ARYNews.tv | Urdu – Har Lamha Bakhabar

Tag: حنا الطاف

  • حنا الطاف نے حملے پر خوش ہونے والے بھارتی اداکاروں کو آڑے ہاتھوں لے لیا

    حنا الطاف نے حملے پر خوش ہونے والے بھارتی اداکاروں کو آڑے ہاتھوں لے لیا

    پاکستان شوبز انڈسٹری کی معروف اداکارہ و ہوسٹ حنا الطاف نے اپنے مداحوں پر زور دیا کہ وہ بالی ووڈ کی مشہور شخصیات کا بائیکاٹ کریں۔

    اداکارہ حنا نے انسٹا اسٹوری میں مشہور بھارتی اداکاروں کی جانب سے پاکستان میں معصوم جانوں کے نقصان پر خوشی میں کیے گئے ٹوئٹس کا ایک اسکرین شاٹ شیئر کیا ہے۔

    ساتھ ہی انہوں نے بھارتی فوج کی جانب سے نہتے پاکستانی شہریوں پر رات کے اندھیرے میں کیے گئے حملے پر جشن منانے والی بھارتی اداکاروں کو آڑے ہاتھوں لیا ہے۔

    اداکارہ نے اسکرین شاٹ شیئر کرتے ہوئے لکھا کہ پاکستان سرحد کے دونوں جانب معصوم جانوں کے نقصان کی مذمت کرتا ہے مگر ہمارے دکھ پر آپ لوگوں کو خوش ہوتے اور جشن مناتے دیکھنا بہت تکلیف دہ ہے۔

    اداکارہ نے اپیل کرتے ہوئے لکھا کہ میں صرف یہ کہنا چاہتی ہوں کہ ان تمام بھارتی اداکاروں اور ان لوگوں کو اَن فالو اور اَن سبسکرائب کریں اور اُن (پاکستانی فنکاروں) سے فاصلے پر رہیں جو اس ملک میں رہتے ہیں لیکن جب بات ہمارے وطن کی ہو تو خاموش رہتے ہیں۔

    پاک بھارت کشیدگی  سے متعلق تمام خبریں

    حنا الطاف نے مزید لکھا کہ سرحد کے پار کچھ لوگ جنگی جنون میں مبتلا ہیں جبکہ ہم مسلسل امن اور دوستی کی بات کر رہے ہیں لیکن دوستی کبھی بھی یکطرفہ نہیں ہوسکتی۔

    حنا الطاف نے لکھا کہ ہمیں ایسے لوگوں کے ساتھ رابطے میں رہنے کی کوئی ضرورت نہیں جو انتہائی سنگین حالات میں بھی حق کے لیے آواز نہیں اُٹھا سکتے۔

  • ’کسی کو دل سے چاہو اگر وہ نہ رہے تو دکھ ہوتا ہے‘

    ’کسی کو دل سے چاہو اگر وہ نہ رہے تو دکھ ہوتا ہے‘

    شوبز انڈسٹری کے معروف اداکار آغا علی کا کہنا ہے کہ کسی انسان کو دل سے چاہو اور اگر وہ رہے تو دکھ ہوتا ہے۔

    اے آر وائی ڈیجیٹل کے پروگرام ’گڈ مارننگ پاکستان‘ میں اداکار آغا علی نے شرکت کی اور ازدواجی زندگی سے متعلق اپنی رائے کا اظہار کیا۔

    انہوں نے کہا کہ اللہ نے جو لکھا ہے وہ ویسے ہی ہوتا آپ کچھ بھی کرلیں وہ نہیں بدل سکتے، میں سب کو یہ کہنا چاہوں گا آپ کسی بھی رشتے میں ہو تو سو فیصد کوشش کرو کہ چل جائے، یہ اسٹیج تبھی آنی چاہیے جب آپ نے تمام کوششیں کرلیں کہ سب ٹھیک ہوجائے۔

    آغا علی نے کہا کہ اگر کچھ صحیح نہیں ہے تو تمیز کے دائرے میں رہ کر فیصلہ کریں۔

    اداکار نے کہا کہ اگر آپ کو محسوس ہو کہ اس رشتے میں میری ذات ہی ختم ہوتی جارہی ہے یا جتنا میں انویسٹ کررہا ہوں اس کا 20 فیصد بھی سامنے والا دینے کو تیار نہیں تو پھر اس کے بارے میں بار بار بات کرو کیونکہ دنیا میں اس سے بڑا کوئی رشتہ نہیں ہے۔

    انہوں نے کہا کہ میں نے گزشتہ 8 ماہ سے شوٹنگ نہیں کی لیکن اس سے قبل جتنے پروجیکٹ چل رہے تھے وہ مکمل کیے، ہم دونوں کے ساتھ پروجیکٹ بھی مکمل کروائے۔

    آغا علی نے کہا کہ ایسا نہیں ہوسکتا کہ کوئی انسان کسی کو دل سے چاہے اور وہ نہ رہے تو دکھ نہ ہو۔

    واضح رہے کہ آغا علی اور حنا الطاف نے مئی 2020 میں کووڈ کے دوران شادی کی تھی اور ان کی شادی محض 2 سال ہی چل سکی۔

  • حنا الطاف کی شادی سے متعلق مشورے کی ویڈیو وائرل

    حنا الطاف کی شادی سے متعلق مشورے کی ویڈیو وائرل

    پاکستان شوبز انڈسٹری کی معروف اداکارہ و میزبان حنا الطاف کی شادی سے متعلق بیان سوشل میڈیا پر وائرل ہوگئی۔

    حنا الطاف نے کئی ڈراموں میں کام کیا ہے، وہ ایک کامیاب میزبان بھی رہی ہیں اور وہ اپنی نوعمری سے ہی انڈسٹری میں کام کر رہی ہیں، اداکارہ نے ساتھی اداکار آغا علی سے شادی کی تھی لیکن بات نہ بن سکی اور حال ہی میں دونوں میں طلاق ہو گئی۔

    آغا علی نے احمد علی بٹ کے پوڈ کاسٹ میں اس بات کا انکشاف کیا تھا کہ حنا الطاف سے طلاق ہوچکی ہے لیکن ہم دونوں اب بھی ایک دوسرے کا احترام کرتے ہیں۔

     

    View this post on Instagram

     

    A post shared by Galaxy Lollywood (@galaxylollywood)

    حال ہی میں اداکارہ نے شادی کے حوالے سے اپنے یوٹیوب چینل پر بات کی اور کہا کہ شادی کے معاملے میں ہرگز جلد بازی نہ کریں، شادی کی کوئی عمر نہیں ہوتی ہے۔

    اداکارہ کا ویڈیو کلپ سوشل میڈیا پر وائرل ہے جس میں انہیں یہ کہتے ہوئے سنا جاسکتا ہے کہ جب انسان کا نصیب ہوتا ہے اور صحیح شخص زندگی میں آتا ہے تو اسی وقت شادی جیسا فیصلہ کرنا چاہیے۔

    حنا الطاف نے کہا کہ جب آپ کا دل کہے کہ ہان بس یہ ہی ہے وہ شخص تو اس وقت شادی کریں، ہم نے بھی شادی کو ٹائم بم بنا لیا ہے کہ بس وقت نکل جائے گا، عمر گزر جائے گی، شادی کرلو، ایسا کچھ نہیں ہوتا۔

    اداکارہ نے مزید کہا کہ شادی میں جلدی نہ کریں اور جو آپ پر دباؤ ڈالے کہ شادی جلد کرو اس کو نظر انداز کریں، کہیں کہ آرام کرو اور مجھے بھی سکون لینے دو۔

    واضح رہے کہ آغا علی اور حنا الطاف کی شادی کووڈ کے دوران مئی 2020 میں ہوئی تھی جب کہ 2022 میں ان کے درمیان علیحدگی کی افواہیں گردش کرنے لگیں جسے آغا علی نے مسترد کردیا تھا۔

  • آغا علی نے حنا الطاف سے علیحدگی سے متعلق کیا کہا؟

    آغا علی نے حنا الطاف سے علیحدگی سے متعلق کیا کہا؟

    اداکار آغا علی نے اپنی اور اہلیہ حنا الطاف کی علیحدگی کے حوالے سے سامنے آنے والی خبروں کے بعد اپنے اکیلے رہنے کی تصدیق کردی.

    ٹیلی ویژن کے معروف پروگرام میں میزبان نے ان سے گھریلو ملازم کے حوالے سے سوال کیا جس کے جواب میں اداکار نے بتایا کہ بہت طویل عرصہ گزر گیا ہے میں نے گھریلو کام کاج کے لیے کوئی ملازم نہیں رکھا۔

    انھوں نے کہا کہ 2022 میں فیصلہ کیا تھا کہ مجھے گھریلو کام کے لیے کوئی ملازم نہیں چاہیے۔ میں نے پرسوں پہلی بار بیف لائم اسپاگیٹی بنائی جو بہت اچھی بنی تھی۔

    آغا علی نے کہا کہ اب میں اکیلے رہتا ہوں تو مجھ سے اپنا کام اور گھریلو ملازم مینج نہیں ہوپا رہا تھا۔ میں 10 سے 12 گھنٹے کام کے سلسلے میں گھر سے باہر رہتا ہوں۔

    اداکار نے کہا کہ گھریلو ملازم کی ٹائمنگ مینج نہیں ہوتی تھی، کبھی ایسا ہوتا تھا کہ میں کام کے لیے نکل جاتا تھا اس کے بعد ملازم آتا تھا یا کام کے لیے نکلنا ہوتا تھا تو اس وقت کام چل رہا ہوتا تھا۔

    انھوں نے بتایا کہ میں نے 24 گھنٹوں کے لیے ملازم بھی رکھ لیا تھا لیکن پھر اس کی بھی اپنی زندگی ہے، اسے بھی کبھی چھٹی چاہیے ہوتی تھی۔

    گھر کے کام کرنے کے حوالے سے انھوں نے انکشاف کیا کہ اپنے ایک کینیڈین دوست سے متاثر ہوکر گھر کے تمام کام خود کرنے کا فیصلہ کیا تھا۔

    واضح رہے کہ پچھلے سال سے اداکارہ حنا الطاف اور اداکار آغا علی کے درمیان علیحدگی سے متعلق افواہیں زیرِ گردش ہیں تاہم اس حوالے سے دنوں نے اب تک واضح موقف نہیں دیا۔

  • حنا الطاف نے اپنے کیریئر کا آغاز کیسے کیا؟

    حنا الطاف نے اپنے کیریئر کا آغاز کیسے کیا؟

    معروف اداکارہ حنا الطاف کا کہنا ہے کہ انہیں کیریئر کی ابتدا میں زیادہ مشکلات نہیں اٹھانی پڑیں اور انہیں جلدی جلدی مواقع ملتے گئے۔

    معروف پاکستانی اداکارہ حنا الطاف نے اے آر وائی نیوز کے پروگرام گڈ مارننگ پاکستان میں شرکت کی اور اپنی پیشہ وارانہ زندگی کے بارے میں بتایا۔

    انہوں نے کہا کہ انہوں نے اپنا پہلا آڈیشن 18 سال کی عمر میں وی جے کے لیے دیا تھا، اس کے بعد کئی آڈیشنز دیے۔

    حنا کا کہنا ہے کہ پھر ایک دن انہیں اچانک رات میں کال آئی کہ کیا وہ اگلی صبح پروگرام کر سکتی ہیں؟ پروگرام کی میزبان کسی وجہ سے چلی گئی تھیں اور ان کی جگہ پر فوری طور پر دوسرا شخص چاہیئے تھا۔

    انہوں نے کہا کہ وہ پروگرام کرنے چلی گئیں، سب کچھ بالکل ٹھیک ہوا اور پھر وہ مستقل شو کرنے لگیں۔ اس کے بعد انہوں نے اے آر وائی کے ساتھ ایک لمبا عرصہ کام کیا۔

    حنا کا کہنا تھا کہ اداکاری کے لیے بھی انہیں اچانک ہی آڈیشن دینے کا کہا گیا اور ان کا وہ آڈیشن بہت برا ہوا تھا، اس کے باوجود ان کا انتخاب کرلیا گیا۔ اس کے بعد انہوں نے متعدد ڈراموں میں کام کیا۔

  • حنا الطاف کا مداحوں کے لیے مشورہ

    حنا الطاف کا مداحوں کے لیے مشورہ

    کراچی: معروف پاکستانی اداکارہ حنا الطاف نے مداحوں کو زندگی آسان بنانے کا طریقہ بتا دیا، انہوں نے بتایا کہ وہ خود بھی اسی طریقے پر کاربند ہیں۔

    تفصیلات کے مطابق حنا الطاف نے سماجی رابطے کی ویب سائٹ انسٹا گرام پر مداحوں کے مختلف سوالات کے جواب دیے، ایک مداح نے حنا سے پوچھا کہ وہ ہر وقت اتنا مثبت کیسے رہتی ہیں؟

    حنا نے جواب دیا کہ میں نے اپنے ساتھ ایک وعدہ کیا ہوا ہے کہ جو پیار اور عزت دے آپ بھی اسے پیار اور عزت لوٹائیں، اور جو نہیں دیتا تو ایسے لوگوں کے لیے میری زندگی میں کوئی جگہ نہیں۔

    انہوں نے کہا کہ یہ زندگی کا آسان ترین فارمولہ ہے ابھی سے پکڑ لیں۔

    شادی سے متعلق پوچھے گئے سوال پر حنا نے بتایا کہ انہوں نے اپنی پسند سے اور محبت کی شادی کی ہے، ایک اور سوال پر انہوں نے کہا کہ وہ شادی کے بعد نہایت خوش اور پرسکون ہیں اور اس پر اللہ کا جتنا شکر ادا کریں وہ کم ہے۔

    خیال رہے کہ حنا الطاف نے کچھ عرصے قبل لاک ڈاؤن کے دوران اداکار آغا علی سے شادی کرلی تھی، شادی نہایت سادگی سے انجام پائی جس میں دونوں کے قریبی افراد نے شرکت کی۔

  • حنا الطاف کی شوہر کے لیے محبت بھری اور جذباتی تحریر

    حنا الطاف کی شوہر کے لیے محبت بھری اور جذباتی تحریر

    کراچی: معروف اداکارہ حنا الطاف نے اپنی شادی کے ایک ماہ بعد شوہر آغا علی کے لیے ایک محبت بھری اور جذباتی تحریر لکھی جسے مداحوں کی جانب سے بے حد پسند کیا جارہا ہے۔

    تفصیلات کے مطابق سماجی رابطے کی ویب سائٹ انسٹا گرام پر حنا الطاف نے اپنے شوہر سے متعلق ایک جذباتی تحریر لکھی۔ حنا نے لکھا کہ ایک ماہ ہوگیا ہے اور تمہارے ساتھ وقت پر لگا کر اڑ گیا، تم میری زندگی میں کیا جانے والا بہترین فیصلہ ہو۔

    انہوں نے لکھا کہ تمہارا اعتبار، تمہارا یقین، محبت اور کام کے وقت تمہارا دیا ہوا حوصلہ، تم ہمیشہ مجھے سنتے ہو، حتیٰ کہ میں جب تھکی ہوئی ہوں تو تم میرے لیے کھانا بھی بناتے ہو، اور اس سب کے لیے شکریہ۔

    حنا الطاف اور آغا علی گزشتہ ماہ نہایت سادگی سے رشتہ ازدواج میں منسلک ہوئے تھے، تقریب میں صرف دونوں کے قریبی افراد نے شرکت کی تھی۔

    انسٹاگرام پر اپنے مداحوں کو شادی کی اطلاع دیتے ہوئے حنا نے لکھا تھا کہ ابتدا میں ایک دوسرے سے نفرت کے بعد ہم دوست بنے، اور اب زندگی بھر کے ساتھی بن گئے ہیں۔ میں نے اپنی زندگی میں علی سے زیادہ وفادار اور خیال رکھنے والا انسان نہیں دیکھا۔

    انہوں نے لکھا تھا کہ آج ہم نے ایک دوسرے سے وعدہ کیا ہے کہ ہمارا ایک دوسرے سے تعلق خوشی، ہنسی، ایمانداری اور بھروسے کا ہے۔

  • حنا الطاف اور آغا علی رشتہ ازدواج میں بندھ گئے

    حنا الطاف اور آغا علی رشتہ ازدواج میں بندھ گئے

    کراچی: معروف ٹی وی فنکار حنا الطاف اور آغا علی رشتہ ازدواج میں بندھ گئے، سادہ سی تقریب میں صرف دونوں کے قریبی افراد نے شرکت کی۔

    تفصیلات کے مطابق سماجی رابطے کی ویب سائٹ انسٹاگرام پر حنا الطاف نے اپنی شادی کی تصاویر پوسٹ کرتے ہوئے مداحوں کو اس کی اطلاع دی۔

    حنا نے لکھا کہ ابتدا میں ایک دوسرے سے نفرت کے بعد ہم دوست بنے، اور اب زندگی بھر کے ساتھی بن گئے ہیں۔ میں نے اپنی زندگی میں علی سے زیادہ وفادار اور خیال رکھنے والا انسان نہیں دیکھا۔

    انہوں نے لکھا کہ آج ہم نے ایک دوسرے سے وعدہ کیا ہے کہ ہمارا ایک دوسرے سے تعلق خوشی، ہنسی، ایمانداری اور بھروسے کا ہے۔

    دوسری جانب آغا علی نے بھی لکھا کہ ہم نے کچھ سال قبل ایک ٹی وی شو کی میزبانی کی تھی اور اس وقت ہم ایک دوسرے سے نفرت کرتے تھے۔

    انہوں نے لکھا کہ اس کے بعد کئی سال بعد ہم دوبارہ ملے اور دوست بن گئے اور اس کے بعد اب ایک دوسرے کی زندگی کا حصہ بن گئے ہیں۔

     

    View this post on Instagram

     

    A few years ago we hosted a Tv show together and we hated each other , later met a couple of years ago again , and we became friends, then became best friends and last 11 months have been crazy! Movies, Street Fighter, Endless talks and You became a part of my life like no one has .. I loved every second I spent with you .. and then the Lockdown happened … I missed you like a part of me was missing!!! I realised and was sure that I want to spend the rest of my life you … and here we go! Like I always wanted ( neither we had a choice ) we Alhumdulliah on Jumma Tul Widaa 22nd May, 2020 , With just a bunch of our dear ones ( neither we had a choice ) got Nikkah-fied! Dua main yaad rakhna 🙌🏻 @hinaaltaf I Officially Love you ♥️ #AaghaAli #HinaAltaf #JustMarried

    A post shared by Aagha Ali (@aaghaaliofficial) on

    شوبز انڈسٹری سے تعلق رکھنے والے افراد اور مداحوں نے دونوں کی نئی زندگی کے آغاز پر انہیں ڈھیروں مبارکباد دیں اور نیک خواہشات کا اظہار کیا۔