Tag: حوثی باغی

ریاض: حوثی باغیوں نے سعودی آئل فیکٹریوں پر ڈرون حملے کی ذمے داری قبول کرتے ہوئے دھمکی دی ہے کہ مزید اسی طرز کے حملے کیے جاسکتے ہیں۔

تفصیلات کے مطابق حوثی باغیوں کے ایک ترجمان نے بتایا کہ اس حملے کے لیے دس ڈرونز استعمال کیے گئے تھے اور سعودی حکومت کے خلاف حملوں میں مزید اضافہ کیا جائے گا۔

غیر ملکی خبررساں ادارے کے مطابق یمن میں سعودی عرب کی قیادت میں عسکری اتحاد کے حملوں کے بعد سے ایران نواز یمنی حوثی باغی سعودی عرب کے تیل کے ذخائر پر حملے کرتے رہے ہیں۔

دریں اثناء سعودی حکام کا کہنا ہے کہ ملکی آئل کمپنی کی دو فیکٹریوں پر ڈرونز سے کیے گئے حملوں کے بعد لگنے والی آگ پر قابو پا لیا گیا ہے۔

سعودی عرب میں تیل فیکٹریوں پر ڈرون حملہ، پاکستان کا اظہار مذمت

ادھر سعودی عرب میں تیل فیکٹری پر حملے پر پاکستان نے شدید اظہار مذمت کرتے ہوئے کہا ہے کہ حملے سے انفراسٹرکچر کو نقصان پہنچا اور تجارتی سرگرمیاں متاثر ہوئیں۔

ترجمان دفتر خارجہ نے کہا کہ ہم تیل کی فیکٹری پر ڈرون حملے کی شدید مذمت کرتے ہیں، پاکستان امید کرتا ہے کہ ایسے واقعات آیندہ نہیں ہوں گے۔

دفتر خارجہ نے مزید کہا ہے کہ ایسے واقعات سے علاقائی امن کو خطرات لاحق ہو سکتے ہیں، پاکستان امن و سلامتی میں سعودی عرب کے ساتھ کھڑا ہے۔

صعنا: یمن میں حوثی باغیوں اور فورسز کے درمیان شدید جھڑپوں کے نتیجے میں دونوں اطراف سے 16 افراد مارے گئے۔

تفصیلات کے مطابق یمنی شہر عتق میں یمنی حکومتی فوج اور عبوری کونسل کی فورسز کے درمیان شدید جھڑپیں ہوئیں، جھڑپوں میں دونوں اطراف سے 16 ارکان ہلاک اور درجن سے زائد زخمی ہوگئے۔

غیر ملکی خبر رساں ادارے کے مطابق جھڑپوں کے دوران جنوبی عبوری کونسل کے زیر انتظام الشبوانیہ ایلیٹ فورس شہر میں اپنے متعدد ٹھکانوں کو چھوڑ کر نکل گئی۔

ادھریمن میں جنوبی عبوری کونسل کے نائب سربراہ ہانی بن بریک نے یمن میں آئینی حکومت کو سپورٹ کرنے والے اتحاد سے مطالبہ کیا ہے کہ وہ شبوہ صوبے کے شہر عتق میں جنم لینے والی صورت حال کے ذمے دار فریق کا پتہ چلانے کے واسطے ایک تحقیقاتی کمیٹی بھیجے۔

عرب اتحاد نے صعدہ میں حوثیوں کا آپریشن کنٹرول روم تباہ کردیا،17جنگجو ہلاک

بن بریک کا یہ مطالبہ جمعہ کو علی الصبح کی جانے والی ایک ٹویٹ میں سمنے آیا۔ دوسری جانب شبوہ صوبہ کے سیکورٹی ڈائریکٹر بریگیڈیر جنرل عوض الدحبول نے کہا کہ یمنی فوج اور سیکورٹی فورسز نے عتق شہر کی صورت حال پر قابو پا لیا ہے۔

جبکہ شبوہ صوبے کے شیوخ اور اہم شخصیات نے جاری ایک بیان میں کہا کہ عبوری کونسل صوبے کو تشدد اور انارکی میں دھکیلنا چاہتی ہے۔ شیوخ نے بیان میں واضح کیا کہ وہ صدر عبدربہ منصور ہادی کی سیاسی قیادت اور یمنی قومی فوج کے شانہ بشانہ کھڑے ہیں۔