اسلام آباد : وزیرریلوے حنیف عباسی کا کہنا ہے کہ ڈاکٹر عبدالقدیر خان کا بڑا پیروکار ہوں اور مرتے دم تک رہوں گا۔

تفصیلات کے مطابق وزیرریلوے حنیف عباسی نے اے آر وائی نیوز کو انٹرویو میں کہا کہ میں تو ڈاکٹر عبدالقدیر خان کا بڑا پیروکار ہوں اور مرتے دم تک ان کے ساتھ لگاؤ رہے گا۔

وزیر ریلوے کا کہنا تھا کہ ڈاکٹر اے کیو خان کے لیے ہیرو چھوٹا لفظ ہے، ان کا تو ملک پرسب سےبڑااحسان ہے، انھوں نے ملک کےلیےقربانی دی اورہمیشہ قربانی دیتے رہے۔

جعفر ایکسپریس حملے کے حوالے سے انھوں نے بتایا کہ جعفرایکسپریس پر حملے کے سارے ماسٹرمائنڈ پاکستان اور افغانستان کے اندر مارے گئے، ہم نے37 دہشت گرد پاکستان میں موقع پرمارےاورباقی افغانستان میں جاکر مارے۔

وفاقی وزیر کا مزید کہنا تھا کہ اب جو بھی ہماری فورسزپر حملہ کرے گا اسے بلوں میں سے نکال کر ماریں گے، ہمارے سویلین یا کسی پر بھی حملہ کرنے والا باہر بھی کہیں جائے گا وہاں جاکر اسے ماریں گے۔

لاہور : مسلم لیگ ن کے رہنما حنیف عباسی نے پی ٹی آئی آئی ایم ایف کو لکھے گئے خط کو ملکی معاشی خودمختاری پربراہ راست حملہ قرار دے دیا۔

تفصیلات کے مطابق مسلم لیگ ن کے رہنما حنیف عباسی نے پی ٹی آئی کیجانب سے آئی ایم ایف کو لکھے گئے خط پر ردعمل دیتے ہوئے کہا کہ پاکستان تحریک انصاف نےآئی ایم ایف کو ڈوزیئر جمع کرایا ، ڈوزیئر پاکستانی معیشت کونقصان پہنچانےکی ایک اورکوشش ہے۔

ن لیگی رہنما کا کہنا تھا کہ پی ٹی آئی کی یہ کوشش اس کے مسلسل ریاست مخالف رویے کا اظہارہے، جب بھی پاکستان معاشی بحالی کے دہانے پر ہوتا ہے پی ٹی آئی ساشیں کرتی ہے۔

انھوں نے کہا کہ پی ٹی آئی غیرملکی مداخلت ،سازشوں سےترقی کوسبوتاژ کرنےکی کوشش کرتی ہے، معاشی استحکام پاکستان کاقومی مقصد ہے، پی ٹی آئی اس نازک مرحلے پر معاشی استحکام کو متاثرکرنے کی کوشش کررہی ہے۔

حنیف عباسی کا کہنا تھا کہ پی ٹی آئی کی معاشی استحکام متاثرکرنےکی کوشش غیرمحب وطنی کامنہ بولتا ثبوت ہے، کوئی محب وطن جماعت عالمی مالیاتی اداروں میں اپنےملک کیخلاف لابنگ نہیں کرتی۔

ن لیگی رہنما نے کہا کہ پی ٹی آئی کاآئی ایم ایف کو لکھا گیا خط ملکی معاشی خودمختاری پربراہ راست حملہ ہے، خط سیاسی چال نہیں معاشی خودمختاری پر حملہ ہے۔

ان کا مزید کہنا تھا کہ تاریخ اپنے آپ کو دوہرا رہی ہے، پی ٹی آئی کے رہنما پہلے بھی ایسا کر چکے ہیں، پی ٹی آئی آئی ایم ایف ڈیل کو نقصان کیلئےغیرملکی قوتوں سےمدد طلب کرتی رہی۔

انھوں نے بتایا کہ آئی ایم ایف ہیڈکوارٹرز کے باہراحتجاج سے لے کر سابق وزرائے خزانہ کی لیک شدہ گفتگو سامنے ہیں، پی ٹی آئی کا پاکستان کی معیشت کو نقصان پہنچانے کا ریکارڈ واضح ہے، جب پی ٹی آئی اقتدار میں تھی تو معیشت کو بری طرح چلایا۔

رہنما ن لیگ نے مزید کہا کہ پی ٹی آئی اب اپوزیشن میں رہ کرمعاشی بحران بڑھانے کی کوشش کر رہی ہے، پی ٹی آئی جمہوری ذرائع کی بجائے غیر ملکی مداخلت سے مسائل کا حل چاہتی ہے، یہ سب ثابت کرتا ہے کہ پی ٹی آئی کےمفادات قومی مفادات سے متصادم ہیں۔

ان کا کہنا تھا کہ پاکستان اس وقت معاشی بحالی کی راہ پر گامزن ہے ، اسٹریٹجک شراکت داری، تجارتی معاہدے اورپالیسی اصلاحات ہورہی ہیں اور پی ٹی آئی معاشی بحالی کو سبوتاژ کرنے کی کوشش کر رہی ہے، پی ٹی آئی کا آئی ایم ایف کو ڈوزیئر جمع کرانے کا وقت کوئی اتفاق نہیں سازش ہے، پی ٹی آئی کی سازش ہے اس نازک مرحلے پر معیشت کو غیر مستحکم کیا جائے۔

ن لیگی رہنما نے کہا کہ کوئی ذمہ دار سیاسی جماعت معاشی چیلنجز کو سیاسی فائدے کے لئے ہتھیار نہیں بناتی، پی ٹی آئی قومی بحرانوں سے ہی اپنی سیاست چمکاتی ہے۔

ان کا مزید کہنا تھا کہ پی ٹی آئی اقدامات پاکستان کے عوام، معیشت اور مستقبل کو نشانہ بناتے ہیں، قوم کوپی ٹی آئی کے بار بار دہرانے والے طرز عمل کو پہچاننا ہوگا، جب بھی ملک ترقی کی راہ پر آتا ہےپی ٹی آئی تخریبی عنصرکےطور پر سامنے آتی ہے۔

لاہور : مسلم لیگ ن کے رہنما حنیف عباسی نے ایف بی آر افسران کو گاڑیاں نہ دینے کے معاملے پر سوال کیا کہ کیا افسران گدھا گاڑی پر جا کر ٹیکس اکٹھا کریں گے۔

تفصیلات کے مطابق مسلم لیگ ن کے رہنما حنیف عباسی نے اپنے بیان میں کہا کہ گزشتہ دنوں ایف بی آر کی گاڑیوں پر شور مچا ہے ، ایف بی آر افسران کو گاڑیاں نہیں دیں گے تو وہ ٹیکس کیسے اکٹھا کریں گے۔

ان کا کہنا تھا کہ ملک کی برآمدات بڑھ رہی ہے شرح سود کو کم کیا گیا ہے ، اب اس پر امریکااور روس میں مقابلہ بڑھ گیا ہے اور امریکی سرمایہ کار پاکستان میں سرمایہ کاری کر رہے ہیں۔

ن لیگی رہنما نے مزید کہا کہ پاکستان سے اب گالم گلوچ کی سیاست ختم ہونی چاہیے، ہم سب پہلے پاکستانی ہیں اور اس کی حفاظت ہم سب پر فرض ہے، یہ ملک ہمیشہ قائم رہے گا،یہاں کی معدنیات پرہر کسی کو اس کا حصہ ملے گا۔

مزید پڑھیں : ایف بی آر نے 1010 گاڑیوں کی خریداری کا معاملہ روک دیا

خیال رہے فیڈرل بورڈ آف ریونیو (ایف بی آر) نے سینیٹ کی قائمہ کمیٹی برائے خزانہ کی ہدایات پر عملدرآمد کرتے ہوئے افسران کیلیے 1010 گاڑیوں کی خریداری کا معاملہ روک دیا ہے۔

چیئرمین ایف بی آر راشد لنگڑیال نے اپنے بیان میں کہا تھا کہ خزانہ کمیٹی کو مطمئن کرنے تک گاڑیاں نہیں خریدیں گے، کمیٹی پہلے پیپرا رولز پر پیپرا اتھارٹی کو بلائے، جب تک پیپرا رولز پر کمیٹی مطمئن نہیں گاڑیوں کی خریداری منجمد رہے گی

اسلام آباد: مسلم لیگ ن کے رہنما حنیف عباسی نے اپوزیشن لیڈر کو مخاطب کرتے ہوئے کہا کہ اتنے بڑے بڑے آپ کے خلاف اتنے بڑے بڑے وعدہ معاف گواہ تیارہیں کہ آپ کا بچنا ناممکن ہے۔

تفصیلات کے مطابق مسلم لیگ ن کے رہنما حنیف عباسی نے قومی اسمبلی کے اجلاس میں اظہار خیال کرتے اپوزیشن پر تنقید کرتے ہوئے کہا کہ اس وقت دنیاپاکستان پرحملہ آورہےآپ توانکےآلہ کارلگ رہےہیں، امریکا اور اسرائیل سے جوفنڈنگ آرہی ہےوہ شایداسی کام کیلئےہے۔

ن لیگی رہنما کا کہنا تھا کہ آپ کےحق میں فیصلہ نہ آئےتوگلےپڑجاتےہیں، آپ کوتھوڑی سی تکلیف ہوتوکہتےہیں فلاں ادارے نے اٹھالیا ہے۔

انھوں نے کہا کہ آپ کہتےہیں 9مئی کی ویڈیوز لیکر آئیں لوگ اندھےہیں، آپ نے پلاننگ کے تحت حملہ کیا آپ کیخلاف وعدہ معاف گواہ تیارہیں، اتنے بڑے بڑے وعدہ معاف گواہ تیارہیں کہ آپ کابچناناممکن ہے،حنیف عباسی

مسلم لیگ ن کے رہنما کا مزید کہنا تھا کہ ہماری فوج اتنی کمزورنہیں جوالزام تراشیاں کرکے دباؤ ڈال لیں گے، ہماری فوج تو ہندوستان سےنہیں ڈری آپ سےکیاڈرےگی۔

انھوں نے کہا کہ اب بھی موقع ہے معافی مانگیں ،میں آپ کے ساتھ چلتا ہوں، وزیراعظم کی ضرورت نہیں پڑےگی میں آپ کو معافی دلاؤں گا۔

رکن قومی اسمبلی نے اپوزیشن کو مخاطب کرتے ہوئے کہا کہ جن پرچڑھائی کی آگ لگائی وہ آپ کے اپنے ہی لوگ ہیں، آپ لوگو ں نے شہدا کے وارث کے کلیجے پر چھری چلائی ہے، آپ اقتدارکی ہوس میں سب کچھ کیوں بھول گئے ہیں، آپ توبس کہتےہیں کہ آپ کو وزیراعظم بنا دیا جائے لیکن وزیراعظم بننے کیلئے پھانسی اور قیدیں کاٹناپڑتی ہیں۔

ان کا کہنا تھا کہ بانی پی ٹی آئی کو9مئی واقعات پرسزاہوجائےتوکیاملک کوآگ لگا دیں گے، ملک کوآگ نہیں لگےگی کیونکہ لوگوں کے سامنے 9 مئی کے مناظر ہوں گے، انہیں گڈٹوسی یو اور صادق وامین کہنےوالےجج چاہئیں لیکن ایسے لوگ کافی حدتک ختم ہوگئےباقی بھی ہوجائیں گے۔

اسلام آباد: مسلم لیگ ن کے رکن اسمبلی حنیف عباسی کا کہنا ہے کہ آئی پی پیزبند کردیں تو ملک کے اربوں روپے بچ جائیں گے۔

تفصیلات کے مطابق مسلم لیگ ن کے رکن اسمبلی حنیف عباسی نے قومی اسمبلی میں اظہار خیال کرتے ہوئے کہا بہت شور ہورہا تھا کہ سولر پر حکومت ٹیکس لگارہی ہے لیکن سولر پر ٹیکس نہیں لگا، ادویات پر ٹیکس نہیں لگا۔

ن لیگی رہنما کا کہنا تھا کہ ملک میں معاشی ایمرجنسی ہے، آئی پی پیز نے اربوں کمالیے، آئی پی پیز کو بند کر دیں تو پاکستان کو اربوں روپے بچیں گے، ہم نے آئی پی پیز کو نہیں ملک کو بچانا ہے۔

بجٹ میں تنخواہ دارطبقے پر ٹیکس کی مخالفت کرتے ہوئے انھوں نے کہا کہ ان ڈائریکٹ ٹیکس تو لیتے ہیں اصل مسئلہ ڈائریکٹ ٹیکسز کا ہے، ایک لاکھ 50ہزار سیلری والے پر ٹیکس لگا رہے ہیں۔

رکن اسمبلی کا کہنا تھا کہ جس چین کے گن گا رہے ان کا صدر آنا چاہتا تھا انہوں نے نہیں آنے دیا، جب بھی ملک ترقی کرنے لگتا ہے کچھ عناصرمفاد کی خاطر کھینچنا شروع کردیتے ہیں۔

انھوں نے پی ٹی آئی کی جانب اشارہ کرتے ہوئے کہا کہ ایسی فورس پیدا ہوئی جس نے بد تمیزی کا کلچر دیا، ہماری سیاسی اخلاقی اقدار کی گراوٹ 2013میں شروع ہوئی، نیلسن منڈیلا ایسے نہیں بناجاتا، نیلسن منڈیلا بننے کیلئے پتھرتوڑنے پڑیں گے۔

انھوں نے بتایا کہ نیلسن منڈیلا نے جب پانی مانگا تھا ان کو کیادیاگیاتھا یہ سب نے پڑھا ہے، نیلسن منڈیلا مزدوری کرتاتھا ان سے پتھرتوڑوائےجاتےتھے لیکن ہمارانیلسن منڈیلا 90فٹ کے گھر میں رہتاہے، اس کو دیسی گھی اوردیسی مرغی دی جاتی ہیں۔