہے کہ گزشتہ ہفتے کنری میں مجھ پر اور میرے ساتھیوں پر فائرنگ کرکے قاتلانہ حملہ کرایا گیا تھا، حلیم عادل شیخ کا کہنا تھا کہ راستے میں تیمور تالپور کے قافلے نے حملہ کیا تھا۔